我已經好耐無見過咁有激情既的士司機。
昨日我搭的士由太子去尖沙咀，其實我等車期間都已經有啲驚驚地，因為我怕上車會俾司機鬧我咁短程做乜唔搭地鐵，但事實係我拎住好多野，搭地鐵真係唔太方便。
點知一上車，司機就好有朝氣咁同我講句「先生，早晨！」，我當時呆左一呆，心諗呢個司機係咪有問題？點解佢會咁精神咁有朝氣同人講早晨？我坐左咁多年的士，唔好話早晨，俾錢佢地，有時候連多謝都冇句。
我同佢講我去尖沙咀，佢一句「收到」之後，就俾油開車。
中午時份既彌敦道好Ｌ多車，但的士司機冇理咁多，踩足70公里響條路上面左穿加插，瘋狂過線，其實我懷疑緊佢唔知係咪用另一個方法發我脾氣，但命仔緊要，我冇辦法既情況下都唯有提一提佢。
我以進為退咁同的士司機講：「你手車好勁喎！彌敦道開咁快再過線一啲事都冇！」
的士司機雙手合掌話：「呢位大哥俾面！我都係半途出家，唔係揸得好叻架咋！」
我見佢車速八十都夠膽雙手離開軚盤，我就知呢位的士大哥並唔係池中物，佢後生既時候，一定有啲經歷。
我繼續引導性咁話:「你應該搵唔少啦！你手車咁辣～應該走多好多轉！」我故意提高聲線，希望佢明白個「辣」字既意思。
「邊搵到呀！我同你講一更車$500，再加入油$200，一日做夠$700先夠維皮，之後賺到既先係自己，但你又知唔知而家個市好差呀！」佢越講越激動，我都唔敢出聲怕刺激佢，點知佢仲響到講：「佔中之後個市就差到仆撚晒街，吊你老尾，日日開工搵埋都只係夠交租，真係吊你老母香港政府！唉呀，唔好意思，我係粗人，成日講粗口，你唔好介意！」
「唔會介意，我都成日吊人老母架!哈哈！」
司機又繼續怒爆：「早兩日去左啲新落成既公屋車左幾個新移民，你知啦！睇佢地個樣加埋個個都係講普通話，唔係新移民，咁係咩呀！不過，你又唔好以為佢地小野，吊你老尾！佢地幾條友話約朋友打牌，點知其中一個話唔得，你知唔知原因係呀？」
「……..呀…….唔知……..」
「原因係條八婆臭閪話要返大陸收租呀！吊佢老母！香港住公屋，大陸有樓收租，我做撚到仆街都唔撚夠駛！之前諗住申請公屋攞下啲福利咁，個福利官見到我就話我係香港人，我冇錢，佢唔信，仲叫我唔好呃福利！一個大男人，唔係走投無路都唔會諗住叫政府幫，點知班人就剩係幫大陸人！吊佢老母臭閪！係咪要我攞綜援呀！？」
的士大哥鬧到臉紅耳赤，佢越鬧，架車就開得越快；佢越快，我就越驚……
好快就咁到左目的地，落車前我同佢講:「司機大哥，生活迫人都記住要小心揸車!」呢句說話，我真係發自內心，佢咁揸車法真係好易發生意外。
臨關門前，司機大哥話：「先生！你真係好好人呀，我祝你一家人身體健康，生活愉快，幸福美滿！」
佢架車就咁開走左，我唔知班福利官係咪真係咁仆街，講「你係香港人，你冇錢，我唔信」呢句說話，我只係知香港人一直都靠自己雙手打拚，唔會墮落到去呃福利咁人渣無賴。
人窮心唔可以窮，自己搵自己食呢種堅強鬥志，其實各行各業都應該被人尊重。
App下載
