曾發表「細價樓爆煲論」的紀惠集團行政總裁湯文亮，近月幾乎一面倒唱淡樓市，但昨日卻突然改口叫自己做「睇好樓市的大淡友」，理由是紀惠今年至今動用6億元至7億元買物業，買入比賣出多。其最新文章又認為樓市危機不會出現，而當初他的「細價樓爆煲論」亦只是一種預警，發表後，反而令細價樓爆煲機會下降。
公司億億聲資金入貨
湯文亮於博客中說，紀惠在這個位高勢危的物業市場，肯作出如此銀碼投資，又沒有大規模放售行動，買入比賣出多很多，「唔應該稱我為大淡友，不過，我睇番我自己的文章，不但應該被稱為大淡友，甚至超級大淡友都可以，或者，中庸一點的說法，我是睇好樓市的大淡友。」
文章中，他更直截了當指出樓價危機不會出現，「現在的物業投資者與1997年的時候不盡相同，不敢過分投資，亦不會追求最後的利潤，反而令到危機不會出現。」
他重申，若物業投資者過分憂慮而不過分投資，樓市又真的不出現危機，形容「這是一個相當矛盾理論」。
提「爆煲論」解爆煲危機
他又以其說到街知巷聞的「細價樓爆煲論」為例，指如果當初不發表，細價樓真的是有機會爆煲，「如今，細價樓沒有爆煲，我唔知道是否和『細價樓爆煲論』有關，不過我早已知道，發表之後爆煲機會大為減少，但我仍然選擇發表，希望細價樓唔會爆煲。」
App下載
