主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 3597
代理新聞
祥益上月人均開單4.6宗
(文匯報) 2016年4月5日
樓市靜到乜咁,龍頭代理都捱唔住要勁蝕,旗下員工當然無得好過。不過,聽祥益總裁汪敦敬講,佢哋嘅情況又唔差,上個月前線代理人均開單4.6宗,按月增加39%,並創2014年9月以來的新高紀錄!要請汪總親解逆市開單之謎。

資源均分 提升「搵食指數」

汪總就話,獨門的商業機密就無法詳講了,但可以講的是,公司一向有流程將包括客源及盤源等資源分配予各前線代理,以確保彼此有足夠開單機會,提升代理的「搵食指數」,在逆市時亦能夠克服市場,人均開單宗數長期維持3宗或以上水平,保持「無白果」的常態。

他指, 雖然今年決定增聘100名人手,但其實一直不在乎公司規模,只追求「強兵足食」,而且代理界極需要一個以「Sales」利益為本的模式讓其他從業員選擇。

他又話,公司一向歡迎其他同行員工加盟,而且近期不少過檔員工不但「開到單」,更得到不俗成績。此外,除前線代理的收入增加外,今年代理的「健康工作時間」亦保持增加,未來會進一步鞏固健康高效的工作模式,維持生活及工作的平衡。

咁嘅時勢,祥益都可以能人所不能,小記真係要寫個服字。 ■記者 蔡競文