地產博客 > 文亮語 返回
瀏覽人次:35053    回應:65
文亮語

好彩去年冇買樓

 

湯文亮博士

紀惠集團行政總裁
2016年1月23日

  2016年只不過過了大半個月,好多人見到我就會講,好彩去年冇買樓,當中有不少人承認是因為睇了我的「細價樓爆煲論」,不過,他們亦講,在最初幾個月,見樓價屢創新高,又聽到物業代理講,今日新高,明日新低,當時是非常憎我,老實說,他們亦知道地價貴,建築費又貴,就算地產商唔賺,樓價都冇得平,亦唔知點解我可以話細價樓爆煲,不過,見我過去幾年預測樓市都幾準,話跟紅好過頂白,哈,同我講賭,講三日三夜都講唔完。

  香港樓市已經升了很多年,要買樓的人早已買了,未買樓的人早已立心不買,就算樓價下跌一半他們亦不會買,除非講明一定會賺,有能力而未買樓的人其實不多,或者會有一些心大心細,在買與不買之間,總之,那些在去年沒有買樓的人今天就很口響,不過,他們當中有些人可能忘記,去年曾經指責我發表爆煲論,令金管局收緊細價樓按揭至六成,剝削他們買樓機會,今日,英明神武的當然是他們。

  在2015年,二手樓成交量慘不忍睹,如果我同人講這是好事,一定會被人鬧到反肚,其實,真的是好事,成交量偏低,即是並未有太多人買樓,他們除了避免損失之外,購買力亦可以保存,今年或者明年,如果那些人有信心以及夠膽的話,他們就會買樓,成為樓市下跌時的防線,但如果他們在去年已經買樓,市場上不但失去了那些購買力,他們當中有部份人可能被迫賣樓,令樓價進一步下跌,所以,好彩他們在去年沒有買樓,但希望他們能夠在今年或者明年買樓,將本來已用的購買力重新啟動,不但可以做白武士,支持香港樓市,亦有機會令他們擁有的資產升值,幾時可以買,今年以後到明年底,隨時都可以,啱價就可以。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 好 2016-01-23 09:29:17
明年儲夠錢就買。
2. 神算 2016-01-23 09:43:00
沙發?
3. 蕭峰 2016-01-23 09:58:01
就是說,會跌到明年底?咁我明年底再買。

多謝博士:)

4. 如是 2016-01-23 10:02:28

而未有能力買樓的人其實不多??

是可多左個(未)字?

5. 蓄芳待來年 2016-01-23 10:11:53
博士講到咁白,好容易令到一d不自量力者就咁撲咗出去。關鍵係:「啱價」,哈哈!

有人視買樓/置業為投資,余以為,有階段之分,第一層樓,永遠不要將它視為投資,那是你生活的必需品,除非你已擁有廉租公屋。
這𥚃經常有網友爭抝股票回報高還是買樓回報高,若以買第一層樓的角度去睇,那些爭抝很多餘。能靠股票發達者(長期而不倒),鳳毛麟角,靠第一層自住樓而至富的,也不多。
有人誤以為買樓會發達,其實係錯覺,那只是你每月勤力儲蓄(每月供樓)的結果。過去幾年樓市發癲,更將這錯覺放大了(97時亦一樣)。大家試過供死會嗎?如果試過,就會明白我講乜。
肯個個月「儲蓄」嘅人,一定贏,出於自住需要而買樓,贏嘅係double。
今時今日,如果你每個月連萬五蚊可以攞出來作儲蓄嘅多餘錢都冇的話,吾好學人講買樓,而買樓作投資,更加係另外一個遙遠級別。
鼓勵所有人個個月「儲蓄」,一步一步來,你會見到時日累積嘅功效,而物業升值,係bonus。
共勉之!
6. 真真薯片 2016-01-23 10:15:15
今年以後到明年底

