|
1. DSY 2015-11-17 09:12:52
|
團結基金為了取悅最基層的市民，而犧牲在過去辛勤工作，解決自己的住屋問題的人，不但如此，他們還會負上一筆鉅額債項，從而剝削他們上游的機會 Agree! 不知所謂，禍亂香港。甘次不只腳有病，腦袋病的仲緊要！
|
|
2. 笑啖渴飲 2015-11-17 09:14:40
|
博士放心, 我相信政府冇人會認真看待呢理董朝遺臣, 更莫講話影響房屋政策啦
|
|
3. 打工仔 Andy 2015-11-17 09:15:23
|
團金會的人實在太有腦了, 乜都唔使做工都唔使返就有屋住有車揸! 天才天才!
|
|
4. ABC 2015-11-17 09:19:43
|
|
|
5. ABC 2015-11-17 09:24:28
|
怕樓價跌的,只有係你地一班投機嘅人, 如果香港無左你地,
|
|
6. 如是 2015-11-17 09:27:01
|
此言差已，不是取悅最基層的市民，而是穩定社會。
過去政府土地供應不足，投資者趁勢乖虛而入，不斷買細價樓長線投資，使細價樓樓價狂升，迫使有自住需要的年青人將要負上一生債項追買蚊型樓。
請問博士你覺得這對未買自住樓的年青人公平麼？
|
|
7. ABC 2015-11-17 09:38:52
|
TO:如是
一D搵四五萬蚊嘅家庭, 都好難去追呢個瘋癲嘅樓市, 真係唔洗食咩? 青年人慘,普通家庭亦慘, 就算樓市跌兩三成都好多人好難買到
|
|
8. ABC 2015-11-17 09:42:09
|
基層家庭如果可以夠資格申請到公屋, 都未必真係想買樓, 普通嘅香港人只求有個安樂居所, 而家香港個個都覺得一定要買樓, 呢個基金都係鼓吹呢個風氣, 我唔覺會搞冧個市, 只會不斷將個市推高,推到火熱.
|
|
9. BC 2015-11-17 09:43:17
|
政府請不要再打破香港的核心價值。每一代的市民包括年青人或中年人都要奮鬥向上。這個城市才有將來。其實政府應該增加就業及想辦法提升人工。在這QE年代，市民怨氣才減
|
|
11. 楊正 2015-11-17 09:56:46
|
樓係要來住㗎。 住公屋好幸福。 政府同納税人冇責任幫能力不足的人買樓發達。 很多小業主都是克勤克儉 艱苦置業的。 輕率地犧牲他們 任意地慷他人之慨 公平嗎?
|
|
12. 沉默的一群 2015-11-17 10:05:27
|
其實而家感覺上，香港政府不但要取悅佢地基層，而係前世欠咗佢地，予取予求。
而再加上媒體的錯誤引導(成日話唔食唔着要幾多年咁)，從而令到欠分析能力的年青人怨天尤人，失去咗力爭上游嘅心。
有時遇到年青人傾偈，佢地講開話儲唔到錢嘅問題，我都會問「你地用緊咩電話？」 「I-phone囉」 「........」
|
|
13. DSY 2015-11-17 10:10:25
|
TO ABC 現實生活就是殘酷，優勝劣汰任何時候都存在。香港已經有三公制度去補貼基層，全世界都無香港做的甘到位，以至於D父母講的出叫政府補助小朋友讀書的電費及出國費用，否則就是不公平和歧視！現在基層要求政府補貼，實質上是納稅人的錢去供他們置業，你覺得這種不勞而獲又公平了？ 公司有同事80後剛剛辭職放棄40萬年薪，原因是去申請公屋了，香港變成這樣就是穩定了嗎？ 我絕對支持政府多建公屋給基層居住，但絕對不是替他們置業！樓是用來住，無錯，但是不要貪得無厭！
|
|
14. Johnny 2015-11-17 10:10:54
|
團結基金建議從根本上解決香港住屋問題。有何不可？市民連住都無得住唔作返就奇，近年社會動盪就係甘黎。
|
|
15. 如是 2015-11-17 10:19:56
|
To 9 樓，
香港已是就業率最高的地方了。
