地產論壇
登入名稱
密碼
頁數:
令樓市上升最主要因素
瀏覽人次:26001    回應:12

令樓市上升最主要因素

 

湯文亮博士

紀惠集團行政總裁
2017年9月14日

  當我們聽樓市專家講樓價上升原因,不外乎供應不足,就算政府可以增加土地供應,但地產商有能力持貨不賣,將樓價維持在高水平,此外,需求龐大,利息維持在低水平,即使香港人的買樓能力減弱亦不會令到樓價下跌,因為有大量國內人士到香港買樓,而且香港財源充足,即使美國加息,香港亦可以不跟隨,而且有例可援,美國已經加了幾次息,香港仍然可以不加,總總原因,顯示樓市仍然會上升,其實,樓市還會不會繼續上升我亦不敢說,亦不敢說專家所說的話沒有道理,但他們沒有將令到樓價上升的最主要因素說出來,因為,如果說出來的話,上述的全部是廢話,沒有這個因素,樓市九成九已經掉頭下跌,即是一個人食了興奮劑之後參加比賽,即使有好成績,他只會話他如何克苦耐勞,訓練如何艱鉅,唔通話俾其他人知食了興奮劑。

  在下半年開始,對樓市有利因素不但沒有減退,而且愈來愈好,新樓盤熱賣,二手樓屢創新高,但樓價並沒有上升,這可以說影響樓市的有利因素已經去到尾聲,即使地產商對他們的新樓盤提供免壓力測試的高成數按揭,亦不能夠再令樓價上升,如果,我只說是如果,政府下禁令或者地產商自律地不再提供免壓力測試的高成數按揭,樓市的走勢將會如何,我唔相信有專家話沒有影響,樓市仍然可以保持平穩,其實,大家心中有數,樓市在上半年保持上升,全靠地產商的免壓力測試高成數按揭,做成新樓盤熱賣,而且買了新樓的人又毋須放售他們原有的自住物業,二手樓市場始終是供應不足,雖然樓價屢創新高,但成交量非常之低,而且在屢創新高之下,樓價指數仍然未能繼續上升,這亦是樓市的隱憂,除非有新的興奮劑,否則的話,樓市很難繼續向上攀升,或者有人到現在仍然不知道什麼是樓市的興奮劑,如果我說是地產商提供的免壓力測試高成數按揭,我相信反對的人不會太多。

令樓市上升最主要因素
1. 鳥5
2017-09-14 11:37
其實,好多国家樓見頂已回,香港未回只係特別在供求,資金,(同埋高地策)。。。到而家都係。。cYD貨都今年先出,但地覇5會5坐,只能做辨招(Good水)。。不過真係尾声,但不以急跌,像是 軟著陸,....
2. 鳥5
2017-09-14 11:43
世界上冇国家只係開發土地就(夠)養人,仲要個個發達,你估有石油咩,一係人均收入高,一係就。。。食緊老本(变種 透支 政府發債。。 唉!甘玩要找數㗎。。。
3. 鳥5
2017-09-14 11:47
我就當林太 今次都係忽悠 ,再當全港同心同德一齊炒上,樓價都係要死。。。
4. 真真薯片
2017-09-14 12:12
發展商包按破盡金管局8逆, 但其實係有代價, 發展商自己出錢比人買自己既樓. 資金並無回籠, 做唔到貨如輪轉, 如果等資金回籠去投地就死得啦

不過發展商狂推包按盤至少證明一件事, 就係樓價升符合地霸界最大利益, 唔要量, 唔要資金回籠, 最緊要成交價升
5. 十一哥
2017-09-14 13:56
一早話咗啟德地霸搶咗地…未必籌到旗起樓、陀地就陰陰咀笑…等緊執死鷄、陀地水浸到唔知擺去邊好、做埋財仔就簡單俐落、散到貨又鎖定利潤、有乜依郁起碼有老散buffer墊底。

冇得加息…成就地產不敗…有水就放心、當盡…冇水就好難捱。


6. 無言
2017-09-14 17:00
一個創滙能力不足的地方,樓價難持續上升,亦無意思。
一個社會制造財富力斷層/不足(指現今80~00代),造成長期樓市不明朗,單靠外來資金溜入撐住,危險狀況。
短期(1~2年内)樓價上落幅度不大。
中期(3~7年)慢回
長期危險
以上根據現況靠估,徐非社會未來有突破性發展。
買樓入貨要小心行事。
7. 真真薯片
2017-09-14 18:42
在下認為香港係中國一部份, 香港樓價睇中國經濟多過睇香港經濟, 就算香港本身唔惦, 如果大陸放水, 港樓會照升, 反之如果中國經濟唔惦, 香港本地人識飛都阻止唔到樓價下跌, 情況有如俄羅斯首都莫斯科, 國家窮到抽根, 但係莫斯科樓價唔跌
8. 十一哥
2017-09-14 19:15
睇好後市買樓投資…不如買陀地、新記/長記…等佢地幫自己揾真銀、乾手淨腳、有升有息、好過身水身汗排隊又受氣。


9. 引刀一快
2017-09-15 12:51
交易與好友輿論不相稱。
10. 準備入市的80後
2017-09-15 17:33
剩係一句 "但樓價並沒有上升" 己值得商確.
11. 1234
2017-09-16 12:47
本身是華人置業主席的劉鳴煒指,任何限制土地供應的人士或組織,都是地產商的朋友,「因為供應少,樓價就會高,最終得益的只有地產商、投資者、業主
12. LC
2017-09-17 00:28
現在還在買樓的人我相信都是十分有實力,因為政府己經落左太多既關卡,screen 淨既都係收入高/資產多既人事,就以過去既荃城滙為例,買兩個單位既客都唔少。再加埋股票新高,駁剎既人同真正有錢既人都多,要樓市轉向,必需睇股市同香港人實在收入。如果E兩樣都唔轉向,樓市可以係消費品,又可以係投資。如果以這兩樣的本質黎睇去向,就唔會淨係單一羅樓市黎講

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。