地產論壇
登入名稱
密碼
頁數:
茶餐廳亂話(391)鬧林鄭唔放假即是鬧老闆
瀏覽人次:25055    回應:18

茶餐廳亂話(391)鬧林鄭唔放假即是鬧老闆

 

湯文亮博士

紀惠集團行政總裁
2018年9月20日

  今早去到茶餐廳,「山竹」的餘波似乎未了,今次輪到老闆發圍。有做老闆的熟客話,星期一當日返到公司,有一個中級職員猛鬧林鄭點解唔放假,有幾個職員附和。當他們興高采烈的時候,老闆突然發火話鬧林鄭即是鬧佢,林鄭唔識做但佢識做。如果大家唔方便返工,只要打個電話回公司便可以,就算返了公司,亦可以用任何理由離開,他決不會阻撓。唔需要鬧林鄭,老闆發火,大家都知道要收聲。

  現在市面上鬧林鄭的聲音的確很多,但鬧她的人其實是鬧緊他們的老闆,認為老闆不近人情,就算政府唔放假,老闆大可以主動放假,又唔需要林鄭批准。而事實上林鄭是冇權停市,就算是停學,政府只能停中學或以下,大學是否停學的主動權就交回大學行政人員手中、既然林鄭冇權,點解要鬧佢?不如大膽一些,將老闆鬧過狗血淋頭,但又無人夠膽。他們反而早一點出門,希望在老闆回公司之前返到公司,等老闆睇到他們的表現,這樣做是否有多少口不對心。雖然有人話老闆是沒有問題,如果他們遲到,人事部會問點解唔早一點出門口。事實上人事部這樣做是絕對正確,這是他們的職責,他們沒有權力叫同事不用返工,林鄭也是一樣。

茶餐廳亂話(391)鬧林鄭唔放假即是鬧老闆
1. 湯瑪斯
2018-09-20 10:11

根據《緊急情況規例條例》,行政長官會同行政會議有權作出任何合乎公眾利益的規例。所以,特首是有權宣佈全港停工的。否則萬一有一天香港發生比山竹的破壞力更厲害的颱風,政府也不可以宣佈停工,不是很不合理嗎?今次善後工作可以改善。但不一定要全港停工。有意見謂非緊急公務員停工一天,以減輕交通上的負擔,這也是一個辦法。下次遇到同類事件,可以考慮!


2. 十一哥
2018-09-20 10:13
反民成日tell正苦獨裁、不過呢鑊又少正苦唔獨行獨斷。

3. 湯瑪斯
2018-09-20 10:16
這幾天因為老婆要用車,所以下班後要坐巴士回家。我發覺這幾天巴士誤點、脫班視若「老奉」,九巴、新巴的App有時索性不提供到站時間,又不在App公佈。我對巴士公司的服務甚為不滿。他們最應該被市民罵,不是林鄭。
4. 香港土著
2018-09-20 10:21
吊高林鄭係可以,始終係on9,事前完全冇重視道路問題。但齋吊林鄭就係out focus。港鐵有路詭被樹阻擋,十號波一除就應該立刻被發現,而唔係當班人去到逼爆站先on99訓未醒咁L樣。所以,最該吊就係馬屎坑同行房佢個柒煩,兩個正宗官場人渣。
5. 自我陶醉
2018-09-20 11:39
呢單嘢令我想起制定黑雨機制前的一次特大暴雨。沒有黑雨前,無論雨下幾大,一樣要返工,經過嗰場暴雨,鏡頭上,市民個個沖到仆都要趕返工,當年政府亦係話冇機制,一樣係被鬧爆,結果落實了黑雨安排制度。

