地產博客 > 文亮語 返回
瀏覽人次:42640    回應:15
文亮語

買靚樓之等

 

湯文亮博士

紀惠集團行政總裁
2015年12月6日

      在今年年初,有年青朋友見到樓價飆升,但佢自己又唔夠錢付首樓,打算問財務公司借錢上車,在佢老豆淫威之下,循例問我意見,我同佢老豆講,令郎已經決定買樓,又何必問我,要我做醜人,我如果叫佢等,佢一定會話,樓價日日升,永遠儲唔夠錢付首期,等什麼,佢等唔切,就算問財務公司借錢都要買樓,上咗車再算,其實,連首期都唔夠錢付,唔等,又能夠做什麼,所以我只能夠說,如果有信心,能力又可以做到的話,買樓亦無妨,最緊要的是買樓之後覺得開心,但我知道,買樓之後年青人只是開心了一陣子,現在當然唔開心,是非常唔開心。

      我講等的意思,就是唔夠錢付首期,唔等都唔得,但亦有其他變數,例如樓價下跌,他可能會夠錢付首期,或者政府放寬逆週期措施,從六成變回七成,他又可以夠錢付首期,現在,大家最想唔到的情況出現,就是地產商除了減價促銷外,更可以為買家提供八成以上按揭,而且減價的幅度頗大,竟然比同區十年樓齡的二手樓有一成至兩成折讓,對於今年沒有買樓,甘心等待的人,他們所得的回報不算少,對於那些唔願意等,情願向財務公司借錢上車的人就慘了,他們不但要支付高昂利息,更會因為樓價貶值,有可能會被財務公司追數,那些人,包括我朋友個仔就知道等的意義有幾大,唉,物業投資者口訣「等,忍,狠」是積聚不知多少年經驗,不知有幾多人曾經遭受重大損失,如果莫視那些口訣,最後,遭受到損失的就是莫視口訣的人。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Desmond 2015-12-06 10:09:15
最新老師指數是139.82,明年跌穿130的機會很高。

2. 自我陶醉 2015-12-06 11:06:02
眼光、耐性、判斷力永遠都係投資三寶。
3. 盼望 2015-12-06 11:10:48
幾時跌到100
4. 盼望 2015-12-06 11:11:23
幾時跌到100
5. 西門吹雪 2015-12-06 11:37:33
客觀來說我覺得樓市短期已經喘定。只是回了區區4-5%而已,唉。。。美國加吾加息應該有重大影響。以現有情況,暫時未睇到繼續大跌既跡象。不過都係個句啦。要發生既始終要發生。XDDD
6. 望東樓 2015-12-06 14:47:13
峻巒成交速遞(篤手指,有些微唔差):

  2 bed-RM 3 bed-RM Total
sold 82 39 121
unsold 64 83 147
total 146 122 268
% sold 56% 32% 45%
7. 望東樓 2015-12-06 14:50:27
color code:黑色賣咗,綠色係二房。

8. 望東樓 2015-12-06 14:51:12
9. 真真薯片 2015-12-06 15:00:11
依家好多二手十幾年樓齡大屋苑, 業主都堅持叫緊萬五蚊呎, 另一邊新樓就好多都折實萬二蚊呎

其實二手萬五蚊係股災前係有過成交, 只不過維持唔到, 二手樓最大優勢係唔洗等入伙, 不過隨住新樓陸續入伙, 呢個優勢都有少少危, 睇新樓入伙期, 明年底後年初先係高峯, 在下唔敢講二手樓實跌硬, 不過黎緊一年, 二手樓面對平過佢既新樓樓花+入伙高峯, 二手樓捱打似乎已成定局, 當然捱得過將來可能升返, 但係加按買多層放租租唔出再頂新樓管理費+加息+冇得免差響都唔係講笑
10. 望東樓 2015-12-06 15:10:49
11. 西門吹雪 2015-12-06 16:20:20
真薯兄所言甚是。
現在樓市真係未係好差。呢次跌市有可能真的如好友所講,只是假跌。不過如果有人話仲有排升,我就好有保留。到左16年尾17年頭,入伙潮到來,息口又加得幾次。到時如果香港經濟仲比而家差多些小,你話樓市會點?唉,小心為上,吾好人家好言相勸,又話人地望你pk至得架...
12. 雲在青天水在瓶 2015-12-06 16:35:57
短短兩個月時間,中指就回落近5%,近一步確認中期調整已經開始。既然是中期調整,其幅度最少為牛二浪的0.382倍,也即是24%左右,調整期最少1年以上。

美國進入加息周期是香港樓市調整的最根本原因。但會是什麼事件令其調整2成以上?

行貨一些的答案,可以是金融市場發生黑天鵝事件;也可以是中國經濟出現令人意外的表現;還可以是香港或周邊地區發生恐怖襲擊事件。但我認為比較可能的答案,是香港政府減辣或撤辣。

可能有人不理解,取消辣招何以令樓價下跌?

幾年前,在政府公布樓市的調控措施第二日,我就分析了其對樓市的影響,其中一條指出對需求的抑制有限,但會鎖死二手樓市供應,加劇市場上供不應求,令樓市上升。多年來情況的確如此。

放鬆樓控措施會令過去幾年被鎖死的二手樓解禁,二手市場供應大量湧現。在樓市出現深度調整時期,預期樓市下跌會使市場對物業的各種需求在短期內消失大半,加上過去幾年政府增加推地和起樓,新建樓宇陸續推出市場,會在短期內出現供過於求的情形,推跌樓市就是很合理的推論了。

如果政府判斷這次的中期調整是如同97年式跌浪的開始,在社會(特別是小業主)的壓力下,撤招是遲早的事。為了表現其英明神武,在逆周期操作的思維下,很可能早操早作,從而加速樓市的調整。
13. 打工仔 Andy 2015-12-06 22:13:04
準備好, 現在正等机會的到來!
14. 望東樓 2015-12-06 22:59:08
博士有文點解唔響呢度出呀?

紀惠集團行政總裁湯文亮在社交網站發文指出,「有年青朋友同我講,佢見到有樓收租的人不知幾開心,現在低息環境,他們收租日日賺,就算樓價下跌兩成,但長遠來說,還是會升,到最後,他們都是大贏家,於是佢亦打算買樓收租,問我有何意見,老實說,如果是買樓自住,我會說量力而為,買樓收租,現在不是好時候,在未來一段日子,做業主將會很困難,除了一線舖位有空置之外,細價樓亦將會出現高空置率,而一線舖位的租客,是會以協商形式交還租約未到期的舖位,但細價樓租客,大多數會以欠租,要業主動用法律程序收樓才會離場,所以,我對年青朋友說,一動不如一靜,收租業主的黃金時代已經過去。」
15. 引刀一快 2015-12-07 05:11:49
To 12樓 

中國經濟出現令人意外的表現

恐怕,中國經濟能令人意外的,絕對是大好事。