地產論壇
登入名稱
密碼
頁數:
政府不應檢控新地
瀏覽人次:26457    回應:9

政府不應檢控新地

 

湯文亮博士

紀惠集團行政總裁
2019年5月22日

  我寫有關招標高回贈賣樓手法不透明的文章已經有一年,政府不但沒有檢控任何地產商,甚至有監管機構表示招標賣樓沒有違規。有了這個保證,地產商變本加厲,就算大如新地亦不例外。直到上個月政府發覺招標賣樓已經到了失控地埗,陳帆都唔知點做,唯有叫地產商自律,到最近政府突然點名話新地招標賣樓違規。我覺得政府這步棋行錯了,以為檢控新地可以令其他較小型地產商在招標賣樓時不敢違規。其實,政府如果要檢控新地,首先要譴責自己的監管機構,沒有作出清晰指引。如果真的要搵地產商祭旗,都不能夠搵新地。我認為新地最支持政府,以月月有樓賣的口號表示絕對不會囤積居奇。不過在年初的時候樓市不太好,而見到其他地產商用招標高回贈的方法賣樓,而又有不錯成績,有樣學樣而已。政府點解唔首先檢控其他違規地產商?這實在於理不合,於法不合。

  有老友話於理不合還可以解釋,但並不是於法不合。政府可以隨時檢控任何違規的人,我唔敢反駁。不過,我曾經試過在一段路違例泊車,但當時有很多車輛同樣違例,我的車泊在中段,抄牌的人只抄了我的車,於是我去信交通部投訴。首先,點解不是由兩邊開始抄牌?如果有交警抄牌,我的一定會將車輛駛離,最後該罰款單被撤銷。同樣情況,政府如果一早檢控其他違規地產商,新地一定不會招標賣樓時違規,事件應該錯在政府而非新地。雖然,違規事件上限罰款只是50萬元,數目真的不大,但嚴重影響新地商譽,官員們或者不會明白商譽的重要性。

政府不應檢控新地
1. 香港人
2019-05-22 12:32
所有奸商也需要罰,第一新地,第二。。。。。一個也不能放過,失識官員也需下台,這才可對得住市民。
2. 鳥5
2019-05-22 14:39
上個月,又有行政成員,走貨3個住宅物業7個車位。。 What happen? What is going on? 睇時間唔似貿易戰。。。 佢又係傻仔?
3. 鳥5
2019-05-22 14:40
不樓未上車! 唔好上車呀!
4. 鳥5
2019-05-22 14:41
今次呢個 係掌握政府敏感資料 嘅公務員...
6. 鳥5
2019-05-22 14:42
未上車 忍得幾耐得幾耐呀... 可能阻你發達 但點都要諗下先 好啲喎
7. 鳥5
2019-05-22 14:44
我嘅理解 任志剛18年發表嘅對港房屋政策文章 ,應該係針對土地持有人... 另外 就係短期供應 呢個我相信會響明日大嶼批咗之後
8. 鳥5
2019-05-22 15:22
罰得唔重都一定要告, 香港法例民事跟刑事。。 不公平交易 踢契先係關鍵呀。。。
9. 鳥5
2019-05-22 15:26
先來一開就黃金萬兩。。。 和解格價 ,唔同抄牌價格。。
10. 真真薯片
2019-05-22 23:17
新地堅持市區屋苑遂粒賣,唔罰佢罰邊個?況且招標利潤遠超50萬,罰款只係生意成本,除笨有精,即係話比大家知可以繼續招標

話說北角海邊新盤二期就快落成,果塊地批出遠超正常6年落成期限,正苦做左野未?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。