地產博客 > 敢說亮話 返回
瀏覽人次:45306    回應:45
敢說亮話

講樓市還有上升空間的人最近有沒有買樓

 

湯文亮博士

紀惠集團行政總裁
2015年9月19日

  我話細價樓爆煲,小女買了幾個紅山半島分層單位,立刻被人話我唱衰樓市入貨,後來,這證實是誤會,從我寫「細價樓爆煲論」開始,就已經表明除了細價樓之外,其它類別的物業,除了一線舖位,影響亦不大,但我亦沒有資格提醒持有一線舖位的業主,他們身經百戰,經驗豐富,反過來提醒我就差不多。

  有時我見到一些不同意見的人,他們認為樓市,尤其是細價樓,沒有危機,由於剛性需求,細價樓樓價還會向上,並且用施生,汪生的說話反駁我,當時,我已收到施生最近賣走商業樓宇的資料,亦知道汪生賣走他在大埔的別墅,但我不能用這些實例反駁他們,因為施生的夥計經常攞施生的物業放售,都唔知真定假,至於汪生賣走他的別墅,逢三退一而已,不能夠以此作為反駁,他們亦只不過說出對樓市的觀點,大家應自行判斷。

  當我的細價樓爆煲論認輸之後,大部份人都沒有表態,當中有不少人只是認為我說六個月的時間太短,多三個月樓市就會爆煲,但亦有匿名者在其他網站以勝利者自居,當然是話我輸到貼地,並且鼓勵年輕人要即時買樓,我睇到之後啼笑皆非,心裡只有一個問號,他們最近有沒有買樓,我並不是說他們沒有買樓,而是最近沒有買細價樓,投資者在物業投資市場打滾多年,當然知道政府辣招差不多將所有購買力推向細價樓,做成細價樓樓價急升,當然不會在這個情況下買細價樓,所以,那些匿名者不斷慫恿年輕人買樓,即是推他們往懸崖邊緣,我只是想問多一句,那些匿名人現在有沒有買細價樓,如果他們沒有,就唔好叫年輕人去送死,雖然是匿名,良心上都過意唔去。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 細價樓必爆 2015-09-19 09:58:28
認為樓價升而叫人去買的人,如果有買的話,紅磡盤就可以一Q清啦。九成半按揭喎!不過,慫恿人用九成半那班人,真是推人去懸崖。
2. 湯文亮 2015-09-19 12:02:17
樓上兩位,
毋需單單打打,有話直說,我睇淡的是細價樓,我無細價樓,點賣。
就算睇淡樓市,但如果不能準確預測樓價下跌三成,又毋需賣樓,因為回購的成本很高。但叫人現在買樓而自己又唔買是有所不同,是不負責任。不過,兩位躲在一個代號背後,講什麼都可以,又不用負責任。

3. 大寶二寶 2015-09-19 12:14:46
回湯博士

博士請息怒。小弟沒有說博士是這樣的人,但難保市場上會有其他人有這樣想法。如有冒犯,在此賠罪。
4. 湯文亮 2015-09-19 12:21:00
大寶二寶,
市場上有其他人想就由得他們,你又何需強出頭
5. 踢爆 2015-09-19 12:21:54
某網站靠開班教買樓同要學員接貴貨來搵食,明未?
6. 神算 2015-09-19 12:25:15
紅磡個盤有個神仙車按揭計劃,免審查,車你上陰司路!

長河朋友,
甚麼講座?叫人夾錢做世界?
7. Oscar Lam 2015-09-19 12:31:31
感覺現在的樓市環境的確比前幾個月差了,主要表現在人的心態在𨍭弱。發展商去貨不如以前容易、甚至要減價吸客,買家放棄成交的案例也漸漸在增加。

在這樣的環境下,如果資金不太充裕,實在沒有必要在這個時候入市。特別是以九成半按揭入市就更加不應該了。
8. 大寶二寶 2015-09-19 12:33:45
回湯博士,

為避免誤會,那麼我刪除它罷。
10. Small Potato 2015-09-19 13:02:53
呢個世界,講一套做一套既大有人在,博士,就由得D匿名數字人吹個夠吧!我自己就只要問心無愧就ok拉!
11. 引刀一快 2015-09-19 13:05:32
依傢仲叫人去買細價樓,唔係睇好,係搵人幫手托住個市,樓市真係冧出面嘅時候,多幾個苦主岀嚟示威,出現大量負資産、銀主盤,又可以有人燒炭引起社會關注。
人地嘅未來、人地嘅財産、人地條命,都為他所用。
12. 引刀一快 2015-09-19 13:30:53
午安!

