地產論壇
登入名稱
密碼
頁數:
大學校長應該減薪,西隧應該減價
瀏覽人次:20655    回應:18

大學校長應該減薪,西隧應該減價

 

湯文亮博士

紀惠集團行政總裁
2019年11月18日

  上星期有人在網上發起強制性執行「大三罷」。除了港鐡,巴士不斷地被破壞之外,幾條隧道,以及吐露港公路都被堵塞,在新界居住的人真的是排除萬難才可以到港島區返工。我奇怪幾位有車同事不但沒有遲到,而且比以前更早回到公司。原來理由很簡單,就是用西隧過海,不過就很貴,單程要75元。我忽發其想,由於紅隧被封,不少人要用西隧過海,令到西隧在這段日子流量大增。換句話說,西隧是今次社運的受惠者,西隧公司應該大方回饋市民,或者將單程收費由75元降至50元,減輕那些不辭勞苦返工香港人的負擔。由於流量大增,我相信即使減價,西隧每日收入亦高於平常,而且可以爭取不少口碑,何樂而不為?

  有人問我社運幾時會結束,我認為是差不多時間了。如果大家有留意,在今年大學迎新日,新入學的大學生會被帶去激烈的示威現場,感受一下抗爭的氣氛,令到大學生日後可以在街道上奮戰,在公路上奮戰,在校園內奮戰,在操場上奮戰,直接為社運提供人力資源。上星期,社運人士直接接收大學,令到所有大學停止上課,或者改為網上教學,社運到這個時候可以是達到高潮,但後果是人力資源無以為繼,甚至令到本來參與社運的大學生割蓆。在人力資源乾涸之下,距離社運結束的日子應該不遠,但亦會是最激烈,大家亦要留心自身安全。我有一個問題,大學校長以及高層難道不知道箇中情况,但是他們從來沒有向外界表達。今次社運,大學的損失是最大,除了會失去一批優秀學生外,在學術上有成就的教授都不敢到香港任教。既然大學已經結束今個學期,大學校長應該以身作則,不收除餘下的薪酬。這當對香港人些少補償,未知有沒有大學校長接受這個建議。

  亦有人問我今次社運對香港的得與失。雖然社運重創香港經濟,但亦令到很多人了解香港現實情况,港獨是不可行,好似佔領大學,只不過是佔領一個不能防守的山頭,但如果任我揀,社運抑或通過逃犯條例,我會揀社運。社運雖然重創香港,但如果通過逃犯條例,香港表面平靜,但人力以及資金就會外逃。一兩年後,香港的重要性就會消失,所以,即使社運未能成功,我們都不能夠放棄年輕人。

大學校長應該減薪,西隧應該減價
1. 單程要75元
2019-11-18 11:11
其實呢個已經係優惠價,正價要百幾,就像超市價錢牌一樣
2. 是差不多時間了
2019-11-18 11:14
不是啦,那些咸濕迎新營已經無法帶來快感
4. 無耐
2019-11-18 11:55
有外國機構加國智庫菲沙研究院發表報告,香港在2018年世界自由指數排第三名,比美國第17名還高。對那班响往美國,英國的年輕人是不是很諷刺啊。
美國還說要通過香港人權法案,自由排第17名要向第3名的香港立法,是不是很諷刺。
5. 望東樓
2019-11-18 12:46
係可見將來收到優質海外學生、好嘅教授應該跑路、有多個錢嘅家長好大機會盡快送仔女出國(有志神科者除外),再加當年出生人口下跌。。。相信係未來兩年,只要你DSE合格應該唔擔心香港無大學收,問題係返學第一日可能就要表態你係乜顏色(唔係靠估,隔離屋嘅中學生已經要表態)。。。。
6. 返學第一日
2019-11-18 13:06
上面 2 咪講咗,不過網編又和諧掉。其實你睇迎新營,內地尖子學生根本唔會參與果啲遊戲。二十年前第一代內地尖子學生嚟到,學術方面大家都可以交流到,但講到去玩便有自己的圈子。當香港的大學在大灣區都有晒分校,其本體的重要性反而會被取代。點解咁講呢,因為 m 年前由科大帶起做研究型大學,香港的大學的國際地位才得以提升,本科生從來都唔係重頭戲。
7. 鳥5
2019-11-18 13:44
十一哥 今日再加兩塊刀片照舊
8. Hongkonger
2019-11-18 14:00
4. 講出咗重點!的確好諷刺,但可惜依家D人只會願立場,不會理事實。
9. 接6
2019-11-18 15:16
又多謝網編
所以話楊雄冇能力地位談哩個大題目, 佢副手一個建制中學校長, 無論幾咁有心, 更加冇能力地位處理哩個大題目
佢講完第二日, 九大校長全體聯署唔該你正苦自己搞掂佢
其實楊生可以講犧牲左啲後生咁樣唔好, 而忽略個主語, 咁各方係咪都易接受啲?
話說入得大學, 人格已基本成形, 仲點改, 唔通大學中學化?
咁就會燒到高錕, 因為引入學分制, 就係為左令自己知(或者唔知)自己要做乜嘅學生帶來高度靈活學習同考核性(唔知自己做乜嘅都可以帶學分轉 U 轉科)
學分制嘅問題係比重同支離破碎
比重, 如果畢業要 100 學分, 分得兩分講仁義道德社會責任, 咁有咩用? 如果比重增大, 響預科生普遍冇 AL 水平嘅情況下, 本科野就唔知點教
支離破碎, 可以走堂, 可以玩手機, 可以食野, 可以瞓覺, 考核標準模糊, 等等
大學本科水平是建基於良好中小學課程, 影響未來嘅事, 睇吓楊局點拆
有地位嘅教授同研究生, 點解唔去大灣分校而來本校呢? why?
10. 在香港生活的台灣人
2019-11-18 17:08
拜讀博士文章已經多年,一直很欣賞博士發文和見解。但是今日結尾文。即時社運未能成功,我們都不能放棄年輕人。
這真的是一個奇怪的見解。我的大學老師教導我,大學是培養一個人可以有獨立思考和行動的一個地方,藉由香港社運讓我覺得香港的大學確實非常徹底進行在這次活動上面。但是在任何一個國家或特區或獨立區,憲法都給與人人平等的基本權利。所以和平抗爭,武力抗爭全隨君意(社運人士,自我定義),但是應盡的義務為何不做。當你要求基本法保護你,那你犯的錯就應該被執行。為何有不要放棄年輕人這個說法。自我選擇,自我承擔。這個才是真正不放棄年輕人。
11. 不能放棄年輕人
2019-11-18 18:12
是不能夠放棄呀, 甚麼是放棄?
細個時隔離左右仔女唔聽話會趕出街, 做了父母之後, 不禁回想, 你趕佢出街有咩用? 冇眼矢乾淨盲? 咁生佢出黎做乜?
一個半個細路有行為問題, 可以用懲罰方法, 但一代人有問題, 是不是也要自己反醒一下自己搞過乜?
父母、師長是不可以離子女幼輩太遠的, 因為一放手佢就會走左去
12. 華哈哈
2019-11-18 18:20
博士真立場似乎現身了 ?犧牲年青人和香港去逃避逃犯條例
14. 敬畏上天
2019-11-19 09:24
「上天有好生之德」,南無阿彌陀佛!
15. 十一哥
2019-11-19 09:50
自作自受、作…受…係理所當然、作而不須受…係有心人異士…做神風特攻隊嘅手段。

