地产博客 > 功。德。言 返回
地产 政治 经济 军事 社会民生 管理、销售与推广 营商 思辩 文史哲 媒体 教育 法律 生活随笔 旅游 旧文新编 比较满意的文章选集 香港的致命伤 中原往事 其他
浏览人次:9946    回应:0
功。德。言

比较满意的文章选集(289)

 

王文彦

怡居地产常务董事及
中原地产创办人
2015年8月13日

想测试您自己洞察问题的能力吗?(2)

(原文发表於200941)

 

测试一已经完满结束,现在要进行测试二。另一个辩论环节亦源自《领导人低头拉车有时无可非议》,测试二将就这个环节的回应开展,详情如下:

 

回应1:自荐2009-02-10 20:12:35

 

想知道多年来怡居有几多间分行,是否越开越多,越做越大,有甚么战绩,请王先生道来。

 

回应2:睇唔过眼既人2009-02-12 01:24:45

 

哗好心王文彦有d自知之明喇.... 条友静系识怪d员工质素差, "无可用之将,复无可用之兵", 但又唔反省下佢依个所谓高明统帅有几不知所谓, 喂又唔见施永青黄建业佢地呻冇人才可用?中原美联系佢地两个带领下越做越好越做越大, 相反怡居系拥有行内绝世武功既高明统帅英明领导下越做越细(沙田怡居由以前有几间分铺缩到依家得番银禧一间!!) 如果真系好似王文彦所讲"香港雇员的素质江河日下","无可用之将,复无可用之兵",咁照道理施永青黄建业都应该会遇到依个问题喇, 咁点解人地会做得咁好呀?系佢地有用人之明定系王文彦用人不明呀?系佢地足智多谋定系王文彦庸碌无能呀? 边个至系高明统帅, 咩野至系高明统帅战绩已经讲明一切!! 仲有如果唔系多得施永青, 中原点会有今日?如果王文彦仲系中原阻住地球转, 中原只会系第二个怡居, "100间分行都不成问题", 哂气喇!王文彦最叻咪就系做大淡友, 旺市既时候吹淡风话有危机, 到跌市既时候就走出黎耀武扬威话自己睇市几咁准! 喂经济既野有高有低, 佢一味吹淡一定中架!唔通大旺市既时候我地又话佢讲得唔岩呀! 佢会开100间分行, 怡居唔结业已经偷笑喇!!!

 

回应3:细心人2009-02-14 12:04:59

 

上面嗰两位睇唔过眼嘅人同埋自荐,睇嘢似乎表面啲:

 

1.         施永青、黄建业佢哋内心好可能亦呻冇人才用,只不过佢哋唔敢学王文彦我手写我心唧。施永青时时閙手下一啲高层无料到,但死好命上咗位,呢啲其实就系呻冇人才用。

 

2.         施永青、黄建业冇人才用嘅问题,的确无王文彦咁严重,因为中原、美联大行嘅效应,比较能滙聚人才,依家啲Sales,急功近利,成日谂住树大好遮荫,系人都去中原、美联嗰啲大行啦,所以唔可以简单咁认为施永青、黄建业叻,王文彦唔叻。

 

3.         美联喺1973年创业,中原喺1978年创业,王文彦喺2000年先至接过怡居嚟做,嗰时中美已经系数一数二各有二、三百间分行嘅大行,大家起点唔同,中原美联喺施永青、黄建业带领下越做越大有乜出奇,佢哋随便增加10%分行都成二、三十间啦。自荐你哋两个人试吓依家开始做地产发展吖,睇下十年后,你哋搞嘅公司叻,定系李泽巨依家带领嘅长实威。

 

4.         咩嘢时候收缩,咩嘢时候扩充,系大学问。当形势唔好,收缩嚟保持实力系聪明,死咁撑住唔缩,甚至乱咁扩充,系死蠢。由於大家都唔清楚点解沙田怡居果阵要收缩,我哋呢啲局外人唯有谂王文彦必有佢嘅苦衷,佢依家想请见习分行经理咪系想扩充罗。过去一年,中美嘅分行,都由280300间收缩到200220间,佢哋收缩得仲劲,自荐两个人点解唔闹吓施永青、黄建业呢?

 

5.         中原开头嘅14年主要系由王文彦带领(呢点系施永青讲嘅),喺佢带领下,中原喺87年已经超越咗美联成为淋巴温,中原今日嘅江山系佢打番嚟嘅,佢系中原嘅开国皇帝,单系呢样,佢已证明咗佢嘅高明。

 

6.         王文彦离开中原嗰时,中原当时系最强嘅霸主。施永青利用咗呢个基础嚟做大做好中原,唔可以证明佢高明过王文彦。想知王、施、黄边过更高明,最好要佢哋喺相同嘅条件下创业,睇边个先突围而出。

 

7.         中细行有好多局限,单系唔容易请到好啲嘅人才就攞佢哋命,因为唔够大行争。怡居仲未做到越开越多,越做越大,呢啲都系中细行常见嘅问题。张锦成够强啦,咪又系玩咗三、四年就香咗。讲晒,中细行都系喺唔平等唔公平嘅条件下同中美竞争,佢哋要追上嚟,认真唔容易。

 