即係明年?
7. Admin 2 2016-01-23 10:16:18
To 如是

已更正,謝謝
8. 打工仔 Andy 2016-01-23 10:20:41
现在有需要就買!
9. 蓄芳待來年 2016-01-23 10:27:15
現在有能力(啱價)就買(第一層)😁。
10. LYC 2016-01-23 10:42:11
幾個超準的專家都叫買樓,哈哈!
11. 追 2016-01-23 11:35:12
下年買是好時機嗚
12. 引刀一快 2016-01-23 11:36:54
邊幾個呀?
13. LYC 2016-01-23 11:46:17
博士一出聲叫買,你估業主們傻的嗎,現在還會劈價嗎!?
正常人睇見股票咁搵笨,點都死揸實層樓啦!

14. 引刀一快 2016-01-23 11:51:31
到價咪買囉,呢個就係重點。
15. LYC 2016-01-23 12:09:20
博士這兩天明顯帶出長揸必勝,手中有樓,心中冇樓的最高境界。除非真係窮途末路,否則點會減價沽呢!
租金高企,利息持續低位浮沉,完全冇壓力沽貨。林生和汪生的分析更加令人有信心揸實!
淡友們等多1-2年,好彩俾你買平幾個%,但輸租金,唔好彩就一世囉!
16. Oscar Lam 2016-01-23 12:44:33
好彩去年年頭賣咗樓。嘻嘻!
17. 路人皆知 2016-01-23 12:51:07
同意,因爆煲言論而放棄買樓的人,大部分最終都不會買,吹水居多!
19. Oscar Lam 2016-01-23 12:55:54
"幾時可以買,今年以後到明年底,隨時都可以,啱價就可以。"

英雄所見略同!
21. 望東樓 2016-01-23 13:06:14
五樓呢句似乎都幾有道理:『有人誤以為買樓會發達,其實係錯覺,那只是你每月勤力儲蓄(每月供樓)的結果。過去幾年樓市發癲,更將這錯覺放大了(97時亦一樣)。大家試過供死會嗎?如果試過,就會明白我講乜。
最近打書釘見到收租佬大弟子曾淵滄寫個本教你玩9P,亦提到第一層樓係消費品(等同買車),之後所有樓都係投資。大家不妨諗諗。
22. LYC 2016-01-23 14:14:46
現在個價同去年年頭咪差不多,少收一年租,買賣成本又大,個啲所謂劈價盤俾你都買唔落手啦!
23. WW 2016-01-23 15:07:02
「今年以後」是指2016年1月開始,定係2016年12月之後?
24. 鄧學士 2016-01-23 15:43:45
我住嗰頭去年賣四百八十五萬,今年開齋四百一十八萬,冇跌價冇劈價?我係咪去咗第二個時空?我上年至今年既租金係十七萬,跌幅夠我用呢個租金租五年,還未計會唔會跌,人生係咪時時刻刻都要買樓,係咪撞邪?
25. 引刀一快 2016-01-23 16:59:32
鄧學士兄

同意,跌少少就已經係幾年租。
26. LYC 2016-01-23 17:36:28
昨天的CCL係高過一年前,有錯嗎!?
27. 望東樓 2016-01-23 17:40:17
借樓按買樓係槓桿玩兒,買得大贏得大,你唔恨得咁多喎。
28. 鄧學士 2016-01-23 18:12:59
買得大亦可以輸得大既啫,點解又唔講呢點,莫非可以無視風險?
29. 鄧學士 2016-01-23 18:16:22
港交所三球仲走去接,風險咁高勝算低,投資基本學問,匯豐球半依家返到去未?
30. LYC 2016-01-23 18:25:31
人生當然唔係只是買樓,不過買樓係件幾開心的事,可以視為一個業餘活動.
事業,家庭,健康先至最重要啊!
31. 蕭峰 2016-01-23 18:39:32

