地產論壇
登入名稱
密碼
頁數:
菜單是否能夠飽肚
瀏覽人次:26947    回應:20

菜單是否能夠飽肚

 

湯文亮博士

紀惠集團行政總裁
2017年6月25日

  昨晚老友聚餐,今次負責埋單老友非常大手筆,有十頭鮑,海虎翅,總共八個餸,六小碟,相當豐盛,有老友話菜單雖然豐富,大家已經有準備,心理上已經消化,應該可以完全食哂所有餸菜,有另一老友唔同意,佢話現在不是食菜單,而是食菜單上的餸菜,由於知道菜單太豐富,即使有心理準備,最後還是不能夠食哂所有餸菜,究竟兩個老友,誰的見解正確,是否有心理準備就可以消化豐富餸菜。

  上星期美聯儲局一如預所料加息,耶倫並且暗示,今年起碼會再加一次息,在香港方面,財爺陳茂波叫大家小心,去到2019年,利息有機會比現在上升2%,單以利息影響,樓價就會向下調整10%,官員們預警,本來是一件正常的事,但有貸款仲介公司話大家對加息影響已經消化,所以,即使美國以及香港加息,對買樓人士沒有影響,她的說話我覺得很奇怪,我們知道加息,但還未加息,怎知道沒有影響,其實影響一定會有,如果準備不足,隨時可以被淘汰,如果因為突如其來的風暴被淘汰就沒有話說,現在大家已經知道加息,當利息上升了超過2%之後,才發覺自己能力不能負擔而被迫賣樓甚至被收樓,這是相當不值,知道會加息並不代表可以抵受加息影響。

  大家食完六小碟,十頭鮑,海虎翅之後,已經開始放慢手腳,最後,各人都要大包細包攞返屋企,今次連話有心理準備的老友都頂唔順,最後承認眼闊肚窄,老實說,食唔哂就小事,如果供唔起樓就大件事。

菜單是否能夠飽肚
1. 十一哥
2017-06-25 12:32
而家有部份買樓嘅…加唔加息都好勉強、價升帶動租金又升…咁就過到骨…係最好嘅情況、如果價平穩…租又定定…息升…咁就頭痕、價回多少…租又跌些小…息升些小…GG…、一多人想甩身…市場供應一定會充足咗、調整一成勢…就算好多資金等入貨…都會好聰明咁等一等…深些小先落注、閒資好聰明…唔醒點會有錢剩  !  !   !


2. 鳥5
2017-06-25 13:24
同意博土比俞,开講有雲人5見棺材5流眼淚,冇話聽見棺材流眼淚。,,不過有時用家,一家人同心捱下貴樓,長遠都係書錢贏個家啫,。。。每個人都重有故事呀!
3. LC
2017-06-25 13:33
其實係邊個時候都會有格硬上車既人,噤岩E 個長周期既升覆,令好多人資產同自我感覺提升,(成日都見到新聞按層樓十幾次),實在唔識理財既人係絕大多數,睇股票極少人搵錢就知。重記得上次居屋抽中左都無人去簡樓,但係今次抽中梅窩就話好似 左六合彩噤。 我諗從 2003 至 2012 ,好多樓既業權都轉左去相對醒既買家手上,跌兩三成都未必會令香港業主賤賣資產,不過的確如果係高位格硬入既話,後果真係只有一個,不過政府己經做左野,E 兩三年既交投,,比起 97 至 03 可以講係差唔多,可以領野既野相對比較少,D 唔值錢既資產跌到返一個合理既水位就自然會有轉手。即係想當年中國人壽賣到 50 蚊,依然有人睇好接貨。香港人輸打 win 就要,當年八萬五之後,勁多人矛頭指向政府,黃雨之後中央對香港既穩定要求應該更加高,我諗大跌唔會係中央想見到既一個 option,萬一跌三成,如果普遍市民都領野既時候。。。中央就會出手,美國數市爆都識QE 救市,香港爆唔通中央就睇住香港死,最少都同香港打技止痛針, 下一次調整我覺得會係無痛調整,最少對絕大部分香港人而言。


