地產博客 > 文亮語 返回
瀏覽人次:41541    回應:33
文亮語

今日中原指數會不會再創新高

 

湯文亮博士

紀惠集團行政總裁
2015年9月11日

  在過去兩個星期,樓市升勢似乎停頓,不少劈價,撻訂個案,一般人都會認為中原指數應該會回落,但我認為未能肯定,因為劈價個案不多,未必能夠影響指數,而撻訂則不會計算,所以,就算今日中原指數再創新高,大家亦千祈唔好奇怪。

  有老友同我講,指數再創新高有什麼唔好,各人身家起碼暴漲了不少,問我點解希望指數下跌,我真的唔識答,我反而問自己,點解認定樓價會下跌,倒不如學大家,希望指數長升長有,我亦知道講樓價升,會令到大部份香港人很開心,不過,亦會令到一些人認為樓價長升長有,而不理會自己實力上車,甚至增持,所以,我寫分析文章時就要相當小心,如果是自己學藝不精,睇錯市,就無話可說,但要我說一些違反自己分析的言論就萬萬不能,所以,我的希望大家睇我或者任何人的文章,分析數據,一定要加上自己的分析,衡量自己的個人能力,以這個態度來投資,就安全得多。

  就算中原指數今日再創新高,又不代表什麼,因為樓市真正的情況大家心中有數,否則,就不會有那麼多劈價,撻訂個案,甚至賴以支持細價樓樓價的租務市場亦出現大量放盤,減租個案,這是幾個月前,大家都不能夠想像,有不少人會認為這是暫時性的,其實,正是相反,現在新樓的供應與日俱增,而新樓的供應量才是實實在在,今日出現的劈價放盤並不是突如其來,而是那些業主已購入新樓盤,原有的物業已放盤很久,到了今日,不得不劈價出售,這是指數不能夠告訴大家,指數會在大量劈價個案成交後才會反映出來,換句話說,今日有人打算出售他的物業,直至劈價賣出,可能已經是四五個月後的事,所以,大家今日睇到創新高指數,並不是樓市走勢,而是幾個月前結果,而樓市真正走勢,就要靠大家自己分析。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 神算 2015-09-11 09:38:46
近來地代們口風都轉埋,之前樓市向好嘅因素唔再講,有啲仲話有價講至有得走貨,大吐苦水。
3. 歷史長河 2015-09-11 09:52:21
鐘擺效應,今日中原指數會下跌。
4. 西門吹雪 2015-09-11 09:59:25

慘在仲有好多人以為長升長有...

如果諗住自住又經濟許可,任何時候買都無問題,反正廿年後都升反。一層自住樓,其實壓根兒就根本不用理會樓市升跌。

問題係如果諗住攞來投資就真係要諗清楚。跌十來廿個巴先事少 (其實都唔少),錯失別人恐懼時既貪婪機會事大。

5. Philmate 2015-09-11 12:05:29
其實只要日日睇樓,
就發現市場跟本無盤!
黎黎去去都係d世界盤係到話減價!
而家買樓好似去左百佳咁,
明明10元既野標上20元,劈落12元賣出,
咁ccl有咩可能唔升?

6. 路人皆知 2015-09-11 12:28:03
今天會創新高因CCL是不會跌的!
7. 慣性高昇 2015-09-11 12:31:37
我由一二年睇到依家都係長升長有,我預佢今日都係升,還可能會創新高,已是習慣預咗了,唔升唔創新高反而唔慣呢
8. 慣性高昇 2015-09-11 12:42:15
再升已冇乜分別,因為我已冇能力買,留給有能力買的人吧!好似鑽石咁,愈貴先愈有人買,因為那顯得自己有錢買得起
9. 路人皆知 2015-09-11 12:47:21
當升到冇人用佢輸賭就會跌!
10. 賣唔出 2015-09-11 13:44:25
今日指數一定跌,因為唔減價一定賣唔出!
11. 西門吹雪 2015-09-11 14:31:18

好似街市講價咁,有D話升,有D話跌~~

升定跌邊有人估得到... 升又點,跌又點呢? 如果升係咪你地D好友立刻入貨先?