2016年第一個開賣的市區新盤──恒地(012)深水埗海柏匯,今日開售70伙,到目前為止,據悉只賣了9伙。

項目昨日截票時收168票左右,僅超額逾一倍。今日中午十二時假尖沙嘴美麗華商場開賣,現場所見,到場約有十多至廿組客戶。

32. 引刀一快 2016-01-23 19:48:34
LYC兄

既然你話係業餘活動,咁 事業,家庭,健康都好受佢影響喎,點可以唔睇價入市架?
33. 西門吹雪 2016-01-23 19:54:57
刀兄,你誤會啦,lyc兄點會吾睇價入市。佢睇到既係而家個價超平,個市仲大把有得升。2年後ccl 過300,十年後升到上左火星添呀,而家直頭係大減價啦。XDDD
34. 引刀一快 2016-01-23 20:05:25
難道............難道LYC兄就係傳說中嘅.......葉孤城!!

西門吹雪兄,有時真係好難講,今日我有朋友喺深圳睇點,佢話依傢果邊連龍崗都有人搶盤!

我開始有D迷惘,過埋農歷年,我要親身去踩踩綫先得。
35. 如是 2016-01-23 20:36:15
引刀兄,可能生意兩閒,股市冇得炒,唯有炒下樓。
36. 望東樓 2016-01-23 21:05:11
生意淡薄,不如賭博。
恒基個盤我估買倒三成,點知原來做咗盲好。
37. LYC 2016-01-23 21:29:58
睇啱靚,買得起咪買囉,睇下樓,處理下啲租務,幾開心,冇影響事業呀!
發展商咪一路賣到起好入伙,如果都賣唔晒,一係放租或者繼續吊高來賣,有乜出奇。
點會肯減價賣,如果減價,啲人更加唔會買。
今時唔同往日,唔係每年8萬5呢!
38. 神祈小子 2016-01-23 21:39:49
“香港樓市已經升了很多年,要買樓的人早已買了,未買樓的人早已立心不買”,有朋友在亞洲金融風暴之役後從不買樓,只租不買,錯過了不少機會,反而我02年結婚,焗住買樓,漸漸發現買樓好過租樓,更能趁機買些物業(好cheap cheap的那種),都讓財富增值,至於投資永遠“財不入急門”,好好等待機會。
39. 真真薯片 2016-01-23 22:13:19
依家股市咁既款, 四叔開劏房200呎賣300萬, 賣到9個單位已經算勁, 隨時之後又撻訂, 撻埋連呢9個都冇

銷情已經證明, 呢個價係去唔到貨, 發展商一係劈價, 一係封盤搏之後個市升返

如果發展商齊齊執盤, 假設封半年, 就要睇呢半年購買力累積得快, 定係市道/股票差削減購買力減得快, 依家睇, 仍然係五五波
40. LYC 2016-01-23 23:21:47
現在買樓槓桿唔係好大,要4-5成首期,又要過壓力測試+3厘,又唔可以過收入5成。
$150嘅#5和$300嘅#388又點可以同磚頭比呢,股票好唔穩陣,間公司想印幾多出來都得,磚頭起間出來都好難架!現在做生意好難,一間公司要穩定賺錢和派息,有太多變數,磚頭點衰都唔衰得去邊,實租得出。每年交十幾二十萬租點會開心架,實在難以理解淡淡點諗!
41. 西門吹雪 2016-01-24 08:50:33
LYC兄,既然你開左個咁好既例子,小弟就答埋你呢次啦。不過,睇你都吾明架啦。如果真係都吾明我就吾會再答了。

#5 150同#388 300正正就係令人該害怕既時候,同2015樓市差不多。哪時候就應該把它們都賣掉。至於之前#5 同#388 $40同$60倒是值得買的。你計下差左幾多年升左幾多倍?

