1. 望东楼 2016-02-03 09:17:17
|
阁下系戏院,有人嗌火烛,你选择即走定睇定先有好多因素,比方戏院多唔人(个市系边期),你有冇细路(几大margin)。好多时你系焗走。
|
2. 如是 2016-02-03 09:31:10
|
东楼兄,博士在阁楼,俯瞰戏院。 王弼 vs 博士,有睇头。
|
3. SHUN 2016-02-03 10:23:22
|
昨天走到货咪叻仔罗…………今日股市又大插、唔影响到楼市、我才不信、慢慢跌、过多一、两年、比起高位跌五、六成有乜奇怪吖!狮子银行已经带头冻薪、下年out人再减人工、到时人踩人、乜野刚性需求又无人会提及!
|
4. LYC 2016-02-03 10:50:43
|
只是短暂心理因素有影响,楼系必须品,唔同股票,唔通卖咗层楼去瞓街咩,去租楼住都冇face啦,耐唔耐又要被迫搬家,居无定所,傻的吗! 2011年股市大跌,啲叻仔咪沽空啲楼去租屋住罗!!
|
5. SHUN 2016-02-03 11:40:46
|
供楼连什费$25000……租楼$10000、仲系租客占上风嘅时候、讲多无谓、止蚀啦!
|
6. LYC 2016-02-03 11:58:15
|
这里个个收完租供楼还有钱袋!租屋咁笋,咁你咪继续交租罗,十年八年后我啲楼都差不多供甩晒lu。
|
7. SHUN 2016-02-03 12:50:12
|
12-3年前又唔见D人仆到去买楼?10年后变成点我相信没人敢大声讲可能楼上果位你本事啦!但呢两年买左果D就仆到直一直
|
8. LYC 2016-02-03 12:56:58
|
CCL只不过跌了一成,未计租金收入,有几仆直呀!? 买了外币股票就真系仆直,就算隔离王生我估都输啦!
|
9. SHUN 2016-02-03 12:58:10
|
最后一句、E家成交个案一个低价於一个、你可以唔认吗?千其唔好攞D超级豪宅个案出来、我一向都系低下层、李加乘果D人我无资格比!
|
10. LYC 2016-02-03 13:07:44
|
现在报纸所讲啲劈价成交个案既单位系质素整差,拿这些成交和楼市高位时高质素单位比,梗系话跌了好多啦,高质素单位事实上只不过回了些小!
|
11. Alan Pepper 2016-02-03 13:32:24
|
LYC SHUN
两位好,其实两位都啱,楼价正在下跌系事实,十年后供完一倍亦很有可能。希望各位都蠃!
|
12. Alan Pepper 2016-02-03 13:33:18
|
LYC SHUN
两位好,其实两位都啱,楼价正在下跌系事实,十年后供完(及升)一倍亦很有可能。希望各位都蠃!
|
13. SHUN 2016-02-03 13:45:53
|
四叔卖楼点解送大利是?(变相减价)另有投资者拆售车位(经济下滑、第一样就唔养车)呢D不是利淡讯号吗?本人并不反对买楼、但买贵左&唔止蚀、之后就要自己承担、唔好以为有人可怜你!
|
14. 老饼 2016-02-03 15:57:04
|
短线下跌(二三年)有何不可,长线上升(十年八年)又有甚么不可能,只是短期个势唔好就要忍一忍,之前有c兄讲年尾ccl会否去到118,不如走短线以一月计数今天ccl好似大约132,如下月今天ccl低过此数就某君赢,高过就另外一个赢,无谓争辩.
|
15. 蓄芳待来年 2016-02-03 18:13:38
|
人踩人未见,惊吓度不足,仍需忍耐。功课照做,唯持份者态度依然坚挺。 样样都系比较,今日再审视了一下楼股两项工具,一年前有人对转身速度四字嗤之以鼻,不知今日又作何想?DSD系双面刃,以前焗住你赚,依家,焗住你受折磨。 投资,大部分人都有一个通病:吾肯蚀/蚀底。
|
16. 老饼 2016-02-03 18:43:54
|
旧年买楼就惨D,前年买楼都系打和,几年前买楼仲有成倍利润,除非真系人踩人,否则现在都系赚住睇形势,楼同股市都是一样,慢慢跌先冇戒心.
|
17. Tony lam 2016-02-03 21:40:36
|
有排低息、印出嚟嘅银都要揾位泊嘅!楼市塌就未必、但已经买卖两闲、中细码货等钱使嘅、间唔中会有惊吓价、山顶钻石货就唔作得准、咁低成交仲赌乜Q ccl吖、老C而家都要谂上市、你估佢怕竞争者咩?我就话保住自己私人身家先真!
