地產論壇
登入名稱
密碼
3321. 占士
2019-08-22 15:42

他真勤快,還寫多一篇,相信有人喜歡看這種內容,有興趣的朋友就看看唄:

一,是咁的,我撐薯片叔叔呢,早在 2008 年。嘩,乜咁早呀?係喎。當時佢畀人鬧係守財奴。第一次鬧佢呢,好似係 2011 年派 6000 個次。話說,當年其實佢都唔係好想。Anyway,歷史沒有如果,唔多講啦。

二,早兩日佢出來,話大家都係香港人,暴力係唔啱,要放低仇恨。結果,毀譽參半啦。就連呢度都有人話唔認同佢先算啦;呢個 Page 人唔多,但勝在質素高。我點知?因為篇篇長文都有人肯睇,我估都係唔駛撈嘅中產啦,呵?

三,佢篇大家都係香港人呢,坦白講,真係寫得嘛嘛。都唔做官,講嘢可以直接啲。如果想欲言之止,可以學誠哥,等大家自行解讀,又得。

四,其實薯片叔叔都強調「真相」,話大家有權知,亦都係向前行嘅基礎。不過,重點係 can we handle the truth?

五,甚至乎,有冇諗過,可能大眾覺得已經知道「真相」,而大家追求嘅係 retribution 。嗱,薯片如果話:「其實大家網上睇到嘅都未必係真相嘅全部。」我估佢會畀人鬧得更金。

六,政治嘅嘢,就係要講大家想聽嘅說話。大家嘅共同感受係乜?係攰,係見唔到出路。開宗明義:「大家都係香港人,大家都覺得好攰,大家都對見唔到出唔感到氣餒,不過⋯⋯」咁開個頭去傾,會唔會好少少呢?

七,見到咁多人鬧佢,搞到我又想做炸兩。嗱,唔係叫大家放棄追求公義,但首先唔好激親自己先,係咪?你自己嬲,嬲到上街,嬲到震,你估林鄭又會知啦喎,啱唔啱先?唔係叫你割唔係叫你放棄,叫你照顧好自己,對身邊嘅人關懷多少少,唔會有人反對,係咪。

八,我有班兄弟,六條麻甩佬,閒時無事常相見個隻。我哋都有個 WhatsApp group。話說,最近其中有一位好激動咁 quit group。點解?話說佢係「藍朋友」,從前當過差,但已經轉行做設計,仲要幾成功添。近來我哋都覺得佢有少少激動,佢都有分享自己嘅心路歷程。詳細唔透露,但總之到最後佢就 quit group 啦。之後我哋都有個比較義氣嘅同佢講,無論如何都視你為兄弟,有乜就搵我哋啦。

九,之後,我哋都有繼續討論發生咩事;我嘅結論係,成件事好 on 9,因為我哋自己傷和氣,對外面有乜影響?係零呀。(喂,如果你咁啱見到,返來啦,權發好似話就執。)

十,我想講嘅係,同溫層入面,我哋不斷咁強化自己嘅睇法,改變嘅只有自己,唔代表個世界會因此改變。明白到呢個現象,就知道其實同溫層入面最應該有嘅,係互相支持勉勵進步。好正能量呀呵?無錯,香港呢個時候最需要,就係正能量。

十一,某程度上,薯片叔叔都係想用自己嘅 credit 去散發正能量,同埋畀大家知道,任何社會都有唔同意見。掉返轉講,當個社會都係得一種聲音,你仲驚啦。

十二,我哋處身嘅社會,有不同嘅圈子同溫層。薯片叔叔將自己嘅睇法 expose ,其實都預咗畀人鬧(我估),不過總有知音人。佢唔需要全部人都認同,因為全部人都認同嘅說話,就唔駛講啦。但係 engage 響一個 conversation 入面,你都唔可以講完一句說話就走咗去;耶穌孔子釋家都冇咁厲害啦。所以,我真心覺得,薯片叔叔假如想做少少嘢,都真係要出多些少 post(反正退咗休,近來好多刁咩你隻 VC)。

十三,本來呢,以上講嘅嘢,就應該係呀林鄭去做嘅。咩平台,上 Facebook 囉。Donald Trump 都係用 Twitter 之嘛。怕畀人鬧就唔好從政,從政就預咗要畀人鬧。

十四,By the way,記得上次行政長官選舉,有個場合我見到薯片叔叔,同佢講咗句:「希望之後有機會鬧你啦。」

十五,我話鬧佢,係因為職責所在;佢知要畀人鬧,又係職責所在。呢啲咪係 rules of engagement:對人唔對事。做政府,一定會有政策係市民唔認同,有反對聲音,其實係點醒你。

十六,當然,鬧都有水平高低嘅分別。同樣道理,畀人鬧,都有水平高低之分。薯片畀人鬧守財奴,會有人出來撐佢(即係我)。林鄭畀人鬧,結果連原本支持佢嘅機會主義者都割蓆,肉酸到呢。

十七,最後,咩對話平台,唉。代議政制,本來咪係一個處理唔同意識形態同觀點嘅平台囉。係邊個將代議政制閹割?假如將政治,簡化成為選舉同公關操作,社會就難免會鬧鬧鬧鬧鬧。共識政治,無錯唔容易,不過唔容易就唔通唔做咩。下下都制度暴力又或者鬥多人,咁又點會有人講道理?

3322. 占士
2019-08-22 18:45

我是這樣看,關於逃犯條例修訂的法案,在2019615日,行政長官林鄭月娥宣佈將會暫緩逃犯條例修訂,以便政府有足夠時間重新諮詢,向公眾作更多解說,並宣佈不會為此過程定下時限。她再於201979日稱逃犯條例的修訂已經