人工加夠雙倍好未，但樓價到時升多人工雙倍了。
To 12 樓，
這是教育失敗的地方，不能觀輸正確的道德觀及人生觀。
|
|
16. 爆? 2015-11-17 10:21:06
|
本港經濟近期有轉差迹象，不少專家預期樓價將有下調空間，還看過去16年，原來香港樓價不知不覺間飆升逾2倍，租金亦上調77%。據政府統計處最新資料顯示，截至今年第三季，全港共有2,725,900個住宅單位，其中公屋單位有782,747個，而截至今年3月有2,143,985人住在公屋。
資料顯示，假設本港1999年平均私樓售價為100萬元，截至今年9月已飆升到305.9萬元，增幅逾2倍，其中以400呎以下的細單位升幅最勁，達338萬元；而以實際金額計算，今年9月份港島區400呎以下細單位平均售價為606萬元，九龍區及新界區分別為478.7萬元及431.6萬元。
私樓價高，其租金亦不遑多讓，截至今年9月私樓租金，較99年上升77%，其中400呎以下細單位更升近93%；以實際金額計算，今年9月份港島區400呎以下細單位平均租金為17,436元，九龍區及新界區分別為13,725元及10,932元。
|
|
17. Alan Pepper 2015-11-17 10:25:39
|
團結基金為了取悅最基層的市民，而犧牲在過去辛勤工作，解決自己的住屋問題的人
這是總結吧。這星期看到很多評論，最 to the point 係呢句。
看來團結基金不能忽視，如當初沒有賣公屋/居屋，這方案真有其好處，但亦應有限制，例如不能如私樓一樣買賣，買者都需要合某些資格，方能保持這項民生政策目的，係安居，不是投資。但可惜已成事實的不容易更改。
|
|
18. TO:DSY 2015-11-17 10:32:22
|
好可悲呀... 一年搵四十萬都要去申請公屋...
我都覺得要建多D公屋俾基層, 其實佢地真係未必想買番, 而家住公屋真係天賜嘅禮物, 要佢地買, 佢地又何苦要揹筆債响身呢? 有屋住又平租, 可以住過世又何妨?
|
|
19. Alan Pepper 2015-11-17 10:35:23
|
To 14 Johnny
這計劃是零和遊戲，沒有增加供應的。賣樓的亦會變成無樓，請不要誤會可以改善民生。
其好處，係能釋放浪費的資源。
但方法就要犧牲之前辛苦儲錢買公屋居屋的人。對這批人公平嗎？
|
|
20. 問題 2015-11-17 10:44:57
|
究竟是要解決住屋問題﹖一或是要解決置業問題﹖ 為何要8成人置業﹖理據在那﹖ 不置業就無屋住﹖ 年輕人在未有經濟基礎下不能置業就是不公平﹖
|
|
21. TO 18 2015-11-17 10:50:33
|
我古到有人甘講，年薪40萬都要申請公屋。這個正正是可悲的現象所在，年薪40萬分明有置業的機會和能力，但是貪圖享樂不肯勤儉，加上公屋相對性價比更高更快捷使我們的年輕人作出如此天天向下的決定。政府當真要鼓勵人人不做李嘉誠。。。既仔（因為李嘉誠白手起家太辛苦了），就做三公嗎？ 這次基金會的口號是8成人置業，所以才會有樓主和我們這麼多層主出來。如果是8成人，甚至全民上樓，我們只會鼓掌！
|
|
22. 西門吹雪 2015-11-17 10:53:42
|
唉~成日都話幫D公屋戶!! D中產就真係慘。樓又唔係個個買得起，稅又交最多，咩鬼福利都無。家下仲話要幫埋基層買樓! 到頭來公屋戶就享漁人之利，臨老仲可以賣左層樓等下一代富貴。交最多稅既最後就咩都無... 如果真係咁，我駛哂d錢，遲埋份工去攞宗援住公屋仲好。可能到死，留比下一代既仲多...
|
|
23. ABC 2015-11-17 10:59:34
|
TO:21
有置業能力唔代表一定要响呢個瘋癲樓市下去置業, 四十萬年新, 話多唔多,話少唔少, 仲有好多人要養家...
