地產博客 > 文亮語 返回
瀏覽人次:37638    回應:11
文亮語

天涼好個秋

 

湯文亮博士

紀惠集團行政總裁
2015年10月22日

  屋企有些裝修工程,將晚飯設在露台,很難得一家人在如此環境一起吃飯,開一枝靚酒亦不為過,況且,這個改動真好,等我可以享受到秋天景色,我相信現在天氣是一年之中最佳時間,當我欣賞秋天景色時,我想起辛棄疾的「醜奴兒」中的「天涼,好個秋」,究竟點解,冇得解,當事人唔想解釋,只想叫人不提也罷。

  我在年初時寫「細價樓爆煲論」,主要見到不少青年不顧一切迫上車,就算要向財務公司借錢亦在所不惜,他們似乎不了解買樓後的開支有幾大,責任又有幾大,有多少為賦新詞強作愁感覺。今日,樓市跌勢已成,而且集中在細價樓,那些在今年內上車的年輕人有多少憂心,眼見自己用作買細價二手樓的價錢,今日可以買同樣面積新樓,而且,新樓的供應量開始增加,樓價有機會會愈賣愈平,如果有人問他們有沒有後悔,今日,他們識盡愁滋味,根本不想回應,或者隨口答,天涼,好個秋,即是叫對方唔好再問,買樓這件事,不提也罷,提出問題的人收到答案就要知情識趣,千祈唔好再追問下去,否則實行反面。

  其實,說天涼,好個秋的不單是迫上車的人,還有那些已買新樓,但沒有把握機會以高價賣走自住單位的人,他們認為可以無了期創新高,到今日,就算他們願意降價,亦未必可以即時賣走,所以,倘若有人問點解唔一早賣樓,所得答案都是一樣,天涼,好個秋。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 望東樓 2015-10-22 08:25:32
博士:『秋天已經到了,冬天還會遠嗎?』
超好友當然話;『吓,乜呢度唔係赤道加全球暖化咩』
2. 如是 2015-10-22 08:56:48
不少青年對未來的收入過份樂觀。
利好樓價的因素逐漸消失,自住「勉」可,投資看命水了。
3. 引刀一快 2015-10-22 15:57:20
冬天來臨未必係可怕,春天唔知幾時到先係可怕。
不過依家有新契機,台灣快要變天,大陸對港政策自會相適應,至於會用咩方式,引刀唔係政治料,恕難預測,到底係獎雞勵猴,還是殺雞儆猴,應該係前者居多,同期出現變數嘅仲有廈門,大家拭目以待。
4. 望東樓 2015-10-22 16:36:04
廈門有乜搞作,繁望刀兄指教一二。
5. 歷史長河 2015-10-22 17:40:37
刀兄,有冇睇到導彈運去廈門?
6. 引刀一快 2015-10-22 18:16:41
長河san

請問幾時嘅事?我覺得今屆阿頭應該學精,唔會喺呢個時候搞呢D嘢挂?
7. 引刀一快 2015-10-22 18:31:06
PN兄

唔聽話嘅仔,就幫佢娶個日漸豐滿肥大嘅深圳,唔認老母嘅仔,咪搵個羽毛漸豐嘅廈門先過門做樣,得閑就幫佢裝身打扮靚D俾囝囝睇下。
最聽話果個仔,隔離嘅珠海亂七八糟,搞個大學校區,好多名校都執嘢走,喺關閘隔離,咁靚嘅區域,我仲食到128蚊兩斤幾肉碼嘅清湯羊肉,係咪回到2005年?
8. 打工仔 Andy 2015-10-22 20:46:04
今日成30度, 熱到爆!
9. 物業初哥 2015-10-23 11:44:43
請教刀仔,角美聽父母講會歸入廈門,未知是否屬實,你有聽過嗎?
10. 占士 2015-10-23 11:50:54

刀兄,前段時間有朋友叫我有機會一起到廈門考察一下當地的樓盤,您認為廈門投資前景如何?

11. 歷史長河 2015-10-23 11:54:01
刀兄,您認為台海今次開戰可能性有幾大?如開戰廈門市民如何自保?有何國難財可發?謝謝先。