|
1. 歷史長河 2016-04-23 09:57:51
|
博士用心良苦。不過夠膽的始終夠膽，不夠膽的始終不夠膽。區別起於人內心深處價值觀。日子慢慢流走，得失漸漸浮現。於是有人變成了硬好，有人則成為硬淡。
|
|
2. 引刀一快 2016-04-23 10:05:02
|
長河san
錢唔用喺呢度就係用喺第度，凴咩夾硬强加得失於他人？
問題在于，自我陶醉兄呢類多種投資路向人士，賺錢無益于你而已。
|
|
3. 引刀一快 2016-04-23 10:06:15
|
|
|
4. 歷史長河 2016-04-23 10:15:28
|
刀兄唔好對號入座，不過今次你又啱，到時仲可以買中山樓坦洲樓。
世界何其大，千祈唔好俾500呎束縛著老春。
|
|
5. 調整 2016-04-23 10:16:33
|
首輪調整10~15%由第一批火棒隊接榛完成任務。第二輪調整再跌10~15%可能是第二季港股調整引發,但也會有第二批火榛隊消化,第三輪調整再跌,10-15%可能是由美股老牛大爆破引發,到時有實力和忍耐力的投資者會承接,。 至於第四輪會否出現,要看天做化,如有,接貸的都是幸運完。
|
|
6. 引刀一快 2016-04-23 10:21:31
|
睇淡香港大陸樓市之際，可以睇好好多其他嘢，硬淡一詞係為强加而强加。
|
|
7. 打工仔 Andy 2016-04-23 10:24:13
|
|
|
8. 蕭峰 2016-04-23 10:32:10
|
買樓真係勇氣問題，咁大夠錢，仲搭上未來n年收入，同埋依家係跌緊，有d人係唔夠膽入既。
|
|
9. 楼市致伤 2016-04-23 10:33:37
|
楼市致命一击就是大失业率,同時现在已默默向上游緊。 而美股大雙頂老牛勢必爆破,美股爆破必累及全球經济,到時经济差劣,大少企業倒閉潮裁員潮湧現断供潮排山倒海,負資產卷土重來,冇收入揾条毛來供咩?
|
|
10. 勇氣與值搏率 2016-04-23 10:38:49
|
l對於能力刚好的用家--買楼是勇氣问题 對於有實力的投資者---買楼是值搏率问题
|
|
11. LYC 2016-04-23 11:07:46
|
買多幾次樓就當吃生菜啦，冇野好驚，印印腳，歎世界！ 刀兄成日叫人買大陸樓，咁要在香港生命，買來把咩！又鬼咁天真啲股神投資可以贏大錢，都唔化！在香港，唔買晒啲樓邊有發達架，醒目一定買樓，見博士咁發就知啦！
|
|
13. 引刀一快 2016-04-23 11:21:35
|
To 10樓
100%正解！
補多句，有實力買樓仍然要靠勇氣的話，形勢可想而知，危矣！
|
|
14. 自我陶醉 2016-04-23 11:34:39
|
|
|
15. 引刀一快 2016-04-23 11:44:51
|
LYC兄
湯先生發係因為佢對市場捉得準，首要係唔會聽你呢類亂指。
|
|
16. Koichi Fuyumi 2016-04-23 11:54:36
|
博士功力深厚，一言千金。但如果沒有博士同等功力就隨便跟博士的招式，恐怕只會走火入魔。 家下香港要炒樓，要有能力睇短線（1-3年），基本＂功力＂就是樓要夠多。 即使你有預知能力，知道今年127點到底，明年反彈到140點，後年再回落到120。你沒有和博士一樣有禁多樓是沒用的。 一個資深投資者，有二十間太古城。在147點放賣了三間，現在127點時補回三間，的確是淨賺了20點。然後我明年140點賣番兩間，到後年120補回兩間。又賺20點。賺了以後手上還是有二十間太古城，只是進進出出賺了差價。 但需知道，資深投資者不一定要後入先出的方法賣樓。他們可以在太古城二十間中，挑選以前買落不用給逆週期措施的來賣。他們可以按自已資金情況去選擇賣多有多少未還按揭的樓去賣去控制資產表。 但如果你是小投資者，手上只有兩三間樓，基本上三年內買賣，每一次出入都要比足逆週期措施。而且不保證是否可以再借回相同金額。睇得準都無用。都是交稅為人民服務吧了.
|
|
17. LYC 2016-04-23 12:01:48
|
|
|
18. 向饭民说不 2016-04-23 12:05:34
|
港獨思潮勢不可擋, 加上这里的商家佬的纵容，解决港独问题，流血收场根本无可避免。
出现了香港版的64事件，仲讲咩买楼要勇气，还是等香港版的64事件出现之后，先考虑买楼啦。
利沈啦，我80资产系香港。
|
|
19. Tony lam 2016-04-23 12:06:23
|
有銀+有膽=智勇雙全、 冇銀+大膽=魯莽、 有銀(夠食過世)+冇膽=醒目識嘆世界、 冇銀+冇膽+扮嘢=山卡啦揾間屋、對住野人扮超人、 乜都講中、公公好痛 ?
|
|
20. LYC 2016-04-23 12:07:22
|
刀兄，你都承認博士準，佢有冇賣樓呀，佢現在叫買啊，哈哈！
|
|
21. Ak toronto 2016-04-23 12:07:26
|
博士文章我已經看了很多年，我亦於去年聽他說逢三退一。不過小弟人在多倫多，D樓升左十幾二十年，升得仲誇張過香港，每年15%20%咁升，吾知博士有乜高見。
|
|
22. SHUN 2016-04-23 12:19:32
|
|
|
23. 变相 2016-04-23 12:23:14
|
其實邦人供楼,亦同樣將下跌危機轉讓给被供的人。 同時租楼的金額部份3/1是供楼利息,还不用交管理费扣减兩項费用,其實用了,5/3真银支出,但主動權仍在自己手裹,壞牙!况且交租期間確實是享用緊别人物業,比錢消費理的當然。
|
|
24. 路人 2016-04-23 12:32:47
|
博士真的用心良苦，不過從政治角度分析，「撒辣和放寬逆週期措施」極可能不會在明年特首選舉前發生（2017年3月），所以影響樓價因素不改變還只得供應量增加，樓價向下調是必然的。
不過博士叫得有需要的人買都是合理，除「負擔得起」外，我覺得還是博士早兩日提到「啱價」。
|
|
25. 佩服 2016-04-23 12:41:31
|
其實L先生每天以一敵百又勤力回應,勇氣可嘉。 岗位所须,就算本末倒置也勇於反搏,明架明架!! 要比100个nike.