|
18. Tony lam 2016-02-03 22:19:19
|
美国佬手法好似大笪地D卖假药、明明你龙精虎猛、都噏到你好彩遇见佢、否则过到初一过唔到15、阿爷而家咁大嘅底数、年年上3%都唔讲得小啦!7%根本系奇迹、三十几年嚟、有边年冇唱阿爷甩辘㗎、但还看今朝、美国佬已经唱到歇斯底里、茅趸使横手失哂台型,但老表就周游列国、带足子弹四围落注、大到美+日都跟到索气。 香港冇得塌嘅!争在你喺乜价位做买卖啫!阿妈系女人、但发烧时真系唔记得阿妈性别。
|
19. 无奈 2016-02-04 07:37:24
|
中国今非昔比,20年前增长百分之二十已非易事,今贵为经济体2哥,的确3%增长是相当好了,甚至可谓奇迹了。1哥望穿秋水。
个人体验,6%增长是有水份的。
|
20. Tony lam 2016-02-04 10:12:10
|
同美国佬格剑班精英老表、好小蒲头噏嘢、但玩到索罗斯晕陀陀、只用传统智慧、平就多多都储、贵就唔追、胜在老子有本、储咗又用得着、呢D就系大拙胜巧嘅示范、问吓un un脾上到岸D老友就知。
|
21. 感谢你的提点 2016-02-04 10:36:08
|
看了一年多..... 感谢各人的论点,获益良多,学会了无论论点如何,自己都要通过滤化和内化作投资或买卖决定....
本人上年以3.6M卖走了一个实用285尺(不需要供楼)的细价楼,再以4.6M买入一个实用520尺的细价楼(付五成,供五成)。虽然人人说2015年买楼的人很惨..... 虽然我现在又要供楼,但我实在不想租楼住,亦希望过上好一点的日子(空间大一些),加上我看了博士的文章,平衡过自己的财政和能力,结果还是在2015年做了这年傻事 ... :P
|
22. 十郎 2016-02-04 14:47:57
|
有人劝买, 就有人劝卖
"逃生门", 我反覆睇咗十次, 因为我唔明白, 我唔明 : (1) 卖后升咗买唔番(走错鬼). (2) 跌咗都唔买番(不重返火场) (3) 少人买野, 可以荀价执货(出口术). 文中隐约粪土"逃生门"及论者, 我无以为应, 直至见到芳兄说"唔肯蚀", 我才"叮"一声.
"逃生门" 即如 "止蚀门", 止蚀在投资领域, 好重要, 知易行难, 小弟做唔到. 擧个例 : 我用十万买一只股票, 佢下跌10%, 好多师兄止蚀, 袋番9万离场, 理由系佢有9万, 希望赢番一万, 唔难, 如果任由其下跌, 如50%(388), 或者80%(2888), 袋住5万或者2万, 想番本十万, 系要升100%或者400%, 虽诸葛先生, 难善其后也.
在股票市场, 止蚀真系话都无咁快, 在键盘上, 一分钟都唔驶, 两日后自动转帐, 如果要买另一只(不重返火场), 两日都唔驶等, 下一分钟就可以完成. 楼宇就轮尽些, 由计画止蚀或止赚, 到行动的时候, 可以面目全非.
卖咗的股票升咗, 可以买番的, 就当买保险, 付出保险费.
|
23. 引刀一快 2016-02-04 17:15:02
|
住,系刚需
赚钱,系刚需中嘅刚需
唔想蚀钱,系刚需刚需刚刚需
最简明嘅概括。
|
24. 蓄芳待来年 2016-02-04 18:33:46
|
To 21/F师兄: 是否傻事,不要用外人的观点衡量。绝大部份人买楼都着重primary gain,但作为自住用家,secondary gain更为重要。 若以投资角度看,我认为你做对了,放弃将会被淘汰的蚊型单位,系明智决定。况且贵卖平买(尺价平了成$3700/尺),一开波已经赚咗,恭喜晒!
|
25. 十郎 2016-02-04 20:46:40
|
刀兄 : 你出文用"住"单字, 令我想起毛泽东, 十六字令三首. 同今天,似唔似.
山, 快马加鞭未下鞍, 惊回首, 离天三尺三.
山, 倒海翻江卷巨澜, 奔腾急, 万马战犹酣.
山, 刺破青天锷未残, 天欲堕, 赖以拄其间.
|
26. 引刀一快 2016-02-05 02:16:12
|
十郎兄
厉害厉害,正正道出楼市风云,妙不可言!
唷!暗地里,毛泽东大战汪精卫...............
|
27. 十郎 2016-02-05 03:49:34
|
刀兄也是夜猫一族, 昼伏夜出.
汪精卫, 其人都好有争议性, 他辩称"曲线救国", 我都疑中留情.
|
28. 望东楼 2016-02-05 08:39:57
|
十郎兄,你似乎系淡中之淡喎。离天三尺三。。。 天欲堕。。。
|
29. 十郎 2016-02-05 08:57:37
|
|
30. 望东楼 2016-02-05 10:13:15
|
|
|