|
1. 多嘴街 2016-04-07 09:55:50
|
十分期望湯博士可以分享更多更好的投資心得和生活點滴。 在現實生活中我地後輩好難遇到一個真心真意分享地產投資經驗的人或者分亨投資地產可以安樂退休或者致富的朋友。 多謝湯博士
|
|
2. 路人甲 2016-04-07 11:06:35
|
謝謝博士一向的坦率, 把樓巿的進展情況都告訴我們.
我也把我身邊朋友買樓的事, 跟大家分享一下....
最近, 朋友因家裡多了小孩, 又快要上學了, 所以都在密密看樓. (以往在暑假前就開始了,不過, 由於已經4月了, 有些家長會提前去搵, 並希望找到好的校網)
近日, 他們一綁人等四出睇樓, 第一, 之前的樓已經回升番6字頭(早排5字尾); 第二, 見到d同期睇樓人士, 竟然在不同區都撞番晒. 雖然睇樓的單位比以前多了, 但係, 其實, d業主態度都仲係幾堅定不移的; 不會賤賣自己的樓. 當然, 無之前咁'囂張' 就是囉.
博士講會跌的情況, 我路人甲認為, 除非有突發不利消息, 否則跌多10%都未必有. 尤其中價或以上的. 就算 係細價樓, 根本大多都無乜人放. holding power 在呢個時候見真章!!
|
|
3. DSY 2016-04-07 11:25:59
|
時間越久，越難大跌 恐懼是極短時間內爆發出來並讓人付諸行動的，比如無經濟壓力下劈價賣樓 只要週邊穩定，大國繼續印鈔，股市正常上落，匯率穩定，看看是買家急還是賣家急！另外，個人認為，年底開始政府（因為下屆特首幾乎塵埃落定）將不再大力打擊樓市！
|
|
4. 占士 2016-04-07 11:38:48
|
博士，最遲亦不會到今年底，樓價就會見底，比現在最多下跌10至15%。 無論別人同不同意，反正我是非常同意！哈哈哈
|
|
5. 歷史長河 2016-04-07 11:43:46
|
兩個關鍵詞保證博士處於不敗之地：最遲，最多。唔好睇走眼。哈哈
|
|
6. 舍神 2016-04-07 11:44:40
|
英雄所見略同......所以呢,睇湯生文章,最唔好處,係冇乜動機答嗲,話認同, 好似拾湯生牙慧, 也是一般!
|
|
7. 引刀一快 2016-04-07 11:45:48
|
建議湯先生考慮以寫一本以賭論三國，或者以三國論賭，保證紅遍大江南北，會成爲整個華人社會嘅暢銷書。
依傢大陸嘅三國專家，不但未有呢個題材，而且見唔到有湯先生以外嘅第二個人可以寫。
|
|
8. 蕭峰 2016-04-07 11:49:35
|
2月底3月時去睇樓，已經覺得市場完全唔似報紙吹既咁，已經多次提醒（當然都被人窒），個時就真係有d筍盤，依家叫價都幾硬。
|
|
9. 黑又鵝 2016-04-07 11:52:48
|
唔敢講 索羅斯呢D大鱷 買咗好多CDO CDS 賭 人仔 港股 港樓 跌. 到時佢哋為咗賺錢,分分出錢請人周街放炸彈....
|
|
10. LYC 2016-04-07 11:58:33
|
大俠，真係好人難做啊！ 其實都唔洗等年中,現在已經見底,已經幾十台客爭一個盤,業主反完再反價,未來數年CCL將會反覆上升.班放棄買煥然的買家,實在太羊群,見人唔買自己跟隨唔買,傻下傻下. 博士實在太好人,過去數月已經提晒水給淡友,可惜他們始終都係信其他淡友和經濟學家亂up24.其實啲淡友和專家個個都無樓,實唱有排跌啦,走去信佢地,真係信者失救. 還有啲淡友幻想博士受壓所以唱好叫買,真係太有想像力. 上個月還有個淡友話,當時賣樓好過6個月後,聽佢講現在已經瞓低左,前日有個K股神淡友話股市將會大跌,跟住即時有另一個淡友馬後炮股神一齊興高采烈地吹跌,佢地以為咁就可以吹得跌個股市,樓市跟住吹，哈哈，真係超搞笑!