|
|
24. ABC 2015-11-17 11:03:52
|
|
|
25. Alan Pepper 2015-11-17 11:05:11
|
To 21 & 23
這計劃好像年薪40萬的中產最不公平啊，未經大腦講的，讓我想想
|
|
26. DSY 2015-11-17 11:11:22
|
To 23 我point不是叫她在這個“瘋癲”的社會置業，而是可悲福利制度在鼓勵人們不努力先可以過的更好！不公平早就存在，現在居然要更不公平！
|
|
27. 望東樓 2015-11-17 11:17:56
|
我相信市場，越多行政干預只會引發更多經濟及社會問題。但由於香港現今已經有大量房屋上幾乎可以話不可逆轉嘅干預，我哋只可以衡量邊隻係俾較對自己好嘅魔鬼。 如果有人可以話俾我聽現時公屋租值係benchmark緊市值嘅幾多巴仙，咁我可以試下用discounted cashflow去評估下邊個方法對立稅人抵啲。
|
|
28. DSY 2015-11-17 11:20:06
|
To 25 40萬算個乜鬼中產，我兩公婆稅都交3，40萬都不敢自稱中產，最多叫假中產/偽中產/准中產咯！我們每日工作12-14個小時，連小朋友都少陪，有時候念下真的不如三公舒服，人活一世，住不過三尺，食不過二兩。如果真系好似基金會甘搞法，都好！唔使猶豫唯有移民,養三公不如生多幾個小朋友!
|
|
29. 真真薯片 2015-11-17 11:24:02
|
梁特上台前大疾呼要解決樓價問題
時隔三年, 在下見到白居二同辣招微調換樓客可以新樓入伙先賣舊樓, 兩項政策分別令CCL升10-15點, 結果上車盤比梁特上台前升足一倍
董伯既八萬五其實從來冇實行過, 佢任內既高供應全部係港英規劃好, 係董伯任內推出, 再撞上金融風暴, 97-03樓災賴晒董伯其實係逼佢食死貓, 不過此人冇口齒, 講過唔算數, 冇提好耐當冇左
睇完董伯分團結香港基本建議, 在下既感覺係, 你個仔不嬲考試次次唔合格, 每次考試都係攞30分, 佢今日突然同你講, 佢整左個計劃, 跟住計劃將來考試會攞100分, 你信唔信佢得?
奇就奇在, 香港竟然咁多人信, 仲引起廣泛討論, 香港人真係易呃
|
|
30. 過路人 2015-11-17 11:28:54
|
其實咩政策都係會影響既得利益者, 以房屋做例子. 好似新加坡有佢地既遊戲規則, 係就係解決到房屋問題, 但套用喺香港度就唔work, 因為咁樣會完全顛覆既得利益者(例如以房屋黎做避險, 保值,收租)果批人. 但另一方面上一代已擁有多個物業的, 不論是商業用途或住屋上不斷加租, 每個月穩穩陣陣收租. 這樣又對新一代公平嗎? 至於樓上有師兄講話團結基金會令到年青人唔爭取向上既心態, 但實際上現在除了大企業壟斷外. 年青人向上流既空間已經變得狹隘. 就好像各國不斷出QE. 直接影響中下階層. 不斷通脹只會不斷蠶食中下階層微薄的收入不資產及資金回流去大企業內. 係咪有咁多機會俾年青人呢? 老一輩唔退落黎, 新一代又點會上到位. 就好似區議會咁樣….黎黎去去都係果班人咁滯…. 拉遠左少少, 或許….某一類實呎或價格的房屋必須與入息掛鉤, 樓價最高唔可以超出收入水平既若干倍數. 又或者需要檢討首置印花稅都係個人認為可以研究的地方
|
|
31. 望東樓 2015-11-17 11:33:45
|
冇錯，而家香港社會係對果啲響下層但努力工作嘅人非常唔公平。你唔做政府養你冚家成世，但你努力就食自己。有日響大坑食飯聽到隔離條友溝女，大大聲話佢住唔知公屋定居屋，條女有冇因而受溝就唔知嘞。但條友講得出咁起碼佢自己相信呢個係selling point。
|
|
32. Alan Pepper 2015-11-17 11:37:59
|
To 28 DSY
我早幾年就係講咗你呢句說話，比朋友話同社會脫節，不食人間煙火。40 萬在香港統計學上係中產。
|
|
33. ABC 2015-11-17 11:41:04
|
個市場係懲罰緊一些努力工作又唔識投資只懂儲錢嘅人, 根本淨儲錢你都追唔到個價, 其實追到又係咪好事呢?
