地產博客 > 文亮言 返回
瀏覽人次:29218    回應:72
文亮言

是誰將年輕人迫上戰場

 

湯文亮博士

紀惠集團行政總裁
2019年6月14日

  在警方以較大力度清場之後,有不少團體指責警方使用過度武力。警方的解釋是前線的警務人員已經被迫到牆角,才使用最低武力保護自己。我有一個問題,是誰將年輕人迫上戰場,很多人以為是策劃年輕人示威的幕後推手。其實並不是,而是一班現在話政府不應該強行通過逃犯引渡條例,以及話警方過份使用武力的人。

  在林鄭因為港男在台灣殺了港女之後,打算推行逃犯引渡條例,當時的反對聲音很少,即使是反對派亦
叫政府權宜行事,只有在國內做生意,開廠的人暗地裡反對,2月21日我在明報撰文話千祈唔好推出逃犯引渡條例,當時我被反對派話我唔應該反對。他們雖然也是反對,但是他們的理由是正義的,是為了日後中央政府不可以隨便在香港拉人。我反對是因為是身有屎,兩者是有所不同。即使如此,我斷斷續續大約寫了十篇關於逃犯引渡條例文章,包括法律以地為界,望北樓,不可以太親近,但是社會的聲音很少,政府亦沒有解釋逃犯條例的細節,只是與商界密斟。難怪令人誤會逃犯條例是為一班不同政見的人士而設,反對派有見及此,大事宣揚逃犯條例是一項政治任務,鼓吹年輕人反對。在星期日百萬人遊行之後,年輕人的信心加強,就出現衝擊政府總部的行動,繼而演變成騷亂。有人問我是誰要為今次事件負責,我話我要負責,全港的成年人要負責,有權力的人更加要負責。老實說,我是贊成逃犯條例,但試問在香港有幾多人了解逃犯條例,政府應該多放一些資源,多做一些公關公作,令到更多人了解逃犯條例。欲速不達這個意思林鄭以及一眾高官冇理由唔明白。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2019-06-14 09:05:51
駁咀、就係唔夠速所以不達。
唔夠高章、應該叫苦主去揾~標申~要佢申冤、正苦就扮演唔嗲唔吊玩冇法可司、咁成套戲就掉轉。
2. Yau 2019-06-14 09:26:41
本著公義的原則,應是同意修例的,好讓犯法和貪污者繩之以法。本來修例一事跟什麼民主自由其實沒有什麼關係,明眼人都會知道打的是走資貪官,所謂政治罪行本來就不會包括在修例之內。但林鄭真是奇人,可以將一副棋下得如此差,與一地兩檢修例時的能力真差天共地。無論DQ,許智峰,林子建,到一地兩檢,占中案,旺角暴動案,已近大獲全勝, 戲子陳又做戲唔坐監已沒有政治前途。泛民分分鐘退入泛四建六的支持比例。

宜家好啦,林鄭的失常表演,可以令泛民一星期內翻盤,這能力真係連美國CIA都做不到。如果林鄭還要面子的話,一係就想辦法令大家都好落台,一係(或同時)就考慮辭職,如果我係中央官員都一定激親。
3. 真真薯片 2019-06-14 10:06:08
今次警察開槍,有幾個問題

一般處理示威,有所謂“使用高一級武力”既玩法,即係示威者出拳頭,你出棍,佢出棍,你出噴霧,警察既武力應該只高一級,果日的確係有人衝擊立法會,對果班人開槍尚有理由,但我地睇到警察向其他大部份得把傘既人狂開槍,而且槍頭明顯從人既頭部高度以水平角度射擊,即係擺明打頭,事實上中槍人士都係頭部中槍多,呢兩點警察完全冇解釋

如果多留意國內新聞,其實大陸真係文明左好多,大陸都時不時有群眾示威,公安,武警出動去維穩時,一般都係打拳頭交,用棍,出催淚彈已經係極限,而且捉到人只會將示威者捉實唔比你郁,再拉上巴士送走,冇見過禁住係地下狂摳,今次港警所用既武力遠超大陸公安武警,共產黨雖然有百般不是,但係共產黨絕少對人民群眾開槍,呢條鐵律被林鄭公然打破,唔知有冇問題?
4. 無言 2019-06-14 10:15:57
博士講得好又敢言, 支持!!
5. 湯瑪斯 2019-06-14 10:27:08

同意博士話林鄭等高官「欲速不達」。我都認為送中條例遲早應該立,但咁重要既條例不能快刀斬亂麻。

我尤不滿林鄭等高官不先搞掂台灣謀殺案單野。有人話林鄭乘機借呢單野通過送中條例。咁就更加令人反對她快刀斬亂麻,連台灣都話唔接受送中條例。咁殺人疑犯隨時逍遙法外。台灣謀殺案單野林鄭話想維護公義,而結果得個講字。林鄭如果唔係咁固執,殺人疑犯一早送左去台灣受審啦。