我吾知其他淡友點諗。如果樓市回到"某一個"價(不會告訴你的xDDD),我估我会由淡淡變成大好友。這就是我說的"如果樓市再升,我連多看一眼都冇興趣"啊。論自住,我估冇咩人反对買樓。至於自住以外既投資,我不會固步自封,學得更多,機會自然更多。
42. 西門吹雪 2016-01-24 09:23:05
其實我都吾知講過幾多次了。我從未無認為買樓收租係吾啱(而且係幾好的)。我係講過"長期"股市指數升幅高過樓市(這是無可否認的事實)。但係兩者其實各有所長,不應作比較,我自己就兩様都有玩了。白紙黑字,吾信既自己查反history.

點解做人要咁固執,自己没了解過,只要說一句樓市乜乜乜都吾認同。吾理乜鬼原因講樓市升就信到十足。這是正確的分析嗎?

刀兄,葉孤城仍是高手中的高手,有些人可不配啊。
43. 好 2016-01-24 09:26:59
去年頭買了樓俾外父一家住,月供只是$4xxx,唔使租屋$6xxx,都慳很多。
44. LYC 2016-01-24 10:20:50
你講啲野係人都明啦,低買高沽,不過股票就冇乜人做到囉!
你又點知樓市現在係高位,對好多人來講都係抵買啊,將來可以打橫行或者繼續升呢,銀紙長期扁值,CCL升到200都唔出奇!如果現在氣氛咁惡劣,2手樓都唔跌,證明業主點都唔肯平賣,好大機會繼續升呢!
45. 講句公道話 2016-01-24 10:21:36
西門兄,

你投降吧! 買樓絕對比任何投資都優勝,包括股市,你有冇見過其他投資市場有完全唔識投資,唔識分析,唔識計數,唔洗用腦,對經濟前景毫無認識嘅盲毛可以長期賺錢? 
46. 西門吹雪 2016-01-24 10:49:04
我無話可說了。寫左2段咁大段野。我邊句話樓市跌呢?我有抹殺樓市向上既機會嗎?寫咁鬼多野,最後又睇吾到,我真on居,浪費自己時間。你自便吧。我幫你回埋,"買樓必勝,買股既都去pk啦"
47. 西門吹雪 2016-01-24 11:07:19
回45 公道兄
我已經投行了,哈。有時只是看不過這些"盲毛"已而。一時忍吾住,多言了 XDDD
48. 神算 2016-01-24 11:24:46
其實西門吹雪係咪自我陶醉,哈哈?
49. LYC 2016-01-24 12:28:44
你講得冇錯,買股票真係唔掂,我啲MPF慘不忍睹。可惜唔可以拿出來放在磚頭上,否則佳大歡喜。

50. 鄧學士 2016-01-24 14:37:16
有啲人大把銀梗係印印腳好得戚啦!呢個咁既動蕩時勢,比十零廿萬租間樓住,好過創新高價追入,跌一兩成個首期都冇咗一半,仲利害過買股票呀!借九成一陣還唔到錢仲分分鐘跳樓添,有個盲好講得啱,呢個就係買股同買樓既分別,買股唔會跳樓燒炭,除非借孖展買。
51. 鄧學士 2016-01-24 15:15:02
銀紙貶值係費話,你擺喺股票樓呢一刻都係蝕,呢個時勢淡梗係佔上風,當轉勢時盲好才出聲吧!免得凋架。呢啲level係啲死硬派根本係唔會明既,唔好話我淡友,我都會轉好友,只是時勢造英雄而已,一味長久必升叫人創新高唔買越貴既人一係on車一係黑心,同黑心食品無異。
52. 引刀一快 2016-01-24 15:23:14
神算兄