|
|
26. 事實 2016-04-23 12:42:01
|
湯博士話，如果要買樓，現在就買，怕咩跌！已經跌完，吾需要怕咩大陸吾掂，咩股災，既然有能力買又有需要就買吧！ 汪總也說等都需要成本！完！
|
|
27. 蕭峰 2016-04-23 13:12:27
|
to 23樓
租金入面幾多俾利息、幾多俾管理費，都係業主條數，同租客無關。
對租客，租金就係純費用，交100年，下個月唔交，都要搬。
|
|
28. LYC 2016-04-23 13:20:58
|
路兄，現在已經冇晒盤，放盤量急跌，睇樓人持續上升，有錢人掃貨，追價，你還在吹什麼一切不變呢！聽樓上講，將租金睇成係消費的一部份，成世幫人供樓吧，記得現在要儲多錢，預計埋退休後的租金消費，不過唔知業主到時肯唔肯租俾你呢！
|
|
29. 歷史長河 2016-04-23 13:24:55
|
回23樓變相兄，
一語道破，幫小弟解惑點解租樓秒秒賺。多謝，支持。
|
|
30. 歷史長河 2016-04-23 13:28:35
|
回19樓 Tony 兄,
冇銀+冇膽 + 股神 = 價值投資者。哈哈
|
|
31. SHUN 2016-04-23 13:30:59
|
|
|
32. 香港土著 2016-04-23 13:43:23
|
「有銀+有膽=智勇雙全」
真係充滿人生哲理！擺得哩句排頭嘅智者，好可能就係自己買樓賺過錢，然後够膽再按再買嘅人中龍！自我感覺十分良好。
(原來樓價走勢係人生智慧指標！)
|
|
33. 香港土著 2016-04-23 14:04:02
|
刀兄，上次我講五六十後之說，確係流於片面！之前太忙，所以冇回。多謝提點！
|
|
34. 自我陶醉 2016-04-23 15:01:10
|
有錢 + 有膽 = 智勇雙全？
真係冇腦得好緊要，怪唔得要做盲好。哈哈哈！
有腦 + 有膽 = 智勇雙全， 我就聽過。
有錢 + 有膽 + 冇腦 = ？
水魚？ 爛賭二？ 二世祖？ 神童輝？
咁：
有錢 + 有膽 + 冇腦 + 盲 + 長期看好 + 蝕錢唔覺痛 = ？
咪係有錢蝕又咩價都可以買嘅二世祖盲好囉！ 嘿嘿!
|
|
35. 無奈 2016-04-23 15:03:27
|
博士話“冇人可以撈底買樓”，正確。
是多少人因渴望撈底錯過買樓時機的寫照，身邊不少人有過這樣的遭遇，租樓住已有5、6年了。
香港經濟的確下行當中，但緩慢，如果與97，03的狀況來比喻，明顯是嚇人，極欠說服力。
要以宏觀歷史角度看97，之前中英雙方都想營造回歸盛世，中資大舉進佔香港，及後中國經濟延續宏觀調控多年，資金大舉抽離，樓價拾級而下。
香港的價值雖然今非昔比，我認為仍是中西方“兵家必爭之地”，中資進佔只會有增無減，大膽預測，速度會加快！基於政治考慮也。
有需要就買，風險肯定有，但值得！
人一出生就向死亡進發，不能避的風險，問題是你做過什麼？
|
|
36. 舍神 2016-04-23 15:07:24
|
|
|
37. 事實 2016-04-23 15:15:50
|
宜家個admin 好有問題 完全吾知咩原因 不斷delete 我留言！決定所後不會再留言！
|
|
38. SHUN 2016-04-23 15:25:14
|
35樓、既然係下行、点解要買樓？來個大插走唔切啦！樓宇買賣你估係股票呀？甘易走到貨咩？縮唔到蝕幾成有乜奇！衰唔過沙士我同意、但現在跌了成半、個別兩成、就入市………………輸錢機會很大、跌多3成先啦！
|
|
39. 歷史長河 2016-04-23 15:37:14
|
「只要記著一件事，冇人可以撈底買樓，資深投資者亦不可以，更何況是一般人」
陶醉兄可能不同意，因為佢自認唔喺一般人。
|
|
40. 無奈 2016-04-23 15:51:45
|
35樓，需要買樓主因是自住，為什麼要急放？
股市大插要走也難，試過未？
以股市投資方法套用在樓市不太合適。
|
|
41. 蕭峰 2016-04-23 15:58:15
|
所以好多人都係以主觀意願代替客觀事實，希望跌最少5成，繼續「希望」啦！
|
|
42. 歷史長河 2016-04-23 16:18:00
|
34樓陶醉兄，你應該想下點解人家會有錢先，喺否冇腦也可以做到?
如果簡單歸結於喺二世祖，我諗你喺對自己唔負責，揾借口。
|
|
43. 無奈 2016-04-23 16:19:29
|
刀兄，中國經濟下行走勢我亦感受到，好歹小弟也算小投資者，這方面你我觀點一致，程度不同而已。
不過之前我說過，中國已經是一個經濟巨人，外國勢力難以撼動的，所以老美怕中國甚於俄國，搞搞小動作一定免不了。有冇發現，奧巴馬講一套，耶倫做嘅係另一套，多次談及加息與否是提到中國因素，我雖一介草民，仍可從中睇到『新型大國關係』，哈哈。
由需求側到供應側再到需求側，實在很飄忽，活在其中的最好方法就是順勢而為，不固執，你認為如何？
|
|
44. 引刀一快 2016-04-23 19:31:10
|
無奈兄
順勢而為係大道理，依家爭詏咁多，基本上就係詏緊勢頭向上向下，當然，亦有人話無論勢頭如何一頭栽進去就發達。
中國當然已經係巨人，但係明顯有傷病困擾，病完好番依然係一個巨人，如果拒絕承認病情，也許會憋成殘疾，巨人固然厲害，照料殘病巨人也特別費勁。
|
|
45. Lam Oscar 2016-04-23 20:02:01
|
同意博士所言，如果有自住需要，能力又可以負擔，目前楼价既然已經比高峰期下跌了15%左右，現在确實是入市的良機。
最近楼价有平稳的跡象，相信再下跌的空間有限，估計最多再下調5-10%也差不多了。因此，有心入市者可以慢慢選，如有低市價10%就不怕買。
買楼有時真的不要考慮太多。只要不在太差的時間入市，由於通漲原因，楼价上升的時期一般比下跌長很多，既買楼的赢面一般較大。另外，正如博士所言，不要期望有能力捞底，只要不在高峰期如去年中入市便可以了。
|
|
46. 路人 2016-04-23 22:32:55
|
To Oscar 兄：
今次跌市都有幾大機會是長跌市，跌足三年都味定。
我依然認為今次跌市是「陰跌」，慢慢跌，過去6個月跌急咗，現時應要慢下來。
在慢跌市買樓，買完後再跌，會無咁心痛，所以係可以買；不過不要太急，除咗「啱價」重要「啱用」先好買。今日啲新盤好像賣得幾好。
|
|
47. 自我陶醉 2016-04-23 23:49:23
|
42樓 長河兄
乜今日咁冇幽默感呀？ 係咪二世祖唔啱聽？ 唔喜歡唔加都得㗎!