6. 真真薯片 2019-06-14 10:40:26
2樓,林鄭點止幫犯民翻盤,隨時幫埋對岸蔡英文翻盤

以蔡英文管治之爛,加埋上年韓國瑜拿下高雄,本來下届換國民黨上場已成定局,依家林鄭發功,最新民調顯示蔡已經反敗為勝,依家台灣既飛彈部署正處於關鍵時刻,因為美國岩岩開始要賣技術同材料比台灣,比民進黨再做四年完成飛彈部署,連武統台灣時間表都大受影響,林鄭真係一個做大事既人,以一人之力影響中華民族未來幾十年既世界局勢,直頭想拍住李登輝,係歷史上留名
7. 如果多留意國內新聞 2019-06-14 10:50:46
片哥, 如果你老人家多留意新聞, 應該會發現中港民性的差異, 內地人無論如何刁民, 一見公安(官)就屁滾尿流 sa 晒冧自數不是, 上法院不自辯完全接受判決, 在香港也是, 你報警搵差人黎叫佢企埋牆, 即刻乜威都冇晒. 香港人呢, 就唔係咁囉, 擲鐵枝可以插入腦架嘛, 當遊行人士殺紅了眼, 覺得警權可以任意侵犯, 則警權以不殺害為原則, 大家是在平等舞台上較量. 本土人太大細超的是, 當稱警察係黑警暴政時, 自己又不認是暴徒, 是不是很沒有體育精神, 自己呃自己?! 
8. 比民進黨再做四年完成飛彈部署 2019-06-14 10:56:19
老片, 呆灣就是一個笑話, 點解仲要相信此等鬼古, 東風系列已經覆蓋美國全境, 阿爺也可以將人造衛星射落黎, 蔡英文揭開塊布, 可能發現導彈原來是蛋卷。
9. 真真薯片 2019-06-14 11:05:45
7樓,似乎閣下睇既大陸新聞太表面,大陸尤其是遠少少既地方,好多時為左收地,環保問題爆示威,同胞上街唔係人咁品,成架警車反轉只係例行公事,但係公安都唔洗開槍就搞惦

係大陸,咩級別既官員有資格下令向人民群眾開槍呢?
10. 但係公安都唔洗開槍就搞惦 2019-06-14 11:08:45
敢問對上一次收地爆發大規模警民衝突係幾時?
11. 真真薯片 2019-06-14 11:12:47
5樓,蔡英文琴日發表電視講話,講明唔會用送中條例申請引導,人地唔申請,香港可以點?所以林鄭仲用台灣殺人案做理由邏輯上已經站唔住腳

除非好似網友咁講,由北京申請再送返大陸處決,咁樣做邏輯上係可以,如果林鄭真係成功做到北京申請係台灣犯案既港人返大陸處決,嘩,咁林鄭真係做左件超級大事,可以係歷史留名
12. Hongkong People 2019-06-14 11:15:41
7樓所言甚是.

面書好多人post一單前東德士兵射殺攀柏林圍牆嘅人民嘅案件,案中被判有罪,法官以士兵應以良知下判斷不應射殺該攀人士,佢地旨在明示警察防暴所有武力缺乏良知.  我禁不住寫:對無良知嘅人講良知,可能會成為自己嘅催命符
13. 人地唔申請,香港可以點 2019-06-14 11:20:11
在下記得比卡超講過同呆灣法務方面的討論不是如此的, 政客講嘅野你都好信? 其實呆灣既然是一個笑話, 一屍兩命可能都係罰錢算, 不如好似十哥講引渡返內地就地正法。
14. Hongkong People 2019-06-14 11:23:40
片兄,

香港難睇絶對係蔡英文樂見的,佢出來講嘢絶對有佢嘅自由,之但係如果你相信台灣係有法治嘅,絶對唔會係佢説了算,佢自己都要小心D唔好行差踏錯,如果唔係自己都要入去坐籠.所以對佢講嘅嘢唔好太認真.
15. 見樹不見林 2019-06-14 11:55:04
 博士講得好
 
 很多港人只望香港, 不知世界大勢
 現時擺明是美國與盟友圍攻中國, 分裂中國
 
 修例讓犯法和貪污者繩之以法, 與絕大部份香港人無關
 攪事極盡誇大和恐嚇, 去年就嚇你 高鐵一地兩撿, 現在實行巳九個月, 證明是庸人自擾 
 今次就將 "逃犯引渡條例" 叫 "送中條例", 唔明就嚇死, 明白就笑死
 
 示威前線人士帶頭盔, 以雨傘作長矛, 身繫保護物, 掟磚頭, 搬鐵馬, 有領袖指揮進退, 明顯是僱傭兵
 這批港人, 不知是非, 被人擺佈, 將香港擺到國際最前線, 到頭來都是攪撾香港, 影響香港經濟和就業
 真是可悲


