地產博客 > 精英文集 返回
瀏覽人次:9612    回應:4
精英文集

上樓與哭錯祖墳

施友朋
2015年12月9日 (東方)
梁振英在其《施政報告》強調「房屋政策是重中之重」,近又不斷強調政府成功打擊炒樓,相信未來房屋會不斷增加;這個民生的大題目,政府是下決心去解決的。

然而,事實是公屋輪候人數再創新高,有近二十八萬人排隊上樓無期,據公屋聯會主席王坤回應傳媒訪問時便指出,若然政府再「歎慢板」,恐怕今年年底公屋輪候冊會「爆晒燈」,增至接近三十萬家庭。

大家不會善忘,CY於競選時,大言炎炎話希望幫助港人「愈住愈大」,但現實是一手單位「愈起愈細」,「窮人恩物」亦已由四百萬飆升至七百萬,至於「劏房」更是遍地開花,本報兩年前便報道不少舊樓平台被僭建成巨型「劏房群」,部分外牆出現裂縫,甚至石屎剝落,走火通道又遭堵塞,一旦發生火警,居民無路可逃。

劏房危樓——竟然是當今香港呢個「福地」、「金融中心」嘅寫照,你都咪話唔諷刺!梁振英在改善民生方面可謂一籌莫展,「全民退保」又係得個噏字,辜負了周永新教授的一番努力,佢怒斥政府扭曲其理念!一個任意妄為、不接納善策嘅政府,一味「口惠而實不至」,香港貧窮人口「回落」,無疑係自欺欺人;實際上香港近幾年來沒有經濟增長嘅帶動,市民收入分布未曾改善,政府根本未能有效推動經濟持續增長,加上內地經濟下行,香港旅遊又欠競爭力,再加上激進分子只知趕客,香港未來前景確令人擔憂。

唉!甚麼「重中之重」,聽多了只能一笑置之。莊子有則寓言,話說一個人被捉弄,哭錯了祖墳,當他見到真正的祖墳,反而哭不出來了。是的,人類的心理現實:即總是被刺激,就有可能變得麻木。

一個失去道德敏感的社會,只會沉淪、墮落!連一個骨灰龕都難求,你還敢奢望「愈住愈大」嗎?
 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. AC123 2015-12-09 10:40:32
很難在這網站見到一堆接近垃圾的文字, 仿佛香港上一世已欠左佢嘅筆者, 除了鬧, 還是鬧.  "一個失去道德敏感的社會,只會沉淪、墮落!" 不如請佢早點離開香港, 投奔西方極樂世界 香港少左 E種腦殘扮大代, 連咩叫貧窮都吾知喺嘅人會樂觀D, 家下叫佢落街揾過乞衣都難. 樣樣都要食阿爺、靠政府, 死得la.  
2. 支持 2015-12-09 10:58:58
梁特上場好像要幫人上車上樓,要中港融合,要乜要物。時至今日睇返轉頭,上車越來越難,萬惡嘅發展反而睇準時機,低價投地大起劏房,滿足政府虛榮心又可以賺到盆满砵满,連改劃土地同收購舊樓都費事做。市民就越住越貴,越住越細,而無數嘅劏房單位又係另一個炸彈 ! 
至於中港關係,當然又係空前惡劣,佔中、鬧港獨更係前所未有。
問題當然不止於此,一部份有問題嘅人會慢慢将香港變成有問題嘅社會。無論港鐵超支到大學管理事件,全民退保到公屋輪侯等,方方面面,無不折射出政府管理團隊成事不足... !







3. 望東樓 2015-12-09 12:34:08
問題係而家啲無房同一房被瘋搶,兩房就減價仲有人要,三房變剩蔗。咁你係發展商你會點做?

4. 樓上 2015-12-09 17:17:09
發展商只係做生意,起乜樓最賺錢就起乜樓。根本問題係邊個造成呢種局面,令换樓鏈停轉,二手冇細價樓供應,又令上車人仕冇辦法去買二手,一定要去買一手?雖然好多人都大鬧發展商同炒家,但政府對市場的干預就真係幫晒佢地,真唔明D話要打擊
樓價嘅人點諗 !