|
1. 历史长河 2016-05-01 09:30:59
|
自政府第一次提出「未来三到四年将有八万三千潜在供应」后，每年实际供应量与预测之间的差额将直接计入新一期的「未来三至四年的潜在供应量」。预计明年今日新一期的[未来三至四年潜在供应量」将达十几万。望梅都可以止下渴，终有一日，这个数字会去火星。
|
|
2. 望东楼 2016-05-01 09:46:15
|
如果大家对呢个题目有兴趣，可以即刻出街买份信报睇睇。无钱买个啲可以打报钉，就系头版。
|
|
3. 多嘴街 2016-05-01 10:05:06
|
|
|
4. 引刀一快 2016-05-01 10:20:26
|
既然够胆讲九万二，打个九折都有八万三，起码八万三呢个目标稳阵咗喇。
|
|
5. 望东楼 2016-05-01 11:04:39
|
小刀，五一长假唔出去同人迫吓？唔好成日龟缩系天桥底呀。话时话，有几个observations 政府吹咗咁耐，旧年嘅新楼落成量又真系令人失望。 睇番屋企附近，近年旧楼重建唔少，不过拎出嚟卖嘅得两幢，其他全部用来做服务式住宅。服务式住宅嘅需求系咪真系大都咁呢？会唔会同TypeE租金大幅跑输大市有关呢？ 过去几年旺区好多旧楼俾人成幢收购改建做酒店、旅馆、服务式住宅等等，旅游业系可见将来都咁大镬，班大大业主有乜嘅部署呢？ 唔好讲金铺同药房，净系讲业主宠儿（银行）：城市银行—执、渣打银行—执、创兴银行—执。你话点搞？
|
|
6. 十郎 2016-05-01 11:19:56
|
东兄：我都有旧楼给人收购咗，经纪人讲佢地都系建服务式住宅，因为地积比例可以大D, 高咗D。
|
|
7. 真真薯片 2016-05-01 11:32:27
|
长河san讲得有道理, 政府个“未来三四年”系不娜向后移, 当政府卖左地, 发展高挤牙膏慢慢卖, 呢个“未来三四件潜在供应”只会不断升
在雨有两个见解 1/ 呢个数好快穿十万 2/ 未来十年每年私楼实际成交维持万五左右 3/ 当“未来三四年潜在供应”去到12-13万, 同时到政府d地又卖到8899, 政府会再次大幅减慢卖地, 藉口系“去库存”, 事实系“冇地卖”
|
|
8. 萧峰 2016-05-01 13:17:02
|
同意薯片兄见解。
对供应量既问题，呢度已经讨论过好多回。有网友话今次跌系因为供应增多，我唔系好认同，其实旧年呢度好多仁兄都唔系好信政府预期的供应量。我认为今次楼价跌，有以下几个原因：
1）去年中对美国加息的预期，虽然美国出口术，但旧年中开始美国各项指标都开始靓丽，令市场对加息预期越来越强。到12月非农就业实在太靓，令美联储已没有藉口必须加息。
2）去年6月开始，内地差不多每月一次的股灾，动辄千股跌停，拖累港股跟随大跌，股市震荡亦会波及楼市，在a股千股跌停的时候，上海曾出现很多豪宅急售盘，因为要变现。股市套牢资金，令一些损手客不得不在楼市变现。
3）去年8/11 RMB急贬，进一步加剧市场忧虑。
4）去年下半年中国同香港经济都转差，市场悲观情绪高涨。
5）人心所向。旧年急升后，个价已经虚高，大部分人都认为应该调整，故观望不入市，等跌。
|
|
9. 真真薯片 2016-05-01 13:26:01
|
萧峰兄,
在下都认为楼市未来供应唔系太大压力, 压力系有, 不过唔大, 在下估计未来大型新盘入伙都未卖晒会系常态, 不过发展商会努力囤货托价, 系可见将来每年一手实际成交维持万五个左右
相比供应, 未来一年更大影响系股市同汇价, 唔知美国会唔会再加息, 亦唔知中港亚洲股市会唔会再急跌, 真系冇人知, 如果美元又上返110, 人仔又贬过, 咁港楼就会再跌一浪, 相反如果无风无浪, 港楼应该已经见左底
|
|
10. 萧峰 2016-05-01 13:55:10
|
同意薯片兄。
很多时候，我们忽略了发展商既实力，忽略了建筑期、楼花出售期、甚至现楼留存期的伸缩性。
