「買樓無分低水高水，要訣是無人買時你去買，炒樓最緊要輸得起，你有錢唔代表你夠膽！」由基層炒樓起家的鬍鬚余，以行動話你知，原來炒樓要有實力，還要心口有個「勇」字。撰文﹕陳天賜、陸振球 攝影﹕張智超
由洪水橋、屯門、元朗、西貢以至上水、粉嶺等區，均見鬍鬚余的炒樓蹤。近期他又有代表作，繼早前將持有3個月的上水新都廣場低層單位，以呎價4014元轉售，帳面大賺三成後，再將上水居屋彩蒲苑B座高層1室，面積484方呎，以128萬元售出，較2個月前的買入價83.8萬元高逾五成，短短2個月帳面獲利44.2萬元，呎價更高達2645元，成為區內二手新指標。
彩蒲苑2個月賺逾五成
「好多人話新界樓唔得，追唔到市區樓，但其實新界區好多小社區，只要你早幾個月一堆一堆趁平掃起，家隨大市起飛，升值潛力一流。」
近期積極於上水炒樓的鬍鬚余，早於數月前看準內地推出「一證多簽」自由行，已於區內新都廣場、彩蒲苑等被視為低水的屋苑掃入多個單位，加上自己公司一手一腳為客人將單位全新裝修，並設售後服務，令單位可以高於市價售出。「炒樓就係增值加升值，幫佢裝修好層樓，就可以更好價錢賣出。」
在訪問中一再強調自己來自草根基層的鬍鬚余，於過去十年的炒樓經驗中有他自己一套的炒樓哲學，其中自然不少得一個「勇」字。「我98至99年入行炒樓，當時我仲油漆工人，睇見當時香港引入不少外勞同我爭飯碗，自己諗點可以賺多錢。自己亦懂裝修，又識得一班裝修朋友，倒不如走去炒樓博一博。」
鬍鬚余最初以炒賣銀主盤起家。「初初入行炒樓，膽粗粗去拍賣場執平貨，都無好似家人咁起晒物業底，最緊要買得平，感覺就好似住火盆行鋼線一樣！」
低層單位反而最賺錢
市場一直覺得，低層或景觀較差的單位缺乏升值潛力，轉售能力亦低，不過鬍鬚余卻有自己一套看法。「天橋底都有人住，我話你知，低層、一樓最賺錢。」他稱，由於該類單位一般叫價較低，只要大市上升，買家因資金有限下，亦會願意購入該類單位，炒家亦可從中獲利。
App下載