16. 誇大和恐嚇 2019-06-14 12:34:27
如果條例是規管財閥和通外的行為, 咁遇上財閥和通外者的劇烈反抗是可以遇見的, 不過用條例處理始終是斯文交, 如果唔俾用斯文交, 那麼又會是時光倒流私了的日子了。
17. 真真薯片 2019-06-14 13:22:19
老老實實,話要捉貪官,依家咁搞一場大龍鳳,乜貪官都走晒啦,仲坐係度等你拉咩

有d帶唔走既野,例如房產,或者可以收返就真
18. 真真薯片 2019-06-14 13:25:26
13,14樓,蔡英文話佢唔申請引導,對佢黎講只係一個輕易而舉而又對佢自己選舉有利既決定,咁有著數又冇難度既野,點解佢會唔做?佢話佢會搞好台灣經濟我就唔會信啦
19. To 18 2019-06-14 13:45:02
老老實實, 民進黨的想法是沒有正常人會想到的, 例如用愛發電, 台獨, 快啲去獨啦, 她只是鼓吹而已, 齋吹已經夠, 也只能是齋吹, 好比腸裏的寄生蟲, 你可以想到寄生蟲的想法嗎? 連老 K 都不可以碰導彈, 老韓都不可以操控雷達, 按鈕會交給蔡英文?
20. 真真薯片 2019-06-14 14:01:41
19樓,民進黨蔡英文當然只係白手套,民進黨上台只係比條通路美國人係台灣部署飛彈,個按鈕當然係美國總統手上,配合南韓套薩德雷達一齊用

依家林鄭正係幫美國人係台灣部署飛彈作最大努力
21. 鳥5 2019-06-14 14:09:20
真真兄,大陸佬 向香港物業,通常係以借盡,借完升左再借 咁樣Good水。。 冇諗過還。。 件貨畀財仔。。。 國內好多一幢, 試下簽約民間借錢, 銀碼大幾幢 ,根本冇諗過還。。。 而家啲財仔 銀主盤頂住條數 遲啲你就知有幾大抽。。。 數唔係你諗咁細, 呢類型壞帳 下年第二季前, 上年年尾 我已經預判 今年年尾 開始爆發 數據滯後.... 不欲多言
22. 十郎 2019-06-14 14:25:46


      我時間太多 , 所以對台灣時事都好注意 , 由去年9月韓國瑜選高雄市長 , 一直都有留意。以現在台灣民進黨擇肥位而噬 , 用人唯親 , 結黨營私 通緝犯通街跑跟高官晚飯。在在顯露中國人在無監管下的官場狀態。 之前有諗過 , 如果大陸是國民黨統治 , 冇眼睇 , 睇怕還在給鬼佬踢緊欏柚。

      昨日蔡蔡子高民調擊敗賴清德 , 成為民進黨台灣總統候選人 , 高過所有人如韓國瑜、郭台銘等 , 真係假到痺。我們是同胞 , 我祈望台灣好 , 見到這狀況 , 既然要墮落 , 就來多四年吧。

      引導台灣省殺人犯回中國受審 , 雖然有一點茅波, 但是作為特顯主權的合理性 , 台灣是中國的一個省 , 我有權管 。 如果外國人無法阻擋下 , 相當程度上承認了是事實。我的意見是台灣最好進行引導。

23. 真真薯片 2019-06-14 14:35:34
10樓,請自己google:民眾掀翻 警車

香港人真係好自大,睇小國內同胞……
24. Hongkong People 2019-06-14 14:41:49
係台灣殺人,獲總統包庇,你當國民黨同民意死嘅!
25. 依家林鄭正係幫美國人係台灣部署飛彈作最大努力 2019-06-14 14:41:55
路過兄今日冇路過...

世上的財閥, 都通過政客, 為自己尋租, 譬如中東的, 歐美的, 入侵例如利比亞, 叙利亞, 然後幾百萬人死嘅死走嘅走, 游過地中海的成為難民, 然後有財閥幫政府安置這些難民, 派到社區, 每安置幾多個政府給幾多錢, 啫係住響你隔離, 但你交緊稅俾政府喎。

如果路過兄針砭正苦偏袒財閥, 那麼就應該去討閥財閥, 今天插正苦最應的, 都是吸正苦血然後再來敲正苦腳骨的, 例如律師會, 社福, 教協, 那個勞民傷財的電台, 等等, 越係瓜瓜嘈越攞得多, 既得利益越豐厚, 如果你是屁民, 根本是認賊作父, 因為你越來越難翻身。

越係瓜瓜嘈越攞得多, 則是裏應外合的問題, 話說老董太好人, 老松想的太美, 昏姨把事情做得太盡, 通識科為學子帶來了樣樣都要搵野黎批判的負面情緒, 配合名咀, 失去了合群的同理心, 體諒和稱讚 (英治時期也有公民教育, cyc), 大鳴大效的後果只要有中三中史程度已知至 1976 發生咩事, 然後又有港英餘孽出黎要廢埋中史科。

香港正苦難玩的是好像超人含住粒酸梅乾, 裏外都被夾擊。

阿爺有啲決策係做得慢因為傾得慢, 如果記憶好的話上次選舉一直都是唐老鴨在跑, 到好後期 689 才被 order 出黎選, 你可以想一下如果由富二代出選, 世態會是咩樣。如果曾俊華出選, 會是怎麼樣? 其實你究竟求緊啲乜? 木宰羊.

