地產博客 > 文亮語 返回
瀏覽人次:34120    回應:13
文亮語

樓市冇得冧

 

湯文亮博士

紀惠集團行政總裁
2016年11月15日

  昨晚參加獅子山學會週年晚宴,有幸地見到財爺,仲可以同佢影幅相,閒談幾句,財爺問我,樓市會唔會冧,我話,在政府各項印花稅辣招及逆週期措施之下,入市的人非常小心,有物業的人借貸比率不高,在如此情況之下,樓市冇得冧,我估計財爺收貨,因為我說的是事實,並不是恭維說話。

  如果有房屋政策官員在幾年前問,我會話政府出招,樓市即將會調整,因為,當時政府出招意念,就是要打冧樓市,令到那些沒有樓的人可以容易上車,我的答案是為了迎合政府官員的理念而回答,因為如果我話辣招無效,政府就會繼續出招,一定要見到樓市有一個明顯調整,甚至屍橫遍野才會收手。

  最近政府雖然推出新印花稅制,理念與以往絕對不同,現在是希望壓抑已有物業的人置業,令到那些初次置業者可以較為容易上車,並不是為了要遷就那些上車人士而希望樓市大冧,所以,我夠膽對財爺講樓市冇得冧。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 無奈 2016-11-15 09:54:05
同意,橫行一段時間,消化加辣需時。

陸資居高臨下,反氣旋隨時進入香港。
3. 夠膽講 2016-11-15 11:40:13
我夠膽對財爺講樓市,hahahahahahahahaha
4. 引刀一快 2016-11-15 11:41:16
無奈兄

該嚟嘅就一定會嚟,人仔貶值預期已經充斥大陸樓市,通脹又咁犀利。

但係依家廣州越來越多乞衣。
5. 珍惜香港 2016-11-15 12:30:23
珍惜香港

似乎,大家嘅焦點,都喺放响湯博士回財爺嘅答案度。

答案,唔喺最重要

呢件事嘅重點,喺响財爺曾個問題度

點解佢會問,樓市會唔會冧?咁擔心樓市冧,又點解出招?

財爺曾,果然喺,深不可測
6. 井 2016-11-15 13:00:37
財爺小心689
7. 十郎 2016-11-15 13:09:03


      其實財爺心中有數嘅,佢刺探軍情啫。

      兒歌都有得唱----------狐狸偷偷的笑。
8. 臨記一名 2016-11-15 13:09:45
好似樓上講咁,財爺點解咁問有趣,而可惜無寫財爺答左乜。

如果出咁多招樓市都係橫行,咁一來大部份香港人既居住環境繼續改善唔到,二來有錢人難買多層樓,三來唔夠錢上車既人繼續買唔到,四來租金仍然咁高,五來有樓既又無得再升,六來成交大縮地產界又慘,唯一賺既係好早買左既人,出咁多招但大部人都要輸咁出黎做乜?

不過話說回來,「冧」即係跌幾多先,三五七成?如果跌兩成都幫到唔少人改善居住環境。

9. 浪子心聲 2016-11-15 13:22:35
在政府未出新辣招前,我估香港納米樓有機會爆煲,因為發展商提供高成數按揭,成交又不繼增加,我相信有部分實力不足的投資者都入了市,這樣樓市就開始有泡沫,但這個泡都未成形就出了新辣招,想佢爆小小煲都無機會。

我認為樓市都係先橫行,然後當供應到位,新盤入伙時,發展商才會開始減少少價,減得又少又慢,個市點會冧吖!!

但湯博士預期政府會在兩年內取消新印花稅,我覺得有點奇怪,如果個市唔冧,政府為什麼要取消新印花稅呢? 其實湯博士是否覺個市有機會在兩年內冧呀?

10. 無奈 2016-11-15 13:33:09
刀兄,同意你的觀點。

不過我又認為,「一萬年太久,只爭朝夕」。

當今天下大亂,眾說紛紜,見步行步唄。
11. 十郎 2016-11-15 13:47:10


      風雨送春歸,飛雪迎春到。
      已是懸崖百丈冰,猶有花枝俏。
      俏也不爭春,祇把春來報。
      待到山花爛漫時,她在叢中笑。

      卜算子     毛澤東


     
12. 浪子心聲 2016-11-15 13:47:11
加多個觀點,我認為香港樓市會唔會冧,現在的主動權在地產發展商手中,因為現時香港大部分業主借貸不高,新入伙納米樓又有SSD,不會短期放賣,所以二手樓市難冧。但一手市場供應多又有持續性,新盤係有很大機會要減價,當一手願意減價,就會帶動二手樓價調整。

本地大發展商實力雄厚,不需大幅減價走貨,但中小型發展商有可能會賺少啲都要賣,因為實力不足,還有一個可能性是內地發展商有政治任務,他們也有可能會低價賣樓,啟動香港樓價調整,但我相信他們就算這樣做,都會睇注嚟減,唔會減得太大和太快,整冧個市。 
13. 真真薯片 2016-11-15 21:27:29
下次正苦開記招, 如果有記者問財爺樓市去向, 財爺應該叫記者直接問博士
14. Ed 2016-11-16 00:47:04
重點係財爺都要請假湯博士