|
|
34. Alan Pepper 2015-11-17 11:41:59
|
|
|
35. 打工仔 Andy 2015-11-17 11:44:45
|
Alan, 團金會想將政治問題用房屋解決, 超有腦! 有好多人在内地有屋有車都回港申請間公屋, 真係你唔要就笨了! 所有政策都為基層, 唔係話錯, 不過好似愈來愈過份!
|
|
36. DSY 2015-11-17 11:58:09
|
To Alan 沒什麼值得恭喜，一直覺得“如果連自己的小朋友都無能力親自陪伴他成長，絕對不是什麼成功之人”哦好吧，你只說我們高收入，並不是成功，哈哈！just jokking 再講個律師朋友，住港島，返中環，小朋友返九龍塘。於是這位爸爸每日駕車送仔返學再返工，每日來回隧道4次，中環park車200蚊每日。我問他點解甘選擇，他說因為唯有lee個時間可以陪下小朋友 sigh so還是三公好！ 自己都有這種想法，相信很多人都如是，這。。。正常嗎？ BTW變成假中產訴苦，抱歉抱歉哈哈哈
|
|
37. 望東樓 2015-11-17 11:59:47
|
如果用真真薯片君嘅考試分數比喻應該可以演繹成考完試派卷，有人由於各種原因得到100分，但又有人好不幸咁基於不同因由而肥佬。於是老師話而家有人零分又有人好高分令到成個班房好唔和諧，以後不如咁啦，你只要成績唔抬蛋學校就將你嘅成績轉換成當次考試平均分嘅八折。咁咪可以提高你嘅學習動機，促進同學間和諧。你話可唔可呀？
|
|
38. 真真薯片 2015-11-17 12:21:14
|
其實大家不必爭論董伯份報告, 佢都係幫689做勢而已
董伯分報告基本上只係講將未來既樓分做幾多類, 然後每類點樣賣比咩人
樓價高既問題核心係樓宇供應大數唔夠, 供應夠先係重點, 點樣賣係次要問題
至於點樣增加供應, 董伯一句開發郊野公司就算, 死得啦, 最難果樣講果樣, 等佢搞得黎, 董伯個孫都可以選特首, 所以在下覺得成份報告根本係煙霧, 主要係用黎向松松發炮講689果派都有樓市政策而已
|
|
39. 如是 2015-11-17 13:01:16
|
絕對同意 17/F Alan Pepper
方案應有限制，方能保持這項民生政策目的，係安居，不是投資。
|
|
40. wrong message 2015-11-17 13:27:04
|
If property is only for self-occupancy, just put a limit on how many one (including his sole private company) can own.
|
|
41. 如是 2015-11-17 13:28:58
|
福由心造，若持續爭拗不斷，惡言相向，可見將來香港再不是福地。
|
|
42. 823 2015-11-17 13:30:27
|
Agree 博士 , Tung kin wah team like to make noise . but turn out do the bad thing to HK.
|
|
43. ERIC 2015-11-17 13:41:30
|
香港政府又唔係普選. 做高官既有幾多樓大家心照. 千絲萬縷既利益關係, 會為左基層60%既人去得罪30%中產&10%高層? 大家齊齊D錢唔見晒? 做多錯多?
黃絲開口埋口講打倒共產黨, 憎死中國人,
到有團結基金, 同您講有個共產化的樓宇大計. 就開心到震.
但都要睇下689頂頭中央, 都要支撐樓去支撐經濟. 除左長毛上台會甘做. 您估香港邊個高官會令自己錢包D 錢小一大截去討好基層?
