地產論壇
登入名稱
密碼
頁數:
令人誤會的第二家園
瀏覽人次:21456    回應:21

令人誤會的第二家園

 

湯文亮博士

紀惠集團行政總裁
2019年11月5日

  有老友跟我說剛剛有了第二家園。我聽到之後嚇了一驚,於是對他說,人生最怕三件事:一是少年得志,二是中年喪隅,三是臨老入花叢。他已登六,現在才搞第二家園,知不知道「煩」字怎樣寫。老友話我誤會,他並不是有第二頭家,而是在某一個東南亞國家買了樓,得閒可以去住番一兩個星期,美其名是第二家園。如果香港冇事,他的第二家園可以作為渡假屋,如果香港變成一國一制,他隨時可以將第二家園升格為第一家園,香港反而變成第二家園。而且,他還打算在其他國家增設第二家園。老友咁熱衷第二家園,我亦無謂潑他冷水,唯有恭喜恭喜。其實第二家園同第二頭家都是一樣,老友初時會覺得幾開心,但不用太久,他就會覺得很煩很煩,但他想取消第二家園也很難,原來那些第二家園很難賣走。

  香港政局不穩,有香港人要求英國政府給予居英權。老實說,英國人是非常實在,如果有利益,22年前離開的時候早已給予居英權,都不用等到現在。不過,英國人是太極高手,她自己唔俾但鼓吹其他英聯邦國家給予香港人第二家園。其實,要在那些國家有第二家園又有何難?根本有一些國家早已推行第二家園計劃,簡單來說,這是地產項目,只要在那些國家買樓,就可以取得居留權。美其名是第二家園,其實是二等公民,有餘錢唔需要工作還好;如果唔係,二等公民也不如。

  有不少老友早已在其他國家買了樓,到今日大多數都會呻笨。他們說如果當時在香港買樓而不在其他國家設立第二家園,今日搵多好多錢。除此之外,就是當他們設立第二家園之後,就很少到其他地方旅行。每一次有假期都被迫去第二家園,因為唔去就會覺得很浪費,但每一次去第二家園的時候都要清潔一番,走的時候要謹記鎖好門窗,根本是受苦而不是享受。我發覺有第二家園的人最喜歡做的事,就是賣走第二家園。

令人誤會的第二家園
1. 第二家園
2019-11-05 10:46
去到租酒店好過。
2. 英聯邦
2019-11-05 10:49
如果去了溫哥華, 特別是上左年紀, 都係要返來半年避寒同避悶。
3. 十郎
2019-11-05 11:29


      盼英國給香港第二家園 ?

      英國脫歐的大原因 , 是不願意接受歐盟安排的難民數目。你以為第二家園可能嗎 ?

      有一次離開第二家園 , 抵步不久 , 鄰居說 , 你們唔記得關冷氣。

4. 十郎
2019-11-05 11:29


      盼英國給香港第二家園 ?

      英國脫歐的大原因 , 是不願意接受歐盟安排的難民數目。你以為第二家園可能嗎 ?

      有一次離開第二家園 , 抵步不久 , 鄰居說 , 你們唔記得關冷氣。

5. 唔記得關冷氣
2019-11-05 12:15
因為開左 thermostat 定 timer 唔為意?
6. Fisherman
2019-11-05 12:22
湯先生真搞嘢!同啲移民顧問抬摃。
7. 引刀一快
2019-11-05 12:28
第二家園嘅第二選擇,可以係大灣區,交通方便,可以享受各式中菜,部分喺香港食唔到。大把樓揀,要平有平,要靚有靚。
外國,當係第三家園。
8. ND
2019-11-05 14:31
第二家.完
9. 十郎
2019-11-05 15:57


      睡房分體機 , 冇聲。出左街唔覺溫差。當事人又大意 , 所以出事。

10. 引刀一快
2019-11-05 16:14
十郎兄

早排有段視頻,影住一部分體冷氣搖擺送風,背景一個女人抽泣聲,下面一段文字旁述:離家打工三年忘記關空調,電費十三萬。

好一個曲線冷氣廣告😂😂
11. 引刀一快
2019-11-05 16:19
十郎兄

香港人同其他難民,性質差好遠,英國人管香港人係管慣管熟,可謂高質夾好用,又唔會帶來嚴重社會問題,最多係勤快搶人飯碗啫。

12. 所以出事
2019-11-05 16:56
有阿爺智能家居咪可以遙遠閂囉, 不過到 wifi 要長開
13. 十郎
2019-11-05 17:22


      10樓--------大陸空調真襟用 , 哈哈哈哈哈哈。我就寧願佢爆炸。

      11樓--------英國人大狐狸兼冇信用冇義氣。香港人唔要係佢私事 , 利比亞人就腳軟 , 要歐洲盟友啃埋佢果份 , 現在事竟情遷 , 又想公投不脫歐 , 無耻到極。


      
14. Stephen Wong
2019-11-05 17:27
TO 11F
非常不同意.
英軍槍幹子下,你不要命嗎?只能低頭搵食,唔好攪咁多嘢.
開始租借新界,原居民激烈反抗,最後結果是做順民.
現今社會運動,零成本.
扯遠了,天要下雨,娘要嫁人,強扭的瓜不甜,要留要走咁大個人,自己負責.

15. 鳥5
2019-11-05 20:04
如果劉鑾雄 佢有得選擇 我諗佢會喺香港住 唔使而家嚮加拿大
16. 鳥5
2019-11-05 20:22
至於英國嗰啲政棍 信一成都死啦... 都好嘅 中央 都會關心香港多啲
17. 鳥5
2019-11-05 20:25
成個歐洲教為可靠 政客 我覺得係得個 德國 肥婆..其他都係投機 多
18. 升哥
2019-11-05 20:54
今年全年樓價比年初最多升10%,不會太多。明年負利率會加劇,加上股市向好,樓價表現會比今年好。淡淡們等跌等到核爆都唔跌,被香港樓價玩死。
19. 十郎
2019-11-05 21:26


      刀兄--------我呢排好多時間睇 “ 抖音 ” 。原來 “ 抖音 ” 在美國都有 , 唔怪得我睇到外國版。佢上市可能真係有威力。

20. 引刀一快
2019-11-05 22:54
十郎兄

抖音係有力擴張嘅,微信淘寶之外,佢算最紅。
中國人嘅百態,幾乎乜都有,對外國人嚟講,其實獵奇程度媲美YouTube,我冇裝因為嘥時間。。
偷偷話你知,好多靚女想借抖音上位,國色天香。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。