今次林鄭算是好運,火車站內嘅人,無鼓譟、無失控、無被推落路軌,所以還可以死撐,否則,肯定有人頭落地。 好在這次發生在香港,如果是在內地發生,後果可就不一樣了。

其實機制上冇,唔放假亦合情合理,但一定要檢討將來的安排,交通混亂,幾千人迫在車站,一旦人群鼓譟、推撞,後果難以想像。作為一個負責任的政府,光是死撐,既無法平民憤,對事情亦不會有幫助,結果搞到林鄭同反對聲音隔空鬥咀,實在有失身份。政府根本唔洗take it personal, 這是民主與法治的演進過程,每次都給社會制度改進得更完善,更人性化。
6. 十一哥
2018-09-20 12:23
香港人理想…係打L完風、揾人番工先…清好條路、肯定途程冇阻冇滯、先至好通知D巨嬰起駕 ! 


7. 真真薯片
2018-09-20 12:25
林鄭是否有權停工,呢個法律問題有好多專家解讀緊,有唔同睇法,睇怕真相要高等法院法官講先算數,呢方面在下唔加把咀

將心比己,林鄭都唔知自己有冇權可以停工,假設佢想停工,佢要問一問佢個best friend潛建律政師比法律意見,潛解律政師要考慮如果放假,比人申請司法覆核既風險,依家好明顯林鄭到今日都仲未有可靠既法律意見到底自己有冇權叫停工,又冇先例,林鄭當然唔會冒險叫放假,總之一切照舊,落波,返工,包冇錯,錯左都唔關佢事

呢件事過後,林鄭應該補補飛問下潛建律政司,到底佢有冇權叫停市,咁下次佢就多個選擇


8. 議事論事
2018-09-20 12:33
回4樓,你可能有問題,港鐵職員同市民一樣都係要趕返,點可能十號波一除就立刻被發現
9. bos fan
2018-09-20 13:09
林鄭應該就之後有同類事件制定應變䇿略,例如何時政府有權宣布停市。
10. 香港土著
2018-09-20 13:26
8樓,你真醒,10號波999有冇人聽?每一個公共事業機構都有事故應變部門,唔係你所想像咁,等落波再慢慢等Limo接返工。
11. 何需咁小氣
2018-09-20 13:30
老闆可以明鬧人,伙記唯有暗鬧,咁都接受唔倒,點做大事,點叫啲伙記跟你
12. 議事論事
2018-09-20 13:58
你頭先好似係話港鐵,999係太多人打所以無人聽,我無話過接聽999是10號風球無人返工,請看清楚,仲有樹可能係之後先突然發現有問題
13. 向泛民说不
2018-09-20 14:32
楼上,无错今次政府善后工作做的不好。但是也是情有可原。因为从来未试过甘大面积的道路瘫痪。
当然第一日可以停工,但是本人接受这是不负责任的说法。因为只是新界北和九龙道路瘫痪。仲有如果沙中线开通,估计今次不会那么严重。
第二个问题是马路太多树了,要迅速恢复马路,需要提升10倍的人手。除非事前已经准备了10倍人手清理树木。当然令一个方法就是要求解放军帮手清理树木,但是又要被黄狗咬。
14. 香港土著
2018-09-20 15:53
我咪就係話港鐵囉阿大爺!
15. 向泛民说不
2018-09-20 17:48
土著,今次关港铁L事咩。十号风球不可抗力。唔L好为反而反啦。
当年如何沙中线开, 应该有redundancy,会好很多。不过黄狗用沉降阻住啦。
16. 向泛民说不
2018-09-20 17:48
土著,今次关港铁L事咩。十号风球不可抗力。唔L好为反而反啦。
当年如何沙中线开, 应该有redundancy,会好很多。不过黄狗用沉降阻住啦。
17. 香港土著
2018-09-20 18:42
向飯,你用下個光滑的腦啦,大樹封路哩d有眼就可以判斷嘅事情,一定要試過先識處理?係咪人人都要中過愛滋先知唔好濫交呢?
18. 向泛民说不
2018-09-21 00:19
土著,所以话你头大无脑,无错搬树只是只是手板眼见功夫,唔难,只是香港黄狗肯做咩。你点系短时间内招够人手呢?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。