地產博客 > 文亮語 返回
瀏覽人次:42334    回應:78
文亮語

樓價早已被確認下跌

 

湯文亮博士

紀惠集團行政總裁
2016年3月4日

  財爺同金管局陳總分別表示,如果確認樓市下跌,就會調整一些監管樓市措施,物業代理界誤會政府會減辣,但我認為既然由財金官員講,一定是指逆週期措施,尤其是由陳總講,冇理由陳總講減辣,更何況CY已經不止一次表明,政府是不會減辣,所以,如果確認樓市下跌,政府是有機會放寬逆週期措施,不過,如何確認樓市下跌,這是一條難題,並不是樓價下跌三五成之後,才確認樓價下跌,取消逆週期措施,到那時候,樓價有可能已經跌到非常之殘,就算金管局唔取消逆週期措施,都會作出反彈,一旦取消,樓價更加會急速反彈,反對聲音便會藉此機會彈劾政府,所以,確認樓市下跌的時間是非常重要。

  如果我話一年前樓價已經被確認下跌,不少人會話我傻,地產商就不會,有地產商早在一年前已經用同區二手樓樓價賣新樓,如果不是確認樓市下跌,邊度會有地產商咁蠢,不過,當時以同區二手樓樓價賣樓的新樓盤,大多數都可以一Q清袋,負責銷售的主管亦飽受壓力,因為,真的是有機會開錯價,不過,能夠一Q清袋的新樓盤不是很多,去年,還有大約六千個貨尾單位,可以說,地產商確認樓價下跌的想法沒有錯,只是一般二手樓業主未能察覺,但這又沒有什麼關係,唔通將自住單位賣走,於是,評論員改口話,二手樓樓價高於新樓是新常態,其實是不正常態,慢慢地二手樓樓價自動會下跌,最少低新樓兩成,如果到那時候大家才確認樓價下跌,又是否會太遲。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蕭峰 2016-03-04 09:42:10
依家d  data 好有意思,一方面豪宅同新樓熱賣,另一方面,二手價劈的越來越深。

但係一手熱賣的情況下,政府會否放寬逆週期呢?


2. SHUN 2016-03-04 10:26:48
又有地代高層賣樓鎖定利潤、点解呢?
3. 西門吹雪 2016-03-04 10:55:35
湯博士真神~中,大碼10M以上既盤跌得個10個8個巴先。真豪宅盤仲要不跌反升,D人搶住買。3-5M細盤就跌足30%,這不是細價樓爆煲是甚麼? 哪些當日笑博士既人,相比下真可笑。
4. LYC 2016-03-04 11:16:50
請問邊處跌了3成
5. Carson 2016-03-04 11:22:35
去年以創新高價搶大西北北區高呎價高樓齡質素差樓宇的市民, 今年真的難過.
6. LYC 2016-03-04 11:59:42
就算沙田一般啲劏房都做緊萬二萬三元一尺,唔好講港島九龍啲盤。
將個別例子講到好似全部跌了3成,有什麼居心呢,繼續去幫人供樓啦,N無人士!
7. 西門吹雪 2016-03-04 12:09:00

喂LYC,我已經好耐無理你D亂講,你講咩鬼垃圾理論我都無博你,有你自己係度發出無意義既聲音。家下係度攻擊我咩意思? 自己上中原網站睇下D多成交既十大屋苑,2月24日後都有D平3成既成交。我唔想再回你,亦都唔想再同你係度小學雞,麻煩你死開些少,不要欺人太甚。

係呀係呀,十大屋苑就係個別例子,你D沙田劏房就係市價!!

8. 惜緣 2016-03-04 12:21:46
百年光陰瞬間過
有幸相識此網中
此刻依然思舊友
盼望團圓早實現

共惜之,阿彌陀佛!
9. 屋村師爺陳 2016-03-04 12:23:51
希望這客觀分析,比大家諗下....

