环保电车，Telsa 与时并进

　　笔者自小便是车痴，自18歳便考获电单车及私家车牌，年少时候很穷好早便投身社会工作，加上住新界，上班路途远，一考到牌便买架二手电单车代步，省时省车费，刚满廿岁便买左架钱七(坏冷气)做车主，记得那时候是1992年夏天热到飞起，买入一辆本田雅阁$3500蚊便搞掂(成十几年车龄)一尝做车主之味非常happy，因当年工作关系笔者系地盘佬，做一个小小判头经常去唔同地盘睇site做工程，开车已经系工作必须品，从那时候开始，累积很多买二手车经验，算一算近廿多年来都买过几拾架车(新车祗占数架)，基本上朋友买车都会call我帮手睇下，其实因爲自己爱车，仲专诚去工业学院呀，理工学院攻读夜间机械工程，了解内燃机进压动排原理(进气，压缩，动力，排放）了解下点解架车会行嘅原理，对两个车辘，二冲程failing车，4冲街车，爬山车(大鸡)都系爱好者，至於4个辘2门，4门，开逢，房车，桥车，七人车我都爱研究(除左super car玩唔起)。

　　近十多年因工作关系，经营代理生意经常须要专车接送车客看楼，早两年有十多家分行的时候，每间分行配备一两架车接客睇楼，都夹埋成廿部车，笔者作为车痴其实某程度上非常开心，但系月尾找油卡费用，就非常肉痛，加上定期保养维修，真系整车都整到穷。近年政府出辣招对代理生意影响大，公司开源节流，分行减到低过十间，精兵制，但是车对豪宅代理是必需品，所以豪宅分行都仍然保留车队刚刚有部平治s糸房车退役，笔者正在头痛买乜车好，要平靓正！

　　於是就问一位超级车痴老友，他是JPG改装车专门店老板，他是收藏家，收藏的靓车多不胜数，有多辆绝板NSX，新款GTR限量板，最新EVO落场板(200万改装)古董开蓬玻子，仲有好多劲野，篇幅有限不能尽录，他告诉笔者2015年呢部车一定系销量No.1的最佳汽车，识车嘅人一定识得买，呢部就系Tesla.Model S.迟d有部model X仲正咁话。

　　我听到之后完全冇反应，因爲我都唔知乜野系tesla.完全陌生，因为tesla完全冇广告，静静起革命，车痴的他就非常焦急告诉我，美国车，纯电池推动，早两年股价40几蚊，而家升到250几蚊美国总统奥巴马力撑支援那部tesla呀！讲到咁劲，我真系唔识，重话系电动车，一想起电池容易打柴，都冇兴趣，不过车痴老友咁强劲推介，回到公司上网睇下。

　　点知一睇就看左半日网站及youtube的料看晒咁滞，部车真系好吸引即时中毒，第二日就去左浅水湾show room试车一上到架Telsa model s 85，已经好科幻，全部自动化，成架车系冇任何开关制，99%系用touch screen 操控！一比油，冇声冇息，就如夺塞野马，G4力量强力扯背，劲道十足，軑盘操控软硬适中，制动系统灵活易收制，试左三分钟，赶紧返去show room落订，因为个年青sales话只净返最后一台现货，我心想其实自己中晒毒，都唔冼sell啦！

　　但是sales告诉我，如果冇现货就要等半年到年尾先有货，哗！即刻就落订，架车基本约70万，加埋一d装备约80多万，如果订齐料就过百万，话咁快唔冼一个月就取车，笔者楂左几日，已经习惯冇引挚声音，非常宁静，呢架tesla就像苹果手机，改变人传统使用车辆既习惯，冇左汽油，机油，水，引擎声音，冇波箱，只用一个齿轮行车，一个电摩打，就是这样简单，用380伏特义电只需一小时便行400公里，笔者车泊在公司奥海城停车场充电完全免费，运输处牌费约1000元，平过电车，站在油费及维修保养，基本上系冇费用，过多几年电单车价格普及化，坊间传统汽车维修店仲边有车要整，例如六年以上私家车要去政府指定验车中心验车，check废气排放，电车边有废气排放，基本上没有内燃机（冇油缸冇电油），大吉利是撞车都唔会爆炸，安全好多！唯一未知道是电池耐用程度，tesla车厂话电池用8-10年，实际可以用几耐，等笔者楂几年便知道！