|
|
11. 引刀一快 2016-04-07 11:59:32
|
LYC兄
我知道煥然一居俾你掃咗25伙，依傢冇晒盤，個個都要瞓街嘞！
|
|
12. 想買樓人 2016-04-07 12:02:34
|
請問湯博士，如樓價在年中或年底見底後，會橫行定喺回升呢?
|
|
13. LYC 2016-04-07 12:11:35
|
刀兄，煥然有好多限制，唔係人人都可以買架，用它來唱衰樓市，會否想跌想到思覺失調呢！ 如果你覺得老來冇樓要瞓街係冇可能，咁只好祝你好運囉！
|
|
15. 引刀一快 2016-04-07 12:26:54
|
LYC兄
我唔駛你祝我好運，如果范冰冰瞓街我咪去陪佢囉，到時你借個位俾我用兩晚，OK？
呢舖經濟低潮我本來估計係5－6年左右，依傢唔敢咁樂觀。
|
|
16. littlemun 2016-04-07 12:29:39
|
|
|
17. littlemun 2016-04-07 12:32:15
|
呢舖經濟低潮我本來估計係5－6年左右，依傢唔敢咁樂觀。
刀兄，你指香港，大陸定全球經濟？言下之意係５－６年都未衰夠？
|
|
18. 鄭成功 2016-04-07 12:32:32
|
拜讀閣下於2016年3月29日發表的"港式次按危機隨時出現",當時你說"老實說，現在樓價下跌，情況開始轉壞，香港式的次按危機隨時會出現.....現在我講出來已經太遲......"。今天4月7号，過了個多星期你預測年中已見底，現在都差不多年中了，是什麼發生了令你的預測由悲觀變樂觀？真希望湯博士多多和我們分享你的心德和炒樓成功之道。
|
|
19. LYC 2016-04-07 12:54:17
|
刀兄唱衰經濟咁多年，信你個啲沽了樓現在已經離天橋底不遠了，你仲唱多5-6年！？ 不如遲啲CCL升到上火星時我話俾你知係時候出貨好過啦！
|
|
20. CD ROM 2016-04-07 13:14:06
|
宜家興用 “博奕”，唔用“赌”，高级好多ga!
不過我唔知可否溝亂用?
|
|
21. CD ROM 2016-04-07 13:16:28
|
長河兄，又唔可以咁講，“遲過”，“多過”咪輸aw~
|
|
22. 歷史長河 2016-04-07 13:18:33
|
CD 兄，博士今次已留有足夠余地俾自己。佢咁講應該有十成把握。我只是提醒一下讀者唔好睇走眼
|
|
23. 自我陶醉 2016-04-07 13:43:43
|
回18樓
博士呢啲係兵法，所謂虛則實之，實則虛之，是升是跌，只有天知。與爆煲論比，今次絕對立於不敗之地。是好是淡，各取所需吧！哈哈！
|
|
24. 路人 2016-04-07 13:53:35
|
繼「細價樓爆煲論」後，博士又來一個「樓市見底論」，時間是「不遲於2016年底」。
這編文章只講結果，不論原因，希望博士明天能多加解釋這見底論的理據。
是不是博士收到風特區政策會放鬆宇按樓揭成樓??
|
|
25. 如是 2016-04-07 13:55:30
|
|
|
26. 十郎 2016-04-07 13:56:00
|
|
|
27. 引刀一快 2016-04-07 14:00:03
|
To 17樓 Littlemun兄
講全球我冇自我陶醉兄咁清楚，但係我敢講大陸嘅情况，起碼需要5－6年去彌補過去積累嘅問題，睇法已經係好友好到爆。
當然，如果東盟所有國家突然集體歸順天朝，咁又唔同。
|
|
28. 引刀一快 2016-04-07 14:02:39
|
19樓LYC兄真風趣，原來大陸經濟係我唱衰嘅，睇嚟你對我嘅敬佩已經超越咗索羅斯。
|
|
29. 鄭成功 2016-04-07 14:09:04
|
|
|
30. kts 2016-04-07 14:38:58
|
|
|
31. ? ? ? 2016-04-07 14:43:52
|
|
|
32. LYC 2016-04-07 15:59:29
|
今鋪發啦，全部淡友還未入貨，還在傻下傻下問點解見底。CCL現正開行TURBO向火星進發，GoGoGo!