起碼直到新任政府上任之後還要等一年半載,才先會開始留意樓巿走向狀況,由第二年才開始逐步放鬆。

基於2大因素,也離不開政策巿:

1. CY連任與否,今屆政府"勢"不減辣,CY肯定算過其聲望「進可攻,退可守」。

2. 下屆若然是新政上任,也不能即時減辣,否則被謀輩轟爆嚴查三代家宅及全家產物,影響管治威信。

有咗第一步政策巿,往後都會繼續有。

中間有否其得意嘅變化,我就唔敢講,如果地產界真係同政府打場官司的話,可能會加插更多趣味。

對我啲小巿民嚟講,「唔加辣我當佢已經減咗」,「反而減辣我怕又要重新適應過」。

「怪策配怪想」嘛,正如基層都唔想老闆加人工,加咗佢返而害佢比雙倍租金。
10. 窮人 2016-03-04 12:27:22
不過, 無論新盤或二手樓, 仲有大把水位可賺, 想賺既人點解唔賺,

何況生意人最好係貨如輪轉, 唔怕成本貴 或 賺得少,

最梗要Keep住客流量, 只要Keep到利潤, 自然做咩都大聲D, 怕咩人話頂爛市 / 搶貴曬


但小業主 / 小地主 唔係生意人, 佢地本少, 不事生產, 好難係時勢唔順時都賺,

升市跟大隊既人, 跌市有能力唔跟咩? 人地做出黎個"勢", 係為自己而做, 唔好太天真!!!不
11. 西門吹雪 2016-03-04 12:39:07

惜緣 兄你看~

人地係度歌頌博士,議事論事說出事實,無啦啦比人攻擊。都講左N次,看淡唔代表無樓,仲係都要攻擊人N無人事。係咁追擊我,攪到我都呢排幾乎唔敢POST啦~~欺人太甚,等你之前仲幫住佢。

12. 苦前業主 2016-03-04 12:40:49
我都覺得係,開講有話油價跌左咁多年,香港車主們仍要捱貴油,政府前幾日話不能干擾經營者運作,累我哋啲車主好苦啊~

換轉話講,政府一路壓抑樓巿,又唔見佢話干擾巿場運作?呢屆政府只討好基層,我哋中產食得屎囉。
13. 數字遊戲 2016-03-04 12:56:57
賣樓嘅人,通常都將啲賣樓理想價錢最少加多50%放盤,然後再慢慢減價,如果以為樓價已經大跌三十%,走去買樓,咁你就中咗埋伏, 大Q鍋!
14. SHUN 2016-03-04 12:57:48
7樓何必勞氣、果隻托市地代收$做契弟、明跌都話升、佢娘親都比人問候千萬次啦!
15. 惜緣 2016-03-04 13:15:06
大家有緣在呢度相遇已經係一種福氣, 應該互相珍惜。共惜之!
16. 蕭峰 2016-03-04 13:27:47
淡友,唔代表冇樓,淡友,好可能係搵機會入市(like me),  所以唔好攻擊淡友。我舊年都係大淡友,但隨住市場變化,入市機會漸現,可能我好快變大好友!市場係瞬息萬變,希望這裡有緣相聚的朋友,分享市況,把握機會!


17. LYC 2016-03-04 13:59:34
CCL只不過跌了一成,你唱跌3成,仲唔係講緊個別例子.
現在成交量咁細,你拿一兩個成交黎講,想以偏概全,仲想狡辯.
博士都叫人買,汪生都身體力行入貨,知道現在成交量上升,盤源減少,大家雪亮眼睛睇清楚樓上兩位居心叵測.
18. 西門吹雪 2016-03-04 14:18:38

都話左唔想回你囉~~仲係度嘈~你自己POST個汪生都話跌左20%以上啦~~咁者係無30%都廿幾啦。

CCL計數計所有屋苑,大小都有,都話大單位跌得少,豪宅反升囉~~加埋平均咪跌少D LAW~仲有個D 30% off 係2月24号之後成既,起碼要3月尾先反映啦。個別例子? 只要多D成交既屋苑,2月24後有成交既~十個有7-8個都有,咁都叫個別例子?

