點解現在咁多人睇好樓市

　　有資深記者同我講，樓市被唱好抑或唱淡，在某個程度上決定於被採訪的人，而誰人又能被邀請接受訪問，這是記者決定，換句話說，記者是有權主導樓市被唱好抑或唱淡，如果記者訪問一些剛剛賣走只是持有一個單位的業主，無論那位業主是否有壓力賣樓，他都會表示睇唔好樓市，所以，他們身體力行，將自住單位都賣走，如此肯定做法，任何人都唔夠膽話他們的決定是錯誤，不過，記者又如何能夠搵到那些剛剛將惟一物業賣走的人，所以，唱淡的人大多數有多少分量，可以將他們的意見傳達到記者那邊，但是會有一個現象，對於那些自願提供資料的人，記者認為是不勞而獲，是不大理會，亦無謂替那些人做勢，所以，睇淡樓市訊息大多數是物業代理行或者測量師行主動提供，但隨著市場變化，他們又可以在瞬息間由睇淡變成睇好，實在是很難捉摸。

　　近日，有超過六成以上被訪者睇好樓市，我有多少覺得奇怪，點解突然間咁多人睇好樓市，而且，另外並不是睇唔好樓市，只是一半半，有兩成人認為樓市會橫行，另外兩成才認為樓市會下跌，於是我問那位資深記者，誰不知他反問我是否知道在那裡做訪問，原來，記者在新樓售樓處訪問那些準備買樓的人，所以有六成以上被訪者都認為樓市會上升，兩成比較保守的人就會說樓市會橫行，最後兩成就會話雖然睇唔好樓市，但有自住需求，就算睇唔好都要買，我於是明白，不過就認為如果去買樓，一定是睇好樓市，就算是被地產商的優惠條件吸引，大前提仍然是睇好樓市，因為，買樓除了買入物業資產之外，還會買入一大筆債務，物業資產是會減值，債務不會。