26. 民眾掀翻 警車 2019-06-14 15:00:30
片哥, 如果警車是有生命的, 相信也會開槍抗拒被翻吧?

在下記得灣仔運動場曾經有學生被標槍插穿腦, 頭插住槍送去醫院的。11晚血流披面個阿蛇真係被鐵枝插頭不過插唔入, 12日的那枝則有標槍長, 你要試試頭硬唔硬? 

網上近日有張圖片, 就是內地釘子戶唔願走, 比一千萬都唔走, 結果是發展商圍住佢起, 有點海桃灣的意味. 我的理解是, 現在收地傾唔埋是私人糾紛, 城管已經唔介入, 枉論公安。

內地的情況比香港複雜, 因為藏獨彊獨等隨時在公眾地方大開殺介, 治安人員是絕對可以權宜行事手起刀落的。

在不遠的幾年前, 好像是廣州, 一單持刀挾持路人的案件, 到場的警花二話不說, 啪啪啪, 香港的警察也逐漸適應, 市民也得逐漸適應。
27. 真真薯片 2019-06-14 15:29:57
24樓,民進黨最緊要贏選舉,國民黨再輸既話可以執粒啦

至於民意,蔡英文正正就係宣佈佢唔接受修例引導後支持度立即升,垃圾如蔡英文都可以借香港既事令支持度起死回生,台灣既民意非常清晰,全靠林鄭
28. 引刀一快 2019-06-14 15:37:04
2006年WTO大示威,我為咗拍嘢,中咗兩次催淚彈。
從此,我絕對唔信有任何華人事件唔可以靠催淚彈擺平,除非:1,華人係巴勒斯坦人假扮嘅。
2,有大量人預先戴咗防毒面罩。


29. 真真薯片 2019-06-14 15:41:30
26樓,你睇返我第一個留言,我話有人係前面衝擊警察,對果班人射擊係冇問題,但係我地見到警察不斷向後方冇衝擊既群眾射擊,而且主要射頭,就應該要比個合理解釋,而警察有咁多裝備,唔開槍用其他武器能否控制場面?定係開槍只係容易d?

其實開槍是否正確,重點係阿爺點睇,阿爺心目中,開槍是否需要阿爺批准?如果要,阿爺有冇批准?尤其是五年前傳689想開槍而被中央叫停,如果屬實,開槍既決定唔係咁簡單,如果阿爺冇批准而自把自為開槍,咁阿爺點睇?佢可以話平亂有功well done, 佢亦可以話你越左權,阿爺既考慮係全球政治布局,唔係條路聽日通唔通車咁簡單,至於阿爺點諗就阿爺先知,依家林鄭成個班子靜晒,睇個樣似係等阿爺發落,阿爺未出聲,咩都唔敢做
30. 引刀一快 2019-06-14 15:43:00
都係果句,早早涉足大灣區,擴闊生活包冇衰。
31. 自由追求者- 2019-06-14 16:00:48
有人真係太天真,真係以為眼見為實?
大是大非, 只會著眼於小處, 你估是C9街市買菜,搭多棵蔥咩.
32. 真真薯片 2019-06-14 16:05:00
如無意外,阿爺都係會叫林鄭通過條例

至於開槍是否正確,要等林鄭做完呢一任後睇下佢既去向先會知,如果之後可以做政協副主席甚至連任,咁開槍絕對正確,如果做完一任後冇官職,咁就係肯定係做錯左,之後隨時有手尾跟

 如果阿爺指示暫緩修例,咁開槍就係錯得好離譜了
33. 開槍是否需要阿爺批准 2019-06-14 16:07:09
如果係 AK47 當然要, 如果係 BB 彈, 就不要, 片哥你唔好忘記, 佔中果時有人批判警察點解放催淚彈後唔追擊驅散啲人, 正是乜都有得講。其實片哥你知唔知咩係暴動?
34. 路過 2019-06-14 16:32:57
To 25 今日趕交job, 都好唔得閒,但係都講兩句,我認識一啲22頭既朋友以貪話既心態落去,佢都同我講衝前面個班一啲都唔似學生,全部大大隻隻,一拳可以打死你個隻,佢都話覺得鬼鬼地,我問佢點知,佢話出黎蒲開就睇得出,大家唔好太天真,我地香港真係變左磨心戰場
35. 香港真係變左磨心戰場 2019-06-14 17:16:39
如果你記性好, 應該記得 831 果日金鐘有相當數量操普通話着號碼衫的大隻佬出現, 是不是武警自由行, 木宰羊. 建制派還有一次機會投誠嗎? 也是木宰羊. 現時樽頸其實並不是在林鄭而是在建制, 如果個個玩失蹤的話, 斯文交唔收貨又要回復黑暗私了歲月. 邊個想, 冇人想.
36. 真真薯片 2019-06-14 17:18:44
33樓,上次佔中係同一款橡膠彈槍,689聽話唔開槍,禿鷹照做,當日有人話點解唔追擊,果d批判可以不理,最緊要阿爺點睇,依家一個做副主席,一個做副部長,證明當日唔用橡膠彈槍係完全正確,揀中有獎