學某位師兄講,好心輸唔起就咪玩LA~~你以為你講下人地就會信你隻托市怪咩~~

19. 旁观者 2016-03-04 14:21:24
普遍市民都知道楼市太贵,等爆煲,财金官员同好多投资者早於2014年或之前都有發表文章評楼价过高,2015年才反應过來太遲。
20. 西門吹雪 2016-03-04 14:22:03
LYC~我本來打算你講咩都吾理你,坦白講我都費時係度睇埋你D垃圾評論。不過,希望你吾好再欺上門來,正所謂佛都有火呀~
21. 旁觀者清 2016-03-04 14:52:00
大家都是五十步笑一百步爭乜呀笨
22. LYC 2016-03-04 15:57:33
只是新界西北個別低價成交,你講來講去都講唔到邊個屋苑跌3成,唔好老作啦,將高層靚景同啲差的去比,自欺欺人,咁做人有乜意思呢!
現在收租淡淡定印印腳,盤源減少,租金就快爆上啦!股市都如我所講萬八見底,
23. 西門吹雪 2016-03-04 16:21:56

以下全是新成交~出自中原~~

美孚 2期 百老匯街37-39號 中層  37號 (A室)   $640萬 870呎 $7,356/呎 
美孚高位平均呎價11500, -36%

麗港城 1期 14座 低層  B室   $438萬 517呎 $8,472/呎
麗港城高位平均呎價12000, -30%

太古城 安盛台 寧安閣 (27座) 低層  B室   $882萬 703呎 $12,546/呎
太古城高位平均呎價17000, -27%

太多,不能盡錄。唔知邊個比沙田劏房更山卡啦呢? 自欺欺人個個仲係度話人!!

請問我講一句事實,根住比人插,咁算係咩五十步笑一百步呢? 唔通你比人強姦你唔出聲?呢排佢講咩Q我都無回,係都要來攪我。我連自己想法都未講,只係新聞報導已經比人插。駛唔駛咁呀。

24. 温水蛙 2016-03-04 16:27:00

TO 3:

10M跌一成和3M楼跌3成, 其实输的钱一样.

25. SHUN 2016-03-04 16:31:33
挑……咩叫個別成交?成交就是成交、現在成交原本就少啦!痴人說夢!報紙吹哂你D地代高層賣樓跳船啦!收皮啦托市擦鞋仔!
26. 歷史長河 2016-03-04 16:38:43
西門兄,check咗一下你提到的美孚單位,好似你用高位實尺價同低位建筑尺價比?

唔通我睇錯咗?
27. 西門吹雪 2016-03-04 16:40:40

河兄大家都是實的 XDDDD

24/02/2016 2期 百老匯街37-39號 中層  37號 (A室)   $640萬 870呎 1,158呎 $7,356/呎 $5,527/呎

其實我都好奇怪,點解2月24日後咁多平價成交~~雖然有可能是曇花一現,但係AT LEAST係呢個MOMENT都係事實!

28. 歷史長河 2016-03-04 16:44:57
I can only find this one which is quite close to yours.




02/03/20162期百老匯街37-39號10樓39號 (A室)44 年$640 萬631呎 848呎 $10,143/呎$7,547/呎
29. 西門吹雪 2016-03-04 16:50:50

河兄兩個盤來架 =.=

2/3注上田土聽既,約1月初成架~

我講個個係24/2成架

睇中原~因為係中原成既~


30. 蕭峰 2016-03-04 16:59:56
640萬 , 實呎 631, 建呎848, 實呎價 10143。

31. 西門吹雪 2016-03-04 17:09:52

http://hk.centadata.com/ptest.aspx?type=3&code=UDDCFRDSRR

蕭大俠~唔係呢個~呢個三月上田土聽,者係一月成架~~睇上面個D 近期成交紀錄,新D,最新係2月24呢個

32. 西門吹雪 2016-03-04 17:20:24

2月24之後唔知做咩成左好多呢D盤~一般都比高位低30%上下~~

的確有可能係曇花一現~~但係有咁多~我唔覺得係個別例子LAW~~2月24係咩日子??

33. 蕭峰 2016-03-04 17:24:16
ok,見到。

恐慌性拋售。

34. LYC 2016-03-04 18:24:59
成個屋苑,成千上萬個單位,低價成交,太古成美孚,就係得你講個兩單,其中一個還是底層,我就係搵唔到你講話多到不得了,都唔知個兩單是否自己友買賣,你如果睇下屋苑月線圖,有冇跌3成先?咁樣叫恐慌性拋售,咁樣就吹跌了3成?你鍾意點吹都好,肯定現在已見底。成交上升,盤源減少。
睇CCL最實際,連升兩週!你咪繼續睇跌囉,睇下再老啲還買唔買得起樓!
35. 旁觀者清 2016-03-04 18:40:35
其實最佳係睇房恊嘅資助房屋同居屋賣價就知底線係邊個位啦唔使爭議
36. 惜緣 2016-03-04 18:51:43
To 32樓 西門兄

