地產論壇
登入名稱
密碼
頁數:
茶餐廳亂話(567)敵人的寬恕就是最好求情信
瀏覽人次:20898    回應:9

茶餐廳亂話(567)敵人的寬恕就是最好求情信

 

湯文亮博士

紀惠集團行政總裁
2019年9月15日

  今早去了行九龍海濱長廊,中午茶餐廳老闆請食飯,仲話明有事希望我幫到手。原來老闆有個好朋友的兒子貪玩破壞港鐵,被警察捉過正著。老闆話朋友托佢請我寫求情信,我話我冇力,記唔記得上一次示威者封了國際機場,累到我的秘書及她兩個仔冇得去旅行,我寫了一封信給機管局行政總裁林天福,他兩個星期後搵個職員仔回應,話有什麼投訴或者要求賠償,可以打這個電話。Sorry 都冇講一句,好彩我秘書參加東瀛遊,老闆禤國全知道這件事,立刻替我秘書安排再出發,不用再繳交任何費用。這就是公營與私營的分別。

  我同老闆講,我雖然幫唔到手,但有一個人如果他肯幫手,他朋友的兒子一定冇事。大家要知道,得到敵人的寬恕就是最好求情信,如果搵地鐵歐陽先生寫求情信,我擔保他朋友的兒子一定冇事。老闆面有難色,話歐陽先生點會為他朋友的兒子寫求情信,要求賠償就差不多,這又不能太肯定,有消息指歐陽先生亦曾經替破壞港鐵的示威者寫求情信,結果是得緩刑。有人問點解要對敵人咁好,而自己受傷的員工又不聞不問,答案是員工是受薪的,如果受傷又可以得到保險賠償,點解仲要問候?發問的人目瞪口呆,唔識得怎樣繼續問下去。

茶餐廳亂話(567)敵人的寬恕就是最好求情信
1.
2019-09-15 16:23
哈哈!
2. 引刀一快
2019-09-15 20:07
好有伊斯蘭味道。
3. 有心人
2019-09-15 21:33
對未來主人翁應該網開一面 , 好似將香港中國的資產轉移到英國真係大蝕 , 如今好多商場和地鐵被攻擊, 如果香港資產大跌, 有人可以帮手低價入番,等到個市冧靠咗,大家就可以回復正常生活。
4. KKF
2019-09-15 22:59
敵人的寬怨....
應該是寬
5. Admin 2
2019-09-15 23:13
謝KKF, 已更正
7. 真真薯片
2019-09-16 17:58
如果對地鐵有不滿,應該搵地鐵既話事人

破壞地鐵,結果只係比錢搵人整返同執手尾,對爭取訴求一d效果都冇,只會阻住人搭車,亦非常唔環保
8. onclerkclerk
2019-09-17 16:33
可否求地鐵站的修理工寫求情信,      他們晚晚開O T,肥過肥仔水。
9. onclerkclerk
2019-09-17 16:49
唉,打咁多嘢,地鐵下年又有充份理由加價了。
10. onclerkclerk
2019-09-17 16:50
唉,打爛咁多嘢,地鐵下年又有充份理由加價了。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。