如果我系发展商，我当然会因应市况而调整策略，慢慢建（悭返费用）、慢慢卖、货尾都唔洗急。点解？因为楼系好唔同既货品，冇保质期，十几年后卖可能仲值钱，红山半岛、浪澄湾即系。
3月、4月数字显示，中国经济好大机会已经见底，例如出口好左好多，正如薯片兄话，好可能港楼亦已见底。
有仁兄怪市场，跌左10%+太少，其实最差时跌左20%+，你自己个时唔去执，依家怪市场系冇意思既，机会曾经出现过。
|
|
11. 真真薯片 2016-05-01 14:00:02
|
萧峰兄,
政府推地增加供应, 发展商调节返供应去托价保利润系必然发生
至於中国经济见底未, 美元会唔会升返, 在下就认为真系五五波, 好难讲, 过去几年美元都系一年升一浪, 睇美元指数依家系横行通道底, 底部唔破, 佢要上返顶都唔奇, 如果美元上返10x, 中港股市人民币同港楼都会有压力, 至於会唔会发生, 在下就觉得美元升返机会大dd, 可以55%, 本来机会应该更高, 不过美国大选不确定性更大, 好难估
在下认为现价买楼, 如果买比较平既一手楼, 顶多捱价一成至一成半, 等十年后果“三四年潜在xx万供应”卖晒之后, 应该就会升返突
|
|
12. 萧峰 2016-05-01 14:19:30
|
薯片兄
美国经济是否真系咁好，我有保留。如果真系好既，两年前已经加息，有人话美联储过去几年系不停出口术，我唔系好认同，我认为佢地系想加息，慢慢收番QE既负面效应，但d数据反反覆覆，佢地真系好想加而加唔到。
|
|
13. 萧峰 2016-05-01 14:23:53
|
另外，去年人仔急贬，唔系因为美元强，还因为中国经济差，令RMB有压力，上次急贬后中国要动用大笔外储去托汇价，未来中国会否再令急贬发生？有外汇管制，你懂的.....
|
|
14. 真真薯片 2016-05-01 14:36:26
|
萧峰兄,
在下反而觉得美元升唔升返同中美经济本身好唔好冇乜关系, 在下觉得纯粹系资金流向炒完一浪又一浪, 如果美元第四季又升返上10x, 炒返三几个月到半年, 又涌起一浪走资潮, 炒完美元又会跌返, 即系上年10月到今年2月既事重复一次, 中几年东南亚已经比美元玩左好几轮, 先搞印尼, 跟住大马, 最黎新加坡, 每年搞你一济, 中美经济好唔好只系藉口而已, 而阿爷近排虽然经济回稳, 但系就收紧海淘, 整顿支付宝, 在下觉得阿爷系做紧防风措施, 当然做防风措施唔代表系会打风, 但系至少代表阿爷觉得有风险
|
|
15. 望东楼 2016-05-01 15:37:13
|
|
|
16. 萧峰 2016-05-01 15:45:18
|
薯片兄
这就是你我观点上既差异，唔紧要，唯有等市场来证明，大家都系预期。
小段文章分享：
「美国企业的盈利表现，也表明美国经济未来的前景仍然低迷。在过去的一个星期内，大约有100家左右的美国公司公布财报，其中有大约90家企业的财报低于市场的预期。 美国首席投行高盛的第一季度财报可以给我们一些启示：高盛一季度每股收益为2.68美元，去年一季度为5.94美元；净利润从28.4亿美元跌至11.4亿美元，同比减少60%；营收从106.2亿美元跌至63.4亿美元，同比跌幅达40%，为首席执行官Lloyd Blankfein自2006年上台以来的最低水平，预期为66.9亿美元。这样的一份财报当然不能算好看，而这仅是美国银行业的一个缩影而已，多数银行都出现净利润减半的状况，这样的表现似乎距离“周期性”复苏越来越遥远。当然也有人会说，银行业的顶峰已经过去，没错，但是代表着新兴力量的苹果公司财报也与预期相差甚远，昨晚苹果公司的股价跌幅也超过了6%。」
|
|
17. 十郎 2016-05-01 16:31:54
|
今日，想去买改错字带，想极都不知道，那里有书坊铺，出街去碰碰吧，最终在三联购得。