4. 鳥5
2017-06-25 15:11
同意LC,少幅調整,整體係好事,起碼一般中小企老闆可以加按融資入自已公司(磚頭借錢,總是平錢)。之於中央救港樓,就要睇下乜野幅度,從亞董當叫林鄭做特首,董生認為香港住D地方甘細 係一種侮辱.甘我諗價就要O7年CY上任果年,(都好9大鑊)新供款落家庭收入4成
5. Oscar Lam
2017-06-25 15:49
多謝博士提醒!機會是留给有準備之人。只要不被市場所淘汰,未來才有把握機遇的可能。
6. 20厘利息
2017-06-25 15:52
香港70年代中期至81年,供樓利息從10幾釐升到20厘,其間樓價升了數倍。 今次有排都未必加到20厘。
7. 中立客觀
2017-06-25 16:10
湯先生,你好!我睇左你個專欄有幾年時間,我對你非常欽佩,你能夠在這裡講真心說話,警惕世人,尤其是年青人,已經功德無量,但是世界上有D人吾抵可憐,冥冥中有主宰,你覺得自己做左好心就已經足夠。
8. 真真薯片
2017-06-25 18:17
同意香港業主絕對係唔見棺材唔流眼淚, 更貼切應該話要訓埋入棺材, 唔夠錢加按按爆埋再冇錢供先識驚, 你依家同佢講加息, 佢只會恥笑你一定係冇樓所以度忌佢而已
9. 引力
2017-06-25 18:37
To: 8樓,香港業主有六成供甩,其餘4成人大部分都供得好輕鬆。
10. 中立客觀
2017-06-25 18:42
我睇今次樓市若果下跌,跌個幅度都吾少,我諗超過三成,有能力接貨都要有丁權,假若沒有丁權的話,如果跌吾到三成以上,對於佢地黎講,未有水位賺錢,呢D所有嘢,好似一早鋪排好咁,樣樣嘢好似有先兆咁,我都希望我估吾中。
11. 鳥5
2017-06-25 19:22
真真兄有見地,D果係人性。。不過果市要週街死人,真係睇5到未來果2年,似慢落,如果要跌越3成,入深水區2年外,耶倫套組合拳係得2弍,仲要4年(就住黎玩)不過李超甘識玩香港樓,又睇5到佢番黎玩,D果就5係好既signaL,9甘好槍都5玩。。。總係有D地霸諗5到佢諗到。。舖舖地霸玩果佢玩先,仲狼D。。
13. 鳥5
2017-06-25 21:12
博士不如 探討下,下屈正苦出乜招,好玩D呢!如果下半年係牛3頂,短期供應向地霸边,要提早供求臨介,應該要向地霸边,如果正苦(應為)已危險線,理應同地霸困鬥,再 瘋癲向上,跌起上黎冇錢救市war。。
14. Desmond
2017-06-25 21:12
其實就算樓價跌二成幾,也只是回到去年中的水平,沒怎麼奇怪的。
15. 鳥5
2017-06-25 21:27
我個人,,只係個覺得。。。正苦同各地覇都Fee1到市頂,應理边個 劈先,边果有主導權。。。正苦將來救市成本較低。。地霸浪底較有多成本賣平地。。不過係米下個月就5知啦!
17. 果位師奶
2017-06-25 23:59
師奶話比cash 嘛,加息唔關佢事嘛
呢位亞叔又話Full pay , 佢唔驚
果位四眼哥,又話有10%升, 加都加唔多
駛鬼替佢地膽心咩,多餘啦
18. 引刀一快
2017-06-26 03:02
有9樓呢種匿名嘍啰出現,即係市場人士深有隱憂。
19. 香港土著
2017-06-26 07:47
刀兄,

我最近看了一套本土電影,裡面有句對白好搞笑,笑中有淚 - "老細,祝你日頭輕鬆,夜晚威風!"

其實,說話哩位仁兄係廁所入面遞毛巾的... 8樓一樣坎坷,不賣口技,那有Tips收。
20. 真真薯片
2017-06-26 09:02
供緊樓既人就知, 加息兩厘, 月供增加超過兩成, 同時供息同供本金比例大變, 在下識唔少人, 本來換樓, 先買後賣, 買完後樓價升又放唔出, 就索性唔賣買樓, 將舊樓轉名兩公婆一人一層避辣稅, 新樓自住舊樓放租, 好似好完美, 如果加息兩厘, 兩層供款同時加超過兩成, 舊樓加租加唔加到四成去頂? 如果撞正經濟唔好, 股市急跌, 都咪話唔驚

美國加息步伐照計係影響P, 而大部份人用H, 歷史證明H係可以chok得好快, 如果H上到兩厘, 係非常大鑊, 不過未發生講咩都冇用
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。