我見你30樓豬噏得咁開心，咪陪你豬噏吓囉，乜要講理由㗎咩？ 咁冇錢可以做股神又可以做投資者又係咩理由？
BTW, 冇腦都有好多方法搵到錢㗎，你咁醒，冇理由會諗唔到格! 諗吓喇。
|
|
48. 無奈 2016-04-24 00:09:37
|
刀兄，真是有人會有錢就買的，02至今均如是，佩服其膽色與眼光，現在已經投資英國樓市了。我就無這個膽量，所以無發達。
我認為，大陸經濟經歷起跌也非什麼不尋常的大事，能夠有2至3個巴仙增長已經很了不起。隱憂是很正常的事，正如人體有隱疾，未發展為病徴也就生活正常，亦有很大機會不會發生，只要外在環境因素不引至病發就得。小心投資固然好，但無了期的等待也不是辦法，尤其有需要買樓住的人。
香港彈丸之地，大陸稍一鬆手已經可以輕輕托起，不可勿視也。真的，近期屋苑大陸口音睇樓者多了，幾個月前是看不到的。
事實證明，大浪淘沙，市場上最靠譜的樓市分析者只剩下一個人，雖然有人話佢飄忽，諗真啲，其實不然，他的信息渠道多，不固執。
人們總是擔心黑天鵝出現，但忽略了有可能出現白天鵝，如果全球經濟由美中兩大國牽頭，世界經濟復蘇巳不遠了。
樓價還能跌多少？大升固然不可能，大跌也是一廂情願。
|
|
49. 歷史長河 2016-04-24 00:21:02
|
|
|
50. 引刀一快 2016-04-24 01:09:56
|
無奈兄
如果香港要靠大陸輕輕一托，那麼香港對大陸的價值在哪？
我早就講過，如果免BSD的話，CCL會上180，不過，我依然睇淡，因為呢種錢，easy come，easy go，監生切15%都捨得嚟嘅錢，你覺得佢要走嘅時候，會留戀什麼？
中國問題唔係一朝一夕可以解決，食大力丸壓住d病，終歸會再出嚟。
無奈兄，有人買咗屋唔出租，俾動物住，你信唔信?係唔係比唔睇市入貨仲荒謬?人係有好多種，可以唔睇市買樓嘅人，前提係佢無需理會價格起伏，甚至係唔駛供樓。同唔出租相比，如果買樓嘅人掹掹緊，俾咗首期就冇得後悔，唔出租者還可以改變主意出租。
無奈兄，我一直認為大陸必有一跌，係出於長年居住嘅切身感受，人、文化、氣氛、衝突種種。
|
|
51. 中產之聲 2016-04-24 01:14:08
|
今次一定贊成博士的說法，過去二年CY一心整低樓價以又趕走旅客為多了討好一批學生、年青人、未買樓的中產會支持自己，誰知反而令經濟差左，金融、地產冇乜成交，多了幾萬失業、開工不足的零售、旅遊失業大軍，中產人士不是失業就是冇人工加，遍遍百物騰貴，食個早餐冇幾十完埋唔到單。搞到怨聲載道、民不聊生。全因放棄了自由經濟的社會，以為討好基層卻搞出個大頭佛。凡事皆有正反二面，眼見各大城市、倫敦、澳洲、大馬、泰國、美國樓市大升同時經濟增長強勁，看看未來香港人被邊緣化的後果，香港人的未來真教令人心寒。 未來可能會撥亂反正，信博士，冇失手。
|
|
52. 引刀一快 2016-04-24 02:27:54
|
To 47樓 自我陶醉兄
人體有部份器官係“免疫赦免”，好易做移植，包括腦、睪丸、角膜。
點解有d盲好鐘意研究太監，又話買樓唔駛用腦呢？但係又有錢買樓喎！
賣曬咪有錢囉，哈哈哈哈
|
|
53. 自我陶醉 2016-04-24 08:17:12
|
引刀兄
吓! 腦都可以移植？ 唔係呀嘛？
至於太監，又唔好一竹篙打一船人，對太監有興趣嘅盲好，最多都係兩三個啫，人哋喜歡現身說法，同大家分享吓自己慘痛經歷咪同情吓人囉！ 我估太監都唔一定冇腦㗎，咁啱係呢幾個啫! 哈哈哈！
|
|
54. LYC 2016-04-24 08:34:27
|
路兄，現在係急跌後見了底，將會穩步上楊。你點吹乜跌都冇用，因為全球有錢人已來掃貨！ 其實好似樓上咁講仲實際，麻醉自己，交租即是消費，越交得多越好享受，交租GoGoGo! 有錢人就掃貨CCL GoGoGo，你就交租GoGoGo， perfect match， yeah!
|
|
55. 望東樓 2016-04-24 09:45:50
|
我覺得中國現今嘅經濟問題源於佢哋近年發展得太快，係其他領域，比方管治上追唔上。因為如果你用管理山寨廠嘅手段打理S＆P500嘅公司係找死。當然共產黨仲有好多牌係手，但如果仍然係打盲拳就神仙難救。
|
|
56. 歷史長河 2016-04-24 09:58:41
|
世界五百強中，中國企業占100多席，前十佔三，前五十佔十。打盲拳能有這種成就？我睇喺降龍十八掌。
|
|
57. 蕭峰 2016-04-24 10:17:37
|
是誰在這裡又翻起「太監」來研究，有目共睹。
係啊，盲淡咩都唔洗做，更加唔洗用腦架，等得架啦！哈哈...
|
|
58. 歷史長河 2016-04-24 10:19:59
|
大俠，有人念念不忘，正說明太監論中哂point, 打中七寸。哈哈
|
|
59. 自我陶醉 2016-04-24 10:41:31
|
哦！ 唔怪之得我話二世祖係陪你豬噏，你都仲掹諗住喇! 原來係咁。 哈哈哈！
|
|
60. 歷史長河 2016-04-24 11:08:00
|
陶醉兄，我諗淡友大營應該換將了，這樣的對話實在索然無味。
|
|
61. 望東樓 2016-04-24 11:25:43
|
|
|
62. 歷史長河 2016-04-24 11:29:42
|
|
|
63. Jerry 2016-04-24 11:34:42
|
喜訊、喜訊，恭喜湯博士和湯小姐^_^
祝百年好合、永結同心！恭喜恭喜！！！
|
|
64. 蕭峰 2016-04-24 11:46:10
|
|
|
65. Tony lam 2016-04-24 11:58:00
|
太監/公公身份係由佢綽號估到嘅、再以佢成日話要向美國佬獻媚嘅心態印證。 成日夢囈阿爺好唔掂、估計係佢跟開嘅老細因打貪而冇運行、連帶佢揾唔到食、梗係覺得全世界陪佢坎坷。 成日覺得長年居住之地牙煙又唔好、以佢咁有智慧、點解唔散水返港呢？可能有難言之隱、香港冇竇口、樓跌一半都冇力落搭、內地生活為皮輕、D銀頭都頂得下。 成日覺得老表要教育又道德又氣氛 又品味 ? 可能係想當年情意結、當年北上認屎認屁、舢舨充炮艇、香港做開、北上扮大亨、還看今朝、自己撈唔掂時、老表又一日千里、冇得閑啋你、內心酸苦、好彩好彩 ! 有老湯呢個地盤比佢舒發鬱悶、扮下教育家、否則實屈到佢再傻D。 想扮有智慧、睇得風水多 ? 一味講感覺、揾到食幾時都感覺良好、揾唔到食梗係成日都頭暈身HlNG啦 ! 唔好再無厘頭唱衰阿爺嘞 ! 你今日攞多少銀頭都可以係大陸嘆世界、感恩啦！你叻得過阿爺 ? 睇番呢30幾年、自己參透啦！
|
|
66. Tony lam 2016-04-24 12:36:18
|
人地睇好樓市都可以激到扎扎跳、半醉最麻煩、胡言亂語、不如飲大D、直頭瞓覺算啦！免得出醜、又唔係攞你D錢去買、發乜爛渣呢？
為你好咋、L君就嚟激儍你嘞。
|
|
67. 香港土著 2016-04-24 12:40:02
|
Tony兄，聽落你確係高人，不如繼續論述一吓你個「有銀+有膽=智用雙全」大智慧，等大家學吓野嘛！
|
|
68. 惜緣 2016-04-24 12:43:03
|
|
|
69. 香港土著 2016-04-24 12:45:54
|
比如講吓，依家我地哩d唱淡嘅窮鬼，點先可以唔使瞓橋底，你地d智勇爽全，依家有咩升空大project。唔使講晒益我地，漏少少等我地脱貧都好丫！
|
|
70. 香港土著 2016-04-24 13:08:30
|
長河翁
大陸過去幾十年就係粗放式經濟，好聽就世界工廠，其實係低增值廉價勞工。
話係盲拳唔好聽，比到盡係螳螂拳。你托到上頭頂，嘩~ 降龍十八掌咁强，真係十二億同胞愛死你呀！不過，你要再諗諗另外一億尖子同胞聽你咁講會唔會加深歧视香港人呀。
習大人都話大陸要進入深水區，粗放經濟到盡頭喇，如果真係一路出緊降龍十八掌，依家唔使愁咩深水區囉。
|
|
71. Sugar 2016-04-24 13:15:46
|
|
|
72. 蕭峰 2016-04-24 13:16:56
|
仲洗講？
成個輪壇就係講呢樣野，就係買樓嘍！
有膽 = 夠膽係跌市買，咩係智勇雙全嘍！
|
|
73. Tony lam 2016-04-24 13:44:04
|
土著兄: 我都係土著、點敢認高人、你都無謂自謙、睇淡未必係窮鬼、賣樓可以係有膽、冇膽好多摸頂友、天才與白痴=有膽或魯莽、有膽=有主見敢執行、冇膽多數聽人噏當秘笈。 事實老湯爆煲論之前(14年12月開始)我已高價走咗幾件次貨、而家都係比到價我件件賣得、平到比我件件買得、所以都係買賣兩閒、呢D就係有膽買有膽賣、但先决要有銀先得、関鍵係咪take side、對成功者、可以羨慕/學習/追求、絕不妒忌/詛咒、憎人富貴厭人貧衹會自己迷失。 某君如非對大陸露鄙視之意、我亦唔會出輕佻之言、罪過 !