西門兄話2月24日之後有好多七千幾/實呎的美孚盤, 但係在下搵來搵去都只是搵到你所提及的那宗, 美孚係有d成交量的屋苑,現時平均實呎成交價為1萬多d, 比去年高峰只下跌了10%多d, 西門兄用1宗的個案去代表成個市場, 似乎係以偏概全。大家討論下啫。


37. 西門吹雪 2016-03-04 18:51:57
個2單?!吾駛個個屋院例哂出來吧!?等張圖update下世都未見啦!
我家陣吾係同你講見底未,你睇我十幾個回應,邊個講過話未見底?你串緊我話冇盤比高位平3成成交,或者只有山卡啦先有。事實證明我冇講錯。吾夠人講又講個2句。係啦知你訓街啦。自己冇人咁熟又學人係度串人。
38. 西門吹雪 2016-03-04 18:57:20
我冇話好多美孚盤,美孚只有一個。我話好多屋苑,2月24後有成交既,都有一兩個呢d盤。自己search 下吧
39. 路人 2016-03-04 20:13:34
不如准确点问,应该平均跌幅打多少才考虑减辣…………比较实际一些。

40. LYC 2016-03-04 20:29:50
惜兄:你睇到啦,一個超大屋苑,得一個低價成交就係到勁吹樓價跌了3成,我一直都唔想窒佢,今次真係睇唔過眼佢想係這裡制造恐慌。
41. 西門吹雪 2016-03-04 20:40:35
一個咁大屋院2月24後中原得一個成交,係100% 呀。一個係咁就個別例子,可是只要睇下其他屋院,只要係細價同2月24後成既,很多都是7折成了。

仲有我只係話細價樓跌3成。中,大價跌8-10%, 豪宅反升。吾識中文牙?邊句話樓市跌3成?

本來我都吾想講咁多,係你條友喺度串我,吾通比人打吾還手?你係度狂亂講又得,人地講一句事實吾得牙?
42. 西門吹雪 2016-03-04 20:44:55
我講既野全部有支持。你講個d樓市大升,經濟飛天,有咩支持呀?呢期我一句都冇插過你,你反而走來串9我?!
43. SHUN 2016-03-04 22:08:26
呢D托市契弟已經技窮、連地代高層都賣樓止賺、事實勝過一切廢托!
44. 真真薯片 2016-03-04 22:20:49
公道d講, 依家係低成交乾跌, 以前都試過乾升, 乾跌都係跌, 乾升都係升, 不過低成交既乾升同乾跌都係未打好底, 容易彈返轉頭, 所以博士話成交量回升先好買樓, 其實冇乜好拗
45. 丁蟹 2016-03-04 22:58:27
【on.cc東網專訊】指標藍籌屋苑呎價失守,九龍龍頭屋苑之一的荔枝角美孚新邨呎價最終跌穿8,000元。美聯吳志輝稱,屋苑上月錄約14宗二手買賣,而本月錄1宗成交。據了解,上月市場錄得1宗超低價買賣,市傳屋苑8期百老滙街102號頂層單位,實用面積947方呎,開價950萬元放盤逾1年,近日減至720萬元沽出,減幅230萬元,實用呎價7,603元,屬2012年價位,儘管是頂層「要行樓梯」,但仍料低市價至少15%。
46. 蕭峰 2016-03-04 22:59:59
其實大家唔好希望個市真係大成交大跌三成,如果真係咁,好可能沙士又來,屆時工都保唔住,冇話夠膽入市。呢d都係點解博士一直呼籲政府減辣/放鬆逆週期,佢都係唔想見到樓市跌到阿媽都唔識,屆時政府減辣都救唔到。


47. Joe 2016-03-05 01:48:43
To 23/F 西門兄

其他屋苑我不清楚, 但麗港城小弟是比較熟的, 閣下引用果個所謂跌三成的低層單位, 其實是面壁加上要忍受商場食肆廢氣, 一向係全城的最低價單位之一, 它最高峰時銀行估價都是520萬左右, 公道一點, 就是比高位跌15%左右。

但是師兄竟以此單位和全城高位平均價$12000來比較.... 惜缘兄和LYC兄説的冇錯, 閣下確是以偏蓋全啊, 真係唔知嘅就比你嚇死, 知嘅就比你笑死......