|
|
33. 引刀一快 2016-04-07 16:02:45
|
哈哈哈哈，LYC堅强嘅欽敬向住樓市開TUBRO進發。
|
|
34. LYC好野 2016-04-07 16:08:02
|
|
|
35. 引刀一快 2016-04-07 16:08:18
|
|
|
36. 自我陶醉 2016-04-07 16:18:37
|
嘩! 發喇引刀兄! 原來超人都咁睇得起你，你就好喇!
樓價go go go, 千祈咪say no. Yeah! 快快飛上火星吧！
|
|
37. 塘邊鶴 2016-04-07 16:34:08
|
總結呢幾年引刀兄所講嘅所有推測和建議，基本上都可以用一句嚟形容晒『信者失救』，就好似個天特登同佢作對咁，話升就會跌，話跌就會升，都幾有趣， 哈哈。
|
|
38. 怒婦炒魚柳 2016-04-07 16:36:38
|
老實講，燈然一居嘅反應「大大力醒正苦膠官一巴」。 盲搶地！賤價賣！剛性需求？急切需要？ 英國各行宣布將摺埋409間分行，港燦所熟識嘅匯豐佔200間。「弱勢正苦，咎由自取」
|
|
39. 引刀一快 2016-04-07 16:59:31
|
|
|
40. 引刀一快 2016-04-07 17:10:45
|
自我陶醉兄
你真係嚇咗我一大跳，等我仲以爲邊個超人，原來係呢位！
就快酸梅乾都升到100萬一粒喇，仲唔買？唔買就瞓橋底冇酸梅乾食喇................
|
|
41. 自我陶醉 2016-04-07 17:44:08
|
40樓 引刀兄
就算1蚊粒都冇用喇，我都冇火星幣! ：(
|
|
42. 數學老師 2016-04-07 18:51:20
|
討論咁耐，大部分人想企圖證明：樓市升同經濟係無關係。
明明環境經濟咁差，樓市升都只不過係帳面數字遊戲。
|
|
43. 引刀一快 2016-04-07 23:05:35
|
自我陶醉兄
你以為我叫你買酸梅乾咩，我叫LYC買咋，呢度係得佢一個住咗去火星之嘛，朝早佢唔變超人，邊度趕得切返工打卡呀佢。
|
|
44. 市民 2016-04-07 23:48:44
|
火星有無靑山醫院架？D人每日眼光光睇住樓價係咁跌，手揸幾層，日日蝕，收租都補唔返，陰公。唔怪之得天橋底個個都口嗡嗡啦，自己就瞓橋底，仲要貼錢比人，正—精神病！
|
|
45. 雲在青天水在瓶 2016-04-07 23:54:32
|
汪敦敬先生年初提出2016年樓市10大忠告，當中指出上半年香港樓市將見谷底。汪生並沒有講出他推測的依據，因此無從比較分析。但不論如何，這個說法明顯太樂觀了。
從對中原指數的分析來看，牛二調整浪是在美國金融危機後，由2008年3月跌至2008年12月，共9個月的調整期。可能汪生是以此為根據來推測本次的調整也是9個月，即由去年9月至今年6月。樓市分析真是咁簡單？
沒那麼簡單，就能找到能靠岸的畔，
分析沒有那麼容易，市場有自己的脾氣。
金融風暴時，香港樓市主要是受心理因素的影響而下跌。在美國量寬和實質負利率的作用下，樓市很快就找到了立足之地，並捨級而上。因此牛二浪只用了9個月就完成了調整。
本次的調整因素明顯不同，一是美國加息期開始，盡管預期加息力度與初期預測有所緩和；二是中國經濟增長放緩，通脹率也必然有所下降；三是樓市供求趨於平衡，甚至有可能供過於求。所以牛四浪只用9個月來消化這些不利因素，顯然市場的胃動力不足。所以我一早就指出本次調整期最少一年或以上。
現在已是4月初，再有3個月就到6月底，且看是也非也。
