地產博客 > 文亮語 返回
瀏覽人次:36323    回應:17
文亮語

政府犯了信用卡公司所犯的錯誤

 

湯文亮博士

紀惠集團行政總裁
2016年11月16日

  在政府推出新印花稅當晚,我去了一間經常爆棚的食肆食晚飯,經理叫我儘量叫餸,因為從半夜開始,所有曾經幫襯過的客人都要加收15%附加費,新客就豁免,我問經理,是否各位老闆傻了,雖然這種手法亦不是新鮮事,信用卡公司亦採取這種手法,豁免新客戶年費,舊客戶在沒有欠款的情況下,是可以申請豁免,批准的成數亦相當高,如果有欠款的話就免問,但食肆咁樣對待客人,我是第一次聽到,究竟是什麼原因,真的耐人尋味。

  食肆經理同我講,他們收到消息,將會得到米芝蓮星,老闆知道將會有很多人慕名而來,為了使到那些人不會失望,唯有制定規矩,甚至犧牲經常來幫襯的人,最好辦法就是寓禁於徵,收取熟客15%附加費,相信有很多熟客不會介意,結果是,食肆不但可以多賺,而又可以作出推廣,何樂而不為,我話千祈唔好,是誰提出那條屎橋,經理話,老闆們參考政府的新印花稅法例,覺得非常適合用於他們的食肆,我話,如果老闆們決定這樣做就大鑊,結果是得失了舊客,新客又唔嚟,以後的生意就難做。

  他們不明白消費者的心態,那些慕名而來的人,如果要等位一兩個小時,他們是認為非常值得,但如果可以直行直入,不用等位,他們反而會覺得不值,甚至認為米子蓮評級機構搞錯,不會幫襯,老闆想推廣就變成趕客,我同經理講,咁蠢的事只有官員可以做得出來,參考他們的做法,就即是自己跳入火坑,經理話唔信,我話,拭目以待。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 無奈 2016-11-16 10:38:01
有意思,好想知餐廳故事怎樣發展。

但很明顯,政府出此下策,實為驅客。

雖為驅客,實在計窮,有幾多地都扺擋不了旁大的資金池。
3. 香港土著 2016-11-16 11:08:27
哈哈... 博士又一篇智慧之談!
4. 人在天堂 錢在銀行 2016-11-16 11:10:16
最慘有好多一般香港人, 有時明知服務唔好都大把人排隊去食
有時俾人鬧都冇所謂... ...係尖咀,旺角有唔少呢D茶記公司,
而家加收附加費, 擺明係針對窮人啦,

而且唔同客路, 情況就唔一樣,
如果係走高檔,收費貴既,服務唔好, 
可能就真係以後冇人幫襯啦


但如果只講加價, 唔係服務同質素問題, 就唔同啦


有錢人要食貴貴都食, 尤其內地豪客, 
家鄉D野都唔係平, 而且,而家唔食第時黎香港食仲貴,
事關佢地D錢愈來愈唔見洗
5. 路人xx 2016-11-16 11:13:17
但係如果目標係要趕客,而非把生意搞好,該食肆做法便非常正確了
6. 引刀一快 2016-11-16 11:23:28
同理,信用卡新客免年費,大陸客買一手樓代繳稅,都係一樣。

如果可以為大陸客代繳15%稅,點解唔可以減十零個巴仙俾本地客?
7. 香港土著 2016-11-16 11:41:54
政府點會計窮... 30%稅,大陸人肯比,政府唔怕收。如果走資喺公錢私用過河濕腳,比幾多唔喺問題經手人濕到幾多先喺重點咩?可以再加DSD,15%變30%,再嚟再加,30%變80%... 
8. 香港土著 2016-11-16 11:43:44
OH... 喺BSD至真
9. Tony lam 2016-11-16 12:05:18
儍刀    你又露底嘞、信用咭你要比年費㗎、即係冇銀找數啦!冇銀買樓咪扮嘢講樓啦!回幾多你有機會知咩?真係摸落褲襠冇袋、又要教人玩花式抃嘢。
10. Alan Pepper 2016-11-16 15:02:17
唔信政府戇居,定係唔信老闆戇居?

噢 Sorry ,此乃腸也
11. Alan Pepper 2016-11-16 15:04:21
如果個老闆真係咁諗,佢真係傻傻地。一律加價 10%咪得囉,熟客留一半地方招呼,生客排隊,咪賺得仲多

米之蓮喎,係咪都排隊架啦
12. 浪子心聲 2016-11-16 15:10:40
我有點不同意政府不明新辣招會趕客,我更認為今次加辣政府主要目的就是趕客,還有三個多月就特首選舉啦,如果讓樓價升過去年高位,梁特甚樣向中央交代,明知加到15%一定趕走曬啲投資客,甚至連首置客都趕走都無所謂啦,最重要是樓價停止升幅,就算不能回落,橫行已達到目的。


13. 引刀一快 2016-11-16 17:54:57
琳琳果然契弟

你不如擔心我冇錢交年費吖,股票輸懵你,哈哈哈
14. 自我陶醉 2016-11-16 18:28:04
哈哈! 傻嘅先會信有餐廳會咁做,唔通個個舊食客都有實名登記? 一枱有三個生一個熟又點計?

老實講,政府15%呢招唔係用嚟趕客,只係用嚟趕啲阻住政府施政,破壞香港競爭力,又趕極都唔肯走嘅吽人。

15. Eclipse*~ 2016-11-16 21:29:30
陰謀論:你係CY,你山頂間屋都值憶憶聲、你冇奶油會想佢跌、但你老細要你攪掂港獨。咁你咁離地、又唔覺得使錢買土佬d地係值,咪出d戇居嘅辣招囉... 
16. 路人丁 2016-11-17 09:42:42
有睇開湯博士的文章就會明,  佢口中所講的餐廳一定係虛構。以呢個例子, 解釋就算首次置業人仕豁免15%印化稅,  都唔會好多新買家買樓。買開樓的人唔買, 樓市成交少,  新買家一樣唔會買。好似去出名的食肆,  要多人排隊,  新客先會去; 樓市要升, 新買家先會跟住入市。
17. 自我陶醉 2016-11-17 12:42:03
千祈唔好以為係銀行嘅客銀行就會留,其實銀行有一啲定義咩係要留嘅客,咩係要趕嘅客,有啲客做一個蝕一個,銀行會叫佢哋做Value Destroyer (價值破壞者), 係銀行要攞掃把送嘅客,所以先會有客達唔到銀行要求就要收月費。如果你開間餐廳,一到飯市就有班人入嚟叫杯咖啡飲就坐兩個鐘,你又會點對付佢?

好明顯政府現時政策只係要幫有能力,有實際需要嘅人置業,如果樓價升就買跌就唔買,呢啲人肯定唔係政府要幫嘅對像。 呢啲已經有樓又或者唔係政府target嘅人要去買樓,咪就係政府認為嘅Value Destroyer囉! 仲要留? 過主喇老友!  唔通真係囉掃把出嚟先肯走? 哈哈哈!

18. 政府 2016-11-17 13:05:09
政府幫人去接火捧,以便手執重貨者可以出貨?