Q1: 講樓市還有上升空間的最近有冇買樓?
A1:有,不然成交量哪裡來?買家肯定認為樓家會上升的。目前來看,不能說他們錯。
A2: 冇。因為冇錢。
A3,冇,因為DSD, 藏富於外比較好。
A4, 冇,股票賺錢更快。
A5,冇,因爲上升需要靠大家努力,做啦啦隊保險D。

Q2:講樓市肯定冧的最近有冇賣樓?
A1, 有,不然成交哪裡來?賣家肯定認為樓價跌
A2. 冇,因為冇樓。
A3.冇,因為有SSD
A4.冇,減價都難出

Q3, 講樓市升的有冇賣樓?
A1. 有,要去聽講座,賺更大的錢
A2, 有,不過因為炒濃了股,補缺口
A3. 有,既然升點解唔益下大家先,有買趁手.........

13. 包租佬 2015-09-19 13:34:40
我年頭賣出一間細價樓,對手係一個五十多歲既投資者。將澳門賣出樓價既錢買入我間細價樓。我當時同佢講,重有得升既,希望佢賺大錢啦!佢價都唔講重俾我麥多兩口價。
14. 歷史長河 2015-09-19 13:44:20
博士息怒,小弟無意映射您,只不過想說出形形色色眾生相而已。而事實上小弟從來沒有認為您會喝高出貨或唱低入貨,小弟更不會單單打打。

如您覺得有冒犯,小弟願陪罪!再次感謝博士多年來無私分享,小弟受宜非淺。
另小弟想多句嘴:第十個人不容易做,硬做有時會導致偏激。
15. Desmond 2015-09-19 13:47:17
我也認為博士說六個月時間是太短,因為環境以至人心轉變都需較長時間。


16. 引刀一快 2015-09-19 14:11:30
依傢冇咗第十個人喇!
17. 西門吹雪 2015-09-19 14:29:01
其實我真心希望個d成日唱好,又係度懶勁亂插人,個d人入多幾個細價單位。因為,佢地自然會受到教訓。人生有幾多個十年?今次衰一獲,二卅年都未必可以再買…
最可恨既,就係佢地可能得一個單位,就係度學人唱好,已經冇能力再買。最後受到教訓既係果d誤信佢地既人
18. 歷史長河 2015-09-19 14:56:26
補充一點,小弟從不認為誰人有能力來「唱」變市場走勢。老施不能,博士不能,政府不能,首富也不能。市場自有自己運行規律,如潮起潮落,「唱」如能達到水中漣漪之效果,已是高估其能力了!

收租佬兄,依小弟看,你的對手不可小睇。點解?年初沽澳門樓於高位,入港樓至今己有一成升幅。
19. 神算 2015-09-19 15:14:34
發展商新盤價有能力抽乾二手購買力,這點是人為的。你可以繼續叫人去揾二手荀價細碼舊樓,不過呢啲樓喺跌市時一文不值。
20. 向饭民说不 2015-09-19 15:15:55
楼上,自从美国佬玩QE之后,好多传统的投资智慧都变了。

以前实体经济变差,楼市一定下跌。但是QE之后,大量热钱留系市场,现在投资咩都亏,股票,黄金,天然资源,全部回报都好差。这些热钱吾玩股票,黄金,天然资源,可以玩咩。最后只有玩房地产。

其实同样问题,在台北,多伦多,深圳都一样,实体经济已经差了很多,但是楼价就是不跌。

房地产同股票,黄金,天然资源又有个根本吾同的地方,就是房地产流动性低好多。好多淡友讲,今时今日,要卖楼,不是那么容易。不过几年前开始的SSD,已经令业主知道卖楼不容易。今日小了炒家,加上利息低,卖出买入的成本超高,要业主大幅减价套现的,不是那么容易吧。

21. 西門吹雪 2015-09-19 15:16:12
長河兄,市場當然吾會唱下就變。所以,如果一路唱好一路入貨就最好,身體力行,市場自然会教訓佢地。可是一路唱好一路又吾入貨,攪到d新手誤信了,萬一,真的只是萬一樓市好似博士咁講下跌2成,哪些人於心可安?


22. 色租佬 2015-09-19 16:01:14
長河兄, 但願如此。 我買岀個件貨係低層及望楼景, 之前一路都放唔出。 因為想逢三退一。 好彩有人不問價肯接貨, 固為我當時麦高左,如果唔計水脚, 地代告知家陣接我货者有5%利潤。
23. 珍惜香港 2015-09-19 16:26:26
珍惜香港

TO:16/F 引刀一快

引刀兄所言甚是!今時今日,會被人鑒生燒死嘅真正第十個人,已經唔存在啦!

哈哈哈!

