有老友睇我寫備戰李宗偉，佢唔相信我會打羽毛球，話搵個高手同我打，睇我打成點，我同佢講，如果真的是搵個高手同我打，並不是睇我打成點，而是聽便可以知道我是否識打羽毛球，如果兩個人都識得打，是會發出鏗鏘，即是好聽的聲音，如果只是一方識得打，就會比較困難發出好聽的聲音，友人唔信，仲話眼見為實，只靠聲音是不能作準，我唔同佢拗，因為佢根本唔識得打羽毛球。
倘若有兩個懂得打羽毛球的人對搓，他們打底線高遠球，一板一板，是會發出很好聽的聲音，尤其是在一個單獨的羽毛球場，在香港亦有幾個會所有那些單獨羽毛球場，例如九龍塘會，西洋波會，印度會等，就會更加明顯，如果沒有好聽的聲音發出，那些人好打極都有限。不過，除了要有好聽的聲音之外，羽毛球速度，落點亦相當緊要，每一次搓後就要距離對方底線3吋之內，唔好以為好難，這只不過是基本功，如果做唔到，就會給對手採取主動權，大家又唔好以為好容易，如果連續搓波三十分鐘，已經會好攰，有帶氧作用，而且是全身運動，比跑步更加好，今次備戰李宗偉，首先要做好基本功。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