西門吹雪同自我陶醉係兩個人,呢點我可以保證。

53. 引刀一快 2016-01-24 15:27:31
LYC兄

當大家都有樓,而唔夠錢買樓嘅人士越來越多,轉角係必然嘅。

如果香港嘅物業俾大陸人買晒,香港整體走向會點?亦係可以預観嘅。
54. 引刀一快 2016-01-24 15:29:51
西門吹雪兄

你都好有自我陶醉兄嘅風範。
55. LYC 2016-01-24 15:57:22
大部分人都有樓?唔係掛!
煥然成萬個申請喎!好多家庭10個8個人迫在一間公屋住,政府又要張大部分土地用來起公屋,邊有咁多土起私樓呀!
我又覺得樓市真係長升長有,不繼大漲小回打橫行。現在係N年8萬6,不是每年8萬5。CY所講啲新發展區,人工島,等等全部都係紙上談兵,唔知拖幾耐,唔容易做呀,随時都係吹水收尾!
現在唔係創新高喎,我都明白早幾年估頂沽了樓啲人好唔開心架啦,不過都要面對現實,
成日等大跌都唔係辦法啊!
56. 真真薯片 2016-01-24 16:03:43
現在係N年8萬6,不是每年8萬5。CY所講啲新發展區,人工島,等等全部都係紙上談兵,唔知拖幾耐,唔容易做呀,随時都係吹水收尾


在下認同呢句
57. 西門吹雪 2016-01-24 16:38:20
刀兄。我點及自醉兄。話時話,好耐冇見自醉兄了。
58. 鄧學士 2016-01-24 18:54:13
盲好友唔好再煽動情緒啦!要唔要即刻落樓買間樓呀!業主又要唔要反價呀痴線!
59. 無奈 2016-01-24 19:40:29
醉兄善舉理論證舉,吹雪通常單刀直入,不太一樣。
60. 神算 2016-01-24 22:53:37
小弟乃古龍小說迷,西門吹雪這人物我很喜歡,佢一喺唔蘇你,如果佢當你朋友,佢就係死都會救你。
61. 神算 2016-01-24 23:03:39
LYC, 同一個發展商恒地,佢個豪宅盤價冇咁離地,賣嘅量咪多過個劏房盤囉。
62. 鄧學士 2016-01-25 06:27:59
既然咁簡單咁講八萬五,我就簡單咁推算,一年八萬五平均樓價二千多,三年八萬五就二千多x3,六至七千蚊啱唔啱?
63. 香港土著 2016-01-25 09:18:01
好熱鬧!股樓對比話題確係直得多d討論…
64. 香港土著 2016-01-25 10:25:32
對土著而言,有以下個人經驗(或觀感)… 

1) 股樓都係投資,自住係投資,收租都係。

2) 買股票多數唔需要借錢;買樓唔借錢不如唔好買,到人人借唔到錢時就多數係抵買。

3) 在香港而言,買樓當投資適合絕大多人,特别係唔識投資嘅人。

4) 簡單地結論買股票唔够買樓好嘅人,投功力… (比較適合買樓)。

5) 港股而言,十居七八都係垃圾,所以大部分人都輸錢;港樓而言,不論質素幾垃圾,都會有需求,加上97打上三十年係經濟起飛期,所以大部分人都賺錢。

利申:土著投資股樓大概二十年,股就赢輸八二比;樓就全部賺(買賣少過十次,不能作準。)。整體而言股樓賺錢銀碼係四六比(買樓有摃杆缘故)。


65. 西門吹雪 2016-01-25 10:52:46

土著兄果然係高手。能夠做到8:2已經能人所不能。

其實樓市真係易賺好多~~特別係當你身家只有十來廿萬之時。當時,即使買中急升既股份,最多都係賺個DOUBLE,甚至TRIPLE。可是樓市既超高槓桿卻可以賺得更多。然而,這個槓桿之後就很難做了,因為無論你人工多高,可借既錢始終有限。這就是各有各用處,無得比較。哪些小學雞只活在自己既世界裡,係唔會明GA啦,同佢講都浪費GAS.

66. 望東樓 2016-01-25 12:05:15
槓桿嗎,買得中賺得仲大;咁買唔中囉喎。。。。
67. 西門吹雪 2016-01-25 13:22:48

買唔中咪PK 囉~~ XDDD

咁D盲毛係剩係覺得樓市只會向上或者最多橫行架MA~~