|
|
74. 十郎 2016-04-24 13:44:54
|
我E+去雀局，有得玩，有食，有錢贏。
咁樣才叫‘智勇雙全’。
|
|
75. Tony lam 2016-04-24 13:58:26
|
|
|
76. 小師妹 2016-04-24 14:19:06
|
恭喜博士令媛于歸之喜！
恭喜湯小姐! 祝百年好合、永結同心、相愛到白頭!
|
|
77. Tony lam 2016-04-24 14:23:03
|
老湯今日嫁女 ? 恭喜恭喜! ! ! 多咗個仔 ! ! !
|
|
78. 淡友敢回应以下吗？ 2016-04-24 14:25:32
|
湯博今天在东方说：
北水湧港 樓市快回穩
湯文亮原本預期今年6月可開始留意本地物業，至10月將有很多筍盤。不過，最新他認為這時間可能要提早一點，有能力的準買家，現時買亦無不可，主因是內地資金來港。
「深圳樓價去年急升，內地資金賣出獲利就不會再追深圳的物業，而是會找『低水』的地方買。哪裏的物業既低水又穩陣？就是香港，我們有優良的租務系統。點解香港樓價跌幅不大，因很多物業被內地人買走了。近月香港樓價只是很勉強地跌，估計後市極其量只跌多3至5%，其後會再回升。」他稱。
|
|
79. 珍惜香港 2016-04-24 14:55:31
|
【珍惜香港】恭喜博士！祝湯小姐夫婦，百年好合、永結同心、幸福快樂、早生貴子！
|
|
80. 中女社社長 2016-04-24 15:33:52
|
|
|
81. 無奈 2016-04-24 15:42:01
|
|
|
82. 無奈 2016-04-24 15:45:53
|
49河兄，在河刀兩大師前，我嘅見解明顯膚淺，請勿見笑就是了。
|
|
83. Joe 2016-04-24 16:05:00
|
|
|
84. 肥婆四 2016-04-24 16:16:07
|
|
|
85. 無奈 2016-04-24 16:18:49
|
50樓刀兄，你所見到的我也體會到，今天大陸發生的，當年台灣也如是，非常相似，所以我認為這是發展的一個必然過程，應該不至於出現驚天動地的人為災難。萬一真的有那一天，誰知是幾多年之後的事情？無需擔心太多，當然，若預見到即將出現，就真的要考慮要不要留在這個地方了，不買樓亦難逃一劫。
香港絕對需要大陸，從來如此，但其價值仍在，用不著多解釋，大陸要托起香港不難，條件是沒有港獨。
中國問題非一朝一夕可解決，同意。 08之前的我會贊成刀兄今天的講法：終須一跌。
但今天我有不同的觀點，何解？因為我見到金融海嘨後美國避免了上世紀29年的大蕭條，只要方法對頭，就可避過一劫。從需求側到供求側再到需求側，說明大陸政策的靈活性十足，順勢而為，亦要做最壞的打算，對嗎。
|
|
86. Oscar Lam 2016-04-24 16:50:55
|
|
|
87. 心清眼亮 2016-04-24 16:55:34
|
|
|
88. 心清眼亮 2016-04-24 16:55:35
|
|
|
89. LYC 2016-04-24 17:33:52
|
今期雜誌乜東又出來唱跌3成，博士反而話8萬7當中好多還在規劃中和要面對司法覆核，供應將會無以為繼，利息低業主持貨力強。你話信邊個講呢！？ 今日更加頂期十年都唔會加息，發達囉，GoGoGo!
|
|
90. 三年抱兩 2016-04-24 17:35:00
|
恭賀博士于歸之喜！ 恭喜湯小姐百年好合！ 恭賀湯博士令媛于歸之喜，可要外公等一段長時間囉。
|
|
91. AH-HO 2016-04-24 18:10:09
|
|
|
92. 元朗人 2016-04-24 18:11:07
|
|
|
93. 魚蛋仔 2016-04-24 18:15:27
|
恭喜湯博士！ 恭喜湯小姐！祝賀湯小姐百年好合！永結同心！
|
|
94. 狗頭貓 2016-04-24 20:22:50
|
喜聞湯博士新翁之喜 , 祝湯小姐婚姻美滿 , 幸福滿溢！
|
|
95. 打工仔 Andy 2016-04-24 21:36:16
|
|
|
96. 引刀一快 2016-04-24 22:10:32
|
原來今日係湯先生屋企嘅好日子。
祝賀湯先生新翁之喜，祝令千金百年好合，永結同心。
|
|
97. 十郎 2016-04-24 22:54:12
|
|
|
98. Gordy 2016-04-24 23:11:44
|
恭喜湯博士和湯小姐! :D
祝百年好合、永結同心！相愛到白頭! 幸福快樂、早生貴子！
|
|
99. 2011年開始 2016-04-24 23:31:46
|
|
|
100. 恭喜恭喜！二手樓成交價超估值！ 2016-04-25 00:08:20
|
二手樓成交價超估值
樓市交投在3月突然乍暖回升，隨着質素稍差或急走的盤源被消化，部分買家最近願比多少少入市，令市場罕現旺市才出現的「做價高過估價」情況，沙田第一城有低層戶及屯門海翠花園高層戶本月分別售375萬與540萬元，竟較個別銀行估價高約21%與16.4%；市區屋苑長沙灣泓景臺亦有2伙售590萬與568萬元，較估價高17.8%與14.1%。有學者認為，整體供應增加，租金有下調壓力，料升市不會維持，待實際經濟情況轉差後，樓價會再回落。
《東網》選取上月至今錄得的成交，不少成交價同時高於滙豐銀行及中銀香港2大行於本月21日的網上估價。交投回升的沙田第一城，本月一個50座低層兩房戶A室，實用面積284方呎，以375萬元售出，實用呎價13,204元，但上述2行對單位估價僅310萬與334萬元，做價較估價高約21%與12.3%。美聯翁凱傑稱，該屋苑本月錄約30宗買賣，平均實用呎價約1.18萬元，交投回升，主因用家見樓價未再大幅回落，加快入市，但平盤被消化後，樓價有回升現象，目前兩房戶入場費約360萬元起，料全月交投可達約35宗。
新界細樓物業樓價雖較去年高位已大幅調整，但原來銀行估價「仲保守」。屯門海翠花園3座高層H室，屬全海景兩房戶，實用面積約609方呎，本月獲換樓買家以540萬元購入，實用呎價約8,867元，較兩銀行估價469萬與464萬元，亦高出15.1%與16.4%。而以450萬元售出的馬鞍山海栢花園2座低層B室，亦較估價388萬元高出約16%。