有人告诉我，有一间屋邨非常非常旧的书局，因为斗兽棋被海关人控告，原因是斗兽棋的纸太薄，罚一万。店主R晒头，关我乜事？愤而‘摺埋’。店主英明！佢一开门，起码有十宗罪，单是西瓜波，油漆可能含铅都可以死得。
有人问，面包铺D菠萝包有冇菠萝？鸡尾包有冇鸡尾？有冇危险？ 点样答？哈哈.......。
|
|
18. 浪子心声 2016-05-01 16:41:50
|
昨天政府公布最新未来3年供应量增至9万2，除了近日楼价有轻微回升外，汤博士在4月28日编文「没有库存的去库存计划」都有一定影响都未定！！
博士差不多话到政府的8万7供应就是「底牌」，土地供应无「持续性」，上网有人重话政府得「2仔底」，这样政府重唔骚下quali，楼市真系爆升点算呀！
这个9万2供应量话畀市民知，政府唔系「2仔底」，有料未出尽，玩show hand唔一定要揸大牌先赢到，吓到人就得啦！！
我个人相信政府对土地供应的「持续性」有一定认知，除了9万2还有后着。
由於楼价的大升或大跌对有楼和无楼人仕一样产生不同情度的矛盾，楼价软着陆是最好的，有楼D人不会太伤痛，无楼D人可以慢慢买（买快咗都无所为），地产商新盘可以慢慢卖（赚到尽），最后还能让政府有足够时间开发土地，这样就皆大欢喜啦！！
|
|
19. abc12345 2016-05-01 16:47:02
|
打底完成，CCL蓄势续发，coming星期五应升破131, 五月底升破SMA20 ( 约132.5 )。 老友记~"时间"，在好友这边 。 Yeah !
|
|
20. LYC 2016-05-01 17:28:20
|
好好可惜的是，全部人都知政府只能抢司法地，插针地。收地，旧区重建，开发新区等等全部唔掂。奇就奇在只有淡友睇到一些全部人都睇唔到的地，大概可能在海底或天空之城！ 现在唔系乜着陆的时候，系率先爆上火星的开始，大家要坐稳，有心理准备，未来数年将会升到你唔信，继续GoGoGo!
|
|
21. 浪子心声 2016-05-01 17:37:55
|
LYC，宜家玩show hand, 政府叫9万2，你跟唔跟，你唔跟，唔好响到做傍边鹤，叫人跟。
|
|
22. LYC 2016-05-01 17:56:20
|
浪子唔系四海为家咩，做乜咁紧张呀？ 你咪分享下政府会有什么后着，睇下大家信唔信，跟唔跟罗。我就即刻去扫10间8间，当冲穿外太空时咪沽俾你罗！
|
|
23. 浪子心声 2016-05-01 20:54:42
|
To: LYC兄,
你几时见我好紧张，我好享受睇嚟盘牌局，系几好睇㗎！
见你问得有礼貌咗好多，就答下你啦！
我咁睇，这盘show hand排咗出嚟D牌（供应量、辣招），可以用经济学或常理分析，但「底牌」和「未排D牌」（你想知嗰D后着），就要用政治分析，因为楼市从来不是自由经济，而系计划经济，所以长远喺讲，这盘show hand的胜负绝对可以由排牌果个（政府）决定。
上次是曾荫权排牌，咁系排D好牌畀地产商啦，所以出什么辣招，都系地产商赢，但现时是梁特在排牌，地产商咁本上无得赢。还有实际真正排牌系「习主席」，所以下次排牌果个都系要排哀牌畀地产商，所以嘉诚哥在上年政府出8万2时已经唔跟，还记他说了什么，就系「今时今日，边个话做地产一定赚，我就话佢叻！」
|
|
24. Carson 2016-05-02 09:46:54
|
楼市大话骰，点可以越嗌越细㗎！你唔信佢九万二，咪开佢罗。
回17楼： > 因为斗兽棋被海关人控告，原因是斗兽棋的纸太薄，罚一万。
纸太薄系唔会害到啲细路的，知唔知佢点解俾人告？因为而家嗰啲唔系纸，系胶，啲棋粒粒都系轻飘飘又易烂嘅胶，张底（胶）纸又系，轻到飘下飘下，细路仔唔识嘢拎佢入口一索，就成张吸入去封喉。所以海关拉佢唔系冇道理的，佢唔入呢啲咁cheap 嘅货就冇事。
|
|
25. 黑马 2016-05-02 18:36:34
