地產論壇
登入名稱
密碼
頁數:
社運下,無憂財仔的憂慮
瀏覽人次:14671    回應:21
社運下,無憂財仔的憂慮
 
湯文亮博士
紀惠集團行政總裁
2019年11月15日

  近日有很多開財務公司的朋友搵我,他們開門見山話有好嘢益我,因為在社運下,有很多債仔的物業斷供,他們希望可以低價賣給我,而所謂低價,就是收回借出去的債務,我老實不客氣話,這樣就即是交個波俾我,借出去的錢如潑出去的水,雖然有物業做抵押,但仍然是在樓市上升的時候還有機會收回,在樓市下跌,財仔想全身而退是很艱難,如果不大幅減價,實在很難賣得走,而且現在最大件事就是經營財務公司根本不懂得或者不敢收債,最佳辦法當然是將債務賣俾其他人,不過,這個如意算盤很難打得響。

  一般來說, 財務公司借錢出去並不是睇物業質素,而是睇估價報告,比較進取的財務公司可以借到估價八成,亦有很多人問財務公司借錢買樓,而財務公司有一個錯覺,就是即使樓價下跌,債仔唔還錢,他們可以立刻將物業變成銀主盤,以低市價兩成將物業賣走,理論上是萬無一失,但有兩個因素財仔沒有考慮,就是打算買那些銀主盤的人,大多數已經有物業,換句話說,如果銀主盤是住宅單位,買家就要付15%DSD,財仔的兩成差額立刻不見了一大截,再加上樓價早已下跌一成,未來局勢又不明朗,任何人買樓都會大幅鋤價,財仔的銀主盤是不容易賣得走,這亦是最近有咁多財仔搵我買樓的原因。

  財仔還未知道一件事,就是現在買樓的人,不但價錢要平,而且質素要高,即使價錢平但質素唔高他們也不會考慮,而財仔借錢出去的時候並沒有考慮這個因素,只是參考估價報告,令到現在的銀主盤質素非常參差,有部份的確是不容易賣得走,或者由於這個原因,財仔亦不敢收樓,反而令那些業主有一條生路,倘若社運在短期內結束,而香港又可以自我修復,那些業主回復供樓能力,財仔的困難就會得到解决,但社運會不會短時間內結束,而香港又可不可以及時自我修復,一般人都會持以非常悲觀態度,如果有人話可以,他並不是樂觀的人,只不過是呃大家。

社運下,無憂財仔的憂慮
1. 收回借出去的債務
2019-11-15 11:21
照計五六七八九十按都係佔債務一小部份,如果強制收,就會燒埋錢莊,如果唔收,錢莊唔知會唔會驚起上嚟反拍其門?
2. 不會短時間內結束
2019-11-15 12:01
其實, 如果這次是中港矛盾的爆發, 例如本土人去真正豪宅區, 見到大陸人同紅鬚綠眼人玩埋一堆, 自己填不進, 便很不是味兒。而本土人也很清楚, 短時間內也填不進的, 而大陸人和紅鬚綠眼也不會讓利, 如果大陸人和紅鬚綠眼撤走, 本土人其實也沒歌唱, 那應該如何結束呢?
4. 十一哥
2019-11-15 15:21
遲D就係收買佬時段、收買佬回收業執嘢…就會帶動到執鷄嘅幫莊、咁上下夠肉就到收買佬計數、世界經濟就係咁簡單…係咁loop、timing眼光都其次…關鍵在有冇托大咗水龍…檸檬頭…笠大帽。

5. 鳥5
2019-11-15 16:43
十一哥 冇8里都 唔好執 呀。。。 有排呀.. 出年地產股 返貨都返貨都要十里....
7. 鳥5
2019-11-15 16:46
一兩年, 出去玩下執平嘢先啦.... 英國而家啲嘢 平 到死。。。平嘢周圍係啦。。。 香港執平嘢鬥氣咩...
8. 托大咗水龍
2019-11-15 16:52
全講負增長 1.3, 樓市輸出通縮, 淨係自己保持通脹, 怕未?
9. 鳥5
2019-11-15 17:49
總之就唔好爭人錢,兩年後現金是King...唔輸就係贏...
10. 十一哥
2019-11-15 18:49
雀仔 如果有8里…即係通街仲比得起租啦、咁嘅回報磚頭又點可能PK呢?  磚頭PK…回報頂龍3幾里同步嘅…係借貸息口管住、賭~模Hi/撈底果D係運、夠力就自己心水鍾意當玩藝術、扮計數都係學神棍咁合指一算故弄玄虛啫。

11. 鳥5
2019-11-16 00:03
要有8 呢. 件貨跌咪得囉 ...租金唔加都得.. 係咪
12. 鳥5
2019-11-16 00:05
樓價番08 年 ..咪可以囉
13. 鳥5
2019-11-16 00:06
11月 好激烈... 非常關鍵嘅月份
14. 鳥5
2019-11-16 00:08
收租回報向上, 唔一定係租金勝或者強 可以喺件貨跌... 日本 咪就係咁
15. 十郎
2019-11-16 13:07


      11月危城。

      雀仔哥 , 冇租收 , 駛唔駛交管理費呀 ? 5蚊呎貴唔貴呀 ? 咁多人冇工開 , 管理費會唔會唔加呀 ?

16. 鳥5
2019-11-16 14:18
十哥,總之有平嘅都唔好執..., 中美博弈香港兩邊不是人 ,兩年後 再算啦。。。 錢,金,揸外幣 。。穩陣啦。。 經濟差唔多全 殲。呢個事實。。 睇大陸嗰套劇本 出年香港先係 發生最壞 出現。。 咁而家做乜咁急啫, 豪宅反彈兩年你先走嚟買平價樓啦。。 都未彈
17. 鳥5
2019-11-16 14:29
傳統資產嘅地產 項目, 次序係酒店>商舖寫字>最後先到>平價樓... 一線項目跌落嚟都未 返轉頭... 而家走嚟接平價樓... 贏面係咪自己搵笨呢? 醒目資金 都有個規律㗎 ...
18. 十郎
2019-11-16 15:49


      鳥哥 , 地橙箱賣左17,000蚊/呎樓花 , 現在咁嘅情況 , 上唔唔上到會㗎 ? 撻左Q , 代代果d禽必筍會唔會食炸糊㗎 ? 會唔會白做同白歡喜一場呀 ?撻Q樓算唔算凶至稅㗎 ?



19. 鳥5
2019-11-16 18:11
十 哥, 樓市爆煲 關鍵係 ,借個窿。。。 有錢書。 就冇事。。 同股票特質 一樣。。。 這個窿就大q鑊。。 經濟週期 最後嘅數據就係壞帳 永遠滯後。。 呢個係人性 諗一諗你都會明。。。 出年就係。。。... 美國樓價係06年見頂 真實爆煲係07年
20. 十一哥
2019-11-16 19:11
雀仔/十哥  講到咁嚇人…真係咁悲觀 ? ? ? 啱上牀就比牀板夾住咗…未曾過癮…已輸暈  ? ? ? 


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。