今次林鄭揀另一個選項,是否正確,有待時間證明
37. 佢話出黎蒲開就睇得出 2019-06-14 17:24:09
其實你畫開公仔, 應該有睇過魔戒蝦你波凸之類的戲, 佛地魔方面放狗出黎就係要佢地向前衝亂咁咬, 眾志等團體響媒體前挑機犯民, 實是正中下懷可喜可賀, 犯民同財閥邊駛你聽話最好唔聽話有咁亂得咁亂。
38. 有待時間證明 2019-06-14 17:27:18
片哥, 689 等 order 唔出選等到大家都迷失唔知等緊乜, 副部長, 你真係想去維也納?
39. 真真薯片 2019-06-14 17:34:47
樓上,689雖然冇得連任,比返個副主席佢做,起碼代表佢冇大錯先啦,如果比689一個人話事,五年前肯定勁過前日啦,但佢比人叫停,即係當日開槍有問題啦

不過此一時彼一時,當日揀A係正確,又唔代表今日都係一樣既
40. 是否正確 2019-06-14 17:38:00
夏志誠接受果個電台專訪, 同老陳美點雙輝, 以名著《雙城記》做比喻, 下刪一萬字。

在下回想前半生, 由幼稚園小學中學皆讀天主教會學校, 根正苗紅, 在胡振中主教年代很自然地領洗, 領堅振的時候胡主教還勉勵過我, 俱往矣, 我都唔返好耐矣。其實天主教會有沒有想過, 為什麼越來越少人拜天主, 唔講個踢字勸導人入會是不是越來越難, 是天主的問題人的問題還真是共產黨的問題?
41. 起碼代表佢冇大錯先啦 2019-06-14 17:40:00
阿董有冇錯, 唔通錯在太真心膠? 
42. Hongkong People 2019-06-14 17:59:35
講到明逃犯條例,可能經濟犯佔多,大把錢擺係香港,生死存亡嘅時分,要幾多錢佢地都願出,重賞之下必有勇夫,使鬼公安扮暴民,大把社團之友出來.
43. 路過 2019-06-14 18:06:47
頭先聽到單野仲好笑,話說我朋友做個間飲食野要搵後生女仔招呼人客,咁佢打左俾個普通女仔fd, 個女仔fd問要唔要招呼大陸人,咁就梗係會有啦,個女仔即時話我接受唔到囉,我朋友就話,好啦,係咁啦. 所以依次洗腦係非常成功,估計層面大概係14至28依個年齡層,社會分化愈黎愈加劇,甚至依家大學群group係會迫你表態,唔表達即係親中,已經實行緊文化大批鬥,我諗大家都睇輕左件事
44. 路過 2019-06-14 18:09:30
簡單講如果政府再俾唔到年輕人見到希望,個社會再係咁利益傾斜,下次一定大暴動
45. 個社會再係咁利益傾斜 2019-06-14 18:36:24
三幾年前暴徒還在鬥地主, 三幾年後淨係插正苦, 睇吓幾成功。
46. 真真薯片 2019-06-14 18:47:19
董伯果陣係另一個阿爺,難以相題並論
47. 引刀一快 2019-06-14 20:22:27
To 43樓

呢個現象已經好耐,唔係依家先至發生,我因為燦味重,經常遇到不禮貌對待,甚至年宵攤位呢種做生意做到高亢激昂嘅環境,都遇過咁嘅嘢,社會撕裂早就發生,呢樣仲未係最可怕嘅,有日搞到大陸人有共識進行報復的話,先係最大鑊。
48. 睇唔過眼的人 2019-06-14 21:20:15
而家我覺得社會分化嚴重,你唔係反送中的,就會被人質疑你係建制派。其實根本真係好多人唔知逃犯條例內容,只係因為以下原因佢地就出黎反送中:佢心裡係反共產黨;一直對中央不滿;恨內地人令香港物價高左好多,導致揾食艱難;恨自己考唔到政府工好野冇自己份;怕自己被朋友排擠;人云亦云等等。香港政府千萬唔好低估呢股反送中力量,否則未來施政會有困難。我覺得很多人都冇理性去了解條例,而且部分媒體刻意煽動反送中,根本就唔中立。我覺得係時候贊成送中或係立場中立既人要出黎遊行,唔好比d有心人利用香港做政治籌碼。
49. al70 2019-06-14 21:20:57
其实一早甘大反應,政府是否一早公开條法例内容?