市區屋苑亦有此情況，長沙灣泓景臺3座低層A室兩房戶，實用面積約478方呎，獲換樓買家以約590萬元購入，實用呎價約12,343元，較估價501萬元高出17.8%；另一個2座中層E室成交價約568萬元，較估價498萬元高14.1%。香港置業謝寶湘稱，該屋苑本月樓價明顯較低位回升，屋苑7座高層G室，實用面積517方呎，同類單位售價，早前跌至約590萬元，但上址最近以608萬元轉售，實用呎價約11,760元。
牛頭角淘大花園E座低層5室兩房戶，實用面積390方呎，業主降價50萬元後，以370萬元成交，實用呎價9,487元，較估價333萬元高出11.1%。美聯謝德生稱，屋苑二手交投轉旺，上月交投更按月急升逾1.88倍至約26宗，本月亦錄約9宗買賣，現時兩房戶放盤，入場費約430萬元起。
二手居屋同樣出現成交價高於估價個案。屯門置樂花園1座高層H室，實用面積511方呎，以359萬元自由市場價易手，實用呎價約7,025元，較估價311萬元高出約15.4%。
城市大學建築科技學部高級講師潘永祥指出，現時經濟回落實際情況未浮現，部分有自住需求用家，見樓價已有一定跌幅，獲議價後加快入市，交投因而回升，即使個別業主叫價已開始回升，但整體樓價有跌幅下，該批用家仍繼續入市，令最近樓價回穩甚至輕微回升。
|
|
101. 引刀一快 2016-04-25 04:22:38
|
To 53樓 自我陶醉兄
我都係話“有d盲好”啫，咪就係呢度嘅太監泰斗，同佢性鄭果位貼身大內打手囉。
佢何來慘痛喞，佢移植咗俾人不知幾開心，攞咗佢套嘢果D人慘痛之嘛。
|
|
102. 引刀一快 2016-04-25 04:48:34
|
To 70樓 香港土著兄
“大陸過去幾十年就係粗放式經濟，好聽就世界工廠，其實係低增值廉價勞工。”
呢樣嘢唔係唯一問題，我甚至認爲係唔係前三嘅問題。 勞工賣平咗，蝕嘅係一代人嘅青春，最慘嘅係將國家資源長期賤賣，完全唔考慮未來，任由地方管理者以大量自然資源為代價換取微薄金錢。
今日，大把小國爭相想取代中國嘅時候，資源我地早已經賣過龍，同時發現過去嘅“合資”“合作”之中，學到嘅嘢完全未足以獨當一面，仲要加埋一孩政策要找嘅數，往後唔駛艱苦經營先至奇。
有D人一聽到話大陸有問題就神經緊張，以辱駡他人裝作愛國，呢種人大陸本來叫憤青，後來發現實在係國之禍患，依傢叫糞青。呢種人，一塊招牌跌落嚟就會打中幾個，真係見唔少。
|
|
103. 引刀一快 2016-04-25 05:06:58
|
To 85樓 無奈兄
你所講嘅走位理念，同肥婆四兄所言相近，都係透過行政手段去處理，一般嚟講，手法係掩埋多于解决。
我試試舉個例子，有兩個大二嘅學生，即將面對期末考試，A君成年冇讀書走咗去玩，依傢考試咩都唔識，B君俾人發現原來一直都係靠作弊過關，讀到中二就直接入大學。
無奈兄，你覺得往後發展會係點？A君B君你一定估到我用嚟借喻邊兩個國家。
|
|
105. 博士忠實讀者 2016-04-25 10:22:31
|
知道博士女讀書好叻, 可否搵日寫返几篇文章傳授下教育心得, 博士愿意將投資心得同网友分亨, 其實教育下一代比投資更重要, 香港前途就要靠新一代。
|
|
106. 占士 2016-04-25 10:49:44
|
㳟喜 ! 㳟喜 ! 賀湯博士新翁之喜 ! 祝湯小姐 百年好合！永結同心！
|
|
107. Peter Pan 2016-04-25 11:02:34
|
Congrats to Dr. Tong and 令千金 ! 祝湯小姐 百年好合！永結同心！
|
|
108. 引刀一快 2016-04-25 11:24:03
|
To 55樓 東樓兄
完全同意！最近有個詞見得比較多，就係懶政。哪怕唔係打盲拳，懶政就係死症。
中國人口世界最多，500強內所佔席位，就算按世界人口比例去計，都祗係中規中矩，本來好多企業規模就係同人口數量正相關嘅，印度成績差唔好同佢比。
|
|
109. 香港土著 2016-04-25 11:33:50
|
回102樓刀兄，
有「大陸朋友」賣一個X礦賺八個億，哩d「国情」大家都… 懂的。
|
|
110. 香港土著 2016-04-25 11:36:13
|
|
|
111. 自我陶醉 2016-04-25 11:38:12
|
|
|
112. 自我陶醉 2016-04-25 11:56:14
|
101樓 引刀兄
本來唔慘痛，不過好似真係畀人打中七寸，痛到叫換人啊， 呵呵！ 其實我幾時話過自己係淡友，前年至好友嗰個好似係我喎！
做太監唔緊要嘅，唔好扮哂有心有力咪得囉！ 如果自認有心有力，原來可能、或者、有機會只係靠老豆，然後四圍去笑人，咁就唔好喇!
引刀兄，我中文差，唔記得有句成語點講，好似係咩“狐假父威” 之類, 講無能小狐靠老豆威風專蝦小貓小狗，對否？ 定係學博士話：“耀母揚威”啱啲？ 哈哈哈！
|
|
113. 引刀一快 2016-04-25 12:59:21
|
To 109樓 土著兄
呢D係人人都羡慕嘅“國情”中八次六合彩都冇咁多，最慘後面經常有不為人知又慘無人道嘅“內情”，比如某些不低頭嘅人俾人監生用鏟泥車摝到變埋泥之類。
厚德載物，依傢儻瀉晒.........
|
|
114. 引刀一快 2016-04-25 13:15:37
|
To 112樓 自我陶醉兄
前年準確推算CCL年底位置嘅人，係得你一個啫，年底132，正正就係132，然後2015年去到143左右囬調，都極爲近磅。當時其他人淨係猜高過低過之嘛。
玩唔起叫停我聽過，玩唔起叫換人，都算奇葩，咁不如我地叫埋其他唔睇好后市嘅人一齊小休，等佢地開心下，比個無雜音嘅空間佢地發聲，氹多D狐假父威、耀母揚威嘅細路，CCL又落返去喇，市場需要佢地㗎！
|
|
115. 自我陶醉 2016-04-25 13:31:36
|
回引刀兄，
好提議喎! 我都想睇睇如果我哋呢幾個月唔出聲，個市係咪會上到火星，費事人哋喺128戟住賴地硬喇。
|
|
116. 十郎 2016-04-25 13:34:55
|
|
|
117. 引刀一快 2016-04-25 13:41:14
|
自我陶醉兄
諗落又唔好，CCL上火星，我地要岀嚟頒獎俾LYC兄嘛，幾個月咁耐？依傢日日都上幾次火星喇，哈哈哈哈
|
|
118. 如是 2016-04-25 13:52:51
|
|
|
119. 自我陶醉 2016-04-25 14:00:57
|
引刀兄，
火星號裂車，咪好似以前有啲小巴咁囉！ 司機通常會話，“上車喇上車喇，就開車喇!” 點知等極都未夠客；)
如是兄, 你真醒目，等我都小休吓先 ……Zzzzz!
