地產博客 > 文亮言 返回
瀏覽人次:34807    回應:15
文亮言

獅子山學會晚宴

 

湯文亮博士

紀惠集團行政總裁
2015年11月5日

  昨晚獅子山學會晚宴,我有幸坐在財爺隔離,不過,就很少交談,因為財爺同另一邊的鬼佬傾計,我又同另一個鬼佬傾計,這是基本禮貌,晚會有四個人演講,他們三個都有講,我則沒有,我曾經講過一年,很辛苦,唔好再搞我,食飯好過。

  宴會有很多記者朋友參加,他們見到我就立刻Whatsapp,要求下星期做訪問,很多時我都會對記者說,其實唔需要做訪問,睇我的文章便可以,他們都會回答,面對面訪問,可以採取主動,可以更深入一些了解,例如財爺在較早前在網誌說,當確認樓市下行,便會調整一些現行樓市政策,很多報章報導是減辣,嚇得CY立刻跑出來大叫不會減辣,如果是一個訪問,記者就會要求財爺說明是什麼政策,因為,辣招是政策,逆週期措施亦是政策,辣招是不能撤,但逆週期措施是可以因應環境而調整,兩者分別很大,所以,一個訪問以及網誌是有分別,記者又說得冇錯,不過,不能夠日日做訪問,但網誌就可以經常更新內容,可以日日睇。

  我沒有問財爺幾時放寬逆週期措施,因為,我知道財爺是唔會講,不過,財爺是知道那些買了新樓,而又沒有將原有物業出讓的巿民,在財務安排上將會遇上困難,他們有機會被迫放售原有的自住物業,二手樓的供應亦會為此而增加,在大量供應增加之下,樓價就會下跌,這是政府的如意算盤,所以,我認為在短期內,逆週期措施未必會取消,不過,亦不需要太久,因為如果政府唔調整逆週期措施,有心買樓的人都冇能力買,做成樓市承托力不足,樓價大跌,變成硬著陸,這又非政府所願意見到的事,諗吓諗吓,財爺食完頭盤走人,我又要跟大隊去送客。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 如是 2015-11-05 08:56:08

湯博士你話過頂盡跌兩成,兩成只係調整而不是大跌,政府不會為兩成調整而逆週期措施。

何解跌得越多反而冇能力買?發展商到時會推出更多付款方法。

2. 大寶二寶 2015-11-05 09:16:09
請看看:

1. 過去買樓花而準備今明兩年入伙嘅有幾多係樓換樓

2. 而呢D樓換樓人仕係採用建築期付款

3, 而呢D採用建築期付款人仕係唔夠實力係新樓入伙時同時hold 兩間新舊樓

試問 after 1 and 2 and 3 七除八扣後有幾多业主要被迫平售自己舊单位?

共計之,哈哈!


3. 打工仔 Andy 2015-11-05 10:17:04
美国佬快加息, 財爺安樂晒了!
4. 真真薯片 2015-11-05 10:23:49
大寶二寶兄條數冇錯

早一兩年買新樓者, 基本上絕大部份都係業主買多層, 問題係最後有幾多人上唔到會, 除非真係供唔起兩層, 否則應該唔會有人賤賣, 如果供得起, d人會為左避辣招稅本來係換樓都死頂揸兩間, 放租又好加親戚名一齊供又好乜都好, 總之就死頂

咩情況下先會賣? 如果兩層樓一齊跌兩成, 新樓蝕到入晒肉將舊樓賺果浸對銷晒, 其中一層想放租又租唔出, 靠自己份糧死頂供幾個月再加息, 咁就會賣樓啦
5. 好笑 2015-11-05 10:45:04
又見到人計死數,旺市時,唔使好多人都可以搶高價,跌市時,唔使好多業主都可以踩冧個市,明未?不過,有人只會計升市個PART,跌市個PART又唔同計法,所以咁好笑。
6. Desmond 2015-11-05 10:48:50
4樓薯片兄,你如何知道這一兩年買新樓者絕大部份都係業主買多層而非樓換樓?
7. To 6 2015-11-05 12:46:19
佢話係咪就係囉
8. 蕭峰 2015-11-05 13:15:30
其實樓市跌,最直接的原因除左加息,就是失業率上升,近排好多裁員消息(包括某大銀行),呢d先係死位,冇左份糧,揸住兩層樓,自住一層,如果另一層係樓花...... 
9. 如是 2015-11-05 13:15:48
只會同情細樓換大樓。
買多層細價樓不值一屑。
10. 真真薯片 2015-11-05 13:27:41
Desmond兄,

樓換樓同有一層買多層, 技術上係一樣,  就係揸左兩層, 只係心態上唔同

在下估計大部份買新樓既人都係有舊樓, 原因簡單, 因為早排d新樓開價貴, 一般人靠打工係難以付擔, 主要係買過樓贏左錢既人最有動力(贏完想再贏)同資金去買新樓, 所以新樓業主多數都有層舊樓, 不過博士認為佢地新樓上會將會遇上困難而被逼賣舊樓, 在下就認為大部份業主會死守到最後一秒而已
11. AH-HO 2015-11-05 14:28:17
其實之前好多新樓的即供價比建期價會有幾個%的discount,有一個甚至有10%,提早一年多就可以省幾個甚至10%,以宜家2%的供樓利息來看,比較多的人會是用即供價馬上上會,特別是用家。而過去我瞭解到的都是選擇即供的比較多。
比如日出康城3期,有6%discount,但樓花期1年都唔夠。。正常都會用即供。。

所以就算宜家收樓,呢D買家應該已經習慣了供2層樓了,銀行也同佢地計過數。只是心理壓力可能大一些,沒有財政壓力一定要馬上放樓。
12. 打工仔 Andy 2015-11-05 18:33:12
AH HO 兄

我都相信你講這個情況的確不少! 
香港大多人都是理性的!
13. CD ROM 2015-11-05 23:10:58
上唔到會被迫平賣,唔會發生係有條件去揀即供兼揹得起兩份會既人。但我好奇,点解大家一致認為呢類人係估買家大多數呢? 實力雄厚,但偏偏係樓市最旺而新樓未抵買既時候,去買新樓?

我寧願相信,實力平平換樓人仕,因心雄而相信舊居升幅跑赢即供節扣,繼而買錯邊焗現刻平賣舊居上會兼入伙。呢種人只考慮一直上升軌道既情況,
14. 神算 2015-11-06 00:06:28
不如話埋其實第一間已經供完,或者突然中咗六合頭奬啦!唔計好條數就去搏,呢啲唔係叫投資,要做啲咁嘅操作亦唔應該喺呢啲呎價水平去做。
15. CD ROM 2015-11-06 01:56:00
神算兄,無你意料不到的人,又何來你意想不到的結果呢?