地產論壇
登入名稱
密碼
頁數:
土地供應短缺並不是今日才發生的事
瀏覽人次:22568    回應:17

土地供應短缺並不是今日才發生的事

 

湯文亮博士

紀惠集團行政總裁
2018年4月27日

  今日各報章大新聞除了許智峯事件之外,就是搵地小組主席黃遠輝公布香港唔夠地,大約缺少1,200公頃,究竟1,200公頃土地是多少,大約等於幾多個維多利亞公園,或者幾多個太古城,甚至幾多個大球場,而事實上由黃遠輝宣布是不大適合,如果我是他,一定唔會接受政府這項任命,因為這是一項令他自打嘴巴的任命。

  在過去,黃遠輝是大力支持政府出招打壓樓市,在他的心目中,樓價上升是投資者炒樓引致,香港有270萬個住宅單位,只有250萬個家庭,根本沒有供應不足這個問題,辣招可以令到炒樓的人減少,沒有人炒樓,樓價就會下跌,在黃遠輝心目中,供應不足只不過是偽命題。

  在過去幾年,我不斷發文話供應不足,但從未得到政府回應,反而官員在私底下會說,只要政府出招,樓價就會立刻下跌,今日,供應不足這個偽命題正式立案為真命題,並且由昔日以出招壓樓市的黃遠輝公布,實在有多少諷剌,其實,由黃遠輝公布亦未嘗不可,但在公布之前,先要向公眾承認昔日錯判形勢,沒有及早增加供應,知錯能改,這才是大將所為,才能令人信服。

土地供應短缺並不是今日才發生的事
2. 黄遠輝只是話……
2018-04-27 12:19

在供求失衡下,出招是管理需求,亦知道是供應不足。


https://hk.finance.appledaily.com/finance/daily/article/20130610/18291766



3. 真真薯片
2018-04-27 12:20
黃某同正苦高官飽讀詩書,絕非蠢人,佢地當初一定知道停售居屋+勾地表=將香港物業供應權完全交比地霸,出辣招只係buy time比地霸賺多10年錢,依家目的已經超標完成,出黎講句供應不足,大局已定,講完仍然係供應不足,冇得改變,之後拍拍羅油走人,地霸已經準備好係超甲級寫字樓頂樓既豪華海景大班辦公室+美女秘書恭迎大駕光臨,警察幾個前一哥依家都係咁,不知幾梳乎
4. 十一哥
2018-04-27 12:34
當官時~暗結~善緣、夕陽無限好、真老細會報恩嘅。


5. 市區有熟地
2018-04-27 15:11
市區靚地有咁多公務員樓,好多都係半空置狀態,大部份又未補晒地價,政府唔收返就永遠都用唔到,嚴重浪費。
6. 說3道4
2018-04-27 15:45
舊區重建,一句都不提,有趣!
9. 林太
2018-04-27 17:26
黃遠輝對樓市的認知,連天水圍師奶都不如。居然有人相信樓價高是因為炒家。真是陰公!

辣招不知害慘了多少人。
10. 引刀一快
2018-04-27 17:46
一個大灣區不知幾多千公頃,呢個就係未來嘅現實。
11. 成班狗官
2018-04-27 17:50

妖邪當道, 成班狗官.

抗爭唔到, 只可以係班狗下面做連狗都不如嘅狗奴

12. 大湾爛尾
2018-04-27 17:50
你預大灣供應有百分之二十爛尾,百分之二十危樓。平野冇好野。
13. 眞相大白
2018-04-27 18:05
多年來錯怪了炒家,也害了不少人落錯車。系時候撤除辣招,回覆市場機制
14. 引刀一快
2018-04-27 18:34
12樓

搞笑,咁你快D移民喇,如果全國最好嘅地方廣東都係咁,小心日本仔打到嚟喎,哈哈哈
15. 知死
2018-04-27 19:17
咦!晤系話香港冇供應問題嗎!點解突然承認土地供應不足?因住嚇到大家湧出來搶樓,搞到中原指數提前破200點。


16. 追夢的人
2018-04-27 20:52

香港從来啲官同大地產商,背後都系沉瀣一氣,東涌填海又狗噏,即刻上馬啦,又唔知攪幾多年再填,填完又要等塊野熟,熟咗又要賣,賣完又要等幾年起,

我而家積極考察大湾區,首選珠海,次選中山

17. 又本事
2018-04-27 21:58
敢胆就再出辣招。冇有怕!
19. Carson
2018-04-28 12:26
仲喺度大便論,香港一百幾十年來都係靠填海,回歸之後忽然間跳出啲所謂環保份子反對填海,導致香港近廿年都冇咩大型填海計劃!呢個就係土地供應不足嘅主因!今日仲喺度議而不決擺明就係益地產商。無計!上一任搞地產商就俾某報推到落台為止。呢任仲唔醒水呀?
將軍澳啲哋80、90年代填到2000年代初填晒,去到今日都仲有樓未入得伙,再唔快啲填就廿年後都無地。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。