48. 吹NL 2016-03-05 07:14:09
梅姐名曲風的季節的歌詞真的同上文經常發言很相似就是 吹呀吹譲風繼續吹
49. 吹神 2016-03-05 07:34:04
吹吹吹風繼續吹
50. 西門吹雪 2016-03-05 08:30:31
Joe兄,每個厔苑,每個單位点可能熟哂。我係數字派,2015年8月,麗港城低層呢個size成交,600萬以上多的是。緊此而已。請問個時d人吾係高過銀行估價買既咩?

Anyway, 我發左十幾個msg, 你要揾當中一句半句錯處有幾難?你有冇睇重點架?重點係我講左一句讚博士既野,其中幾隻字吾順眼就比人插,又叫我訓街之類。之後既野我早說了係吾想講既。但係比人打緊,可以吾還手嗎?如果吾係lyc係度少我,回完3號我都完了。係都要我回咁多,攪到我好似唱衰樓巿咁。一講多2句,好友就空群而出,幫呢條粉皮。係咪咁呀,講下樓市乜乜乜就大逆不道?!
51. 真真薯片 2016-03-05 12:18:30
其實如果樓市真跌, 好友自然會消失, 曾幾何時樓市都升到淡友幾乎消失

好友空群而出鬧談友, 代表樓市跌得太少
52. 神算 2016-03-05 12:32:40
還記得在樓市癫升時,好多人話成交價就係市價啦,唔知跌市係咪又會咁講呢?

還有河兄稀客呵。
53. 神算 2016-03-05 12:36:46
仲有淡跌市淡友都會消失㗎,忙於睇貨買嘢,哈哈!
54. one punch man 2016-03-05 12:56:02
汪敦敬先生話最近細價樓租盤減少 租金又企穩 買賣交投也見慢慢回升 預測細價樓會於三月至六月期間完成調整!吾知各位點睇呢?
55. one punch man 2016-03-05 12:56:38
汪敦敬先生話最近細價樓租盤減少 租金又企穩 買賣交投也見慢慢回升 預測細價樓會於三月至六月期間完成調整!吾知各位點睇呢?
56. 葉孤城 2016-03-05 13:04:20
真得意
去年全城空群而出閙樓價 今年楼價就跌了
57. 葉孤城 2016-03-05 13:08:15
最得意
一年內
香港樓價跌一成
深圳樓價升一半
58. 疾風之狼 2016-03-05 17:51:10
二手成交價指數在某些時候沒有什麼參考價值,如一個狂潮中,價格都是你追我逐的,越叫越高,偏離現實。但當回歸理性時,價格的改變可以很大。君不見現時啲30年樓個價同新樓差唔多,你真信30年樓保值嗎? 你可能信,我唔信。好多人只看到價錢,看不到價值。
那麼為什麼30年樓依家個價仲可以咁高? 因為同區冇咩新樓供應囉,到有大量新樓供應時,到時30年樓個價就淋,買家仲會買30年樓而唔買新樓? 
我們在水退時才知邊個冇著褲,息目以待。
59. 蕭峰 2016-03-05 20:10:49
今日好靜,係未淡友都忙於四圍睇貨買嘢啊??哈哈!


60. 蕭峰 2016-03-05 20:50:22
乜ccl只代表二手成交價嗎?如果係咁,建議大家留言一手近排銷售情況啊!


61. LYC 2016-03-05 21:57:12
大俠都睇得好準,及時睇好,成交如無意外將會爆上,3月是個遲來的小陽春,CCL130在最惡劣情況下見了底當恒指跌近萬八,今次調整完,打好個底,貨再次轉入強者者手,繼續維持大漲小回上,大概回一成,升三成這個pattern上。新樓熱賣,2手放盤量下跌,一月落成量大跌,發展商放慢起樓,推盤,租金回穩向上,大部份打工仔加人工,經濟亦企穩向上,欣欣向榮,一片好景啊!
62. 西門吹雪 2016-03-06 08:23:24
蕭大俠,睇樓吾代表買嘢既,其實亦係增長資訊既方法。看睇樓既人,佢地既人數同態度,甚至經紀既態度,同八下近期成交咁,都係有用既資訊。ccl係吾計新樓,所以有時都看一下新樓示位同開價。而吾係喺屋企部住個ccl升跌,仲話ccl無跌喎,樓價無跌?!