|
|
46. 『最遲亦不會到今年底，樓價就會見底』 2016-04-08 00:07:19
|
睇晒啲留言，覺得討論中反映唔到上述要點所謂，而忽略了近期總理對今年期望的言論，就是爭取今年開通：深港通，點解要爭取？【因為港樓、股、暫時未跌夠】，唯一一項對樓市利好因素。寫字樓及細價樓租值唔上升，亦冇奶油會繼續下跌。
|
|
47. LYC 2016-04-08 09:47:01
|
Very Good!樓上9成9都係淡友,唔信博士,佢地以為人多勢眾一齊唔買樓就可以拖垮樓市(真有趣),可惜的是有錢人企在好友一方,不停掃新樓,2手樓現在已經冇盤因為已經被好友買晒. 大戶(有錢人)開始越買越快,進行挾淡倉,淡友繼續搶租盤幫人供樓,最後推高買樓收租回報率,再次加快大戶掃貨,導致CCL越升越快越急,在到達火星之後,因為經常要搬屋和被業主加租,淡友終於按捺不住出手買貨（平淡倉）了!
|
|
48. 火星人 2016-04-08 10:40:01
|
|
|
49. 自我陶醉 2016-04-08 11:02:51
|
44樓 市民兄
你千祈唔好睇少橋底口嗡嗡嗰個，佢隨時係97樓神都未定，佢只係好心解釋緊畀97唔買樓嘅街坊知，唔買樓就瞓梗天橋底。 話說當年，樓價本來又係把算去火星，點知機械故障，樓價一直向錯右“死火”星個方向。待續... 呵呵呵！
|
|
50. LYC 2016-04-08 15:19:03
|
去睇下汪老闆點講啦,今次調整完將會連升幾年,CCL1000在望,你咁喜歡搶租盤,無人阻你,祝你好運啦!
|
|
51. 市民 2016-04-08 17:42:04
|
正白癡，劈價劈租日日見，继續發你嘅青山夢上火星啦！上到火星記得揾返個天橋底呀！继續貼錢比人住呀。有時見到你都幾可憐，又劈佣，又冇生意，日日瞓係天橋底囗嗡嗡望上火星，由ccl 147 望到127 。難怪嘅，為咗體驗瞓天橋底嘅樂趣，就係上年年中就買咗層樓租比人，以為曰日賺，原來係日日蝕。呵呵呵呵呵呵呵呵！！！！
|
|
52. LYC 2016-04-08 18:54:31
|
CCL還未爆上係因為成交緊啲底層質素差啲盤，傻仔，平個啲冇晒啦，仲發夢未醒！ 繼續去搶租盤搶多幾十年啦，到老時咪被業主趕走囉！ 我地就收租印印腳，淡定有錢剩，每一次回調就掃多幾間跟著搵淡友幫手供甩條尾數，自己住個層就越住越豪！
|
|
53. 蕭峰 2016-04-08 19:08:02
|
恒隆地產旗下西南九龍浪澄灣上載2J號價單，據一手住宅銷售資訊網資料，該份價單位其中70伙售價作出調整，其中3伙售價調低1.1%至3.3%，包括9座5樓D單位，售價由939.4萬元調低至908.4萬元；另有66伙售價調高，普遍加幅介乎約2%至逾9%，其中9座13樓B單位，售價由977.6萬元調升至1,070.5萬元，加幅達9.5%。
|
|
54. 自我陶醉 2016-04-08 19:13:25
|
加咁少？ 有冇攪錯呀？ CCL幾時先去到火星呀？
頭先仲以為中原個網壞咗㖭，原來CCL真係升咗，由127升到127，哈哈哈！ 快啲反彈喇，加油啊！
|
|
55. 蕭峰 2016-04-08 19:27:19
|
|
|
56. 數學老師 2016-04-08 19:35:44
|
升到1萬點有咩所謂? 到時大家人工應該係幾千萬一個月。
樓市太高，市民用哂所有錢去供樓，只會肥地產商同銀行，對其他行業係極壞的消息。
政府會唔會咁傻?
