我已经好耐无见过咁有激情既的士司机。
昨日我搭的士由太子去尖沙咀，其实我等车期间都已经有啲惊惊地，因为我怕上车会俾司机闹我咁短程做乜唔搭地铁，但事实系我拎住好多野，搭地铁真系唔太方便。
点知一上车，司机就好有朝气咁同我讲句「先生，早晨！」，我当时呆左一呆，心谂呢个司机系咪有问题？点解佢会咁精神咁有朝气同人讲早晨？我坐左咁多年的士，唔好话早晨，俾钱佢地，有时候连多谢都冇句。
我同佢讲我去尖沙咀，佢一句「收到」之后，就俾油开车。
中午时份既弥敦道好Ｌ多车，但的士司机冇理咁多，踩足70公里响条路上面左穿加插，疯狂过线，其实我怀疑紧佢唔知系咪用另一个方法发我脾气，但命仔紧要，我冇办法既情况下都唯有提一提佢。
我以进为退咁同的士司机讲：「你手车好劲喎！弥敦道开咁快再过线一啲事都冇！」
的士司机双手合掌话：「呢位大哥俾面！我都系半途出家，唔系揸得好叻架咋！」
我见佢车速八十都够胆双手离开軚盘，我就知呢位的士大哥并唔系池中物，佢后生既时候，一定有啲经历。
我继续引导性咁话:「你应该搵唔少啦！你手车咁辣～应该走多好多转！」我故意提高声线，希望佢明白个「辣」字既意思。
「边搵到呀！我同你讲一更车$500，再加入油$200，一日做够$700先够维皮，之后赚到既先系自己，但你又知唔知而家个市好差呀！」佢越讲越激动，我都唔敢出声怕刺激佢，点知佢仲响到讲：「占中之后个市就差到仆捻晒街，吊你老尾，日日开工搵埋都只系够交租，真系吊你老母香港政府！唉呀，唔好意思，我系粗人，成日讲粗口，你唔好介意！」
「唔会介意，我都成日吊人老母架!哈哈！」
司机又继续怒爆：「早两日去左啲新落成既公屋车左几个新移民，你知啦！睇佢地个样加埋个个都系讲普通话，唔系新移民，咁系咩呀！不过，你又唔好以为佢地小野，吊你老尾！佢地几条友话约朋友打牌，点知其中一个话唔得，你知唔知原因系呀？」
「……..呀…….唔知……..」
「原因系条八婆臭閪话要返大陆收租呀！吊佢老母！香港住公屋，大陆有楼收租，我做捻到仆街都唔捻够驶！之前谂住申请公屋攞下啲福利咁，个福利官见到我就话我系香港人，我冇钱，佢唔信，仲叫我唔好呃福利！一个大男人，唔系走投无路都唔会谂住叫政府帮，点知班人就剩系帮大陆人！吊佢老母臭閪！系咪要我攞综援呀！？」
的士大哥闹到脸红耳赤，佢越闹，架车就开得越快；佢越快，我就越惊……
好快就咁到左目的地，落车前我同佢讲:「司机大哥，生活迫人都记住要小心揸车!」呢句说话，我真系发自内心，佢咁揸车法真系好易发生意外。
临关门前，司机大哥话：「先生！你真系好好人呀，我祝你一家人身体健康，生活愉快，幸福美满！」
佢架车就咁开走左，我唔知班福利官系咪真系咁仆街，讲「你系香港人，你冇钱，我唔信」呢句说话，我只系知香港人一直都靠自己双手打拚，唔会堕落到去呃福利咁人渣无赖。
人穷心唔可以穷，自己搵自己食呢种坚强斗志，其实各行各业都应该被人尊重。
App下载