至於我冇再回應,吾係因為去左睇樓或者買貨。我話左我講咁多都係自衛,既然無人再攻擊我,話之佢講咩大話,嗡乜Q,睇多佢一個回應都浪費生命。
63. 蕭峰 2016-03-06 10:44:12
如果ccl唔包括一手,咁真係建議有心入市d朋友,要留意啦!琴日我有去看維港星岸,超多人。

過完年後,多個一手盤都賣得唔錯,高逸華中原獨家一週清晒,映御賣出推出單位的9成以上。可見,只要開價較區內二手有競爭力(8折),承接力係好足。我原本以為3月ccl會反應出一手力度,如果ccl唔包括一手,咁又連升兩週,咁就真係可能表明,小陽春來左。

個別二手大劈價又係堅架,我估可能仲要持續一段時間,因為相比一手,二手正常價格應該比一手低20%。但樓同股票唔同,樓係要case by case 去睇,即係有d守唔住或者急變現d業主,加埋氣氛差,可能以低價出貨(沙士都好多),拉低ccl。

總之,依家d數據好參次,唔易睇,咁就要多d做功夫啦!

希望大家都買到心儀單位啦!



64. 吳順朝 2016-03-06 11:16:21
西門大俠, 我真係服左你,現在啲盲好都消失哂,剩番個活在幻覺的傻好扮專家,你還生他什麼氣,上次佢話132係乜差平均線一定有支持,點知去到132咩反應都冇,懂一聲,穿左。 哈哈! 

股票升,樓就會升喎!  98至2000, 股票創新高,樓價呢?  真係天才!  別吵醒他,讓他繼續做夢吧! CCL 明天就破180了。

天才在左,癲子在右,你又在那?

65. 常睇樓 2016-03-06 11:27:56
本人亦有留意一手,二手的情況。發現近月一手二手的情況很兩極。一手開價進取的,示範單位就滿是人。同樣是一手,開價沒有這麽進取的就很冷清。至於二手,亦是相當冷清,地產代理們都弄那個"開放日",希望多找生意!看情況,估計二手崖打的情況仍會持續一斷時間。
66. LYC 2016-03-06 12:37:14

筍盤出現搶和爭盤情況因放盤量持續下跌,成交量上升,靚盤難求!


只識對住部電腦搵啲劣質盤成交來吹,自欺欺人!

67. 西門吹雪 2016-03-06 13:56:24
我諗住你條粉皮冇再喺度串9我,我都算數啦,你61亂吹既野,我都冇理你啦。但係你又喺度暗串我,真係欺人大甚。你咪睇多幾個屋苑係咪静係我講個幾個盤law。你話除左山卡啦,冇見到有劈價盤,咪比d成交你睇law,吾通带理你出去睇樓?你求我,我都費事你講d硬膠野失禮人呀。

你自己quote编文話因季節關係一月落成少左,但之後創十年新高呀。咁様段章取義,唔係欺騙是甚麼?吾怪得要cut個title出來,你當人白痴?!

btw,你睇呢d已經係舊聞。你d咁既資訊速度,難怪評論質素咁低。
68. SHUN 2016-03-06 14:18:54
減價就係減價、什麼質素見仁見智、再有客睇樓祇會用成交價做指標、唔減味唔買囉、業主供樓或又要減租揾客、關人忍事!
69. 老餅 2016-03-06 15:25:04
現在睇新樓有冇水份我唔知,但97金融風暴之後推新盤就大把相關人仕叫齊D姨媽姑爹去做勢,好似當時禮頓山開盤重叫埋D明星做勢又話呢個明星買果個明星又買黎谷盤,
70. Tony lam 2016-03-06 16:37:28
禮頓山當時6000幾蚊呎起、我揼係執得太多、所以丟得太早、呢D咪人生囉!
71. 老餅 2016-03-06 18:12:57
禮頓山6仟幾蚊起但平均價要8仟幾蚊呎.
72. LYC 2016-03-06 18:30:31
汪先都話繼續交租唔買的風險正在上升,好心提下你,唔信咪算囉,二手放盤量持續下跌,二手樓點會跌呢,普通常識.
有樓老咗至少可以逆按揭,唔洗搞成咁,老友,http://hk.on.cc/hk/bkn/cnt/news/20160306/bkn-20160306123309196-0306_00822_001.html
73. 包租佬 2016-03-06 20:27:46
今日係商場搭扶手電梯時,後面有三個中記地代。其中有兩個男問個女嘅借錢,女嘅唔肯借,細細聲話:"你地己借咗2次啦,我真係冇晒錢,再借冇得食啦,我地不如轉行好過。"
我轉身望下佢地,佢地立刻收聲。
睇來地代真係餓到就來語無論次啦!
74. 蕭峰 2016-03-06 21:01:30

