主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 9973
地產新聞
樓市出更:元朗Mall界起風雲
(太陽) 2015年4月21日
政府未來大力發展新界西北等地區,料人口將快速增長,具相當發展潛力。劉Sir知道發展商已經睇準商機,積極拓展該區。新地(00016)旗下面積合共多達110萬方呎的元朗商場,剛命名為「YOHO MALL 形點」,為新界西北規模最大嘅商場,總投資額高達55億元,首部分會喺今年第三季開幕,進駐商戶包括首度落戶元朗嘅國際服裝品牌ZARA同埋H&M。

新地代理租務部總經理林家強同劉Sir講,形點由3個商場組成,包括新元朗中心、YOHO MIDTOWN及擴展部分嘅Grand YOHO Development,合共有約300間店舖,商舖面積約600至20,000方呎,並且有1,500個車位。

林氏又話,在今年第三季,首兩個商場會先開幕,提供約200間店舖,合共面積約60萬方呎,至於擴展部分,就將會喺明年底前開幕。

對於早前落實咗〈一周一行〉新政策,佢就話商場以本地消費為主,預計影響不大;至於早前結束租用多年同系嘅沙田新城市廣場舖位的連鎖快餐店麥當勞,他承認已與該商戶傾緊搵新舖位。

首年料收租兩億

佢哋公司租務部助理總經理黃佩玲就話,YOHO MALL 形點就以二十至四十四歲年輕客群為主要對象,料每日人流可達15萬。

而第三季落成的部分,出租率逾九成,會與各類商戶採用不同比例的分成制度,現時商場呎租約50至150元,料首年租金收入可達2億元,佢又話其他一線商場呎租約50至300元水平。

旺角舖68萬租出

至於商戶嘅組合方面,時裝服飾佔50%,食肆佔25%,其中,面積最大的商戶為國際時裝品牌ZARA,承租約2萬方呎,另H&M亦承租一個1.8萬方呎嘅複式舖;而商場擴展部分設有戲院,提供1,200個座位。

另一方面,早前太子珠寶鐘錶鄧鉅明亦透露,已在同區預租商場舖位。

此外,消息指旺角西洋菜南街單號舖,面積約500方呎,獲連鎖化妝品店以約68萬元承租,前租客為藥房。

劉Sir