地產博客 > 敢說亮話 返回
瀏覽人次:28797    回應:23
敢說亮話

茶餐廳亂話(23)回流

 

湯文亮博士

紀惠集團行政總裁
2016年11月24日

  在我初出道的時候,很多人移民離開香港,當時我參加了很多餞行宴,當中主角,即是要移民離開的人講到香港沒有前途,甚至是死路一條,令到在座參加宴會又仍然要住在香港的人非常傷感,我試過有兩三次問那些要移民的人,是否知道移民之後生活,有一些比較有錢的人會話,去到外國,根本唔需要做工,我話,如果唔需要做工,點解要移民,某一次,大家爭拗到興高彩烈,有人對移民的人話,今日,這餐餞別宴是羅漢請觀音,如果回流,移民的人就要回請我們,口頭承諾已定,但我從未食過一餐回流飯,回流已經是很傷感,有敗走麥城感覺,要他們請食飯,其實很陰公。

  我在茶餐廳不時會見到一些回流香港的人,其實,他們都唔想回流,當初亦帶足夠生活費,但奈何移民後百無聊賴,兩三年後參加一些小投資,最常見是合股搞酒樓,愈搞愈大,愈用得多錢,成功的人不是沒有,而是很少,最後資金耗盡,要再找工作,但受不了最低工資,於是便回流香港,其實,回流香港亦不好過,一樣會受到白眼,不少朋友會問,既然離開的時候講到咁好,點解要回流,所以,他們奉勸即將移民離開的人,說話不要講得太盡,我對那些人說,現在移民離開的人,很少對其他人講,亦很少人為他們搞什麼餞別宴,因為現在移民離開,給予其他人感覺是撈唔掂,做主角並不能夠耀武揚威,倒不如靜靜地離開,他日回流都唔會尷尬。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 新抱仔 2016-11-24 10:08:37
身邊也有人即將移民,對未來充滿幻想。由於工作關係,接觸太多回流返來的人士,亦深知他們面前種族歧視問題及多數屈在華人地區,根本不是真的融入到當地白人圈子及生活,最後盤川耗盡,又回來香港,其實他們都幾慘
2. 占士 2016-11-24 10:58:10

我知道博士一定會再談回流的話題,我也繼續分享一下我的見聞吧!

多年前,在一個研討會遇到一位朋友,他是在97前移民外國,因為他是專業人士,在外國也找到自己專業相關的工作,算是比較好彩,但之後他還是回流香港了,問為什麼? 他說:外國的收入比不上香港的高,他當時參加了香港新機場的建設工作,他說面試時他的上司和他說,如果你不移民,以你的資歷應該在我之上。。。。。。。。。他和我說:沒有辦法了,當時因為對香港前途擔憂,所以選擇移民,現在發現其實香港的機會更多,收入更高,只能回來重頭再來過了。

3. 引刀一快 2016-11-24 11:03:21
移民大陸返嚟,通常都係好景咗嘅,因為香港人喺大陸,多少有點優勢,唔似的某些白人國家會受排斥,亦絕對冇某些有色人種國家咁亂。移民大陸亦無需破釜沉舟,進可攻退可守,只要有個開放同包容嘅心,大陸完全可以係香港人嘅樂園。
4. 無聊人 2016-11-24 11:33:30
老實講,大把移民融入到當地社會同當地人打成一遍,融入唔到既其實係失敗者,正如好多大陸新移民話留響大陸生活比香港更好。
文章中話移民去外國仲要投資酒樓只做華人生意,哩d咁既眼光同視野,去邊個國家都死啦。移民主要原因係為下一代教育,同言論/資產既自由,無人話你聽響外國會賺錢多過香港囉。如果連移民既目的都搞唔清楚就貿然舉家飛走,唔失敗就奇。
5. 向飯民說不 2016-11-24 11:49:43
引刀,轉死性,吾習慣。
6. 占士 2016-11-24 12:16:03

刀兄,對香港人來說,大陸不需要移民,只要有心去發展,大門應該是開著的,不過,我認識很多香港朋友來大陸工作或投資都相當成功,這些朋友基本上是把家人孩子留在香港,自己到大陸打拼,近的,週末來香港,遠的,一兩個月回來一次。