|
|
44. Bosco 2015-11-17 13:55:49
|
政府應該建多些公屋，而且質素只是提供最基本的就可以了，用1千幾百的租金租出去解決基本住的權利。但沒有置業的需要，送契送樓就變左利益輸送了
|
|
45. 中產求生隊長 2015-11-17 14:25:33
|
博士的文章是點出了問題的所在，只是只要每個買樓人士都做好哂十級防禦，只是那些冇乜錢又冇供款能力又要買私樓的小數人士會出事吧。
團結基金的建議其實是老箽主意的延續，遠境雖好但卻不切實際，除非你的確能做到幾年內全部香港人都有平樓住，否則講D根本做不到的事又有何用？ 又如果當你知道遲D每人可以分派一層政府資助樓住，咁等於全港私人樓都唔使指意有人買，D政府地又冇人投，即等於政府冇左七成幾收入，你知否每年資助補貼給公營資助房屋的開支有幾大？一時整呢様、一時又搞個様，搞個鉛水又要加人比錢不停，福利這樣當然係可以短時間獲得掌聲的慢性糖衣毒藥，政府福利支出又大增，到時加稅，但經濟就越來越差，政府長遠眼光應該沒在將香打做成超級大都會。巿民又享受到經濟增長的成果，人工年年增幅高於通脤。
|
|
46. 惜緣 2015-11-17 14:27:19
|
唔改善亂霸佔公屋的情況， 起幾多公屋都唔夠， 聽聞: a. 如打工仔兄所講， 好多人內地有樓有車， 有d內地仲有農場、酒店， 都申請公屋。 b. 有父母係香港有幾層樓， 佢地兩個仔各有一間公屋， 其中 一個仔已經移民， 佢地父母就搬去公屋住， 將原本住的私人樓租出去， 收多萬多元一個月。 c. 有d老人家原本有幾層樓， 將樓轉名俾仔女之後， 又去申請公屋。 等等……………………， 真係苦了一班真正有需要的人士。 再者，政府只需要解決住屋問題， 而沒責任幫市民解決置業問題。團金會的理念在鼓勵不勞而穫，在下睇來， 這才是真正的分化香港人，如果成事的話， 我敢講香港將會變成現在的希臘， 甚至底特律。 因為，我相信好多人會用腳投票。
|
|
47. 真真薯片 2015-11-17 14:35:42
|
同意eric兄講, 香港政府高官自己就係投資者, 冇可能推低樓市, 至於北京政府態度, 睇大陸一線城市就知
不過都唔排除有可能係中港政府唔想既情況下出現跌市, 例如美國加息加出亞洲金融風暴第二集, 中國人民幣實施自由對換後被狙擊, 都唔係冇可能, 不過人算不如天算, 邊計到咁多
|
|
48. 等待人 2015-11-17 14:56:32
|
|
|
49. 等待人 2015-11-17 14:56:58
|
|
|
50. 益基層，損中産，下下房策 2015-11-17 15:06:11
|
除非政府提供極大折扣，基層户是唔会買的。
若提供極大折扣，就只是獎勵公屋富户和公屋騙子户；对全港私樓中收入住户就如施于酷刑。
為了連任，又玩假大空了。
|
|
51. musicfreer 2015-11-17 15:38:44
|
|
|
52. 打工仔 Andy 2015-11-17 16:09:10
|
|
|
53. Alan Pepper 2015-11-17 16:19:18
|
|
|
54. 鄭家純料樓價未來半年上落一成 2015-11-17 16:20:43
|
而地產商現在集中興建細價樓，在超級「細價樓爆煲論」出了以後，地產商立刻失了方向，不知以後何去何從。
【17】鄭家純料樓價未來半年上落一成 星島日報 – 2時51分前新世界發展(00017)主席鄭家純表示，本港樓市取決於外圍經濟及供需問題，即使美國加息，料其幅度及速度溫和，對樓市影響有限。他指出，政府過去數年加快推地，未來供應量增加，整體樓市受壓，但因本港樓市剛性需求強勁，加上發展商建築成本較高，所以對香港樓價不會有太大下跌空間，預計樓價在未來半年有一成上落。 鄭家純提到，政府應重點增加公營房屋供應，協助市民上車，滿足需求，對於有建議將郊野公園改作興建住宅，他表示支持政府於郊區建公營房屋，不過，前提是需視乎地段。若在不影響環境及環保情況下，開發部分郊野公園，可解決住屋問題是「何樂而不為」。因建公營房屋有效增加房屋供應，對置業有困難的人，會增加上車機會。 他表示，集團會按計劃賣盤，目前仍達標，無意調整今財年合同銷售額達100億元的目標。他又指，投地策略亦無改變，坦言內地發展商加入戰團來港搶地的確會拉高地價，但相信會處於合理水平，因地價過高，無發展商願意投地，對投地前景審慎樂觀。此外，鄭家純稱，集團有意以獨資或合資形式，參與港鐵(00066)旗下日出康城9期項目發展，惟暫未有定案，要視乎補地價水平。 另外，被問到新創建(00659) 旗下新巴及九巴明年會否加價，他指要視乎收入及財政狀況才能決定。至於加薪幅度將跟隨市場走勢調整。(nc)