|
|
120. LYC 粉絲 2016-04-25 14:07:49
|
|
|
121. LYC 粉絲 2016-04-25 14:12:05
|
淡友睇吓博士昨日在東方怎評樓市，網主唔俾我po上嚟啫。
|
|
122. LYC 2016-04-25 15:20:09
|
港島CCL已經爆上，扮唔知！？ 時間企在業主個邊都唔識，打橫行你都係輸，業主贏呀，傻仔！ 咁你好收聲啦，唔好阻擋我架CCL號火星衝上火星，阻礙全港百多萬業主發達！
|
|
123. 同檯食飯，各自買樓。 2016-04-25 15:40:03
|
講真句：中原指數由最高位只回調19點或13%，真是閑過立秋，相信95%的香港業主都無可能成為負資產，係都是近這兩三年入市個班新晉業主，辛辛苦苦儲夠首期，又要問阿爸阿媽捨捨借借才夠首期數的心情差啲外，基本上唔失業，又被3D綁住，樓市又沒有人踏人恐慌性情況出現，跌15%樓市是沒問題嘅。不過現在靜心啲想，樓市再唔係插水，就會牛皮向上亦步亦趨好正常，唔使睇得咁悲觀，好友淡友同檯食飯，各自買樓就梗係架啦…！
|
|
124. 引刀一快 2016-04-25 16:44:26
|
To 120樓
呢度剩得D太監學派嘅時候，姣婆唔守都唔得㗎，哈哈哈哈哈哈哈哈哈
|
|
125. 引刀一快 2016-04-25 16:52:35
|
LYC兄
見到你真係好，仲以爲你上咗火星痾屎種薯仔食㖭，唔止港島CCL升緊，新界東都係喎，邊有打橫走咁慘呀，你幾時上火星施肥唔該單聲，我揺旗爲你壯行。
|
|
126. LYC 2016-04-25 17:17:56
|
刀兄，你冇能力買樓，唱跌咁多年都冇用，又唔抵得香港業主個個發到豬頭，你棧搞到自己唔開心，你點唱都冇用，樓係永遠都係升，跌都只不過是好短暫的調整，咁你又何苦呢！ 做人最緊要開心，睇開啲啦，越妒忌他人自己越唔開心！你點唱都阻唔到我架火箭向上衝！
|
|
127. 肥婆四 2016-04-25 17:23:00
|
TO103引刀兄: 我對内地有信心，除咗行政手段有優勢之外，重要的是國家有大把資產，呢啲佢喜歡就可以掉動！佢有本錢改正錯誤，今日邊度搵第二個可以咁呢？
|
|
128. LYC 粉絲 2016-04-25 17:53:36
|
回124引刀大哥，見你勇於負責，暫封你為姣婆1号。
|
|
129. CD ROM 2016-04-25 17:54:44
|
|
|
130. LYC 粉絲 2016-04-25 17:57:13
|
|
|
131. LYC 你算吧啦！ 2016-04-25 18:26:23
|
我們這些資產階級，個個係度寫嘢都係當娛樂，樓價升跌15%根本就係無傷大雅。真係無必要聽班無產階級係度講說話發嗡風，更加不需要與啲在港高不成、低不就既人在此針鋒相對，留番俾佢在異鄉卻入鄉不能隨俗，跟內地同胞搵兩餐又面子問題，做個八面不討好的燦卒算了，咁先顯示出以資產階級為主體的香港風度！ 阿彌陀佛
|
|
132. 歷史長河 2016-04-25 19:13:39
|
回112陶醉兄，
陶醉兄在哭訴別人勝之不武？如果你父蔭不足，雖話有些晚，不過也唔喺完全冇辦法，如果你有「料」，可嘗試下當今流行的「乾爹」之類，哈哈。
咁謙虛，中文唔好改用英文吧！
|
|
133. 歷史長河 2016-04-25 21:47:22
|
回102刀兄，
刀兄滿腹治國大計，安邦良策，真乃可委以安邦定國的曠世奇才。
不要再隱於臥刀崗了，在等習大大三顧刀府？請出山吧！國家花三十幾年功夫才攪出100多家上榜企業，您也許只用十年可讓500家全姓中。
|
|
134. 神算 2016-04-25 21:48:57
|
恭喜博士嫁女, 祝永結同心!
飄入嚟抽吓水先，呵呵！
|
|
135. Tony lam 2016-04-25 22:49:48
|
一個成日揸住個酒樽過日晨、飲到謝左、一個成日玩刀、玩到冇得玩、自己切左、真做唔嚟、唯有扮嘢教阿爺用乜招式(造)人、冇銀用、做塘邊鶴圍住賭枱發牙痕、聲嘶力竭嗌開莊開閒、嗌中就認屎認屁話自己有神通、想像下個場景、都幾攪笑。
|
|
136. 引刀一快 2016-04-26 05:02:16
|
To 127樓 肥婆四兄
你認爲“賣”可以解决問題，我認爲依傢嘅問題係過去亂賣太多，得到嘅錢又唔好好珍惜。
繼續靠“賣”維持，下一鋪會更慘。
|
|
137. 引刀一快 2016-04-26 05:09:35
|
LYC兄
唔駛激將法，我如果呢個時候買間港樓俾大家睇，睇怕成個論壇嘅讀者都被震憾，你咪得償所願？托市嘅任務留番俾你。
講開又講，呢排大陸市場好多精品，好多發展商要還債，推晒D珍藏貨岀嚟，唔貴，我睇緊，不過要搵人頭，真係煩。
|
|
138. 引刀一快 2016-04-26 05:14:02
|
|
|
139. 引刀一快 2016-04-26 05:18:43
|
To 118樓 如是兄
小休吧，留番引刀喺度對住班論壇打手就得架喇，人家借咗五按唔托市唔得，體諒下喇。
|
|
140. 引刀一快 2016-04-26 05:23:42
|
To 119樓 自我陶醉兄
小休吧，佢地都冇晒point，已經淨係亂作亂駡，留喺度都係眼冤嘅啫，我會應酬佢地。
|
|
141. 引刀一快 2016-04-26 05:40:39
|
長河san
唔駛喇，你去搵你最鍾意嘅日本人幫手咪得囉，日本仔人口係大陸十分之一唔到，500強佔54家，幾乎都係賣嘢俾人賺錢嘅，中國呢百幾家好多都係做13億人獨市生意。
佢教你用日本仔理念做中國獨市生意，咪得囉。
|
|
142. 由得他吧！ 2016-04-26 09:59:37
|
由得班無產階級將塊面斯落嚟──搲爛塊面，日日係度講風涼，樓價跌15%都係冇能力上車架啦，你估繼續唱跌，樓價就會下跌咩！
|
|
143. Tony lam 2016-04-26 10:33:40
|
(呢排大陸市場好多精品，好多發展商要還債，推晒D珍藏貨岀嚟，唔貴，我睇緊，不過要搵人頭，真係煩。) 成日唱大陸唔掂㗎 ! 思維組織唔到 ? 衹怕冇銀頭、點會煩揾人頭 ? 啊！你一向睇嘅啫 ! 人地勤力揾銀、你就唱人出賣勞力、點解唔吊高嚟賣、我估你可能係香港攞份綜援、返大陸扮貴人、所以心理咁失衡。
|
|
144. 引刀一快 2016-04-26 11:08:13
|
|
|
145. LYC 2016-04-26 11:12:21
|
|
|
146. 樓上LYC兄： 2016-04-26 11:50:12
|
