地產論壇
登入名稱
密碼
頁數:
租金點解有升冇跌
瀏覽人次:34667    回應:32

租金點解有升冇跌

 

湯文亮博士

紀惠集團行政總裁
2017年2月17日

  昨日TVB「樓市點睇」同我做了一個訪問,將於下星期一以及再下一個星期一晩上7點半在J5播出,主播問了很多問題,其中一條是點解報章話租金爆升,而我話租金下跌,我反問主播,如果她的租客現在續租,提出條件是租金不變,她會怎樣,主播話當然續租,如果租客要求一個月免租,她又會如何,主播話一樣會續租,換句話說,如果租約是一年,即是減了8%租金,兩年租約就減了4%,但外人從租約上又如何知道租金跌了幾個%,做成市場上租金不會下跌。

  倘若續租的時候加了10%租金,結果大家都是很容易睇到,因為,業主與租客不會因為要維持現有租金,而在一年或者兩年之內付超過12個月以及24個月租金,只會按月加租金,到最後,大家會發覺到租金只會上升,不會下跌,最多只是平穩,不過,當租金繼續下跌,租客離開,業主要簽訂新租約時,大家就會知道真正的市值租金,亦會很奇怪租金點解下跌得如此急速,其實,租金可能已經下跌了一段時間,只不過被隱藏,新租約將市值租金揭露出來,而租金與樓價有榮辱與共關係,屆時,樓價下跌,大家又千祈唔好覺得奇怪,主播明白,還有很多好問題,大家準時收睇就會了解多一些樓市情況。

 

租金點解有升冇跌
1.
2017-02-17 10:07
博文呢排專出膠文,唔加租都偷笑,仲要免租期?聞所未聞
3. 都係我
2017-02-17 10:14
本人兩年前簽落萬二蚊租,我是好業主,租客都不錯,所以生約內都冇加租,而家市價租金約萬六?你叫我俾免租期一個月?? 我都不知幾想租客自己走,趕佢走又唔好意思
4. 引刀一快
2017-02-17 10:16
冇人承認大陸個浪嚟咗,依傢大陸物價升,消費降,經濟低走現象唔駛好耐就會越發清晰。

大陸樓市最近有類似香港租金現象,我遇過兩個樓盤,實用面積大于房産證面積,換句話講,係明升暗降,而且相差比率以倍計,一個係建築面積480平方米,實用逹920方,另一個係房産證280方,加送N様令總可用面積增至近500方,而且,管理費都按建築面積計算。
5. 向饭民说不
2017-02-17 10:28
引刀,旧闻哦,大陆實用面積大于房産證面積,好正常。一直都有啊。不要造谣啦。
6. 引刀一快
2017-02-17 10:31
向飯

你舉例。
7. 過路人
2017-02-17 10:38
汪總解釋了為何有人話租金下跌有人話上升了。原因好簡單,大家留意既板塊不同而已。有些屋苑還在上升有些下跌,就是這樣。

我的收租物業暫時租金比上年略升!
8. 向饭民说不
2017-02-17 10:54
引刀,证明你对大陆市场不了解啦。不过送面积都系一D比较偏远的地方。深圳这些地方是很少的。我都买过大陆楼,升幅比香港高啦。仲有中山楼,09年到现在也升了100%。当然你可能会challenge无二手市场。这我就不知道,深圳就有价有市咯。

有亲戚10年前在前海买了100多平等海景楼,当时百零玩,现在估计要1000万了,现在比我们更加富贵。

你在大陆甘多年,真系不知道大陆崛起啊,是不是天天在三沙一水泡妞啊。不知道外面世界的变化。
9. 引刀一快
2017-02-17 11:01
向飯

舉例喇。我以前未見過,睇過咁多二手樓都冇遇過,點解你知道一直都有?

公衆地方呃人話送花園就可能有,一係就特色單位有平臺要掃垃圾果隻,宅內附加面積幾乎等大於建築面積嘅,唔該舉例,等引刀增長一下見聞,多謝。
10. 引刀一快
2017-02-17 11:06
向飯

叫你舉例呀,乜又扯咗去三沙一水?

偏遠你都可以舉例㗎,前海有?
11. 引刀一快
2017-02-17 11:10
主要問題在于,實用面積遠大于建築面積,而建築面積呎價為市價。
12. to 4/F 6/F & 9/F
2017-02-17 11:23
我在中山2013年買了樓,實用面積是大過建築面積的,但沒有你説的嚴重。

中介跟我說是因爲發展商當年要以面積大小來交政府稅,當時因爲單位過大,稅制%會跳級,發展商要多交稅款。但如果天花到地面不超過一定高度,就不能算爲實用面積,所以發展商在窗邊位置做了些容易拆去(不含鋼筋)的“假天花”。業主收房后裝修肯定會打掉變爲可用面積。

我買房房也真的漲了一倍。
13. 回樓上
2017-02-17 11:26
我買套別墅,大廳以上的中空位,發展商預留位置俾你加建、電梯位又係,個地庫又係,發展商交少好多税,行之已久。
14. 問主播
2017-02-17 11:33
[我反問主播,如果她的租客現在續租,提出條件是租金不變,她會怎樣,主播話當然續租,如果租客要求一個月免租,她又會如何,主播話一樣會續租]

我再問主播,如果租客要求她將層樓送給租客,她又會如何,主播話,一定會送!
15.
2017-02-17 11:41
博士講緊香港,你地扯咗去大陸,九唔搭八,講返香港啦
16. 加租9%
2017-02-17 11:56
我有個單位租約到期, 
同租客講加租9%, 租客立刻答應
17. 向引刀‧土著‧自醉‧浪子說不
2017-02-17 12:38
18. 路人xx
2017-02-17 13:43
16樓唔好累街坊, 出租管你個租客變租霸你就知味道
19. Tony lam
2017-02-17 14:05
早幾年好多賣樓套咗現、looking緊、未洗哂、排公屋未夠資格、仲比得起租嘅、呢批客托住租市、未洗擔心住、舖頭就真係回咗唔少、但係相對於早兩年癲價計數啫、都唔算平㗎。
20. 引刀一快
2017-02-17 14:42
To 12樓 13樓

有幾點值得留意:

1,“發展商預留位置俾你加建”  是否合法?是否違建(橬建)?我所講嘅附加面積,基本都係現成,毌須加工。

2,建築面積呎價為市價

3,“因爲單位過大,稅制%會跳級,發展商要多交稅款。”

係發展商還是買家?超144方買家要交豪宅稅。要避豪宅稅主要係面積臨界144方嘅單位,我見到嘅都遠超144方,更重要嘅係,賣建築呎價以市價,贈送面積按市價計,一定遠超稅差。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。