占士師兄太抬舉了,只係口痕來吹下水,跟大家學習,以增見識。
所謂宏觀,好多時候都係common sense,說來汗顏,到目前為止,所有投資決策都是出於直覺,還未能發展出一個有系統model,仍需為此而努力。
今時今日,仍有很多人看不起祖國,特別係香港人,呢個觀念真係要改一改。89至今,祖國由窮到PK嘅落後國家,一跳成為全球第二大經濟體系,我同鬼佬朋友們傾,佢哋無不偑服到五體投地,反而同華人/香港人傾,佢哋多帶藐視。祖國太多衰嘢需要批評,但亦有好多好嘢值得欣賞。祖國已經冇得返轉頭,只會越變越好,點樣駕馭13億人口,就要考共產黨功力。最近有篇文章《一個廣州人看香港的浮沉》,不妨一看,當中很多觀點值得港人深思,雖然篇文有d似中共喉舌。
正正因為相信祖國已經冇得返轉頭(你叫大媽們去返老毛時代咁捱窮得吾得呢),所以,A股長遠來說絕對值得投資。
吾好再俾香港過去嘅光環局限自己,喺現今廢青充斥嘅年代,我哋點同國內嘅菁英fight呢?保住「特區」嘅地位,方為香港最佳出路。2007年時上海嘅朋友曾透露,魔都不斷有人上書中央希望能取代香港嘅對外窗口位置,老江想試,但吾夠膽明目張膽(反老鄧路線)。今時今日,魔都早已不放香港在眼內了。水向低流,香港吾夠卄年已被祖國吸乾。
香港樓價仲值咁貴嗎?值,只要保住「特區」同「法制」兩塊招牌,話之你冇工業冇實業。因為,背後有13億開始富起來嘅人民,等緊過來享受「自由空氣」。目前,共產黨對於「自由」絕吾會鬆手,13億人,佢賭吾起。所以,香港仲有些少時間優勢,而將來其中一條出路,就係成為一個「渡假」城市。
所以,任何侵害呢個城市「自由」嘅舉動我都反,例如23條。無他,自私,出於保護自己個人財產嘅「價值」,哈哈!
自由,先係呢個城市最值錢嘅地方(同祖國比),盼所有香港人明白。簾潔已毀,大家睇路,當你見到「自由」都不保嘅時候,咁呢度嘅樓就吾係一個值得投資嘅好工具。
商品炒作方面,來去都係玩「供求」二字,其中一個重要因素係睇季節,以油價為例,冬天咁嘅價,咁夏天呢?產品售價低於生產成本價,呢種情況可以長期維持?所以見到習大大冇雷公咁遠走去同人傾石油,就知係時機落注買。
賺到少少純粹符碌,絕吾係乜嘢成功之談,反而好多謝大家(特別係博士)嘅無私分享,令我知道其他人嘅諗法。
學無前後,達(財務自由之境)者為先,共勉之!