地產博客 > 文亮言 返回
瀏覽人次:32414    回應:5
文亮言

最難收租的物業

 

湯文亮博士

紀惠集團行政總裁
2016年11月22日

  最近車位熱賣,有新進投資者買了幾個車位之後問我,現在點解唔投資車位,他記得我們以前投資車位做到有多少名堂,點解唔繼續買賣車位,把握唔到今次升浪,可謂失策,我話講投資,各人有各人心水,雖然我們退出車位投資市場,但並沒有撤出物業市場,我們專注在舖位及甲級寫字樓,收獲仍然不俗,但所費心機比投資車位輕鬆得多,我又唔係一個有大志的人,投資方面,唔想太過費心,有合理回報便可以。

  我問那位年輕朋友一個問題,知不知道什麼類型物業最難收租,佢話唔知,但我亦沒有立刻講出答案,因為在幾個月之後,他自然會知道,今日所買的車位,幾個月後仍然租唔出,或者是斷斷續續租出,為了幾個車位的租務,實在用了太多時間,他亦曾經嘗試過將車位交到物業代理行出租,倘若不是受到冷淡對待,就是被敷衍了事,凡事要親力親為,好彩當時買車位是全數支付,唔需要供款,否則,就喊都無謂,不過,仍然要交差餉管理費,每個月費用就當多飲一餐茶便算數,沒有什麼大不了的事。

  我並不是叫人唔好買車位,自用當然沒有問題,但用作投資,開始時唔好買咁多,三兩個就可以,如果可以應付得來,當然可以繼續買,如果覺得很麻煩,很困身,就應該停止,如果認為就算租唔出都冇所謂,車位升值,他日賣走時一樣是賺錢,我認為千祈唔好有這種想法,投資物業,一定要有雙重收益,包括租金及物業升值,否則,就算有錢賺,都唔算是一個成功投資項目。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. hifi 2016-11-22 09:03:11
又學到野, thanks!
2. 香港土著 2016-11-22 09:12:18
其實收住宅租已經好煩架喇, 車位就直情係好L7煩......
3. 引刀一快 2016-11-22 10:20:19
大陸人又唔係咁睇喎,好多屋買咗唔出租嘅。


5. 平民 2016-11-23 08:43:54
車位的概很煩,但如果對地方位置熟悉或本身住附近,就會知道值不值得投資及不怕煩。
現有些地方舊屋苑有蓋租$3000~$4300,沒蓋都租$2300,因供不應求所至,長期都有不少租客租用.而有些地方屋苑有蓋平到$2000都唔駛,仲有大量車位.就算升值能力也弱。投資車位應選多需求地方,既可穩定收租和有升值能力
6. CD ROM 2016-12-01 23:47:45
租唔出既車位? 宜家有幾多地方仲有?