点解不公开内容?如果話台湾杀人案事件案例,佢系香港人,点解香港自己5審,点解要送中?

香港一樣可以立例外地刑事罪。

但而家又話条例只針对内地逃犯,逃到香港。

既然佢系逃犯,点解会比佢走出中国海关,入香港境?


任何中国人如犯刑事(包括在香港内),亦有机会送中?

刑事範圍好大,涉及好多大小罪行。。


依家條例内容系点,我諗好多人5知。
林太,諗住西九博物官,高铁,
自己好打得全部一锤定音。
点知????

今次加呢条逃犯引导条例,下次中央会否改示威亦算系刑事罪?












50. 真真薯片 2019-06-14 21:28:15
風向開始變。。

果班轉軚既權貴,你估佢地係尊重民意,定係阿爺已經落左order?

林鄭越睇越似奶左野
52. 70 2019-06-14 21:40:03
台湾總统话,送个杀人犯返黎仲乜?佢杀又5系台湾人。

53. 強人 2019-06-14 21:43:20
中美對抗最少持續多二十年,直至有一天美國佬接受中國是實力對等的強國的事實。

中國大陸卽使沒有了香港也是不會崩潰的,駐港部隊不會永遠都只是擺設。有必要的話可以動用解放軍以暴易暴,我相信好多香港市民亦會支持。
54. 70 2019-06-14 21:50:31
港府,講到好多逃犯黎香港,

夠竞手上资料,有几多刑事罪犯住系香港?




55. 香港的建制派又要動搖退縮了,中央必須立即堅決制止 2019-06-14 22:19:20

    昨天下午,香港警方對聚集在政府總部附近的反對派示威者採取驅散行動,並重點打擊和抓捕了一批激進暴力分子後,反對派的倡狂氣焰暫時有所收斂,但仍在積極準備大規模反撲,計畫在本周日再次發動聲勢浩大的示威遊行。在此關鍵時刻,一些所謂建制派陣營的知名人物和主要政黨又開始動搖退縮了。他們被反對派的氣勢嚇破了膽,有的直接公開要求特區政府擱置或延後,有的則含糊其詞,或者緘口不語,不敢嚴正譴責反對派禍亂香港和激進分子的暴力行為,生怕得罪了反對派和被反動派蠱惑的市民,為自己留後路。

 

    本次香港特區政府推動修訂《逃犯條例》之所以引起如此大的風波,固然是反對派的蓄意抹黑挑動和國際反華勢力明目張膽的鼓勵和干涉,但和這班所謂“建制派”的自私和干擾也有很大關係。本來今年2月特區政府正式開始推出修訂《逃犯條例》時,甚至到3月份左右,社會上反對的聲音依然不高。此時反對派應該還沒意識到可以利用本次修例大做文章,因此反對者的聲勢不強,也比較零散。然而隨著立法進程的深入,一些建制陣營的人(不僅僅是議員)開始跳出來表示他們各種各樣的所謂“憂慮”。這樣人要麼可能自己身上有不乾淨的地方,害怕被追究;要麼雖然自己沒有,但自己所代表的那個群體的一些人有這樣的不乾不淨和恐懼。所有這些建制陣營的噪音無疑客觀上迎合了反對派的說辭,讓反對派看到了可以利用的機會。於是4月份開始,反對派的攻擊聲浪明顯加強,其頭面人物的表演也更加高調和積極,而且很有組織很有步驟地實施他們的破壞行動。面對反對派頭面人物咄咄逼人的攻勢,甚至公開在立法會拖死會議和阻撓,破壞正常開會的暴力挑釁,香港的建制派議員(和立法會主席)表現非常軟弱,僅僅口頭說幾句“極度遺憾”之類的廢話,連“譴責”一詞也不敢用。反對派上下自然士氣大振,更加得寸進尺,窮追猛打。而這班建制派人物(不僅僅是議員)卻不斷退縮,紛紛向政府提出種種所謂“改進”實質是妥協示弱的建議,例如移交逃犯的判刑門檻由開始的一年先退到三年,再退到七年,還要加上各種各樣的所謂“額外保障人權措施”。然而,修訂《逃犯條例》所引起的爭議早就超過了一般政策分歧的範圍,成為一場嚴肅的政治鬥爭。在這種嚴肅的政治鬥爭中,任何糊塗和混亂都會成為敵人的可乘之隙,任何退縮都只會是反向證明敵人的“正確”,鼓舞敵人的士氣,而使自己越來越被動。於是,反對派的氣焰越來越高,聲勢越來越大。一些本來中立觀望的市民也開始逐漸或被逼或自覺地跟風反對;而另一些本來並不支持反對派,也沒有在內地犯事的市民,開始覺得犯事不用被遣返內地受審坐牢是自己目前仍享有的小小“特權”,雖然現在沒有用,沒準將來有用,於是也出來呼應反對派。就這樣,反對派的聲勢象滾雪球般迅猛增大,終於釀成了69的大規模示威遊行和612~13日的暴力襲警事件。

