地產論壇
登入名稱
密碼
頁數:
九成按揭的樂與怒
瀏覽人次:27424    回應:44

九成按揭的樂與怒

 

湯文亮博士

紀惠集團行政總裁
2019年11月1日

  當林鄭在施政報告大幅提升九成按揭保險至800萬,八成按保至1,000萬,市場上有不同聲音。有人話現在樓價高企,林鄭才推大幅增加按保,簡直是將人推入火坑;亦有人話新按保急市民所需,大家可以比較容易買到較大住宅單位。大幅增加新樓保是否明智,我相信不同人有不同睇法或者感受。

  在新按保推出之後,有已經買了400萬以下細價樓的業主當然很嬲。他們認為林鄭推新樓保太遲,令到他們買不了較大單位。亦有人非常開心,就是那些還未買樓的人,他們只需要付10%首期,買到一個價值800萬單位。這是新按保的樂與怒。

  其實,無論林鄭是否推出新按保,大家用九成按揭買樓的時候,身份其實不是一個置業者,而是一個賭徒。樓價上升,他們當然開心,但倘若樓價下跌,他們就會損失所有首期。所以,他們其實是賭一鋪。不過,他們輸就最多輸10%首期,樓價上升就可以贏首期幾倍甚至幾十倍,這似乎很化算。所以,在新按保推出之後,600-800萬住宅單位成交量大增。我認為那些用九成按保買樓的人必定要有能力供得起。如果沒有能力供樓,即使樓價上升都要被迫賣樓,贏家都會變輸家,開心變唔開心。

  當大家認為九成按保買樓,而又供得起,差不多是立於不敗之地。我認為大家要注意一件事,就是現在利息太低,而按揭貸款就是一份長期合約,當利息上升,貸款人可能會出現困難,供得起變供唔起,最後又要賣樓還息還貸。有人話我杞人憂天,現在有3%壓力測試,而美聯儲又剛剛減息,連匯豐都將最優惠利率下降1/8%,香港有排都不用加息,甚至應該將壓力測試百分比下調。其實這是萬萬不能,因為現在香港在過去一段時間沒有跟隨美國加息,息差大約有2%。所以,壓力測試其實只是1%,已經低無可低。如果採用九成按揭不注意風險,隨時可以由樂變怒。

九成按揭的樂與怒
1. Fisherman
2019-11-01 11:29
執輸行頭,惨過敗家。
典型香港仔性格,怕蝕底。
2. 美國利率應低過全世界
2019-11-01 11:32

特朗普

一如既往在Twitter炮轟鮑威爾:「人們對聯儲主席鮑威爾和聯儲局很失望,一開始就就錯了,(加息)太快了,(減息)太慢了!美元和聯邦利率正在損害美國的製造業,美國的利率應低於德國、日本和其他所有國家。美國目前是迄今為止最強大的國家,但聯儲局令美國處於競爭劣勢。中國不是問題,聯儲局才是!無論如何我們都會贏。」
3. 十一哥
2019-11-01 12:17
正正係全世界都借大咗…有必要保住金槍不倒…息就有排冇得加,租唔實惠∽實体生意就難做,網上交易流行∽商品价格就冇得貴,份工稳唔稳就好两睇…除咗食皇家飯果班。
4. 真真薯片
2019-11-01 12:46
林鄭好似話借按保買樓唔洗通過壓力測試?
5. 向引刀‧土著‧自醉‧浪子說不
2019-11-01 14:57

2019年10月31日
非升級壹會員每日限閱1篇,你尚餘0

【工商寒流】本月工商舖錄117宗 差過沙士創歷年新低

分享
商舖市場,按月成交量同樣減逾50%,10月錄得約39宗,對比上月減少約53%。
商舖市場,按月成交量同樣減逾50%,10月錄得約39宗,對比上月減少約53%。
建立時間 (HKT): 1031 18:37