再升上去，跟老毛返井崗山再起多次革命囉
|
|
57. 市民 2016-04-08 19:38:46
|
唉！睇見你貼錢租樓比人住，掂知租左比個租覇，辛辛苦苦收返層細價樓之後，諗住貼多D錢租出去唔好白供啦，收完上期按金無耐仲收多條咸魚，係燶+腐果種，難怪你好似宜家咁款，曰曰瞓係天橋底。成個檸檬咁款。口嗡嗡…升升升…上火星…
|
|
58. 自我陶醉 2016-04-08 19:57:47
|
梗係酸葡萄喇，短短一個星期就由127升到127, 點可以唔令人眼紅呀！ 哈哈哈！
|
|
59. 蕭峰 2016-04-08 20:28:02
|
股神當然睇唔上眼呢d 0.x的升幅啦！但股神做咩留戀樓市討論區呢？都係有d酸味！
|
|
60. 自我陶醉 2016-04-08 20:42:44
|
聽聞CCL已經係升緊上火星，幾乎要開香檳慶祝，點都有多少好奇嘅! 原來真係升咗，又點會唔戥你哋高興呢！ 呢度啲討論咁有娛樂性，唔買樓都要上嚟開心吓喇！ 嘿嘿!
|
|
61. LYC 2016-04-08 21:04:01
|
大俠，我一直都好奇怪個短炒王點解會在這裡吹水。佢一直都冇人工去借錢買樓（而且從來未買過樓），又肯定唔會買樓，因為佢話買樓會跳樓死，唯一原因就在這裡吹跌樓市，就係想睇你班有樓人士點死，心地唔好啊！ 誰知CCL話咁快就見底，CCL雖然升小小，但已是幾星期的成交呢，但是，買家是集中買質素差的盤啊，遲些跳價爆上係肯定啊，揸實晒啲樓，CCL火星一定到, 不見不散啊！
|
|
62. Jerry 2016-04-08 21:13:34
|
自醉兄：
何必浪費時間呢？在這裡已不能理性討論，你的論點也已陳述清楚，讓市場告訴大家結果吧！
請教一下，買美股邊間交易費較便宜？
謝謝！
|
|
63. LYC 2016-04-08 21:19:17
|
傻下傻下，樓價如果唔高，政府邊有錢去救濟你班窮人，仲幻想政府去推冧樓市，short short地！ 我咁多年從未遇過租霸，你敢遲交一日租，我都有權去追討你遲交租所導致我的損失，租客有正當職業邊敢唔交租，你去試下唔交租囉，睇下有乜後果，最後你屋又冇得住，還要賠償一切業主的損失！
|
|
64. 打工仔 Andy 2016-04-08 21:32:00
|
自醉兄, Jerry兄
我觉得美国佬攞住個加息來玩花樣! 又加又唔加又加!