你咁樣搞法，好容易搞到班樓市淡友精神分裂架，由其係班未儲夠銀兩嘅蜑家雞，容乜易學葵花寶典第一頁所註明咁：『欲練神功，引刀自宮』，到時就真係罪過喇‧‧‧！
|
|
147. 支持引刀 2016-04-26 11:52:56
|
帶頭大哥，大哥話近期有唔貴珍藏品推出，睇緊，係睇緊上定睇緊落定係持平，大哥意思有人頭就入啲？大陸來緊經濟唔惦弟子深信不疑，大哥講法同想法唔同果然有計高人，跟硬你！但咩計咁犯駁請指點一二。
|
|
148. 好笑 2016-04-26 14:36:36
|
成日講太監、自宮之類說話，臉紅不臉紅？如果係男人，其實就侮辱緊自己嘅性別，比你再有錢都係垃圾。
|
|
149. 引刀一快 2016-04-26 15:07:21
|
|
|
150. 蕭峰 2016-04-26 15:26:05
|
|
|
151. 引刀一快 2016-04-26 16:23:12
|
對，有冇筍嘢係絕對前提兼關鍵，我13年有入貨架。
我對大陸經濟，依然完全睇淡，如果覺得兩者有抵觸，即係唔知咩係筍貨。
|
|
152. 引刀一快 2016-04-26 16:26:16
|
我估，LYC會話成個香港所有嘅單位都係筍貨，哈哈哈哈哈哈
|
|
153. TO：148. 好笑 2016-04-26 16:53:02
|
引刀XX點解咁寫？真係要問下作者金庸查良鏞先生先得嚕。參考連接：
|
|
154. 肥婆四 2016-04-26 17:26:23
|
回136引刀兄，賣咗仲可以收賈馬，社會啲嘢，從來都係搬搬抬抬咖喇，重要係搬得起，放得低，帶動到人心， 玩 負息都係咁啦，唔使咁悲觀。有時啲嘢山窮水盡疑無路，枊喑花明又一邨！
|
|
155. 歷史長河 2016-04-26 21:56:57
|
回151刀兄，
大隱隱於市，刀兄真乃世外高人，一邊睇冧，一邊掃貨。不要問只要信。京都樓喺否也已掃入囊中？
|
|
156. Tony lam 2016-04-27 09:20:40
|
食飯冇位、有排等、最有效就哎火燭、鷄飛狗走、跟住大把位任你座、呢D就係呢頭唱衰、果頭岳高頭等雀跌落口。
|
|
157. 狗頭貓 2016-04-27 10:00:56
|
To 153 好笑 坊間流傳笑話一則 : 做好葵花寶典「如要練功 , 必先自宮」指定動作後 , 翻開第二頁 , 寫着:「如不自宮 , 也可練功」！心情平復後 , 翻開第三頁 , 寫着:「就算自宮 , 未必成功」。
|
|
158. 引刀一快 2016-04-27 21:50:57
|
睇電視版嘅笑傲江湖，有一幕幾好笑。
男主角埋伏係破廟偷聽d人講嘢，發現入破廟嘅人全部練咗辟邪劍法。
哈哈哈哈，笑到肚攣。
冇發言嘅論壇常客們，係咪有同感呢！
|
|
159. 引刀一快 2016-04-27 22:01:01
|
長河san
我一向好同意自我陶醉兄一個觀點，房屋係消費品，我留意廣州依家出嚟嘅筍貨，係想睇睇d稀缺嘢之中，會唔會撞到啱心水，不過要揾人頭係麻煩d。
|
|
160. 蕭峰 2016-04-27 22:15:24
|
既然深信係消費品，一間夠住就OK，你真係唔洗晒時間去睇喔！
|
|
161. 打工仔 Andy 2016-04-27 22:49:10
|
用公司名買, 每年都折舊就係消费品, 賣出又變回正資產!
|
|
162. 蓄芳待來年 2016-04-28 00:43:59
|
香港經濟年頭開始吹淡風，你見到時阿爺都見到，所以中資陸續進駐，一幢幢掃甲級商廈。開頭小弟以為係大陸走資潮，但咁大型同高調，除非老板找死，否則...... 至於點解要先掃甲級商廈，明嘅朋友自然明白，吾明嘅朋友小弟亦吾嘥口水解釋。
香港在阿爺護航下，大衰退憂慮應該可以平安過度。「外國勢力」沽貨造勢繼而大力唱淡，將會贏定輸，不妨參考一下索老沽空人仔一役。
有玩開股票嘅朋友都知道投行嘅搵錢公式，但呢鋪阿爺似乎吾like「外國勢力」又用投行嘅玩法，無論你買邊個贏，呢個時候最好都係揸住一兩間在手當防守，萬一兩邊吾打反而鬥搶的話，到時冇樓嘅你就慘。
彷彿見到香港這大都市在默默變天，以後能否留得低，就睇你嘅本事同目前嘅決定。香港政府一定會起公屋，問題你是否甘心自己同下一代住喺入面。當然，如果你相信阿爺會任由外國資金控制自己嘅橋頭堡就另當別論。
|
|
163. 打工仔 Andy 2016-04-28 01:41:53
|
無論你喜歡好, 不喜歡也好, 香港永遠都是國家不可分割嘅一部份, 只要你睇好中國未來嘅發展, 香港都不會差得去邊! 資本市場穩定, 資產市場一樣會好, 有能力的, 揸樓就算唔大升特升, 都會平平穩穩!
|
|
164. 引刀一快 2016-04-28 03:42:34
|
|
|
165. 引刀一快 2016-04-28 03:54:55
|
蓄芳兄
呢個係阿爺打救論，我對呢個睇法向來存疑，唔係懷疑阿爺打救香港嘅能力，而係阿爺是否一定遵從呢度D好友嘅主觀願望，以好友所期待或主張嘅方式去救香港？
97前阿爺一棟棟樓入貨，97年香港回歸，樓市跌足七年，點解當年阿爺唔振下聲威等香港樓市挺住？須知回歸後，香港經濟情况變化絕對係關乎國家體面。
我另一個疑問，就係如果有日香港樓市要靠阿爺去托的話，香港是什么？
|
|
166. 蕭峰 2016-04-28 08:43:26
|
消費品即係消耗品，本質上你要解決住的問題，故第一間屋算消費品，但住一間屋就夠，唔通你要住十間八間，每日輪一間，可能你係大富人家，買10間全算作消費品！
買就買，唔洗一路話睇淡，一路買。
|
|
167. 蓄芳待來年 2016-04-28 10:10:49
|
To 165/F 引刀兄： 我早講過香港經濟其實好大鑊，單零售市道衰退引起嘅連鎖效應已經夠你死，但根據以前打工嘅經驗，如果我見到公司有問題，咁問題已經唔係問題，因為我會要求下屬千方百計去拆掂佢，死你都要同我死掂佢，所以困難只係一時嘅事。
至於刀兄用97去比，個人認為此一時彼一時也，嗰陣時阿爺嘅實力同市場份額，根本冇能力控制香港嘅起跌。暗地𥚃儲咗20年貨，今日已經成為大股東，加上近年連串反抗事件，決心要成為單一大股東實在無可置疑。今日掃甲廈同97買甲廈，意義不可同日而語。
我只係叫大家「守」，以免他日在香港成為被淘汰嘅一群，並無別意。當然生活可以有好多選擇，移居去香格里拉或阿魯阿圖都做個小富豪都幾好，問題只係你願唔願意離開啫。
|
|
168. 引刀一快 2016-04-28 11:03:28
|
蓄芳兄
如果你認爲咁重視意識形態嘅阿爺，都可以接受從英國一接手香港就冧市，咁就即係話阿爺以前比依傢開明喎。