 

    在此極端關鍵的時刻,一旦特區政府接受了這班既自私自利又怕事怕死的“建制派”的退縮建議,後果將不堪設想:不僅《逃犯條例》的修訂必將重演2003年基本法23條立法的失敗和無限期擱置,不僅特區政府的聲望掃地而反對派則狂歡勝利;更重要的是,那些暴力襲警分子必將被反對派輿論公開吹捧為英雄,其他人不敢異議,而緊守崗位,奉公執法,甚至流血受傷的警察反而會被羅織各種罪名判刑入獄,含冤受屈。此後,反對派必將如入無人之境,無人敢攔,無人再敢說半個不字,香港特區政府的管治將徹底癱瘓,香港社會必遭滅頂之災。

 

    香港特區政府在處理本次修例事件中固然有各種各樣的不足甚至錯誤,但現在不是追究責任的時候。現在只能動員所有真正愛國愛港的人團結起來,頂住並設法打退反對派的倡狂進攻。絕不能像某些“建制派”所說,反正本個立法年度完成修例的時間已無多,機會已不大,不如乾脆宣佈押後或擱置,讓社會更多理性討論云云。因為時間不夠而未完成修訂,和你自己宣佈擱置,後果是完全不同的。前者至少顯示了你戰鬥到底的堅定決心,對己方陣營是極大的鼓舞和安慰;後者則暴露了你的懦弱和退縮,主帥都如此,三軍士氣必然頃刻瓦解,徹底崩盤,只會被人痛打落水狗。你被這些所謂“建制派”坑爹坑得還少嗎?!

 

    因此,無論反對派在本週末再組織多麼大規模的遊行,聲勢多麼嚇人,特區政府管治團隊都絕對不能再退縮半步,鬆口半分。相反,特區政府應馬上向中央求助,讓中央發表最具權威的聲明,堅決支持繼續修例工作。同時,讓中央以各種方式提醒和警告那些意圖退縮或投機的所謂建制派,要他們200%支持特區政府,不能再有半點噪音出現。同時,特區政府應該馬上動員愛國愛港力量公開站出來,組織自己的遊行集會,甚至林鄭自己和管治團隊也應帶頭遊行,反擊反對派的囂張氣不管人數多少,起碼應該先開頭,再逐漸想辦法擴大影響。你自認一片良好的初心,關鍵時刻卻不敢出來,不敢扯大旗,本來願意跟隨的人都找不到跟隨的機會,這是自取滅亡的極端愚蠢懦弱無能的表現。到時真的天塌了,香港不得不實行軍事管制,你就是最大的歷史罪人!!

 

56. 路過 2019-06-14 22:36:08
To 54 佢地有幾多人唔係重點,佢地手上有幾多錢先緊要,尋日睇左遍報導,有個逃犯係香港俾人凍結左64億,咁你明啦,你香港人唱錯國歌同講錯野佢係唔會care
57. 真真薯片 2019-06-14 23:21:58
55樓係咪傻嫁,以為建制派有個人自由意志可以決定支持定退縮?呢d關鍵時候梗係企定定等阿爺落order然後照做啦,目無尊長,自把自為,唉
58. 等阿爺落order 2019-06-14 23:26:33
如果阿爺唔講嘢,佢班嘢係咪真係烘響度等埋阿爺?
59. 如果林鄭特首毅然帶頭遊行,必將給反對派一記當頭棒喝。 2019-06-15 01:17:27

如果林鄭特首毅然帶頭遊行,必將給反對派一記當頭棒喝。反對派做夢也估不到特區政府會有這樣的一招,會有這樣的勇氣和力量,必將茫然不知所措。只要林鄭特首肯帶頭遊行,加上特區政府和愛國愛港團體的呼籲,第一次就組織幾萬人的規模絕對不成問題,而原來很多失望的人也會很快回歸,很多觀望跟風的人也會重新掂量,不再輕易跟反對派走。只要林鄭特首能帶一次頭,以後不用親自出馬,每次都可以保證幾萬人以上的規模,而且還會越來越大。遊行的口號必須簡單鮮明,就叫做“反逃犯!衛香港!”。

 

這個遊行必須儘快組織,最好搶在反對派之前,至少不能比反對派的遲。如果不能立即宣明立場,壯大聲勢,打擊反對派的氣焰,而坐等反對派的遊行規模繼續膨脹,那將無力回天,大禍臨頭了!!

 

林政特首,你是坐以待斃還是奮力一搏,是自甘沉淪還是力挽狂瀾,就看今朝!!只看今朝!!

