地產博客 > 敢說亮話 返回
瀏覽人次:32606    回應:12
敢說亮話

樓市不解之謎(5)售後租回

 

湯文亮博士

紀惠集團行政總裁
2016年10月8日

  有年輕朋友在幾年前買了樓,現在見樓市大旺,心思思想將物業賣走,等兩三年再慢慢揀一層合心水物業,但又唔想俾老婆知道,物業代理同佢講買家可以買入之後再租回給他,佢老婆是唔會知道,而且租金相當優惠,我話千祈唔好,沒有人可以睇通樓市,試問有幾多個人可以睇到樓市在第三季狂升,如果他售後租回,樓價不跌,租約到期之後被買家收回,都唔知點樣同老婆交待,得一個自住物業,賣走即是賭身家。

  在2003年沙士之後樓市低迷,銀行對樓宇按揭的條件是相當寬鬆,不少年輕人亦藉此機會置業,在2009年,曾特首因為樓價飆升而出招,並且揚言出招後樓價必定會下跌三成,不少年輕業主持有物業不足五年,升幅是他們已付首期兩三倍,不但不相信樓價會繼續上升,反而相信辣招可以將樓價壓下去,毅然將自住單位出售,然後售後租回,在兩三年後樓市跌定,再考慮再買樓,他們的「售後租回」變成一個錯誤的決定,不少曾經是業主的人至今仍然要租樓住,所以,年輕朋友同我講「售後租回」,我會咁大反應。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 鄧鄧鄧鄧 2016-10-08 11:02:13
請教博士2009年後賣了自住樓的朋友,租了多年,現在應該入市買那些逢三退一的非優質單位還是不知等到何時再買樓?謝謝回應。
2. 123 2016-10-08 11:45:20
以為自己有眼光睇通樓市售出自住單位去租樓,期望三幾年後大跌再低價入市而再上不到車繼續捱貴租例子滿地都是
3. 浪子心聲 2016-10-08 18:36:42
To 1樓 鄧鄧鄧鄧:

2009年到現在都7年啦!還電都等咗 7年,唔爭在等多一年啦!
跟著來又美國大選,特首選舉,加息週期可能開始等等,2017年中可能是令一個世界。7年都忍到手唔買,忍多一年,就算價唔跌到時都好多新盤選擇呀 !

風水佬呃你十年八年,我最多呃你一年姐!



4. 升多一陪 2016-10-08 18:47:43
升多D
埸戲係好睇
5. 浪子心聲 2016-10-08 18:50:47
湯博士常教人「逢三退一」,所以他在令編文章建議在現時樓價高位,可考慮賣走非優質物業,這是聰明的投資者行為。

但如一樓所話,在現時可能是樓價最高位,而買入非優質單位,可以稱為「逢高進一」。

看了湯博士這多文章,應學會「逢三退一」,不會「逢高進一」呀 !

6. 回三樓浪子 2016-10-08 19:52:32
浪子已等咗幾年?
7. 浪子心聲 2016-10-08 23:57:28
To 6樓:

我等咗點只7年,我等咗幾十年啦!我都用同一個方法投資,「唔低唔買,唔高唔賣」,每十年咗右就來一次機會,應該快又嚟一次「逢低進一」。

8. 回7浪子 2016-10-09 00:17:23
多謝師兄,敢問上次逢低進一係何時?逢高出一又係何時?

每十年一次機會即係話樓價有機會跌幾多?十年前個價?否則等十年為乜?
9. 多呃你一年姐 2016-10-09 00:41:20
1樓人兄如無7摟炒家掌握唔低唔買,唔高唔賣脈搏之能耐,還是實實在在做人勿道聽途說,到炒家出手時你夠佢快嗎?勿中圈套皆因浪人冇家之觀念,只求找個同伴而已。
10. 浪子心聲 2016-10-09 01:20:13
To 9樓:

我都係出於好心提提1樓姐,湯博士令一編文話「現在是逢三退一好時機」,在逆向思維想,現在買樓好大機會係「逢高進一」,我認為對投資者來說現時不是買樓的好時機。我覺得買自住樓或上車都可以慢慢搵呀 !因為新盤實在會越來越多,好嘢通常遲啲出,搵到啱價啱用就買囉!不用太急呀!

11. 忠實者 2016-10-09 09:06:14
認同浪子
12. 向引刀‧土著說不 2016-10-09 10:14:55
回1樓 鄧鄧鄧鄧,

唔好意思,哩度係冇人幫到2009年已向下沽空樓房租屋住的死蠢炒家的,講完!