|
|
65. 市民 2016-04-08 21:35:52
|
祝你早日遇上啦，你咁多樓，仲要係喺上年買的，又係地代，難怪你日日不理性地唱好嘅，替你難過，希望你不停咁收咸魚，D樓租唔到出去，你就唔駛再瞓天橋底啦！儍佬。睇你咁緊張，你都係一個唔過 50歲，瞓係天橋底嘅儍L. 哈哈！
|
|
66. 自我陶醉 2016-04-08 21:43:24
|
Jerry兄
我用開etrade, system 同research都ok, 不過他們今年關了香港office, 現在開戶可能要聯絡美國，比較麻煩。
打工兄，
你要預咗同上次一樣，如果加息，佢哋都會重重複複咁講幾個月，直至市場冇哂反應先做嘢。
|
|
67. Koichi Fuyumi 2016-04-08 21:50:41
|
LYC 師兄比較好運，未遇過租霸 小弟比較唔好彩，和大家分享一下經驗： 1. 要搵執達吏開門已經有排搞 2. 如果家居有損壞，唔想搵律師，可以去小額度搞，但問題係小額判你勝出唔等於有錢收，因為租客可以忽視Court Order的。 3. 如果租客忽視Court Order，業主可以試Garnishee。呢個仲難。基本上一定要律師搞，因為上庭都要上好多次。淨係查租客戶口號碼都玩死人 4. 法庭要接受Garnishee，仲要出律師信比銀行叫銀行過數。一般要7-14日。但記住租客戶口是不會因Garnishee凍結。佢仲可以大搖大擺禁係銀行過數前轉走啲錢。 5. 租客玩野玩到呢度，大約已經過咗九個月到一年左右。你可以要法庭傳召佢，要佢公開個人所有戶口，但律師費呢，貴囉。 6. 仲有好多人以為可以Claim番律師費。但其實通常Claim 到三分二已經要拜神。其實去到呢一步，除咗租客成間屋同你大裝修，一般已經係收番錢都唔夠比律師費。 7. 最最重要，唔好以為花禁多時間同律師費，就可以收番錢。到最後個租客真係無錢（其實有都唔會欠租同玩嘢），你都係白白浪費時間同金錢。
|
|
68. 打工仔 Andy 2016-04-08 21:59:59
|
|
|
69. LYC 2016-04-08 22:05:11
|
傻傻地，層層賺緊幾球，揸實等住遲些層層賺幾十球！ 樓上個位都係租樓日日賺啲粉絲，多謝晒咁清楚講租霸。大家千萬不要買樓收租，好多租霸架，廢事咁多租盤拉低晒啲租金！
|
|
70. LYC 2016-04-08 22:15:20
|
|
|
71. Koichi Fuyumi 2016-04-08 22:38:52
|
LYC師兄， 其實買樓收租大方向是對的，但問題是什麼時候去買。 好像小弟08年的時候，九龍大藍籌屋苑二百六七萬有交易，收萬一租。當年仲要係H+0.6的年代。買多幾間收租實在無妨。因為扣晒利息，OC，雜費個個月有錢入袋。到09年，租客要減二千蚊租，同時又加息。但仍然係每個月有錢落袋。當然繼續入貨。當年樓價低，一份B仔就夠三成首期，易玩好多。 但家下，個個月貼租客。仲有交易成本比08貴咗。 市呢家野，就三條路：升，穩，跌。因為個個月要貼錢，即使個市唔跌，輸時間值都輸死。所以估穩或估跌一定無謂入市。即使估升，亦要問個市會升幾多？如果升得仲少過交易成本，都一樣要輸錢。 現在小弟仲未睇通個市，跌完會反彈就一定。但彈幾多？彈完之後係升穩定跌。我個人相信要等新因素出現先有方向。所以即使大智者如博士都只敢講半年內跌10-15%跌完，無人敢講再創新高。
|
|
72. 歷史長河 2016-04-08 23:06:01
|
樓上朋友，
點解： 1. 個個月貼租客？ 2. 即使個市唔跌，輸時間值都輸死？
請指教。
|
|
73. 香港土著 2016-04-08 23:09:55
|
LYC兄，不如多d講下你嘅收租近况，最新入貨有幾筍，分享下實戰經驗仲梗加做好心啦。
|
|
75. Jerry 2016-04-08 23:52:48
|
謝醉兄！
