地產論壇
登入名稱
密碼
頁數:
業主應該反對成立搵地小組
瀏覽人次:20193    回應:7

業主應該反對成立搵地小組

 

湯文亮博士

紀惠集團行政總裁
2017年9月22日

  政府失驚無神成立搵地小組,而且在公報之前,並沒有走漏風聲,所以,普遍對搵地小組的反應都是良好,只有地產商知道,如果搵地小組可以做到嘢,土地將會貶值,如果他們持有的農地不通過補地價轉換成住宅用地,那些土地的價值就會大大降低,分析公司亦預期地產商會加快補地價速度,反而有利股價,令到地產股股價飆升,所以,有人認為搵地小組是強迫地產商加快補地價,所以,我認為最反對政府成立搵地小組的並不是持有大量農地的地產商,而是多個住宅單位的業主,搵地小組無論是否搵到地,都會令到土地供應增加,最後亦會令到樓價下跌,所以,那些業主最應該反對政府成立搵地小組。

  大家有所不知,政府官員有自知之明,如果好似CY一樣旗幟鮮明去搵地,一定搵唔到地,就算搵到,都好似CY所形容一樣粒粒皆辛苦,因為在過程中一定會有很多人反對,要改變那些人的態度,唯有將他們招降,於是成立一個三十人搵地小組,其實,如果真的是要搵地,三個人就夠,毋須要三十人,在搵地小組成立之後,本來有十八個月去搵地,但主席黃遠輝已經急不及待談及怎樣用地,首先是首置上車計劃,老實說,如果我有很多物業,就會膽顫心驚,因為平價供應即將開始,不過,現在反對可能已經稍遲,搵地小組內有各式各樣的領導人物,他們可以抵擋不同領域反對的人,大家可以預期,搵地小組一定可以完成任務,不過,樓價亦會因為搵地小組成功而下跌,雖然,有很多專家話樓市到今年底,在不足四個月有5%升幅,但我相信他們並未考慮到搵地小組這個因素,或者,他們是有考慮到,但認定搵地小組是很難搵到地,或者只能夠搵到幾幅小型土地交差,結果反而會令到市民驚覺,政府用到三十人的搵地小組都搵唔到地,在土地供應不足之下,樓價又怎能不升,預測到今年底有5%升幅其實已經相當保守,大家對搵地小組有不同意見是很正常,但無論如何,持有多個物業的業主應該反對成立搵地小組。

業主應該反對成立搵地小組
1. Bos fan
2017-09-22 12:49
咁博士咁多物業係咪都反對,茶餐廳老闆都應該反對
2. BALL
2017-09-22 13:47

哈哈哈!!


汪敦敬:美國縮表不可怕 2017 09 21

https://www.youtube.com/watch?v=pEJFcARHGbs

湯文亮:縮表對樓市的影響,將會很嚴重 2017 09 21

https://www.youtube.com/watch?v=1eKCTW-AL8g
3. 真真薯片
2017-09-22 16:15
唔需要制山填海既供應, 除左農地補地價之外, 應該已經比689搵得8899

其實地霸一早已經成立反搵地大聯盟, 由藍黃議員, 環團, 保育人仕組成, 總之就唔比你移山填海, 咁剩底既地就得返農地補地價, 想地霸大爺出錢補地價, 正苦就要去跪地求人兼減補地價價錢(呢樣最緊要)
4. 70s
2017-09-22 16:49
財務公司,正常系外判收數。
所以林太成立揾地小組,絕對優勢十足,又5會比人話官商勾結,農地補地价首置系頭炮,跟住公屋,居屋,私樓陸續有來。
另外,我覺得既然賣平D,又加大建築量,市場又5夠建築工人,最好趁勢輸入適當外勞。若是建築工會好似美國汽車工會,保護工人工資而反對,受害系將來過百万準香港業主。



5. 博士好野!
2017-09-22 16:58
中原地產研究部高級聯席董事黃良昇指出,CCL升勢亦受阻,近四周持續一升一跌,於160點高位反覆。最新報160.75點,為歷史第四高,按周跌0.12%。
6. 智叔
2017-09-22 17:44
官員們如果有自知之明就唔會將自己人工Set到同美國總統一樣咁高啦,一班眼高手低,志大才疏之輩而已。
7. 真真薯片
2017-09-22 21:58
香港正苦高官其實智慧驚人, 個個都係樓神大業主
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。