16. 失望到極
2019-11-19 11:43
逃犯條例對於沒有犯罪的人有什麼問題?我這次對湯生很失望,
基於言論自由你可以發表意見而不被滅聲
這半年以黎,香港人好清楚睇到違法就要接受法治,但班學生要求人治
言論自由亦失去,對方唔比你出聲,硬要你支持佢
議員亦都醜態百出,各為各的利益,對香港完全沒有幫助, 拎咁高人工,香港為乜要接受呢班中間既人?
政府弱係人都知,但惠民的政策都被議員反對,你地唔覺得,係因為你地無睇會議記錄
香港這一個地方,根本是死的,被傳煤控制的多,香港人也多數無知

17. 路過
2019-11-20 01:46
今日留言好高質,慶幸香港仲有人思路清晰,其實大家有無發覺,第四次世界大戰其實已經靜靜地開始左 ,只係今次唔用槍炮依啲玉石俱焚既手段,以係採用間諜手段,扇惑地區穩定,從而係金融經濟作出打擊,用毒品控制易操控既年青人,作出類似當年神風敢死隊既舉動 ,當年駕駛戰機既神風敢死隊既隊員亦有被喂食冰毒,同黑衣人既行為舉動非常吻合,五個月無收入並且擁有大量武器物資,絕非一般學生或民間組織可以做到,而且大家有無發現,比較勇猛既黑衣人幾乎都可以全身而退,綜合咁多點,依個策劃並唔係五個月前開始,係係更早以前,所以黑衣人講得無錯,我地係打緊仗,一場無硝煙既仗

18. 路過
2019-11-20 01:57
大家有無發現黑衣人係打住警暴既藉口,不斷堵路同破壞銀行同商店?原因有二
一,如果成功令市民對警方原全失去信心,令警隊瓦解的話,政府必定陷入無政府狀態,大家亦難獨善其身

二,若不能成功衝擊政府,亦已係大多數市民心目中埋左炸彈,一有任何風吹草動,又會再觸發大型示威

若以上兩點其中一點能成功,香港經濟命脈即斷,我唔知香港人那來的自信可以將廢左既香港再偉大,強如美國到今日都未做到,仲要打劫敘利亞油田,需然正義傳媒無咩點提,但大家不如諗下香港衰,邊個見到會最開心?
19. 路過
2019-11-20 02:06
To 2樓
仲有閒時小弟都會去飲野,我都識唔小後生仔,佢地都有食大麻習慣,我開頭都覺得無咩,後來我睇住一個後生仔,由正常食到後黎變得極易憤怒,有啲大麻食左會令人情緒低落,後來我問我朋友覺得咁落去有無問題,佢都覺得有問題,但佢話好難介,佢話以前食海洛英都介到,但反而依家食大麻介唔到,同埋唔係好貴同極易取得,我唔排除大麻有加料同有人刻意散播
20. 十一哥
2019-11-20 10:48
皇家電台…天文數字公帑…直情明目張膽…自己友分贓、而家正苦訊息公佈…仲邊洗用D石器科技、速速摺埋慳番大舊公帑…善用於基層啦!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。