Interactive brokers 有無用過？另外，想知美股資訊，邊個網站好呢？THX
|
|
76. 引刀一快 2016-04-09 01:41:56
|
長河san
以Full Pay樓計，樓價金額下降大于每月租金淨收入减去首期金額每月産生回報。
如果高位入市，由于要付出首期，以及每月按揭利息，樓價往後平穩亦未必有得益。
唔知K.F.兄會唔會同意呢？
|
|
77. 引刀一快 2016-04-09 01:53:36
|
To 73樓 香港土著兄
LYC呢排就慘喇，喺天橋底霸咗十幾個位，諗住租俾佢班“街友”收租，俾食環署清走咗十幾張二手棉胎，係銀行同佢做按揭供嘅，依傢俾銀行call loan呀！！！
|
|
78. 引刀一快 2016-04-09 02:08:35
|
To 67樓 Koichi Fuyumi兄
LYC邊度怕租霸嘅吖，天橋底係英雄地，夠膽唔交租俾LYC哥？一桶屎水淋埋去駛驚 佢唔走咩？
|
|
79. 引刀一快 2016-04-09 02:14:20
|
To 49樓 自我陶醉兄
LYC絕對係97樓神，當年佢簽約之後果霎那，佢就知道自己十八年后又一條好漢喇！
|
|
80. 引刀一快 2016-04-09 02:24:45
|
To 53樓 蕭峰兄
呢種係營銷手法，降價部份對比成“筍貨”，加價部份博撞正豪客心頭好。
好彩成功咗就先買走一半，剩低嘅一半再分多次價位。
80s、90s嘅旺角，一條街幾間電器鋪唔同名，其實同一個老細，同一型號間間唔同價，最平果間旺爆，總生意額高過間間統一價格。异曲同工。
|
|
81. 引刀一快 2016-04-09 02:27:52
|
|
|
82. Jerry 2016-04-09 08:58:15
|
引刀兄：
你對，小弟錯。
論壇應該是互相辯論既地方。
抱歉，當無睇過。
|
|
83. LYC 2016-04-09 08:59:31
|
一聽KH講啲野就知又係短炒王一名，就算之前有買樓都一早沽晒啦。好友點會覺得有可能反彈完會再跌呢，根本再跌機會係零，現在好明顯係準備展開另一個大升浪！樓市真正好友係個價唔到火星係唔會沽貨架，樓市長期逐步向火星邁進，GoGoGo!
刀兄晚晚都唔瞓覺，對健康唔好啊！橋底的生活唔易捱啊，身體差啲都會頂唔順呢！
|
|
84. 自我陶醉 2016-04-09 09:28:52
|
Jerry兄
IB我十年前也曾經考慮過，不過當年到過他們金鐘辦事處後，覺得他們的規模太小之後沒有用了，至於現在就不太清楚。 另外，你還可考慮Saxomarket/Saxobank, 系統不錯，投資類別也很全面，不過股票報價要另外付費和美股期權沒有etrade那麼全面。
最近美股的沽空量不斷上升，大戶正在對砍小心走錯邊。
|
|
85. 自我陶醉 2016-04-09 09:34:56
|
差點漏咗，美股資訊，在google finance, yahoo finance, marketwatch, bloomberg都可找到。
|
|
86. LYC 2016-04-09 09:54:50
|
請問短炒王，美股沽空量大升，即是代表將會大跌嗎？如果係，等我下星期即時瞓身沽空幾十萬張道期，一鋪發達，做好心，俾啲tips我地，等我們唔洗收租咁煩，咁多租霸啦！
|
|
87. 蕭峰 2016-04-09 10:10:55
|
所以說引刀兄，同一單新聞，淡友只會看到淡的部分，比如銷售手法。
只有最差的3個單位調低售價1-3%，66個單位加價2-9.5%，冇唔記得，依家仲係跌市，尋緊底，發展商已經在加價。
|
|
88. Jerry 2016-04-09 10:48:12
|
謝謝醉兄提醒。小弟在研究，走勢上美股一直無法挑戰高位。不過我對winner takes it all 既股票有興趣. 做定研究，有機會時入，打算有些做long call。醉兄，昨晚阿爺加券商槓桿，點睇？
|
|