當然,能夠像您這樣,完以大陸為基地的也是有的,不過,不多。這種情況可能是太太也是大陸人,但等到小孩稍微大點,要讀書了,還是要回來香港住的。所以,我認為可以的話,以香港為基地,背向中國,面向全球是最好的策略。

7. 股票投资人 2016-11-24 14:20:01
同意 占士講法  "以香港為基地,背向中國,面向全球是最好的策略。"
8. 什麼人最適合移民? 2016-11-24 14:57:11
在香港本身撈唔掂想的不適合,因去到重慘;希望搵錢多過香港的不適合,因會搵得少過香港;應該是本身好有錢,不用擔心生活找工作,只為下一代教育的人
9. 十郎 2016-11-24 15:17:24


      新聞報導------笑話一則!

      美國總統特赦火雞。

10. 十郎 2016-11-24 15:43:34


     火雞犯左什麼罪?

     是否應該係火雞特赦奧巴馬?

     移民會唔會變火雞?

11. 引刀一快 2016-11-24 15:55:40
占士兄不必斟酌用詞字眼,所謂“移民大陸”,只係心態上接受大陸也是家,就OK了。
12. Tony lam 2016-11-24 16:34:24
香港人有幾多係真心移民  ?   試下移民後就冇咗香港居留權、睇下有幾多有型士肯制吖哪 ? 揾到食先可以貪得意、出下洋置多幾個別館、吹起上嚟先可以…抛抛…地、而家地球咁細、移民實際係遊埠唔住酒店咁解、香港都覺得難撈時、移去邊都唔會輕鬆㗎啦!

傻刀叫人返大陸撈、香港人talk就天下無敵、做就未必有老表咁實力、老表當代高手如雲、要有humble心理準備先好。
13. 十郎 2016-11-24 17:27:57


      Rambo 定係 Humble。

14. 引刀一快 2016-11-24 18:11:13
契弟琳琳

生態學有個team(哎呀,係term!)叫做生態位(eco.niche),簡單嚟講就係“位”!

香港人有特質,喺大陸咁廣大嘅地方,搵個可以發展香港人優勢嘅位,有咩難?


15. 打工仔 Andy 2016-11-24 19:46:22
移居大陸可能更快樂! 
16. 引刀一快 2016-11-24 20:03:27
打工仔兄

最衰我搵唔到名額,唔係我有機會試下一萬呎嘅家係咩感受,喺香港我諗都唔敢諗。
17. 打工仔 Andy 2016-11-24 20:22:08
吓 ! 一萬呎住宅! 

係香港要工厦才可, 哈哈哈!
18. 引刀一快 2016-11-24 20:43:57
如果工廈裝修得好,都唔錯呀!
19. 打工仔 Andy 2016-11-24 20:47:53
依家嚴打, 唔住得喎! 

20. 十郎 2016-11-24 20:47:54


      我勸告你千祈唔好!你最多睡覺1千呎,你一起身,食完早餐就要去抹窗,估計要做6日,星期日安息日。星期一又開始抹窗,做死你!又冇一個豬朋狗友。


21. Tony lam 2016-11-24 22:57:48
十哥   今時唔同往日、同老表打交道扮Rambo實冇運行、humble先有着數、睇下菲佬老總成個Rambo欵、但對住老表humble就有運行嘞 !

傻刀  大陸咁大、縮去山卡啦、仲可以比你扮到嘢嘅、你寫呢段就係辦啦!(生態學有個team(哎呀,係term!)叫做生態位(eco.niche),簡單嚟講就係“位”!) 、人妖即係人妖、扭扭擰擰扮哂嘢 ! 
 
你唔係冇人頭、係冇咗七個頭啫、住慣大棚、點志在一萬幾千呎。
22. 舍神 2016-11-25 00:15:26
America  Dream in China

須然大中國一點, 但也值得一自......... 自會感受良多
23. 引刀一快 2016-11-28 03:19:05
契弟琳琳

你係正牌契弟,好多嘢,唔使讀過書先有得學嘅,你都唔使自卑,唔識唔好夾硬覆,香港人唔夠大陸人做嘢?你去吉野forum溜罷啦。