8.         自荐同埋睇唔过眼嘅人睇嚟似大行嘅Sales,我想提醒你哋,踩中细行嚟抬高大行未必对你哋有利,依家大行猛咁裁员减佣,如果啲中细行都冧晒,有朝一日大行炒你哋,你哋仲有边度可以投靠呀。万一你两个喺中原人,就仲滑稽,踩中原开国皇帝咪就系踩中原,你两个都无面喎。

 

回应4:自荐2009-02-15 01:15:52

 

咁长安地产又点?开波个阵,中原都唔见得好大wor

 

根据细心人的逻辑,如果怡居跑出,就证明王文彦英明,如果脱脚,就系起跑点唔同,唔可以比较。

 

回应5:细心人2009-02-27 10:51:22

 

回应自荐

 

对唔住,咁迟至覆,无办法,搵食艰难,有大deal扯,牙较战要放埋一边。

 

王文彦喺92年头创立长安地产时,只有中环写字楼总行一间,而中原当时已有二十零间分行,长安同中原规模比较仲系蚊脾牛脾。要比较,唔止要比较量,仲要比较质,王文彦曾经提过:『到1992年初我离开中原时,中原这个地产代理界冠军无论在公司规模和业绩方面,都远在亚军美联之上(约为它的1.5),论公司声誉之卓著,架构及规章制度之完备,人才之鼎盛(中原现时的最高层当权派及当时的,几乎是同一班底)及营销部队之精锐,中原当时都一时无两,我离开时亦没有带走一兵一卒,整间公司完整无缺。施先生是在这个基础上开展他对中原的管治的。』。王文彦呢个中原开国皇帝将中原做得太大太强,使到『不带一兵一卒』就离开中原开设长安嘅佢,一开波就面对一只自己凑大嘅拦路虎。开波兵微将寡,要赶过中原、美联呢两间行内数一数二同埋有长久历史嘅公司,难度确系好高,仲未成功,唔可以就咁谴责佢渣波。

 

要判断一间公司嘅统帅高唔高明,既要睇结果,睇佢带领间公司做成点,系成功定失败,又要睇过程,睇吓佢打江山过程中表现咗啲乜嘢聪明才智、雄才大略。无错,王文彦直至夷加仲未能成功带领长安或者怡居超越中原、美联,呢个证明佢仲未能创造第二次奇迹,但唔好忘记,佢已经喺78年至92年创造咗第一个大奇迹,就系带领中原从无到有,从小到大,从弱到强,成为行内嘅龙头大哥。佢曾经牙刷刷咁讲:『我离开中原时的92年初,中原无论是规模还是业绩,均为美联的1.5倍左右。尽管中原现时规模(以分行数目及员工人数计)92年初大许多,但美联期间进步更速,规模至今与中原叮当马头,上述多项成绩且有过之(特别是盈利,可视为公司的综合国力,此项胜几乎可视为整体胜)。从量来说,在施先生领导下,中原这些年来有长足进步,但在质来看,中原其实是(较92年初)倒退了。』。不过你又唔怪得佢咁牙刷喎,喺带领中原打江山果14年,佢既成功过(而且系大成功),又喺打江山嘅过程中显示咗高明统帅应有嘅聪明才智、雄才伟略。

 

历史上,唔系每一个高明统帅可以由头到尾都成功。拿破仑最尾都系兵败滑鉄卢,仲俾英国佬放逐同困死喺孤岛,但无人可以否认佢系人类史上最高明嘅统帅之一。毛泽东喺大跃进同文化大革命衰修尾,但无人可以否认佢系一个少见嘅高明统帅,佢嘅军事才能已经喺佢带领中共夺咗国民党江山嘅战争中表露晒。佢嘅军事理论,西方军事家夷加仲写个服字。同样道理,净系开创中原同埋带领中原成为行内第一大行呢件大事,大家已经唔可以否认王文彦系一个高明统帅,佢喺香港地产代理史上会系不朽人物之一。

 

所有想否定王文彦喺地产代理界成就嘅人,唔该你哋先举出有边几个喺地产代理界成就大过佢!

 

回应6:何必苦 2009-02-27 16:06:09

 

回应细心人

 

我相信没有人可以否定王文彦在78-92年期间14年的成就,他的成就,的而且确证明他是一位高明的统帅。

 

不过,正如劲歌金曲的情况一样,大家是聚焦在今季或上一年的十大歌手,十多年前的十大歌手,又有谁人在意?

 

一方面我们要承认事件实在论,但另一方面,我们亦必需向前看,毕竟,现在是十七年后的2009,如果我们仍然沉溺在蔡枫华的回亿中,往后的路更加难走。

 

蒙牛的故事告诉我们,当年牛根生被迫离开伊利,一样可以创立更强大的蒙牛。

 

我给大家的问题如下:

 

1.          何必苦的看法有无失当之处?

 

2.          如有,失当之处在哪些地方?

 

有兴趣参加这个测试的朋友,请在七天内来信到我的电子邮箱,我会选择较有代表性的文章发表,以飨其他读者。最后,我会发表自己的补充意见。

 
 
我要回应
我的称呼
回应 / 意见
验证文字
 
会员登入
登入ID 或 网名
密码