地產論壇
登入名稱
密碼
頁數:
博士褫奪風波,斷了很多人米路
瀏覽人次:14382    回應:19
博士褫奪風波,斷了很多人米路
 
湯文亮博士
紀惠集團行政總裁
2019年10月31日

  有老友不斷被公關公司要求買一個博士頭銜,不過,又不能夠說買,只是同意在獲頒授博士銜頭之前捐一筆錢去大學,大約一二百萬,老友話自己重利淡名,根本唔稀罕什麼博士銜頭,但不知怎樣推公關公司,因為他們話這是一個榮譽,幾生都未必修到,唔要似乎不吉利,於是問我有冇計,我不但話冇計,仲話卻之不恭,老友話一二百萬沒有問題,他擔心每年都會被大學要求捐款,都唔知要捐到幾時,如果唔捐,又唔知大學會不會收回博士銜頭,老實講,我又沒有考慮到這點,於是請老友自決,我真的幫不到手。

  我睇報章知道何君堯因為英國有上議院議員投訴,被以前頒授他榮譽博士學位的英國大學褫奪他的博士銜頭,於是靈光一閃,提議老友要求公關公司向打算頒授榮譽博士學位的大學保證在任何情況下,都不會褫奪他的博士銜頭,如果不能保證,他絕對不會接受,老實講,大學又怎會保證,於是老友得其所哉,不用接受一個博士學位,當然不用捐錢。

  現在香港,所謂博士多如牛毛,有不少是正式大學頒發,亦有不少是連校址都沒有的研究學院發出,但大家同樣都是博士,根本不分彼此,所以,我替那些讀到身水身汗的博士不值,而事實上現在榮譽博士已經變成一盤生意,而非學術領域,如果大家以為一個博士一定在某些學術領域有深入研究,對不起,這是一個美麗的誤會而已。

  今次英國大學褫奪何君堯博士銜頭,表面上是對何君堯在某些行為上懲罰,而事實上斷了很多人米路,估計以後接受博士學位的人都會要求不會被褫奪,否則原銀奉還,這將會對大學是一個考驗,至於何君堯亦可以要求英國大學退回他的捐款,既然大學取回他的博士銜頭,退錢亦很應該,一於將個波交回給那位英國上議院議員。

博士褫奪風波,斷了很多人米路
1. 宋生
2019-10-31 12:50
珠海港珠澳大桥笋盘有得霖20万上车
2. 鳥5
2019-10-31 13:50
哈哈。有趣
3. 鳥5
2019-10-31 13:51
十一哥,今日再加3塊刀片。& Looking
4. 十一哥
2019-10-31 15:03
打份工啫…冇冼天長地久、枕住啪春藥…頂到下家庒。

5. 寄生蟲阿笨
2019-10-31 17:18
博士言之有理
6. 寄生蟲阿笨
2019-10-31 17:18
博士言之有理
7. 十一哥
2019-10-31 17:49
行走江湖、朵好緊要、博士呢個~呔圖~先聲奪人、十一哥通常對自稱博士之人…露出欽敬作見面禮、因為自己冇讀過輸、買呔圖就更冇捨得、一鬥哂學歷就內心有點酸…所以通常考到佢地冇地自容。

8. 十郎
2019-10-31 19:03


      7樓--------我係駁士。

9. 引刀一快
2019-11-01 03:42
十幾年前,大陸經常招博士多過本科生,試過某學院某年本科生幾個班夾埋有三百幾人,但係果年招嘅博士就五百幾個,仲搞到要分班上必修課。

無他,教授太多,當時限制少,咪一味攞課題,招人嚟做搵錢囉。後來出現博士論文水準嚴重下降,咁每個教授每年招生名額就減少咗。
10. 引刀一快
2019-11-01 03:56
呢種博士榮譽學位,祗係授予同“售予”嘅不同,有乜所謂。
用過咗一定嘅年期,就算學校收番,都用夠皮喇。
11. 引刀一快
2019-11-01 04:36
都幾搞笑。
點解有啲人自以為可以考到人無地自容?
1,人家懶得考返佢,因為靠刁難手法獲得自尊,人地根本做唔出,亦毋需要,可謂不齒。

2,佢反過來俾人考起都唔識面懵,根本就冇無地自容呢回事。

3,佢一味揾啲背嘢嚟考人,人地考返佢就走頭。

4,係因為人地懶得考返佢,咩新鮮蘿蔔皮?考你?

學習嘅過程,人係應該越來越了解自己唔識嘅嘢有幾多,而唔係以為唔識嘅嘢越來越少,考到人無地自容?邊個時運咁低呀?
12. 十一哥
2019-11-01 11:06
刀刀 冇銀買…所以就早早返歸比老表調教、授~就為皮輕D…咁早就識咁走位…果然係搏士。


13. ND
2019-11-01 12:22
捐左嘅錢可以退番嘅咩?  咁政府扣左果D捐款稅項, 政府未會追番囉。
14. 引刀一快
2019-11-01 13:35
當然冇銀買喇,有銀都攞去做一成按揭,咁咪唔使瞓橋底囉。
15. 捐左嘅錢可以退番嘅咩?
2019-11-01 13:35
冇話可以退返, 不過如果爵位或學位可以隨時收返架話, 咁就咪打人地錢袋主意咁囉, 都好 fair 吖。
話時話, 人地係大英大學, 食洋腸可以點譯俾佢地品評呢? eat western sausage?
16. 自我陶醉
2019-11-01 14:51
人哋就係知佢癖好洋腸,所以咪全校一齊請佢食十里洋腸囉!哈哈哈!
17. 引刀一快
2019-11-01 22:37
自我陶醉兄

小心啲呀,人地喺大陸聲名鵲起,被譽為再世焦裕祿,香港人典範,遲早做埋政務司。

18. 香港人典範
2019-11-01 23:05
咪就係被褫奪食過嘅洋腸。
19. 自我陶醉
2019-11-02 07:14
17樓 引刀兄

連反蒙面法已經立咗都唔知嘅人,都可以做立法會議員,何生做政務司司長,絕對合理啦! 哈哈哈!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。