|
|
55. 狗頭貓 2015-11-17 17:37:11
|
如果在實驗室種菌 , 生長停頓 , 只要加點養份 , 便會次方式生長 , 直至用盡養分 , 又停在原本狀態 ,但菌量倍增 。 團結基金的意見 , 未能解决問題之餘 , 更製造需求 , 散播不買樓不行訊息 ,使問題惡化。 反而釜底抽薪 , 說明政府能力及起公屋速度 , 要則耐心輪侯 , 要則自已解決 , 或考慮自己是否再適合留在香港 , 福利是雞肋 , 食之無肉 , 棄之可也 , 則很多問題有望減輕。
|
|
56. 如是 2015-11-17 18:19:16
|
世人善惡自不能見，吉凶禍福，競各作之。身愚神闇，轉受餘教。顛倒相續，無常根本。蒙冥抵突，不信經法。心無遠慮，各欲快意。迷於瞋恚，貪於財色。終不休止，哀哉可傷！
|
|
57. 董生效應 2015-11-17 19:17:14
|
|
|
58. 打工仔 Andy 2015-11-18 07:40:25
|
|
|
59. 劉波第 2015-11-18 07:56:32
|
所謂『慈不管兵，善不管政』，董伯伯個人太和善啦，根本唔係一個做特首嘅人才，要明白，當你要管理一大班禽獸嘅時候，你一定要比禽獸更加禽獸先得。
如果我做特首，你哋呢班友仔就大鍋了, hahaha
|
|
60. middle middle class 2015-11-18 12:06:53
|
團結香港基金會提出那些不圑結香港人的建議，可見其心之險惡！
|
|
61. 4466 2015-11-18 12:51:47
|
|
|
62. 引刀一快 2015-11-18 15:58:14
|
點解香港冇大陸咁多恐怖食品？ 其中一個原因就係社會福利，大陸好多人要諗住搵夠養老，怕睇病都冇錢，所以咪忘記咗良心囉，凡事有利弊，多角度思維比較好。
|
|
63. TC 2015-11-18 17:58:37
|
to 62/F 只不過係HK既Quality control比CHINA好姐
|
|
64. Warwick 2015-11-18 20:01:47
|
1. 香港增加1-2%居住土地.使樓價回到市民負擔能力範圍.不致一世做樓奴.沒有不妥. 2. 真正怕樓價跌的,只有手上持有多個單位的投機者.
|
|
65. 如是 2015-11-18 22:14:16
|
乃知人之為善。不論現行而論流弊。不論一時而論久遠。不論一身而論天下。 現行雖善。而其流足以害人。則似善而實非也。 現行雖不善。而其流足以濟人。則非善而實是也。
|
|
66. 向饭民说不 2015-11-18 22:51:07
|
64楼，其实业主并不会反对用1,2%郊野公园的地用来起楼，不过你问过环保穷人未，还有为破坏而破坏的饭民未。更重要的是，政府班废材点推销这些政策呢？
|
|
67. 無言 2015-11-19 17:05:45
|
請清楚阻礙發展土地係乜嘢人....巳是業主大部份不會阻止政府發展土地,,只要公平地保障巳有權利便可。職業抄家梗不會阻止,.單邊升梗不合利益,,唔係呢年抄家口風點會轉軚,,寧願長玩長有。仲有長升市原兇是QE,,,職業抄家是幫兇,,大部份業主只望能保障辛勞成果,唔想不明不白失去。 還有,,有其他合適商機,,邊個想只抄樓維生,,風險咁高。營商環境咁差,,政府要負40%,,,其餘咪只有阻撓,,不會建設的神人。 香港不缺人力,只缺人才。 共檢之
|
|
68. 歷史長河 2015-11-19 18:27:29
|
無言兄，今日跟你學到嘢-單邊升不符合炒家利益。醍醐灌頂！
|
|
App下載