 

60. 顏色筆 2019-06-15 09:54:28
進行全港公投決定,便可立即解決所有問題。
62. 睇唔過眼的人 2019-06-15 11:26:20
今次反送中事件其實是變相提醒香港政府及中央不能輕視反共勢力,亦從中知道外國勢力及言論已在香港有一定的勢力。我眼見身邊很多人都反對,其實根本就是真正的權力遊戲,而政治人物的2面派角色也在此事上看到了。我是肯定不會參加明天的遊行,亦想說你們遊行不是代表全港市民的意願,至少不能代表我!
63. 向泛民说不 2019-06-15 12:27:27
真真,这只是证明了一国两制唔work,邓小平too simple,too naive。
没有一国两制的香港,会实行什么制度呢?难道中央会比你地饭民狗控制香港咩。用下脑啦。
只能怪香港离你们饭民狗嘴里的魔鬼国太近。卖港贼。
64. 亞Q 2019-06-15 18:00:27
中港關係只係中美關係之下一個節點 , 如果中美關係發展去到極端 , 一國兩制一定成為泡影 ! 反對派且慢高興 , 利益申報 , 我持有外國國籍 .
65. 真真薯片 2019-06-15 18:19:02
暫緩同撤回其實冇分別,暫緩即係將來隨時可以再提,撤回咪一樣可以重新再提過

阿爺係好想要呢個修例,但係依家既國際時勢,天時地利實在太過不利,阿爺暫時放棄者,當國際時勢對阿爺有利,可以唔洗留手既時候,修例自然會返黎,到時點樣衝擊都冇用
66. 暫緩同撤回其實冇分別 2019-06-15 19:06:18
建制不可以行出嚟投反對票的嗎?
67. 真真薯片 2019-06-15 19:25:40
阿爺想通過既野,邊個建制敢反對?
68. 向泛民说不 2019-06-15 21:08:30
真真,你们被台毒港毒骑劫,证明了一国两制唔work。同时证明了邓小平too simple too naive以为给香港特权,黄狗就会感激。但是答案竟然的相反而是影响国家安全。
2047之前一国两制将会玩完,会有什么政制取代呢?你说呢?看来到时会直接排市长过来,或者直接交给深圳管理。
你说的对,目前中美关系胶着。一旦中美关系解决之后,肯定处理香港问题。
你们已经被港毒台毒骑劫。这是你们卖港贼要负责的。
69. 林鄭大難臨頭了!我已聽得見香港大亂的喪鐘!! 2019-06-15 21:17:03

林鄭一個技術官僚,沒有勇氣也沒有經驗去上街號召民眾支持。步步退讓,現在事實上已經放棄修例,你以為反對派就會放過你?!

豬!!!反對派已經提出新口號,不僅要林鄭落台和正式撤回修例,還要為暴亂的定性平反及“懲凶”。最後一點最關鍵,反對派必會窮追猛打,不依不饒。因為只要林鄭政府再次被迫屈服,同意“懲凶”,今後反對派任何激進行動都沒有警察再敢出來阻止,更遑論其他人。直到那一天,暴徒打著獅子旗沖進政府總部高喊獨立萬歲,然後解放軍被迫出動平亂,一鑊熟,徹底Over

當然林鄭現在自認為,她仍然會堅守底線,不會讓執行公務的警察蒙冤。然而這幾個月來,我們親眼看到林鄭的“底線”本身就在不斷後退。只要反對派的聲勢大一些,她就會退一步;再大一些,又退一步,退到今天已成笑話,誰還會信她能守得住??再說了,即使她自己想守住,那些自私又怕死的建制派又會紛紛來動員她放棄,換建制派自己的一時苟安。

現在反對派的聲勢已經被徹底點燃,不必再追究上禮拜日究竟是不是二十萬吹成百萬,真實數字已經不重要,是林鄭自己幫助反對派吹成了百萬的聲勢。明天的大遊行,估計會至少吹成百五萬,甚至二百萬,也沒有人再質疑了。

明天只要政府總部和立法會等沒有被激進分子攻陷,就算是萬幸了。不過,我倒使希望這一天早點到來,最好明天就來。只有這樣,解放軍才會被迫出動,不僅抓走所有暴徒和搞事者,也徹底解決建制派和林鄭團隊這班廢柴。

 

70. 真真薯片 2019-06-15 21:25:03
向飯,你講既野同我講既野一d關係都冇,你係咪幻視又發作,你見到我寫咩?
71. 邊個建制敢反對? 2019-06-15 21:39:12
正苦照推上大會,建制照反對,然後重新諮詢再來,總好過自己揼春。現在這般,連僅有支持的都自我摧毁了。
72. 真真薯片 2019-06-15 22:32:22
又黎等埋發叔?上次據聞有人嬲到拍枱喎,仲玩?比我就唔敢啦

睇林鄭今日既發言,根本就係攬晒上身:全部係我自把自為,唔關老細事
73. 唔關老細事 2019-06-15 23:15:03
由建制推翻,屬江湖事江湖了,光明正大遵守遊戲規則,而家咁樣仲話阿爺冇指使,咁阿爺點解要落嚟收拾殘局?
74. 引刀一快 2019-06-16 10:13:29
真真薯片兄

同向飯講嘢小心D,佢屈吓屈吓目的係將你變調。