地產論壇
登入名稱
密碼
頁數:
冇錢買樓,有錢買股
瀏覽人次:12937    回應:6
冇錢買樓,有錢買股
 
湯文亮博士
紀惠集團行政總裁
2019年11月6日

  有老友話最近有部分樓宇樓價跌了超過10%,而林鄭又推出新按保計劃,問現在是否應該買樓,老實說,買樓這件大事,的確是因人而異,最保險而又最冇意思答案,當然是有需要而又負擔得起便可以買樓,我老友當然不會滿意這個答案,於是再問現在應該買樓抑或買股。

  現在買樓抑或買股主要是睇閣下手上有幾多銀両,如果冇乜錢,要借足九成,當然是買樓,林鄭大開綠燈俾上車的人,唔買就笨,不過,用九成按保買樓的人防守力是不足夠,如果有乜風吹草動,他們隨時可以放棄10%訂金,在防守力不足的情況下,可以借八九成的樓價有機會急跌,但冇錢就冇辦法,一定要買樓,否則揸住10%樓價去買股票,賺極都有個譜。

  如果有錢當然唔會買樓,與一班防守力不足的人一起買樓,當樓價下跌,自己能夠防守都冇用,一定會俾那一班防守力不足的業主拖累,而且現在買樓的回報很低,不如買股票,回報率6%的藍籌股媲比皆是,收股息好過收租,而且又不用付那些辣招印花稅,現在時局唔好,更加可以隨時賣股套現走人,不過有人認為樓市長揸必升,雖然回報低一些,但長遠樓價升幅遠比股票優勝,這個理據在以往的確成立,但林鄭的施政報告確認大幅增加供應,1,000萬以下的樓價升幅將會受到阻礙,不過,大跌又不會,但香港股市雖然受到中美貿易戰與社運影響,但表現仍然持續穩定,如果這兩件事獲得解決,股市上升的空間很大,老友聽完我講之後,叫我利申,我話最近的確有買股票,而且在一個月內升了15%,不過是那一隻股票就唔講得,講左不但很煩,而且可能會觸犯守則,總之一句,現在冇錢買樓,有錢買股。

冇錢買樓,有錢買股
1. 好奇
2019-11-06 09:58
請博士下次可唔可以講下股票?多謝
2. ND
2019-11-06 11:24
事實上, 冇錢咩都買吾到, 最好買六合彩。
3. 不時不食
2019-11-06 14:09
韓正講到明,要求特首搞好普通市民既住房問題。地產呢舖無運行啦。就算唔買股,揸現金都好過買樓。
5. 鳥5
2019-11-06 16:46
兩年後現金是王... 唔好爭人錢就係贏
6. Trader
2019-11-06 20:28
博士。我估到係邊隻.我都買左。係9月27 日買入。
8. 十一哥
2019-11-06 22:15
呢幾年~冇資格~儲磚頭、叠埋心水篷拆拆、炒下時鮮、乾手淨腳為皮輕又免稅、溶過玩磚頭好多。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。