|
九万二也好，八万三也好，现在只是政府和地产发展商之间的博弈。真正的压力不是来自於预测供应量，而是已建成竣工但尚未出售量。 如果你有多余钱，想买屋收租，净回报有3％或以上，现在肯定是可以进入市场。如果你想买一手，记得要回X。现在，回X数额之高，个中原因我们当然明白。 或者，如果你跟我一样只售出2010年后入的货，今年未有计划入市，你可以六月底后玩下股市，今年收益应该是不错的。
|
|
26. Tony lam 2016-05-02 19:48:03
|
话实升到打穿大气层、咁洗Q喊惊咁要减辣咩、照睇梗系㩜咗D贵口货、走唔甩辣到标冷汗、扎实咗、贵利按揭收租唔够供、散水未够钟要抽重水、分分钟要蚀水、唯有下有冇傻仔接个砂炮啦！ 而家亘联网资讯咁发达、山卡啦都知价钱、做买卖一定要实惠、唔好怀念・盲官黑帝・果时打做嘅繁荣、冇咗通街偏财时嘅暴利啦！铺/写字楼租自然合理D、老实做生意、香港实有运行㗎。 香港人冇买楼唔洗瞓天桥底嘅 ! 置业安居都系想安稳啫、但怕执输唔睇荷包就上车、上咗车唔系过咗骨、要供㗎 ! 到时就要闭气、呼吸都系压力。 谂住升穿大气层就散水 ? 呢D系赌 ! 咁就祝君好运 ! 买咗楼有时间、不妨巡下天桥底、两手准备先至系投资正道。
|
|
27. Tony lam 2016-05-02 19:58:24
|
|
|
28. 浪子心声 2016-05-02 20:28:42
|
To 25楼:
非常认同你的睇法，你不是黑马，而投资好马。 多谢指点。
|
|
29. 历史长河 2016-05-02 21:06:26
|
回23楼浪子兄，
「今时今日，边个话做地产一定赚，我就话佢叻！」
有冇李sir 原文的出处？
啱啱搜索一下，未揾到，不过发现你在23楼的一段分析同香讨一位名为「香港仔2015」的留言一字不差。可以解释一下吗？如下：
| 香港仔2015 一星级会员 
- 帖子
- 93
- 积分
- 105
- 金币
- 0
- 注册时间
- 2015-11-8
| 这盘show hand排咗出嚟D牌（供应量、辣招），可以用经济学或常理分析，但「底牌」和「未排D牌」（后），就要用政治分析，因为楼市从来不是自由经济，而系计划经济，所以长远喺讲，这盘show hand的胜负绝对可以由排牌果个（政府）决定。
上次是曾荫权排牌，咁系排D好牌畀地产商啦，所以出什么辣招，都系地产商赢，但现时是梁特在排牌，地产商咁本上无得赢。还有实际真正排牌系「习主席」，所以下次排牌果个都系要排哀牌畀地产商，所以嘉诚哥在上年政府出8万2时已经唔跟，还记他说了什么，就系「今时今日，边个话做地产一定赚，我就话佢叻！」引用:原帖由 LeoWong77 於 2016-5-1 06:52 PM 发表 
乜政府重有地咩，全部都山旮旯 | | |
|
|
30. 浪子心声 2016-05-02 21:25:40
|
|
|
31. 历史长河 2016-05-02 21:37:36
|
|
|
32. 黑马 2016-05-02 21:47:38
|
补充一句，政府和地产发展商之间的博弈，无论真的还是假的，也没有必要认真对待 --- "不要忘了下次选举即将登场"
|
|
33. 浪子心声 2016-05-02 22:03:48
|
非常认同「没有必要认真对待」，其实大局已定，但得闲睇下啲细节发展，如看「三国演义」。
|
|
34. 二万九 2016-05-02 22:52:26
|
莫说九万二，我想政府连二万九也提供不了， 信政府一成都死鸠左。
|
|
35. 黑马 2016-05-02 23:59:12
|
我个人七月至十月将在股市玩下，十一月后再分析已建成竣工但尚未出售量，之后我会研究CY和地产发展商的演出细节，我想在那个时候我可以决定再次入货的合适时间。 反正，现在地产发展商还未有入戏。
|
|
App下载
