地產論壇
登入名稱
密碼
頁數:
晨早夜話(38)難為藍黃定分界
瀏覽人次:13349    回應:16
晨早夜話(38)難為藍黃定分界
 
湯文亮博士
紀惠集團行政總裁
2019年10月29日

  昨晚一大班老友在一個屋村晚飯,其中一個鬼殺咁嘈,佢話日前去到一個租客開的茶餐廳,跟一個不相熟的客人講及最近政治形勢,無形中透露自己是藍色,即時俾伙記請離場,連咖啡錢都冇收,他本來想發爛渣,表明是業主身份,但他見到茶餐廳生意火爆,本來想講的說話都吞番落肚,咁好生意,不但有租交,仲唔駛減租,小不忍則亂大謀,做生意是求財,不是講政治,於是講一聲多謝就走了。


  近日社會撕裂得很緊要,大致上分黃藍綠,黃的叫支持黃店,藍的叫支持藍店,綠色就無所謂,但大家想深一層,就算支持黃店,業主可能是藍色,變相支持藍店,支持藍店結果亦是一樣,由此可見,是很難將黃藍分開,倒不如唔好分,鍾意去那一間就那一間,無謂將自己縛死,至於我,最緊要食物有水準,收費合理,黃藍又有何關係。

晨早夜話(38)難為藍黃定分界
1. 十郎
2019-10-29 18:35


      變識龍。

2. 大鄉里
2019-10-29 20:30

  還有灰色,灰心的灰.

3. O
2019-10-29 21:40
願和平歸香港。
4. Fisherman
2019-10-30 06:45
大家都講到口臭,咁又點?
5. Ben
2019-10-30 10:13
總言之就是動口不動手,不要說什麼違法達義的歪理,這才是香港的核心價值。
6. ND
2019-10-30 10:25
好明顯黃藍已變成一個娛樂性極高的話題。
7. 陳仔
2019-10-30 14:21
非常認同。
分顏色,定標籤 係一種愚蠢到極嘅做法。完全無建設性,最多咪又係另一種滿足到自己、圍爐取暖嘅行為而已。
真心愛香港嘅,不如一齊諗出路,達到一個中和點,令香港進步啦。
8. 望東樓
2019-10-30 21:06
我就盡量嘗試保住嗰啲一向幫襯開但而家掙扎中 + 以前太多人,無緣幫襯嘅食肆。
不過真係慘不忍睹。
9. 自我陶醉
2019-10-31 11:53
真冇骨氣,藍絲業主根本唔應該租俾黃店,等大家可以痴癡呆呆坐埋一台,徹底劃清界線,以免誤中副車。

計我話寧願餓死都唔向暴民屈服,先係真正藍絲,真正愛國愛黨,否則全部都係唯利是圖嘅二五仔,全部要秋後清算!哈哈哈!


10. 引刀一快
2019-11-01 04:08
自我陶醉兄

你又將問題推到新高度,點樣可以喺簽約之前核實對方派系先?唔通寫埋落合同,承租方若果有敵對派系表現,可以沒收押金兼封鋪?
11. 自我陶醉
2019-11-01 09:04
引刀兄

死約冇得搞啫,生約有呀! 而家個個爭住歸邊, 黃藍店app都出埋,自己做research喇。 

張約簽名下面仲可以留返一行任佢寫八個字作政治表態, 例如“愛國愛港  支持警隊”, 之類之類, 睇下佢寫咩然後業主先慢慢決定簽唔簽囉! 哈哈哈!
12. 一般讀者
2019-11-01 10:08
自我陶醉兄
我支持你,遲d分埋藍店街/黃店街,大家唔洗行錯街,支持錯店舖。
13. 引刀一快
2019-11-01 11:29
自我陶醉兄

咁搞法,實俾業主DQ喇。
14. 引刀一快
2019-11-01 11:31
乾脆,港島黃,九龍紅,界限街以北全部藍。


15. 自我陶醉
2019-11-01 12:00
引刀兄

如果我係藍絲,間舖又喺港島的話,咁係咪要賣舖?如果係的話,啲地代就發囉!哈哈哈!
16. 引刀一快
2019-11-01 22:42
自我陶醉兄

依家可以寫個app,搞個換鋪平台,咁咪你發囉
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。