89. 市民 2016-04-09 10:55:04
|
唉！又劈，真係日日新鮮日日甘，走得快，好世界，新盤賣唔去，二手劈劈劈！瞓天橋底嘅懜炳就继續著住超人袍囗嗡嗡夢上火星啦！ 聰明人快D去買喇！準備上火星喇！
|
|
90. 引刀一快 2016-04-09 14:45:37
|
LYC兄
多謝關心，我身體好好，反而要擔心你健康，你日日喺橋底發功，我驚CCL未升，你D血壓就先升到上火星喎，你仲唔快D沽晒你D冥通道期。
|
|
91. 引刀一快 2016-04-09 15:13:40
|
To 87樓 蕭峰兄
你寫3個單位，我係睇漏咗，sorry。
不過樓價嘅嘢加咗嚟減亦係好常見，呢個盤嘅銷售結果岀嚟再討論比較合適。
|
|
92. 蕭峰 2016-04-09 16:37:13
|
引刀兄
其實重點唔係漏睇3個單位，而係你心中已經有想睇既野，對其他信息視而不見。
|
|
93. 引刀一快 2016-04-10 04:07:27
|
蕭峰兄
咁你就錯喇，我任何時候都唔會單睇一面之詞，大陸經濟差你有冇異議先？依傢D錢好難落嚟，呢點其實係推翻咗我之前班資囬朝嘅睇法，因爲時機上同大陸大量筍貨出現對唔上口。 個人估計，好多大陸人喺香港買落嘅物業，已經透過內地交易轉移到想走資嘅人手上，會唔會繼續下一步出逃？拭目以待。
|
|
94. 自我陶醉 2016-04-10 10:10:03
|
88樓 Jerry兄
卷商槓桿改革不一定是加大，因中證監也將以前沒納入基數的金融衍生工具加入計算，方便更有效管理風險，對各自卷商是否有利，要自己計計數，對股市影響我沒有數據不敢說是好是壞。
|
|
95. 蕭峰 2016-04-10 10:52:00
|
to 引刀兄 【星島日報報道】樓市現小陽春，一手樓盤銷情回暖。長實地產投資董事郭子威表示，紅磡維港．星岸迄今售出一百二十八伙，平均每戶涉資約二千五百萬元，亦有大手買家一口氣購入兩伙單位，涉資逾五千萬元。其中，三月至今約售二十套單位，當中一半買家為內地客。 你覺得大陸資金出逃，會逃去邊？
|
|
96. Jerry 2016-04-10 11:44:25
|
|
|
97. 引刀一快 2016-04-10 12:16:11
|
蕭峰兄
視乎出逃嘅目的，怕人仔貶值嘅有，怕俾阿爺追數嘅亦有，前者不一定駐留香港，後者多數最終離開香港。
依傢阿爺好有手段，走數冇以前咁易。
|
|
98. 蕭峰 2016-04-10 12:54:01
|
引刀兄，
我認同，內地資金出逃，hk唔係唯一目的地，但一定係其中之一。呢篇新聞就係想講，內地入港樓速度好似比舊年快左d哦（當然班有錢人想買既都係保值好野，二手大西北係冇興趣架。）
另外，前幾日有報導，賈慶x外孫女李紫x 去年11月3.9億購傲璇。
|
|
99. 引刀一快 2016-04-10 13:44:32
|
蕭峰兄
我講過好多次，如果冇BSD的話，CCL上180都好正常。
咁你覺得邊種錢監住征走15％都要出逃嘅吖？
3.9億？哈哈哈哈哈，拮魚蛋啫，紅哥個仔上年俾人喺美國扠住咗，當時身上摣住1000個呀。
|
|
100. 蕭峰 2016-04-10 14:22:26
|
|
|
101. 引刀一快 2016-04-10 15:30:28
|
蕭峰兄
我對“安全”冇咩需求，皆因我咩都係合法嘅，至于其他人點睇“安全”，我諗就好似一個人喺森林撞到隻老虎，邊條路易走就跑邊條路，會唔會踩到毒蛇、踢到胡蜂巢之類，都係後話，係咪？
|
|
102. 蕭峰 2016-04-10 15:47:07
|
我唔係想講安全問題，係你話內地資金要出逃，未必來港，而來港的資金，亦可能流走，我只係話你聽，出逃去oversea亦未必安全。
|
|
103. 引刀一快 2016-04-10 15:48:13
|
蕭峰兄
我懷疑我所講嘅“出逃”同你講緊嘅出逃，可能唔係同一件事。
|
|
App下載
