主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 8431
地產新聞
樓市出更:舊樓申強拍熱情減退
(太陽) 2015年5月11日
政府不斷推出土地,發展商將焦點轉投賣地,舊樓併購市場轉靜,今年財團申請強拍嘅步伐明顯減慢。劉Sir計吓條數,今年首四個月強拍申請只係有3宗,較去年同期少咗1宗,申請項目嘅市場估值合計超過22億元,比舊年同期逾13.19億元,多咗約8.8億元。今年暫時估值最大嘅項目就係灣仔晏頓街、蘭杜街及皇后大道東的寶華大廈多個地段強拍申請,物業現有估值共約14.7億元。

劉Sir知道,今年初至今,土地審裁處暫僅接獲3宗強拍申請,其中2宗喺灣仔區舊樓,1宗喺尖沙咀區;其中今年年初有財團就灣仔晏頓街、蘭杜街及皇后大道東的寶華大廈多個地段,向土地審裁處入稟申請強拍,申請人持有業權份數介乎80至94%。

上述物業喺五七年至六一年之間落成,樓齡均超過半世紀,物業現時估值共約14.72億元。

據了解,上述物業佔地約12,781方呎,日後該地可以以地積比率約9倍重建,可建樓面約11.5萬方呎,每方呎樓面估值約1.28萬元。上述項目規模龐大,淨喺答辯人就多達34組。

灣仔項目或合併發展

劉Sir收到風,正在收購上述灣仔項目的發展商,市場呼聲最高喺隔離有商業項目的太古地產(01972),太古早前已收購咗蘭杜街1及3號舊樓,市場預期會連同上述多個地段嘅物業合併成一個大型地盤。

至於灣仔區另一宗強拍申請的項目,就係灣仔道232號舊樓,申請人係統基投資有限公司,持有項目業權逾92.8%,物業樓齡約為51年,地下及地庫係零售部分,而1至9樓就係住宅樓層,該物業現時市場估值逾5.08億元。

尖沙咀全幢值2.6億

另外,早前以高價投得上水住宅地嘅資本策略地產(00497),亦就尖沙咀亞士厘道21及21A號舊樓入稟申請強拍。該物業為6層高嘅商住物業,五八年落成,申請人持有物業約83.3%業權,現時全幢估值逾2.64億元。

而去年同期估值最大嘅申請項目,係通利琴行等申請強拍尖沙咀金馬倫里1至9號舊樓,當時物業估值逾7億元。

劉Sir