TO:14、18/F 歷史長河

你話,第十個人唔易做,硬做有時會導致「偏激」。我認為,用成魔貼切啲。

講到「唱市」嘅成效,我亦非常同意,樓市唔喺唱好就升,唱淡就跌。

如果呢個博客,真喺咁勁,話升就升,話跌就跌,咁網主咪好易發到豬頭咁不過,對於呢方面,我有另一種睇法,簡單嚟講,」喺唔會令樓市轉勢,只會導使羊群更加聚焦响個市場度,而過份聚焦嘅結果,就喺令市場原來嘅走勢,去得更急。咁即喺話呢:

樓市要升嘅,你唱升或唱跌,都只會令個市升得更急;
樓市要跌嘅,你唱升或唱跌,都只會令個市跌得更快。

想樓市降溫嘅話,就乜都唔好唱,將羊群嘅焦點,移離開個樓市。

TO:19/F 神算

神算兄言重啦!資源,喺唔會一文不值!
24. 歷史長河 2015-09-19 16:49:44
多謝珍惜香港兄!既然引起誤會,小弟也隨孖寶兄做法刪了。煩請引刀把copy我的那帖也刪了吧!
25. 珍惜香港 2015-09-19 17:26:25
珍惜香港TO:8/F 大寶二寶、24/F 歷史長河

各位對自己嘅留言,都擁有知識產權,所以當然有權隨時刪帖,呢點不容置疑。

但既然誤會已作澄清,亦無須刪帖,因為刪帖會影響回應箱嘅流程,令其他相關嘅留言,變得莫名其妙,甚至可能會造就更多誤會。

已經刪除嘅,就冇法啦,煩請日後考慮清楚,盡量避免刪帖。
26. Oscar Lam 2015-09-19 17:49:55
回23 珍港兄,

对於唱好、唱跌言論是否会影響楼价走勢?我認為,如果是個别人士言論的確不会有影響。但如果是很多人參與,特别是最近報纸大幅度报道大劈价、買家放弃成交事件,是有可以对大家对楼市的信心產生坏影響,甚至使楼市转勢。

無論如何,大家應保持獨立思考能力,不能尽信报纸报導或專家意見。
27. 村長 2015-09-19 18:35:54
有, 我仲認識有村友, 岩岩上個月仲有入市添
29. 歷史長河 2015-09-19 18:53:32
珍港兄,多謝提醒!係喔,刪了就冇辦法了。不過畢竟這裡是博士主場,佢冇話原涼,刪了為好。以後說話小心便是了。
30. 村長 2015-09-19 23:51:42
ha! 公開問人有冇買樓, 我答有, 就被 delete 了! 

人不要面果然是天下無敵!
31. 引刀一快 2015-09-20 08:21:37
To  村長兄

你真係入貨?價位、戶型、地區等等可唔可以同大家分享下?可唔可以留個聯繫方式,有雜志記者想揾健力士買家做專訪,兄台不妨現身說法喎!
32. 歷史長河 2015-09-20 09:07:00
刀兄,今日咁早?又俾你贏咗!
去睇樓啊?
33. 引刀一快 2015-09-20 09:17:08
去啦,睇樓又唔駛死嘅。
34. 歷史長河 2015-09-20 12:05:51
刀兄,到時報告下鎖匙盤情況,另外試下鋤價20%能否成功。
祝馬到功成!
35. 引刀一快 2015-09-20 12:22:47
我以爲你話你去咋。依傢我就懶得睇,我有其它嘢玩。
36. To 31 引刀一切 2015-09-20 13:59:00


你係咪有記者朋友想揾健力士買家做專訪?現提供以下幾位……


東環幾賣清 盡推83伙晒冷

09月19日(六) 22:23
  • 東網電視
    更多新聞短片

    【on.cc東網專訊】 近期樓市氣氛虛怯,但無損新盤買家入市熱情。新地(00016)開售的東涌東環第1及2期共148伙,吸引大批用家及收租客爭搶,即日幾近沽清,發展商乘勢盡推項目最後83伙應市。另之前上載的6號價單未推售單位,部分兩房單位加價約1%

    37. 引刀一快 2015-09-20 14:22:10
    都話D外來人唔知頭唔知路喇,哈哈哈哈,你陪佢地切喇。
    38. To 37 引刀一切 2015-09-20 15:16:50

    有錢嘅就覺得幾時買樓都冇問題,反正都是將錢放在實體的財富,冇錢嘅咪好似引刀一切,日日喺度發噏風。

    39. 引刀一快 2015-09-20 16:36:29
    呵呵,實體唔實價呢,傻仔。
    40. To 39 引刀一切 2015-09-20 17:19:36

    市場成交價就係實價,唔通有枱底錢?明白引刀一切仲未被此網淘汰一大原因

    41. 引刀一快 2015-09-21 04:41:49
    你如果真係入市咪順便揾雜誌同你做埋專訪囉,你快手喇。
    42. 香港人 2015-09-21 09:34:18
     我上 2.5 個月有入市
    43. to 40 brother 2015-09-21 11:02:43
    For new properties, agent can offer several % of the property price as rebate. 
    44. amend 43 2015-09-21 11:10:43
    Change 'several ' to 'a small'.
    45. 神算 2015-09-21 14:50:37
    To 43樓,
    至少一半回佣啦,幫你填吓表就袋袋平安。
    46. 神算 2015-09-21 14:54:05
    香港人,
    祝你間樓早日升一倍!
    47. 香港人 2015-09-21 20:55:31
    謝謝