地產博客 > 文亮語 返回
瀏覽人次:44467    回應:27
文亮語

從沈振盈投筆想起鏡子

 

湯文亮博士

紀惠集團行政總裁
2015年8月27日

  我以前睇武俠小說,記得有一個劍客叫沈勝衣,十三歲時與當時著名劍客祖驚虹戰平手,一戰成名,以後行走江湖,一帆風順,其實,在背後有不少人幫助,包括祖驚虹,我認為一個人成功,並非一個人能力可以做到,一定會有很多人幫忙,當這些力量消失之後,就算那個人已經成名,行事一樣會比以前困難得多。

  沈振盈寫了十五年文章,昨晚突然投筆,但並非從戎,在臨別贈言這一篇,隱約可以感覺到他懷緬以前編輯,即是投訴現在編輯,所以唔再寫,留一隻鑊俾現在編輯,可能是他的文章受到抨擊,現在編輯沒有替他抵擋,老實說,我並不認識沈振盈,亦不理會他寫股票文章,但他不時以大師身份評論樓市,講樓市下跌三四成的次數不下三幾次,我亦多次作出反駁,由於大師名氣大,當時我寫文章的雜誌主編亦警告我,我只是答了一句言論自由,主編亦立刻收聲,可想而知,大師是有相當份量,但我只是據理力爭,如果當時我唔寫,就差不多所有評論員都認定樓價會下跌,不過,大家亦只是在文字上交鋒,絕無人身攻擊言論。

  大師唔明白現在的網民不比以往,他們躲在一個代號背後肆意攻擊,極盡侮辱之言語,如果不是網站有編輯人員維護,作者是不能捱得多久,我有幸有一條鏡子方程式,可以讓編輯人員將侮辱之言語消除,否則,在三年前我就已經唔寫,大師的修為好,所以才捱得多年,但始終是佛都有火,可況大師,如果大師有需要,我可以將這條方程式送給大師。有人或者會奇怪,點解方程式叫鏡子,這是一個秘密,如果大家有心,可以心領神會。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-08-27 10:21:53
博士
鏡子方程式點解? 
2. 麗娜 2015-08-27 10:42:21
無論什麼人自命大師也好自命專家也好,公開發表偉論是要負責任的。大師這次看錯市,是非常嚴重的錯誤,棄筆也很合理。

要做專家,就要有先天下之憂而憂的態度,累人家輸錢對那些所謂專家有什麼好處?
3. 笑啖渴飲 2015-08-27 11:32:43
To 2/F: 沈大師都唔係第一日睇錯市架啦, 寫左十幾年, 唔通下下中咩, 以佢地既道行, 冇可能會因為比人批評就封筆既
4. To 3/F 2015-08-27 11:44:48
Agree. Applies to everybody. 
5. 山高雲低 2015-08-27 11:53:40

TO 2:

沈大師十多年來,睇市一錯再錯,已是人盡皆知的秘密。最差的就是寫樓評,錯到無倫。博士一系列大仙的文章,主人家就好似是寫沈大師,真叫人歎為觀止。

睇錯事小,但睇錯唔認錯就不是小事。

6. e_kam 2015-08-27 11:54:21
似乎沈大師只係轉會



     
7. 湯文亮 2015-08-27 12:28:23
山高雲低兄,
重刋大仙系列也不錯,我記得,當時已經有提寇買歷,聯繫匯率,呃雨嚟落。有一日,有網友話好悶,叫我唔好寫,我突然間興趣盡失,就此停筆,我打算重刋,睇睇再有沒有寫新的大仙系列。
8. 引刀一快 2015-08-27 13:09:35
有冇人好心貼篇文岀嚟睇睇?大家參詳下吖。
9. e_kam 2015-08-27 13:36:56
15年筆耕臨別感言
http://hk.apple.nextmedia.com/financeestate/art/20150827/19271124

10. 引刀一快 2015-08-27 14:57:12

e_kam兄

可否贴出全文?
11. 山高雲低 2015-08-27 16:28:33

博士當日寫大仙系列,寫得好有趣。既幽默又詼諧。小弟時不時睇到會心微笑,拍手稱興。不得不佩服博士之文彩、見識和豐富的幻想力。

若有幸再讀博士新系列的大仙故事,人生一樂也 !