如果唔入貨,又得一層自住,根本不用理會樓市升跌。如果想投資,都無人唔比你去買既,記得買多幾個細價劏房單位喎 XDDD

12. 歷史長河 2015-09-11 14:38:33
今日中原指數下跌。除九龍升外,港島,新界東西皆跌。試下中否?
13. 西門吹雪 2015-09-11 15:28:04

長河兄果然有氣勢~估到咁DETAIL~中唔中氣勢都已經贏哂~

14. 歷史長河 2015-09-11 15:29:43
哈哈,搶過神算兄風頭先。
15. 樓市真正情況地產商心中最清楚(有數),因為渴地情況似龜裂,甚至乎高層怕失業! 2015-09-11 15:41:35

【地皮截標】屯門低密度住宅地至少獲17份標書

星島日報星島日報 – 2時26分前
Facebook  馬上成為Yahoo財經的Fans

  屯門青山公路青山灣段一幅低密度住宅地已在中午截標。現場所見,最少接獲17份標書。

  入標發展商包括萬科企業(02202)、華人置業(00127)、金朝陽(00878)、莊士中國(00298)、會德豐(00020)、新世界發展(00017)、嘉華國際(00173) 、信置(00083)、長實地產(01113)及K&K Property獨資入標。  另外,有財團合資投地,包括英皇國際(00163)與佳明集團(01271)、宏安集團(01222)與錦華實業,而百利保(00617)就再度夥拍富豪國際(00078)。尚家生活亦有派代表入標。

  萬科置業助理董事林力山表示,集團計劃於地皮興建洋房及分層住宅,作混合式發展。

  市場對地皮估值分歧大,介乎4.81億元至13.75億元,預測每呎樓面地價4200元至1.2萬元。林力山指,相信估值分歧大是由於各個發展商對海景有不同的看法。

  地皮位於青山公路青山灣段,前身是歌頓軍營用地,鄰近屯門黃金海岸,佔地約8.8萬平方呎,最高可建樓面逾11萬平方呎。根據賣地章程,建築物最多樓高6層,中標財團要負責鋪設附近道路及拆卸可能含石棉的建築物,亦要進行噪音、渠務等多項評估。(nc)

16. 歷史長河 2015-09-11 15:58:53
CCL 微跌0.02。除新界東外,全中。
港島區九龍區新界東新界西
-1.87 1.65 0.93 -0.89 

17. 湯文亮 2015-09-11 16:18:51
歷史長河兄,
真準確,其實,我估計應該創新高,或者俾面我,係咁意跌0.01%,十分感激
18. 歷史長河 2015-09-11 16:35:16
哈哈,博士幽默。祝在KL吃好玩好,尋得好項目!
19. 收買佬 2015-09-11 16:37:13
瑞銀嗰句"慢版97"真係正。

一邊強國資金外流(到英美加澳紐),系統風險升溫;但另一邊,樓價--特別係港樓,仍然在高位徘徊....
20. ccl 微跌0.01%,豪宅升0.42% 2015-09-11 17:40:27
豪宅樓價連續3週創新高 63週內首見 

2015/09/11



豪宅樓價連續3週創新高 63週內首見

中原地產研究部高級聯席董事黃良昇指出,CCL(大型單位)最新報148.66點,連續3週創歷史高位,為63週內首見。指數按週升0.42%,連升3週共4.28%。8月初傲璇連售兩伙,緊接白加道22號屋及珒然複式戶先後成交。高價豪宅頻現,反映股市波動,人民幣及亞洲各國貨幣先後貶值,吸引資金流入相對穩健的物業市場,令豪宅市場先行受惠。預計未來豪宅樓價反覆向升。

新界東CCL_Mass報154.88點,連創歷史新高,按月升0.61%,連升4週共2.55%。新界西CCL_Mass報130.88點,上週創新高後回軟,本週跌0.67%。早前元朗兩幅地皮接連高價售出,繼續利好新界樓價向升。

港島CCL_Mass報157.86點,按週跌1.17%,連升3週後回軟。九龍CCL_Mass報143.83點,按週升1.16%,結束2週連跌。

中原城市大型屋苑領先指數CCL Mass報148.27點,維持上週歷史高位,按週無升跌。中原城市領先指數CCL報146.76點,為歷史次高,上週創新高後回軟,按週跌0.01%,並結束3週連升。CCL(中小型單位)報146.41點,歷史次高,上週創新高後回軟,按週跌0.09%。

今天(2015年9月11日)公佈的指數,根據2015年8月31日至9月6日簽訂正式買賣合約的中原集團成交計算。當中有近八成半的交易是在2015年8月17日至8月23日簽臨時買賣合約。9月7日金管局本月內第五度向市場注資,以及9月8日白居二截止申請,對本港樓市的影響將會在10月上旬CCL反映。