上周末多4宗或50%,屬近32周以來新高(對上一個高位為去年7月25-26日錄得15宗成交)。本周末成交集中於新界區,嘉湖山莊佔4宗,沙田第一城亦錄2宗成交。中原地產亞太區住宅部總裁陳永傑表示,新年過後,發展商加快推盤步伐,並以貼市價錢開賣,本週末新盤銷情理想,屬近數月新高,帶動交投氣氛,新盤主要集中於新界區,帶動客人四出睇樓比較,加上普遍業主願意提供合理議價空間,令二手交投量有所回升。


75. 蕭峰 2016-03-06 21:06:36

中原地產十大屋苑本周末錄得12宗成交,較上周末多4宗或50%,屬近32周以來新高(對上一個高位為去年7月25-26日錄得15宗成交)。本周末成交集中於新界區,嘉湖山莊佔4宗,沙田第一城亦錄2宗成交。中原地產亞太區住宅部總裁陳永傑表示,新年過後,發展商加快推盤步伐,並以貼市價錢開賣,本週末新盤銷情理想,屬近數月新高,帶動交投氣氛,新盤主要集中於新界區,帶動客人四出睇樓比較,加上普遍業主願意提供合理議價空間,令二手交投量有所回升。

76. 包租佬 2016-03-06 22:21:12
以下資訊來自東網
3月 6日 (日) 21:04

馬鞍山居屋錦英苑

屯門公屋良景邨

【on.cc 東網專訊】 樓價向下,公屋及居屋跌得仲「甘」!馬鞍山居屋驚見300萬元樓下自由市場成交,做價重返2014年價水平。

馬鞍山二手市再見樓價低於300萬元成交。世紀21奇豐梁榮貴稱,同區居屋錦英苑D座高層3室,實用面積401方呎,自由市場僅以約282萬元轉手,屋苑近20個月以來,樓價首度跌穿300萬元,實用呎價7,032元,屬14年價水平。

業主肯減價,再有白居二買到市場「終極平貨」。祥益胡志偉稱,屯門公屋良景邨良偉樓高層16室,實用面積264方呎,去年初第二市場叫價120萬元放盤,近日終減至66萬元,獲白居二購入,實用呎價2,500元,成交價平屯門屋苑,平過買車位。據了解,上址成交價重返12年1月水平。

─ ─ ─ ─ ─ ─ ─ ─ ─ ─ ─ ─
「東網Money18」fb專頁:有討論、有分析,齊來FUN享,贏盡●你Like
http://www.facebook.com/money18



相關新聞:

3月6日 (日) 21:42
新界三房單位累冧價兩成

3月5日 (六) 16:09
好狠!兆禧苑累劈3成沽貨

3月5日 (六) 13:07
劈價追擊:兆禧苑放盤半年累減高達97萬

3月5日 (六) 12:50
劈價追擊:曉暉華庭勁減近1成 售790萬

3月5日 (六) 11:02
劈價追擊:嘉盛苑3房減價40萬 售290萬

77. 蓄芳待來年 2016-03-06 23:56:07
公屋都可以攞來買賣,以後「公」屋應該要改過另外一個名目。
納稅人嘅錢,變成他人嘅私產,唉,香港福利好到冇朋友,老共入主之後就係有嘢益大家!
78. 蓄芳待來年 2016-03-07 00:09:33
最近搞裝修,求求其搞都話要7字起錶,對比兩年前,材料升幅可以接受,但人工呢...... 真係好懷疑,樓價可以點跌。