中原(工商舖)數據指出,10月份工商舖買賣成交僅錄117宗,按月跌逾15%,數字更對比沙士時期低;成交金額跌至18.89億元,較9月份大跌90%。

中原(工商舖)董事總經理潘志明表示, 10月截至30日,工商舖合計有約117宗買賣個案,對比9月下跌超過五成,按年同期比較,更有約72%跌幅,對上一次跌破200宗水平為2016年2月,錄得約198宗,惟該月份為農曆新年季節,屬季節性調整,即使與2003年沙士時期相比,每月成交宗數均超過200宗,最差2月份,亦錄得約286宗,兩者相差近60%。

缺乏大額成交支持下,10月份工商舖買賣金額跌至新低,單月錄得18.89億元,較9月份錄得的199.27億元大跌90%,較去年同期(127.45億元)下調85%,最鍾意引刀大陸傻嗨收租契家佬D生意挪埋一舊。

當中工廈物業落差最大,月內僅有約56宗成交,對比9月大跌近60%,同時亦創歷年新低。緊追其後的為商舖市場,按月成交量同樣減逾50%,10月錄得約39宗,對比上月減少約53%。而寫字樓方面,按月錄得約22宗成交,雖然按月跌幅較少,但已出現連續兩個月成交量不足30宗情況。 

6. 長期低息
2019-11-01 15:02
未来二十年美国都不會加太多息。欠債累累,加息就是搵自己笨。
7. 加息就是搵自己笨
2019-11-01 15:27
這是指有強權冇公理仲可以逼人盲目買美債嘅時候嘅講法, 到哩個世界冇話冇左你唔得嘅時候...
8. 鳥5
2019-11-01 20:44
個個都唔想加息㗎啦,邊個總統邊個執政。。。 不過你狂減息週街殭屍消費者,殭屍企業。。啲樓係咪升呢。。日本嘅減到零啦咪又係跌到仆* 要找數㗎世界上冇美金依然存在。。。 阿爺起尾注
9. 鳥5
2019-11-01 20:46
美國經濟 唔掂 ,香港都要 瓜.點玩都死
10. 鳥5
2019-11-01 20:52
美國消費者佔gdp七成.. 撐起 全球經濟 不過袋得三千零蚊,咁你話驚唔驚... 美國工業出口佔 十幾%.. 香港就加債七成 供樓 而家玩十倍三十年 槓桿。。。洗緊錢就呢班啦, 咁你話驚唔驚呀。。。    流鬥流
11. 鳥5
2019-11-01 20:57
莫賺最後一個銅錢。 因為金融市場最後一個 銅錢 。。根本係流。
12. 鳥5
2019-11-01 21:13
美匯 試過跌到七七。。 嗰時先至開始加息對數 打個七折 幫你打劫。。。 嚟緊可能玩跌到5 打個六節先同你對數, 你咬佢
13. 公屋養懶人
2019-11-01 23:01
公屋養懶人,住公屋的更反政府。唔駛博,得閒無野做作反。
14. 負利率成定局
2019-11-02 11:23
美國佬明年會再減息,計埋通脹,香港實質負利率加大,磚頭保值功能又再顯現。 
15. 非升級壹會員每日限閱1篇,你尚餘0篇
2019-11-02 12:18
Support 5樓

我同你一樣, 不會比錢爛蘋果.
16. 十一哥
2019-11-02 13:36
13樓  懶人唔一定住公屋…公屋唔會養懶人、根本係9官/異員特登縱出D異人、呢度應該好多人住過或住緊公屋、斷估十一哥同刀刀曾經做過街坊。

17. 台北化
2019-11-02 15:39
香港經濟前景不妙,但係樓價仍然高企,似足台北。
18. 鳥5
2019-11-02 17:23
香港地咁嘅消費力,仲有懶人。。 工作時數超曬班。。 睇下啲數據啦。 仲邊有一間公司有飯桶呀。。
19. 鳥5
2019-11-02 17:25
仲有一個基本概念 唔知係咪我諗野唔正常.... 點解60萬石屎價租出去兩千零蚊 你會覺得政府係補貼? 係咪畀人教育搞得多諗咗啲嘢條數學題好似唔係咁
20. 鳥5
2019-11-02 17:26
唔該攞個計數機計下幾多呢... 係唔賺你定時畀你呢 唔好畀而家啲數學地產項目嗰啲呃到先得㗎
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。