如欲瞭解有關中原城市指數的計算詳情,請瀏覽http://hk.centadata.com/cci/cci.htm

中原地產研究部 黃良昇
2015年9月11日








21. Small Potato 2015-09-11 18:08:03
有朋友用左兩年多,終於剛儲夠錢(因做吾到按揭,要現金買),買入佢人生苐一個(香港)住宅,佢係外國有D物業,但依家想以香港為家,所以好恨好恨擁有至少一間,就算預左跌、跌、跌都照買,佢話呢幾年睇住D樓係咁升,佢追到好frustrated,如果佢一直因為驚跌,只遠觀而不可擁有,佢無安全感,而家反而覺得好實在,係咪好奇怪?!但其實呢種感覺都似曾相識,因為我都覺得擁有自住樓,先有安全感,當年自己都係咁諗。
22. Desmond 2015-09-11 18:19:09
租市轉淡 靠劈求客
(太陽) 2015年9月11日
二手住宅買賣市場頻現撻訂、劈價,租市亦終於失守,細價樓甚至豪宅租金都現急跌情況,屯門星堤1幢洋房獲「優質客」承租,業主劈租15%至月租8.5萬元租出,較兩年前舊租約低逾5%。另好運中心有兩房戶減租逾20%至月租9,500元租出,創屋苑近四年新低。市場人士認為,隨着暑假租務旺季過後,盤多、客少,將為減租潮揭開序幕。

據Q房網張毅稱,星堤B街單號屋,實用面積約2,609方呎,原業主一二年以約3,400萬元購入,約兩年前以月租逾9萬元租出,而租客遷出後,再以月租10萬元放租,並有意賣樓變現,惟有領事館租客睇樓兩星期後,即以8.5萬元承租,而業主見租客為領事,加上回報達3厘,故願意減租。

滙景減二千元終租出

細價樓跌得更急,美聯陳國良稱,沙田市中心現時有80個租盤,當中75%為交吉鎖匙盤,好運中心桂林閣中層F室,實用面積334方呎,月租曾開價約1.2萬元,業主決意租出單位,故早前已減租至1萬元,獲租客洽租後以9,500元租出,創屋苑近四年新低,實用呎租約28.4元,累減逾20%。

市區方面,世紀21聯誠謝寶昭表示,藍田滙景花園7座連天台單位,實用面積537方呎,於六月以市值月租1.8萬元放租,惟整個暑假仍未能租出,終減租至每月租金1.6萬元租出,減幅逾11%。香港置業楊振耀稱,鰂魚涌南豐新邨6座中層三房戶,業主減租求客,主動減租2,000元後,以月租約1.9萬元租出。

買賣市場再現減價成交。消息稱,元朗尚悅10座單位,以458萬元售出,較開價低近70萬元,實用呎價1.04萬元,一年多帳面只賺7萬元,料蝕使費,而10%額外印花稅料由新買家支付。中原稱,天后維多利中心1座中層收租單位,剛售693.8萬元,低市價5%。

帝庭軒低市價20%沽

個別屋苑已「冧價」。中原另稱,粉嶺帝庭軒1座低層G室,減27萬元以423萬元售出,低市價20%,實用呎價約9,019元。

世紀21日昇稱,北角海峰園崇峰閣高層F室售1,200萬元,低市價15%。世紀21北山稱,同區富澤花園富邦閣高層D室售930萬元,實用呎價約14,134元,低市價10%。
23. 引刀一快 2015-09-11 18:39:08
大陸就快有第二波浮出面,大家留意。
24. 歷史會重複 2015-09-11 19:06:46
今天同94, 04加息期相似,一定會回10~30%,2/ 3 年後再爆昇。
25. 慣性高昇 2015-09-11 19:10:24
大概只有兩類人可以講自住毋須理會升跌,一是李嘉誠之類,二是有鑽石飯碗既人,否則只是可說想法幼稚,未試過失業(唔擔保唔會發生)既人講既嘢。
26. 大寶二寶 2015-09-11 21:09:47
我都凑吓熱鬧先。
27. 西門吹雪 2015-09-11 22:30:23
回25樓
你吾好又睇d唔睇d又話人幼稚啦。人地話經濟許可呀。如果揾朝吾得晩,又驚失業就吾叫經濟許可啦。
自住供樓當交租,升跌有甚麼問題?吾通真係一世幫人供樓咩?
28. 打工仔 Andy 2015-09-11 23:01:33
CCL 下調一點都是好事 ! 
29. 打工仔 Andy 2015-09-11 23:07:27
孖寶兄

現在有好多人等機會買樓呀! 
30. Philmate 2015-09-11 23:12:15
To 樓上 打工仔
今日ccl咪下調左lor
買既買左,不買既咪一樣係唔買!
所以ccl升跌有咩好事不好事?
32. 踢爆 2015-09-12 00:49:04
祥益地產江敦敬, 咁你重唔快D攞你自己D盤出黎平賣既???
33. 平常心 2015-09-12 01:45:21
秋官一去,股市立即升,梁特首一去,樓價馬上跌,世事就係咁奇,冇解釋,冇分析
34. 要跌始終要跌 2015-09-12 02:40:08
呢個係自然現象,升咗咁多年,無野係永遠上升或下跌既...接受現實啦!
35. 引刀一快 2015-09-13 11:07:23
To 26樓 大寶兄

汪先生話:“但請看看數據,所有結果都是對中國有利”

請問可唔可以分享下係咩數據?