地產博客 > 文亮語 返回
瀏覽人次:32522    回應:3
文亮語

財務公司及債仔將會陷入困境

 

湯文亮博士

紀惠集團行政總裁
2016年2月26日

  曾經有人問我,點解唔開財務公司,亦有人要求與我合作,我對他們說,這門生意不適合我們,紀惠在三十多年前已經有財務公司牌照,一直存而不用,因為,我是絕對沒有把握收回欠款,現在,如果大家有留意新聞,借錢俾人如果要收數,分分鐘會俾人抹黑及貼大字報,我是雍正信徒,知道錢是坐住借出去,跪低都收唔番,既然如此,點解要做,不過,那些有實力收數的人又作別論,即是雍正有年羹堯,唔怕班阿哥唔還錢。

  有一段時間我非常後悔,就是放出去的貸款有物業擔保,除了安全之外,又可以收取高息,是有抵押的私人貸款,還有政府做執行人,如果債仔唔還錢,可以封舖收樓,執達吏做了現代年羹堯,這種生意去邊度搵,在我後悔的時間,財務公司的數目增長驚人,多人搵食,競爭自然會大增,放貸越來越進取,而那些新進的財務公司都是非常業餘,唔知道放款容易收錢難這個道理。

  當金管局收緊銀行對財務公司放款,財務公司惟有求助外界,資金不但從各地而來,本土的亦有,但那些資金有一個共通點,就是有一個時間不長的還款時間表,現在,那些財務公司面對的困境就是放出去的款項未能即時收回,而向其他機構借的款項則到期,最近有一間財務公司負責人的相連公司被其他財務機構追數而訴之法律,亦即是響起了財務公司的警鐘,那些有向別的機構借錢的財務公司,必須要準備還錢,最直接了當的除了減少放貸外,就是對到期的貸款不再續期,如果債仔冇錢還,一定會沒收他們的物業,轉變成銀主盤之後再出售,這個連鎖反應現正進行中,在反應堆內的人必定不能夠掉以輕心,要小心面對,否則,隨時一無所有,我並不是危言聳聽,小心。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-02-26 09:27:25
沙發先!
2. Carson 2016-02-26 09:47:34
湯博士, 小弟十分認同借款容易收數難, 財仔將股東或者債主啲錢借出去容乜易, 借果陣乜都得, 業績招牌省到靚一靚, 花紅出到兩隻手拎唔晒!不過要收數個陣就知大鑊。高質樓都唔會拎去財仔按,低質樓宇跌市時想沽都冇人接,財仔收得樓嚟再賣,自己都變負資產。
3. 真真薯片 2016-02-26 10:40:37
相同問題係大陸已經玩左幾年, 下一步就你將d私人貸款打包賣出去, 或者搞d上市之類既泡沫集資頂左佢

有說上年大陸股市爆破, 高位果陣出貨都幫輕左銀行減唔少地方債