地產論壇
登入名稱
密碼
頁數:
茶餐廳亂話(128)老C其實轉緊軚
瀏覽人次:25919    回應:4

茶餐廳亂話(128)老C其實轉緊軚

 

湯文亮博士

紀惠集團行政總裁
2017年6月28日

  今早去到茶餐廳,差不多每一個客人都是講昨日細價股爆煲,鬼佬David Webb當然做了英雄,今年股市風雲人物非佢莫屬,最黑仔當然是謝國忠,如果前幾日話香港樓市衰足廿年的時候,順便講小心細價股隨時會爆煲,昨日就會威過鬼佬,唔夠班即是唔夠班,細價股爆煲都睇唔到,其實,睇唔到才要講,大家都睇唔到,點講都可以,大家都睇到就唔值錢,如果今日同人講早已經睇到細價股會爆煲,我相信會被人笑,真係睇到都唔敢講。

  有茶客話樓市正在火熱,老C都話利息低供應少,樓市難爆煲,問我點解唔轉軚,我話唔敢轉,因為老C現正轉緊軚,在較早前,老C話樓市不會爆煲,理由同樣是利息低供應少,現在是難爆煲,稍後就會話不容易爆煲,轉軚的動作雖然緩慢,都是轉緊軚,倘若利息上升,供應增加,就大條道理轉軚,形勢有所不同,轉軚亦是可以理解,茶客唔信老C會轉軚,我話無論新樓,二手樓的成交量實在太少,物業代理想唔轉軚都唔得,唔通食穀種。

茶餐廳亂話(128)老C其實轉緊軚
1. 十一哥
2017-06-28 11:58
D  BB股爆煲一定係人都睇到、不過鬼佬冇咁多牽扯…噏得大膽D咁解、冇乜老散落叠就係證據、自己D媒炒嚟炒去、諗住炒到老散迷信…一落注就收網、點知而家個個醒水、再加大藍籌仲好炒、終於玩到老千入肉…兄弟都契弟走得摩、鬥快散水。

罪魁禍首都係比個平台老千玩嘅…你少十…


2. 香港土著
2017-06-28 20:48
莊家股爆煲真係大快人心!成班嘍囉搭個棚扮大鱷,家陣玩出火燒自己春袋,活該!!
3. 自我陶醉
2017-06-28 23:27
如果講股市97前和現在比較,市場的老千妖股真的愈來愈多,尤其是在創業板,垃圾股多於一切,同A股有得揮,香港金融中心一大恥辱也,昨日的垃圾股集體洗倉,包括正板和創仔,很多都是長期冇盈利,冇息派的垃圾,的確大快人心。 不過除非你玩沽空,否則估中爆煲都冇咩用,十一哥講得啱,香港股民根本唔會買呢啲股,呢啲股其實係老表炮製用嚟招呼老表的,很多都係一批打包在大陸當港股投資基金賣的,所以跌8、9成都係大媽唔見錢為主。 慢慢地老表就會看清一個事實,就係佢哋嚟買嘅港股、港樓、劏舖都係有人特別為佢哋度身而設的.....圈套。

話說回頭,垃圾也有垃圾的價和值,昨日食飯前從垃圾堆中找到一隻幾乎冇負債的妖股,用市價買個殼都要幾億,佢竟然跌到一仙,市值得六千萬,於是用一仙一執咗些少,到收市前4仙幾平倉,幾個鐘升咗4倍,和味! 呢班老千終於對社會有些少貢獻。衷心多謝。哈哈哈!

5. 引刀一快
2017-06-29 01:43
自我陶醉兄,恭喜喎。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。