近20年，阿爺係畀錢，買貨。97之前，係畀錢，但係不一定有貨收，一直俾。
香港嘅單一大股東早已經確立，一綫大陸樓同香港細價樓均勢，不遠矣。
|
|
169. 引刀一快 2016-04-28 11:05:38
|
|
|
170. 蓄芳待來年 2016-04-28 12:15:00
|
To 168/F 引刀兄： 以前嘅亞爺有辦法唔接受？當時嘅能力同財力，同埋所持份額，有能力阻止其他股東沽貨推冧公司/股價？
另外，我的確覺得以前嘅阿爺對香港嘅態度比現在開明，可能刀兄唔在香港生活，感受唔到嗰種「被收窄」嘅氣氛。
忽然想起秦朝時將全國富人集中咸陽嘅故事，三個京城嘅妙想天開，香港具有先天優勢，未必冇機會㗎，他朝深圳被order成為香港嘅一部分，我唔會覺得驚訝。當然，到時住在香港嘅香港人，一定唔會係而家呢班冇產業嘅香港人囉！ 至於有d人話將來發展係深圳食咗香港，恕小弟唔想浪費時間去同佢哋討論，不如計劃一下點樣趁機分段吸納好過啦。
|
|
171. 引刀一快 2016-04-28 16:56:07
|
呵呵，秦朝冇原子彈嘛。
要集中就一定唔會揀香港，香港已經好多年富過大陸每一個市，甚至好多省，未來延續？咪即係表揚英帝國殖民主義優越性，永久蓋過社會主義優越性。但係又唔可以俾香港沉淪，香港沉淪亦表示大陸處理唔好香港。總之係慢慢淡出“第一”，繁榮程度与其他一綫城市接軌。
香港“被收窄”我點會感受唔到？唔係開明問題，而係循序漸進，香港50年不變嘛，要不變前提係漸變，我喺大陸生活對呢D嘢嘅感受係清晰而平常。
深圳食香港定係香港食深圳，都唔會係短期內發生嘅事，不過如果香港有機會食深圳的話，樓價就一定跌。
|
|
172. 蓄芳待來年 2016-04-28 18:35:26
|
引刀兄： 「香港食深圳的話，樓價就一定跌」？君不見惠州等後勤嘅發展，並冇拖冧深圳市中心嘅樓價？擴充唔一定出現稀釋作用嘅。 至於「集中」問題，有現成嘅硬件軟件唔用，個CEO就好有問題了，哈哈！
|
|
173. 引刀一快 2016-04-28 19:37:46
|
蓄芳兄
咁惠州樓市升咗幾多？你睇睇深圳羅湖區嘅二手樓價先講喇，咪信果D執住一兩個南山狂盤就話深圳樓市上火星嘅廣告語。
羅湖依傢仲有好多兩千幾、三千幾、四千幾蚊呎嘅二手樓，先唔討論邊個食邊個，假若兩地合一，羅湖交通一定唔會隔涉過屯門。一半價錢會唔會扯低屯門樓價？
“有現成嘅硬件軟件唔用，個CEO就好有問題了”
如果CEO覺得呢D硬件軟件有問題，唔用又有咩問題？
|
|
174. 歷史長河 2016-04-28 23:41:18
|
|
|
175. 引刀一快 2016-04-29 01:34:08
|
長河san，你都係唔好去京都喇，咪陀埋京都地震，到時害我買到補漏貨呀。
|
|
176. 蓄芳待來年 2016-04-30 08:22:21
|
引刀兄： 唔怪得刀兄話大把旬貨，原來而家羅湖區仲有二、三千蚊嘅盤，冇留意，多謝珍貴資訊，有時間會去望吓。 2014年9月，小弟放新秀區一個18年樓齡實呎450嘅單位，165萬人仔，因買家縮沙作廢，後因事忙沒處理。近排再放，收270萬走人。小弟間嘢已經好殘舊，另外唔知刀兄指嘅係實呎or建築面積？ 惠州，西湖旁一個新盤，2013年6月，120萬搞掂，800呎鬆d，當時因為太窮冇買，老友買咗諗住等地鐡起。而家地鐵都未搞掂，已經升到350萬。 供應大、冇租值、人口流動性強，卻有非理性亢奮。刀兄身在其中，得閒可以多d分享一下嗰邊嘅機遇。 我只知道普通農民嘅錢係靠收地得返來，20年前借咗4萬蚊俾寶安區鄉下表哥買地種桔仔，3、4年前政府收地，竟然賠咗300萬俾佢，癲到無倫！ 所以，小弟今年嘅唯一投資(唔計股票嗰d過手癮動作)，就係同梁凸手搶地，喺屯門買咗幾塊農地，打算種桔仔，或者起個貨櫃山莊，平租俾d南亞人士。 曾有師兄論及將來香港之人口增長，從觀察元朗錦田等貨櫃屋所得，低下階層之住屋需求非常強勁。買細價樓收租，暫時都係犯本，個人認為不如開拓印巴、南亞人士之低價市場。 本小利大，諗住搏一搏，單車變摩托，刀兄點睇？
|
|
177. 引刀一快 2016-05-05 00:54:03
|
蓄芳兄
兄台計出嚟條數都几嚇人：
“惠州，西湖旁一個新盤，2013年6月，120萬搞掂，800呎鬆d，當時因為太窮冇買，老友買咗諗住等地鐡起。而家地鐵都未搞掂，已經升到350萬。”
唔知蓄芳兄呢個係邊類稀缺嘢，咁嘅價錢係廣州市中心一綫價位，我手上有D，不過係廣州而唔係惠州。觀乎惠州惠城區大多數新樓盤在5000－10000之間，少數在一萬至兩萬區間，蓄芳兄朋友是否買到特品？
“羅湖依傢仲有好多兩千幾、三千幾、四千幾蚊呎嘅二手樓，”
蓄芳兄請留意，單位爲“呎”，即平方英呎，爲方便与香港樓市比較而使用這個單位，亦即兩萬幾到四萬幾一平方米。
至于兄台所言“本小利大，諗住搏一搏，單車變摩托，刀兄點睇？”
咁就要睇睇幾多本。
|
|
178. 蓄芳待來年 2016-05-08 15:25:23
|
To 引刀兄： 小弟當然知道刀兄用緊香港把呎來計啦，我只係想知道係實用面積定建築面積啫。你知啦，深圳樓d發水嘢抄足香港，兩者價格計出來可以相差3成以上。
老友惠州間屋絕對精緻，但住人嗰part真係得八百幾呎，其他什麼魚池呀觀星台呀之類都係送嘅。老友買嘅時候冇預佢升，只係想搵定個山明水秀嘅地方第日安老。
至於小弟提及想搞嗰個小生意，絕對本小，一間細價樓四份一價錢就搞掂哂，但可以玩嘅嘢就有無限可能。冇返工之後真係幾無聊㗎，而家忙緊點樣砌間三千尺嘅俾自己住下先，如感覺良好，再發展益下貧苦大眾。
|
|
179. littlemun 2016-05-09 11:21:20
|
蓄芳兄:
喺屯門買咗幾塊農地起貨櫃山莊平租俾d南亞人士，似乎問題不少...
違反地契既法律風險，加收租(南亞人士)同管理(地區人士)的困難度，諗起都頭痕...
另外點樣將農地變用途都係大問題，守株待兔式等政府收地... 定倒泥噴漿迫政府農地轉綜地......買左十年八載毫無聲氣收地就會.....
|
|
180. 蓄芳待來年 2016-05-09 16:16:17
|
To littlemun 兄： 多謝littlemun兄提點，其實兄所言之問題小弟亦考慮過，以搵錢角度，要解決之難題的確不少，淨係請「村代表」飲茶灌水都有排搞，等政府收，更加不存幻想。 但因為出發點只係為咗自娛，基於本少所以冇所謂。搞出租之事，等將來詳細研究好先講，而家只係當砌積木，先砌間俾自己玩下，攞個經驗先。 此舉無辦法為自己提供收入，所以要更正前言，吾係投資。
|
|
App下載