12. LaLa 2015-08-27 16:37:39
照妖精精鏡是也。
13. e_kam 2015-08-27 16:38:05
實戰理論:15年筆耕臨別感言

屈指一算,在《蘋果日報》財經版撰寫專欄已經15年,從最初於周日發稿的「投資心理學」,到現在的「實戰理論」,筆者透過專欄,亦累積了不少長期忠實讀者。《蘋果日報》給予在下發揮之機會,自當銘記於心。幼承庭訓,為君子者必當感恩圖報,故多年來但凡是壹傳媒有所求,皆鼎力相助,算是報答知遇之恩。特別是前編輯燦哥吳永燦及范國忠范兄,算是在下的伯樂,識於微時。
奈何時移世易,江山依舊,或許這是時代的進步,現今傳媒的生態有變,相信正是鳥盡弓藏之時。在此,筆者決定於9月份停寫「實戰理論」一欄,算是一個段落的終結。再一次多謝燦哥及范兄知遇之恩。

股票市場必有對錯

但有一點要強調,在下之引退,絕非關乎近期對市況看法的失誤。要知道,在股票市場總有對與錯的時刻,最重要是策略上的修訂及補救。
由最初撰稿開始,就已經決定了會用直言的方法去寫本欄,不作牆頭草,不跟紅頂白,早就預計到會四面受敵,過往亦未嘗不遇到過,於我來說只是過眼雲煙。然而,在不公平的遊戲規則下,被自編、自導、自演的描黑,實乃士可殺不可辱。或許我輩年代中人,真的與現今的傳媒手法有鴻溝,惟有道不同不相為謀。
8月份還有兩天(兩個交易日),若編輯容許的話,將為文向各長期讀者作出交代,亦希望盡最大努力給予反敗為勝之策,以報答大家長期之支持。

沈振盈
證監會持牌人士

14. 向饭民说不 2015-08-27 16:59:13

一时忘记e_kam系CY的fans。开始仲以为颠狗班人。

不过两批人其实都系一样,都系极端共产党。

15. Blackbeard 2015-08-27 17:29:31
網民鬧人時,對住一面鏡子,看到的是自己。
16. Philmate 2015-08-27 22:56:58
作為公眾人物,
貼錯就貼錯,
仲要貼錯咁多次,
比人話係正常!
應該引究辭職!

正如我有朋友自2007年起,
因信左交銀首席分析c既所謂分析,
仲實牙實齒話跌幾多幾多!
結果今日連買樓畢錢都已經交哂租,
上車無望。
難為呢d神棍亂up下揾飯食今日仲係到誤導市民。
難道亂up下不應該負責嗎?

到今日,博士認為樓價必跌,
偏偏手上就hold重貨,
口裏說不,身體卻很誠實,
難道博士比人話下唔啱嗎?

今時今日,求其做看更已經萬4-萬5人工,
兩公婆一齊做看更都近3萬人工,
如果細價樓真係跌,
咪看更夫婦都買得起黃埔花園?
個世界又會唔會咁筍呀?

Philmate係我筆名,可以search下我名!
保證明人不做暗事!
謝謝



17. 湯文亮 2015-08-28 00:20:36
樓上,
請由頭至尾重讀我的文章再講,沒有研究,便沒有發言權
18. 引刀一快 2015-08-28 02:15:06

To 16楼 Philmate兄

我几时都系果句,料系人地俾,决定自己做。

人有三衰六旺,睇下系佢睇嘢衰咗,定系你拣人信拣错咗。

19. 引刀一快 2015-08-28 02:18:45

To 16楼 Philmate兄

我都系攞重大陆货,你睇我几时讲过大陆楼市掂嘅?

20. 平民 2015-08-28 03:00:16
大師真係唔夠班
21. 舍神 2015-08-28 03:48:59
鏡子, 是左右倒置的!
如果是 concave mirror, 仲係上下左右倒置!


22. Philmate 2015-08-28 06:07:36
To引刀兄

你同博士都大把資產,
無論升跌你地都係winner!

我個人正正就好似你地既bb班咁,
有幾層樓仔收下租,
又揸住小小$等大跌轉plan b買買買往上流!
正宗升我有錢賺,跌我upgrade到!

但我認為作為公眾人物,
比評論前,
言行應該同行動一致lor
你地而家比我既感覺好似d討論區賭仔咁,
明明買大,偏偏嗌細!
明明自己買個隊有12碼好想入波,
偏偏把口講話'一定唔入啦'
真反智。



23. 引刀一快 2015-08-28 06:21:58
差D漏咗,唔该晒e_kam,thankyou!
24. 收租王Tony 2015-08-28 08:06:31

鏡子程式源自於美國一個熱心網絡世界的網民開發,有一日被一位政客發現才華,之後該網民為強大利益為該政客設計鏡子程式於自己網頁上管理留言。

鏡子原意“魔鏡”...

 

好似“魔鏡”被問及邊個係最靚時,只會強制答“主人”係最靚,一般鏡都會被打爛,只有違背良心的答案或自己想聽既答案可留低,方為“魔鏡”,主人的(鏡子程式)就是這樣開發的....

25. 引刀一快 2015-08-28 12:27:19

To22楼 Philmate兄

真系爆喜,将我几间烂屋同汤先生比,我无论手上攞住乜,市场唔好就讲唔好。

26. 丸子 2015-08-28 14:56:03
我一直有追看湯博士的文, 所以明白他一直的分析及用意, 情況好似不是這樣理解.  但真的明就明, 不明白便是不明白.
27. 收買佬 2015-08-28 15:39:22
我係某網站都係咁講:強硬好友其實咁睇好咪去掃貨搶貨囉,講多都無謂